ദുർഗു​ണ​പൂ​രി​ത​മായ ലോക​ത്തിൽ സദ്‌ഗു​ണം നിലനിർത്തൽ

“വക്രത​യും കോട്ട​വു​മുള്ള തലമു​റ​യു​ടെ നടുവിൽ നിങ്ങൾ അനിന്ദ്യ​രും പരമാർത്ഥി​ക​ളും ദൈവ​ത്തി​ന്റെ നിഷ്‌ക​ള​ങ്ക​മ​ക്ക​ളും ആകേണ്ട​തി​ന്നു എല്ലാം പിറു​പി​റു​പ്പും വാദവും കൂടാതെ ചെയ്‌വിൻ.”—ഫിലി​പ്പി​യർ 2:14.

1, 2. കനാന്യ​രെ ഉന്മൂലനം ചെയ്യാൻ ദൈവം ആവശ്യ​പ്പെ​ട്ടത്‌ എന്തു​കൊ​ണ്ടാ​യി​രു​ന്നു?

യഹോ​വ​യു​ടെ കൽപ്പനകൾ അനുര​ഞ്‌ജ​ന​ത്തി​നു യാതൊ​രി​ട​വും നൽകു​ന്നില്ല. ഇസ്രാ​യേ​ല്യർ വാഗ്‌ദ​ത്ത​ദേ​ശത്തു പ്രവേ​ശി​ക്കാൻ തുടങ്ങുന്ന ഘട്ടത്തി​ലാ​യി​രു​ന്നു പ്രവാ​ച​ക​നായ മോശ അവരോട്‌ ഇങ്ങനെ പറഞ്ഞത്‌: “അമോ​ര്യർ, പെരി​സ്യർ, കനാന്യർ, ഹിവ്യർ, യെബൂ​സ്യർ എന്നിവരെ നിന്റെ ദൈവ​മായ യഹോവ നിന്നോ​ടു കല്‌പി​ച്ച​തു​പോ​ലെ ശപഥാർപ്പി​ത​മാ​യി സംഹരി​ക്കേണം.”—ആവർത്ത​ന​പു​സ്‌തകം 7:2; 20:17.

² യഹോവ കരുണാ​മ​യ​നായ ദൈവ​മാ​യി​രി​ക്കെ, കനാനി​ലെ നിവാ​സി​കളെ ഉന്മൂലനം ചെയ്യാൻ അവൻ എന്തു​കൊ​ണ്ടാണ്‌ ആവശ്യ​പ്പെ​ട്ടത്‌? (പുറപ്പാ​ടു 34:6) ‘കനാന്യർ തങ്ങളുടെ ദേവപൂ​ജ​യിൽ ചെയ്‌ത സകല​മ്ലേ​ച്ഛ​ത​ക​ളും ചെയ്‌വാൻ ഇസ്രാ​യേ​ലി​നെ പഠിപ്പി​ച്ചിട്ട്‌ [ഇസ്രാ​യേൽ] യഹോ​വ​യാം ദൈവ​ത്തോ​ടു പാപം ചെയ്യാ​തി​രി​ക്കേണം’ എന്നതാ​യി​രു​ന്നു ഒരു കാരണം. (ആവർത്ത​ന​പു​സ്‌തകം 20:18) “ആ ജാതി​യു​ടെ ദുഷ്ടത​നി​മി​ത്ത​മ​ത്രേ യഹോവ അവരെ നിന്റെ മുമ്പിൽനി​ന്നു നീക്കി​ക്ക​ള​യു​ന്നതു” എന്നും മോശ പറയു​ക​യു​ണ്ടാ​യി. (ആവർത്ത​ന​പു​സ്‌തകം 9:4) ദുർഗു​ണ​ത്തി​ന്റെ മൂർത്തി​മ​ത്‌ഭാ​വ​മാ​യി​രു​ന്നു കനാന്യർ. അവരുടെ ആരാധ​ന​യു​ടെ സവി​ശേ​ഷ​ത​ക​ളാ​യി​രു​ന്നു ലൈം​ഗി​ക​വൈ​കൃ​ത​വും വിഗ്ര​ഹാ​രാ​ധ​ന​യും. (പുറപ്പാ​ടു 23:24; 34:12, 13; സംഖ്യാ​പു​സ്‌തകം 33:52; ആവർത്ത​ന​പു​സ്‌തകം 7:5) നിഷി​ദ്ധ​ബ​ന്ധു​വേഴ്‌ച, സോ​ദോ​മ്യ​പാ​പം, മൃഗസം​ഭോ​ഗം എന്നിവ​യൊ​ക്കെ​യാ​യി​രു​ന്നു ‘കനാൻദേ​ശ​ത്തി​ലെ നടപ്പു​രീ​തി​കൾ.’ (ലേവ്യ​പു​സ്‌തകം 18:3-25) നിഷ്‌ക​ള​ങ്ക​രായ കുട്ടി​കളെ വ്യാജ​ദൈ​വ​ങ്ങൾക്കു ക്രൂര​മാ​യി ബലിയർപ്പി​ച്ചി​രു​ന്നു. (ആവർത്ത​ന​പു​സ്‌തകം 18:9-12) ഈ ജാതി​ക​ളു​ടെ അസ്‌തി​ത്വം തന്റെ ജനത്തിന്റെ ശാരീ​രി​ക​വും ധാർമി​ക​വും ആത്മീയ​വു​മായ ക്ഷേമത്തി​നു ഭീഷണി​യാ​യി​രി​ക്കു​മെന്നു യഹോവ കരുതി​യ​തിൽ തെല്ലും അതിശ​യി​ക്കാ​നില്ല!—പുറപ്പാ​ടു 34:14-16.

3. കനാനി​ലെ നിവാ​സി​കളെ സംബന്ധിച്ച ദൈവ​ത്തി​ന്റെ ആജ്ഞകൾ ഇസ്രാ​യേ​ല്യർ പൂർണ​മാ​യി നിറ​വേ​റ്റാ​ഞ്ഞ​തി​ന്റെ ഫലമെ​ന്താ​യി​രു​ന്നു?

³ ദൈവ​ത്തി​ന്റെ ആജ്ഞകൾ പൂർണ​മാ​യി നിറ​വേ​റ്റാ​ഞ്ഞ​തി​നാൽ, ഇസ്രാ​യേൽ വാഗ്‌ദ​ത്ത​ദേശം പിടി​ച്ച​ട​ക്കി​യ​പ്പോൾ കനാനി​ലെ പല നിവാ​സി​ക​ളും അതിജീ​വി​ച്ചു. (ന്യായാ​ധി​പ​ന്മാർ 1:19-21) കാല​ക്ര​മ​ത്തിൽ കനാന്യ​രു​ടെ കുടില സ്വാധീ​നം അവരെ ബാധിച്ചു. അതു​കൊണ്ട്‌ ഇങ്ങനെ പറയാൻ കഴിയു​മാ​യി​രു​ന്നു: “[ഇസ്രാ​യേ​ല്യർ യഹോ​വ​യു​ടെ] ചട്ടങ്ങ​ളെ​യും അവരുടെ പിതാ​ക്ക​ന്മാ​രോ​ടു അവൻ ചെയ്‌ത നിയമ​ത്തെ​യും അവൻ അവരോ​ടു സാക്ഷീ​ക​രിച്ച സാക്ഷ്യ​ങ്ങ​ളെ​യും നിരസി​ച്ചു​ക​ളഞ്ഞു; അവർ വ്യാജത്തെ പിന്തു​ടർന്നു വ്യർത്ഥ​ന്മാ​രാ​യി​ത്തീർന്നു; അവരെ​പ്പോ​ലെ ആചരി​ക്ക​രു​തു എന്നു യഹോവ കല്‌പി​ച്ചി​രുന്ന ചുറ്റു​മുള്ള ജാതി​കളെ തന്നേ അവർ പിന്തു​ടർന്നു.” (2 രാജാ​ക്ക​ന്മാർ 17:15) വിഗ്ര​ഹാ​രാ​ധന, ലൈം​ഗിക അമിത​ത്വ​ങ്ങൾ, ശിശു​ബലി തുടങ്ങി ഏതെല്ലാം ദുർഗു​ണങ്ങൾ നിമി​ത്ത​മാ​ണോ കനാന്യ​രെ ഉന്മൂലനം ചെയ്യാൻ ദൈവം കൽപ്പി​ച്ചത്‌ അതേ ദുർഗു​ണ​ങ്ങൾതന്നെ വർഷങ്ങൾ പിന്നി​ടവേ ഇസ്രാ​യേ​ല്യ​രും ചെയ്‌തു​പോ​ന്നു!—ന്യായാ​ധി​പ​ന്മാർ 10:6; 2 രാജാ​ക്ക​ന്മാർ 17:17; യിരെ​മ്യാ​വു 13:27.

4, 5. (എ) അവിശ്വസ്‌ത ഇസ്രാ​യേ​ലി​നും യഹൂദ​യ്‌ക്കും എന്തു സംഭവി​ച്ചു? (ബി) ഫിലി​പ്പി​യർ 2:14, 15-ൽ കൊടു​ത്തി​രി​ക്കുന്ന ഉദ്‌ബോ​ധനം എന്താണ്‌, ഏതു ചോദ്യ​ങ്ങൾ ഉദിക്കു​ന്നു?

⁴ അതു​കൊണ്ട്‌ പ്രവാ​ച​ക​നായ ഹോശേയ ഇങ്ങനെ പ്രഖ്യാ​പി​ച്ചു: “യിസ്രാ​യേൽമ​ക്കളേ, യഹോ​വ​യു​ടെ വചനം കേൾപ്പിൻ; യഹോ​വെക്കു ദേശനി​വാ​സി​ക​ളോ​ടു ഒരു വ്യവഹാ​രം ഉണ്ടു; ദേശത്തു സത്യവും ഇല്ല, ദയയും ഇല്ല, ദൈവ​പ​രി​ജ്ഞാ​ന​വു​മില്ല. അവർ ആണയി​ടു​ന്നു; ഭോഷ്‌കു​പ​റ​യു​ന്നു; കുല ചെയ്യുന്നു; മോഷ്ടി​ക്കു​ന്നു; വ്യഭി​ച​രി​ക്കു​ന്നു; വീടു​മു​റി​ക്കു​ന്നു; രക്തപാ​ത​ക​ത്തോ​ടു രക്തപാ​തകം കൂട്ടുന്നു. അതു​കൊ​ണ്ടു ദേശം ദുഃഖി​ക്കു​ന്നു; അതിലെ സകലനി​വാ​സി​ക​ളും വയലിലെ മൃഗങ്ങ​ളും ആകാശ​ത്തി​ലെ പറവക​ളും ക്ഷീണി​ച്ചു​പോ​കു​ന്നു; സമു​ദ്ര​ത്തി​ലെ മത്സ്യങ്ങ​ളും ഇല്ലാ​തെ​യാ​കു​ന്നു.” (ഹോശേയ 4:1-3) പൊ.യു.മു. 740-ൽ, ദുഷിച്ച വടക്കേ രാജ്യ​മായ ഇസ്രാ​യേ​ലി​നെ അസീറിയ ജയിച്ച​ടക്കി. അതു നടന്ന്‌ ഏതാണ്ട്‌ ഒരു നൂറ്റാണ്ടു കഴിഞ്ഞ​പ്പോൾ, അവിശ്വസ്‌ത തെക്കേ രാജ്യ​മായ യഹൂദയെ ബാബി​ലോൻ കീഴടക്കി.

⁵ ദുർഗു​ണം നമ്മു​ടെ​മേൽ സ്വാധീ​നം ചെലു​ത്താൻ അനുവ​ദി​ക്കു​ന്നത്‌ എത്രയോ അപകട​ക​ര​മാ​ണെന്ന്‌ ഈ സംഭവങ്ങൾ വരച്ചു​കാ​ണി​ക്കു​ന്നു. അനീതി​യെ വെറു​ക്കുന്ന ദൈവം തന്റെ ജനത്തിന്റെ ഇടയിൽ അത്‌ അനുവ​ദി​ക്കു​ക​യില്ല. (1 പത്രൊസ്‌ 1:14-16) മേൽക്കു​മേൽ ദുഷി​ച്ചു​കൊ​ണ്ടി​രി​ക്കുന്ന ഒരു “ദുഷ്ട​ലോ​കത്തി”ലാണു നാം ജീവി​ക്കു​ന്ന​തെ​ന്നതു സത്യമാണ്‌. (ഗലാത്യർ 1:3; 2 തിമൊ​ഥെ​യൊസ്‌ 3:13) അപ്പോൾപോ​ലും “വക്രത​യും കോട്ട​വു​മുള്ള തലമു​റ​യു​ടെ നടുവിൽ നിങ്ങൾ അനിന്ദ്യ​രും പരമാർത്ഥി​ക​ളും ദൈവ​ത്തി​ന്റെ നിഷ്‌ക​ള​ങ്ക​മ​ക്ക​ളും ആകേണ്ട​തി​ന്നു . . . ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കുന്ന” വിധത്തിൽ പ്രവർത്തി​ച്ചു​കൊ​ണ്ടി​രി​ക്കാൻ ദൈവ​വ​ചനം എല്ലാ ക്രിസ്‌ത്യാ​നി​ക​ളെ​യും ഉദ്‌ബോ​ധി​പ്പി​ക്കു​ന്നു. (ഫിലി​പ്പി​യർ 2:14, 15) എന്നാൽ ദുർഗു​ണ​പൂ​രി​ത​മായ ലോക​ത്തിൽ നമു​ക്കെ​ങ്ങനെ സദ്‌ഗു​ണം നിലനിർത്താൻ സാധി​ക്കും? അതു വാസ്‌ത​വ​ത്തിൽ സാധ്യ​മാ​ണോ?

ദുർഗു​ണ​പൂ​രി​ത​മായ റോമൻ ലോകം

6. സദ്‌ഗു​ണം നിലനിർത്തു​ക​യെ​ന്നത്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ ഒരു വെല്ലു​വി​ളി​യാ​യി​രു​ന്നത്‌ എന്തു​കൊണ്ട്‌?

⁶ സദ്‌ഗു​ണം നിലനിർത്തു​ക​യെ​ന്നത്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ ഒരു വെല്ലു​വി​ളി​യാ​യി​രു​ന്നു. കാരണം, റോമൻ സമൂഹ​ത്തി​ന്റെ സമസ്‌ത​ത​ല​ങ്ങ​ളി​ലും ദുർഗു​ണം പടർന്നു​ക​യ​റി​യി​രു​ന്നു. റോമൻ തത്ത്വചി​ന്ത​ക​നായ സെനിക്ക തന്റെ സമകാ​ലി​ക​രെ​ക്കു​റിച്ച്‌ ഇങ്ങനെ പറഞ്ഞു: “ദുഷ്ടത​യു​ടെ ശക്തമായ കിടമ​ത്സ​ര​ത്തിൽ പുരു​ഷ​ന്മാർ പോരാ​ടു​ന്നു. ഓരോ ദിവസ​വും തിന്മ ചെയ്യാ​നുള്ള ആഗ്രഹം കൂടി​വ​രു​ന്നു, അതി​നോ​ടുള്ള ഭയം കുറഞ്ഞു​വ​രു​ന്നു.” അദ്ദേഹം റോമൻ സമൂഹത്തെ താരത​മ്യ​പ്പെ​ടു​ത്തി​യത്‌ “വന്യമൃ​ഗ​ങ്ങ​ളു​ടെ ഒരു കൂട്ട”ത്തോടാണ്‌. ആ സ്ഥിതിക്ക്‌, വിനോ​ദാർഥം ക്രൂര​മായ വാൾപ്പ​യ​റ്റും മ്ലേച്ഛമായ നാടക​രം​ഗ​ങ്ങ​ളും അവർ നടത്തി​യി​രു​ന്ന​തിൽ ഒട്ടും അതിശ​യി​ക്കാ​നില്ല.

7. പൊ.യു. ഒന്നാം നൂറ്റാ​ണ്ടിൽ പലരു​ടെ​യും ഇടയിൽ സാധാ​ര​ണ​മാ​യി​രുന്ന ദുർഗു​ണ​ങ്ങളെ പൗലൊസ്‌ വിവരി​ച്ച​തെ​ങ്ങനെ?

⁷ പിൻവ​രു​ന്ന​പ്ര​കാ​രം എഴുതി​യ​പ്പോൾ ഒന്നാം നൂറ്റാ​ണ്ടി​ലെ ആളുക​ളു​ടെ അധമമായ പെരു​മാ​റ്റ​മാ​യി​രു​ന്നി​രി​ക്കാം പൗലൊസ്‌ അപ്പോ​സ്‌ത​ലന്റെ മനസ്സി​ലു​ണ്ടാ​യി​രു​ന്നത്‌: “അതു​കൊ​ണ്ടു ദൈവം അവരെ അവമാ​ന​രാ​ഗ​ങ്ങ​ളിൽ ഏല്‌പി​ച്ചു; അവരുടെ സ്‌ത്രീ​കൾ സ്വാഭാ​വി​ക​ഭോ​ഗത്തെ സ്വഭാ​വ​വി​രു​ദ്ധ​മാ​ക്കി​ക്ക​ളഞ്ഞു. അവ്വണ്ണം പുരു​ഷ​ന്മാ​രും സ്വാഭാ​വി​ക​സ്‌ത്രീ​ഭോ​ഗം വിട്ടു അന്യോ​ന്യം കാമം ജ്വലിച്ചു ആണോടു ആൺ അവലക്ഷ​ണ​മാ​യതു പ്രവർത്തി​ച്ചു. ഇങ്ങനെ അവർ തങ്ങളുടെ വിഭ്ര​മ​ത്തി​ന്നു യോഗ്യ​മായ പ്രതി​ഫലം തങ്ങളിൽതന്നേ പ്രാപി​ച്ചു.” (റോമർ 1:26, 27) അശുദ്ധ​മായ ജഡമോ​ഹ​ങ്ങ​ളു​ടെ പിന്നാലെ പാഞ്ഞ റോമൻ സമൂഹ​ത്തിൽ ദുർഗു​ണം നടമാടി.

8. ഗ്രീക്ക്‌, റോമൻ സമൂഹ​ത്തിൽ കുട്ടി​കളെ പലപ്പോ​ഴും ചൂഷണം ചെയ്‌തി​രു​ന്ന​തെ​ങ്ങനെ?

⁸ റോമാ​ക്കാ​രു​ടെ ഇടയിൽ സ്വവർഗ​രതി എത്ര വ്യാപ​ക​മാ​യി​രു​ന്നു​വെന്നു ചരിത്രം വ്യക്തമാ​ക്കു​ന്നില്ല. എങ്കിലും, റോമാ​ക്കാർക്കു മുമ്പു​ണ്ടാ​യി​രുന്ന ഗ്രീക്കു​കാ​രു​ടെ സ്വാധീ​നം അവരു​ടെ​മേൽ ഉണ്ടായി​രു​ന്നു​വെ​ന്ന​തിൽ തർക്കമില്ല. ഗ്രീക്കു​കാ​രു​ടെ ഇടയിൽ സ്വവർഗ​രതി നിലവി​ലി​രു​ന്നു. ബാലന്മാ​രെ ദുഷി​പ്പി​ച്ചി​രുന്ന പ്രായ​മുള്ള പുരു​ഷ​ന്മാർ, ഗുരു-ശിഷ്യ ബന്ധത്തിന്റെ തണലിൽ കുട്ടി​കളെ അധമമായ ലൈം​ഗിക പെരു​മാ​റ്റ​ത്തിന്‌ ഇരയാ​ക്കി​യി​രു​ന്നു. കുട്ടി​ക​ളോ​ടുള്ള അത്തരം ദുർഗു​ണ​ത്തി​ന്റെ​യും ദ്രോ​ഹ​ത്തി​ന്റെ​യും പിന്നിൽ സാത്താ​നും ഭൂതങ്ങ​ളു​മാ​യി​രു​ന്നു​വെ​ന്ന​തിൽ സംശയ​മില്ല.—യോവേൽ 3:3; യൂദാ 6, 7.

9, 10. (എ) പല തരത്തി​ലുള്ള ദുർഗു​ണ​ങ്ങളെ 1 കൊരി​ന്ത്യർ 6:9, 10 കുറ്റം വിധി​ച്ച​തെ​ങ്ങനെ? (ബി) കൊരി​ന്ത്യ​സ​ഭ​യി​ലെ ചിലരു​ടെ പശ്ചാത്തലം എന്തായി​രു​ന്നു, അവരുടെ ജീവി​ത​ത്തിൽ എന്തു മാറ്റമു​ണ്ടാ​യി?

⁹ ദിവ്യ​നി​ശ്വ​സ്‌ത​ത​യിൽ എഴുതവേ, കൊരി​ന്തി​ലെ ക്രിസ്‌ത്യാ​നി​ക​ളോ​ടു പൗലൊസ്‌ പറഞ്ഞു: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, കള്ളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.”—1 കൊരി​ന്ത്യർ 6:9-11.

¹⁰ “ദുർന്ന​ട​പ്പു​കാർ . . . ദൈവ​രാ​ജ്യം അവകാ​ശ​മാ​ക്കു​ക​യില്ല” എന്നു പറഞ്ഞു​കൊണ്ട്‌ പൗലൊ​സി​ന്റെ നിശ്വസ്‌ത ലേഖനം ലൈം​ഗിക അധാർമി​ക​തയെ കുറ്റം വിധി​ക്കു​ന്നു. എന്നിരു​ന്നാ​ലും, അനേകം ദുർഗു​ണ​ങ്ങ​ളെ​ക്കു​റി​ച്ചു പരാമർശി​ച്ച​ശേഷം പൗലൊസ്‌ ഇങ്ങനെ പറഞ്ഞു: ‘നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കഴുകി ശുദ്ധീ​ക​രണം പ്രാപി​ച്ചി​രി​ക്കു​ന്നു.’ ദുഷ്‌പ്ര​വൃ​ത്തി​ക്കാർക്കു ദൈവ​ത്തി​ന്റെ സഹായ​ത്തോ​ടെ അവന്റെ ദൃഷ്ടി​യിൽ ശുദ്ധരാ​യി​ത്തീ​രുക സാധ്യ​മാ​യി​രു​ന്നു.

11. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ അക്കാലത്തെ ദുഷ്ടമായ ചുറ്റു​പാ​ടിൽ എങ്ങനെ കഴിഞ്ഞു​കൂ​ടി?

¹¹ അതേ, ഒന്നാം നൂറ്റാ​ണ്ടി​ലെ ദുർഗു​ണ​പൂ​രി​ത​മായ ലോക​ത്തിൽപ്പോ​ലും ക്രിസ്‌തീയ സദ്‌ഗു​ണം തഴച്ചു​വ​ളർന്നു. വിശ്വാ​സി​കൾ ‘മനസ്സു പുതുക്കി രൂപാ​ന്ത​ര​പ്പെട്ടു.’ (റോമർ 12:2) “മുമ്പി​ലത്തെ നടപ്പു” അവർ ഉപേക്ഷി​ക്കു​ക​യും ‘ഉള്ളിലെ ആത്മാവു സംബന്ധ​മാ​യി പുതുക്കം പ്രാപി​ക്കു​ക​യും’ ചെയ്‌തു. അങ്ങനെ അവർ ലോക​ത്തി​ന്റെ ദുർഗു​ണ​ങ്ങ​ളിൽനിന്ന്‌ ഓടി​യ​കന്ന്‌ “നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ ധരി”ക്കുകയു​ണ്ടാ​യി.—എഫെസ്യർ 4:22-24.

ഇന്നത്തെ ദുർഗു​ണ​പൂ​രി​ത​മായ ലോകം

12. 1914-നുശേഷം ലോക​ത്തി​ലു​ണ്ടായ മാറ്റം എന്താണ്‌?

¹² നമ്മുടെ കാലമോ? നാം ജീവി​ക്കുന്ന ലോകം എന്നത്തെ​ക്കാ​ളും ദുർഗു​ണ​പൂ​രി​ത​മാണ്‌. പ്രത്യേ​കി​ച്ചും 1914 മുതൽ ആഗോ​ള​മാ​യി ധാർമിക അപക്ഷയം സംഭവി​ച്ചി​രി​ക്കു​ന്നു. (2 തിമൊ​ഥെ​യൊസ്‌ 3:1-5) സദ്‌ഗു​ണം, ധാർമി​കത, സത്‌പേര്‌, സദാചാ​ര​മൂ​ല്യ​ങ്ങൾ എന്നിങ്ങ​നെ​യുള്ള പരമ്പരാ​ഗത ആശയങ്ങൾ തള്ളിക്ക​ള​യു​ക​വഴി പലരും സ്വാർഥ​മ​തി​ക​ളും “മനം തഴമ്പി​ച്ചു​പോയ”വരും ആയിത്തീർന്നി​രി​ക്കു​ന്നു. (എഫെസ്യർ 4:19) ന്യൂസ്‌വീക്ക്‌ മാഗസിൻ ഒരിക്കൽ ഇങ്ങനെ പറഞ്ഞു: “ധാർമിക ആപേക്ഷി​ക​വാ​ദ​ത്തി​ന്റെ യുഗത്തി​ലാ​ണു നാം ജീവി​ക്കു​ന്നത്‌.” ഇന്നത്തെ ധാർമി​കാ​ന്ത​രീ​ക്ഷം “ശരിയും തെറ്റും സംബന്ധിച്ച ആശയങ്ങളെ വ്യക്തിഗത താത്‌പ​ര്യ​ത്തോ​ടോ വൈകാ​രിക മമത​യോ​ടോ സാംസ്‌കാ​രിക തിര​ഞ്ഞെ​ടു​പ്പി​നോ​ടോ ബന്ധപ്പെട്ട കാര്യ​ങ്ങ​ളാ​ക്കി മാറ്റി​യി​രി​ക്കു​ന്നു.”

13. (എ) ഇന്നത്തെ മിക്ക വിനോ​ദ​ങ്ങ​ളും ദുർഗു​ണത്തെ പ്രോ​ത്സാ​ഹി​പ്പി​ക്കു​ന്ന​തെ​ങ്ങനെ? (ബി) അനുചി​ത​മായ വിനോ​ദ​ത്തിന്‌ ആളുക​ളു​ടെ​മേൽ മോശ​മായ എന്തു ഫലമു​ണ്ടാ​യി​രി​ക്കാൻ സാധി​ക്കും?

¹³ ഒന്നാം നൂറ്റാ​ണ്ടി​ലേ​തു​പോ​ലെ ഇന്നും അധമമായ വിനോ​ദം സാധാ​ര​ണ​മാണ്‌. ടെലി​വി​ഷ​നി​ലും റേഡി​യോ​യി​ലും ചലച്ചി​ത്ര​ങ്ങ​ളി​ലും വീഡി​യോ​യി​ലു​മൊ​ക്കെ​യു​ള്ളത്‌ ലൈം​ഗി​കോ​ന്മു​ഖ​മായ കാര്യ​ങ്ങ​ളാണ്‌. ദുർഗു​ണം കമ്പ്യൂട്ടർ ശൃംഖ​ല​ക​ളിൽപ്പോ​ലും നുഴഞ്ഞു​ക​യറ്റം നടത്തി​യി​രി​ക്കു​ന്നു. ഇന്നത്തെ കമ്പ്യൂട്ടർ ശൃംഖ​ല​ക​ളിൽ അശ്ലീല​വി​വ​രങ്ങൾ വർധി​ച്ചു​വ​രു​ക​യാണ്‌, എല്ലാ പ്രായ​ക്കാർക്കും അതു പ്രാപ്യ​മാ​യി​ത്തീർന്നി​രി​ക്കു​ന്നു. ഇതി​ന്റെ​യെ​ല്ലാം ഫലമെ​ന്താണ്‌? ഒരു പത്രത്തി​ന്റെ കോള​മെ​ഴു​ത്തു​കാ​രൻ പറയുന്നു: “രക്തച്ചൊ​രി​ച്ചി​ലും അക്രമ​വും തരംതാണ ലൈം​ഗി​ക​ത​യും നമ്മുടെ ജനകീയ സംസ്‌കാ​ര​ത്തിൽ നിറഞ്ഞി​രി​ക്കു​മ്പോൾ, നാം അവയു​മാ​യി പരിചി​ത​രാ​കു​ന്നു. നമ്മുടെ വളർച്ച മുരടി​ക്കു​ന്നു. അധമത്വം നമ്മിലു​ള​വാ​ക്കുന്ന ഞെട്ടൽ കുറഞ്ഞു​വ​രു​ന്ന​തി​നാൽ അതു കൂടുതൽ സഹനീ​യ​മാ​യി​ത്തീ​രു​ന്നു.”—1 തിമൊ​ഥെ​യൊസ്‌ 4:1, 2 താരത​മ്യം ചെയ്യുക.

14, 15. ലോക​വ്യാ​പ​ക​മാ​യി ലൈം​ഗിക ധാർമി​ക​ത​യ്‌ക്ക്‌ അപക്ഷയം സംഭവി​ച്ചി​രി​ക്കു​ന്നു​വെ​ന്ന​തിന്‌ എന്തു തെളി​വുണ്ട്‌?

¹⁴ ദ ന്യൂ​യോർക്ക്‌ ടൈം​സിൽ വന്ന ഈ റിപ്പോർട്ടു പരിചി​ന്തി​ക്കുക: “25 വർഷം മുമ്പ്‌ ഞെട്ടലു​ള​വാ​ക്കി​യി​രുന്ന സംഗതി ഇപ്പോൾ സ്വീകാ​ര്യ​മായ ജീവി​ത​രീ​തി​യാ​യി മാറി​യി​രി​ക്കു​ന്നു. വിവാഹം കഴിക്കാ​തെ ഒന്നിച്ചു പാർക്കുന്ന ഇണകളു​ടെ എണ്ണം [ഐക്യ​നാ​ടു​ക​ളിൽ] 1980-നും 1991-നും ഇടയിൽ 80 ശതമാ​ന​മാ​യി വർധിച്ചു.” ഇതു വടക്കേ അമേരി​ക്ക​യി​ലെ മാത്രം ഒരു പ്രതി​ഭാ​സമല്ല. ഏഷ്യാ​വീക്ക്‌ മാഗസിൻ ഇങ്ങനെ റിപ്പോർട്ടു ചെയ്യുന്നു: “[ഏഷ്യയിൽ] ഉടനീ​ള​മുള്ള രാജ്യ​ങ്ങ​ളിൽ ഒരു സാംസ്‌കാ​രിക സംവാദം കൊടു​മ്പി​രി​കൊ​ണ്ടി​രി​ക്കു​ന്നു. ലൈം​ഗിക സ്വാത​ന്ത്ര്യം പരമ്പരാ​ഗത മൂല്യ​ങ്ങ​ളോ​ടു പൊരു​തു​ന്നു എന്നതാണു വിഷയം, മാറ്റത്തി​നുള്ള സമ്മർദം അടിക്കടി വർധി​ക്കു​ക​യാണ്‌.” പല നാടു​ക​ളി​ലും വ്യഭി​ചാ​ര​ത്തി​നും വിവാ​ഹ​പൂർവ ലൈം​ഗി​ക​ത​യ്‌ക്കു​മുള്ള അംഗീ​കാ​രം വർധി​ച്ചു​വ​രു​ന്നു​വെ​ന്നാ​ണു കണക്കുകൾ കാണി​ക്കു​ന്നത്‌.

¹⁵ നമ്മുടെ കാലത്തു സാത്താന്യ പ്രവർത്തനം തീവ്ര​മാ​യി​രി​ക്കു​മെന്നു ബൈബിൾ മുൻകൂ​ട്ടി​പ്പ​റഞ്ഞു. (വെളി​പ്പാ​ടു 12:12) അപ്പോൾ, ദുർഗു​ണം ഞെട്ടി​ക്കും​വി​ധം വ്യാപ​ക​മാ​യി​രി​ക്കു​ന്ന​തിൽ നാം അമ്പരന്നു​പോ​ക​രുത്‌. ഉദാഹ​ര​ണ​ത്തിന്‌, കുട്ടി​കൾക്കു നേരേ​യുള്ള ലൈം​ഗി​ക​ചൂ​ഷണം പകർച്ച​വ്യാ​ധി​പോ​ലെ വർധി​ച്ചി​രി​ക്കു​ന്നു.a “ലോക​ത്തി​ലെ എല്ലാ രാജ്യ​ങ്ങ​ളി​ലും​തന്നെ വാണിജ്യ ലൈം​ഗിക ചൂഷണം കുട്ടി​കളെ നശിപ്പി​ച്ചു​കൊ​ണ്ടി​രി​ക്കു​ക​യാണ്‌” എന്ന്‌ ഐക്യ​രാ​ഷ്‌ട്ര ശിശു​ക്ഷേമ നിധി റിപ്പോർട്ടു ചെയ്യുന്നു. ഓരോ വർഷവും “ലോക​വ്യാ​പ​ക​മാ​യി പത്തു ലക്ഷത്തി​ല​ധി​കം കുട്ടി​കളെ ബലാൽക്കാ​രേണ ബാല​വേ​ശ്യാ​വൃ​ത്തി​യിൽ ഏർപ്പെ​ടു​ത്തു​ക​യും തട്ടി​ക്കൊ​ണ്ടു​പോ​യി ലൈം​ഗിക ഉദ്ദേശ്യ​ങ്ങൾക്കാ​യി വിൽക്കു​ക​യും ബാല അശ്ലീല​സാ​ഹി​ത്യ​ങ്ങൾ നിർമി​ക്കു​ന്ന​തിൽ ഉപയോ​ഗി​ക്കു​ക​യും ചെയ്യു​ന്ന​താ​യി റിപ്പോർട്ടുണ്ട്‌.” സ്വവർഗ​ര​തി​യും വ്യാപ​ക​മാണ്‌. അതിനെ ഒരു “ഗതി​ഭേ​ദിത ജീവി​ത​രീ​തി”യായി ചിത്രീ​ക​രി​ക്കു​ന്ന​തിൽ രാഷ്‌ട്രീ​യ​ക്കാ​രും മതനേ​താ​ക്ക​ന്മാ​രും നേതൃ​ത്വ​മെ​ടു​ക്കു​ന്നു.

ലോക​ത്തി​ന്റെ ദുർഗു​ണങ്ങൾ ത്യജിക്കൽ

16. ലൈം​ഗിക ധാർമി​കത സംബന്ധിച്ച്‌ യഹോ​വ​യു​ടെ സാക്ഷികൾ സ്വീക​രി​ക്കുന്ന നിലപാ​ടെ​ന്താണ്‌?

¹⁶ ലൈം​ഗിക ധാർമി​കത സംബന്ധിച്ച്‌ അനുവാ​ദാ​ത്മക നിലവാ​രങ്ങൾ പ്രോ​ത്സാ​ഹി​പ്പി​ക്കു​ന്ന​വ​രോ​ടു യഹോ​വ​യു​ടെ സാക്ഷികൾ കൂട്ടു​ചേ​രാ​റില്ല. തീത്തൊസ്‌ 2:11, 13 ഇങ്ങനെ പറയുന്നു: “സകലമ​നു​ഷ്യർക്കും രക്ഷാക​ര​മായ ദൈവ​കൃപ ഉദിച്ചു​വ​ല്ലോ; ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു ഈ ലോക​ത്തിൽ സുബോ​ധ​ത്തോ​ടും നീതി​യോ​ടും ദൈവ​ഭ​ക്തി​യോ​ടും​കൂ​ടെ ജീവി​ച്ചു​പോ​രേ​ണ്ട​തി​ന്നു അതു നമ്മെ ശിക്ഷി​ച്ചു​വ​ളർത്തു​ന്നു.” വിവാ​ഹ​പൂർവ ലൈം​ഗി​കത, വ്യഭി​ചാ​രം, സ്വവർഗ​ര​തി​ക്രി​യകൾ എന്നിങ്ങ​നെ​യുള്ള ദുർഗു​ണ​ങ്ങ​ളോ​ടു നാം കടുത്ത വിദ്വേ​ഷം, ശക്തമായ വെറുപ്പ്‌ നട്ടുവ​ളർത്തു​ന്നു.b (റോമർ 12:9; എഫെസ്യർ 5:3-5) പൗലൊസ്‌ ഈ ഉദ്‌ബോ​ധനം നൽകി: “കർത്താ​വി​ന്റെ [“യഹോ​വ​യു​ടെ,” NW] നാമം ഉച്ചരി​ക്കു​ന്നവൻ എല്ലാം അനീതി വിട്ടക​ന്നു​കൊ​ള്ളട്ടെ.”—2 തിമൊ​ഥെ​യൊസ്‌ 2:19.

17. ലഹരി​പാ​നീ​യ​ങ്ങ​ളു​ടെ ഉപയോ​ഗം സംബന്ധിച്ച്‌ യഥാർഥ ക്രിസ്‌ത്യാ​നി​കൾക്കുള്ള വീക്ഷണ​മെ​ന്താണ്‌?

¹⁷ നിസ്സാര ദുർഗു​ണങ്ങൾ എന്ന ലോക​ത്തി​ന്റെ വീക്ഷണത്തെ സത്യ​ക്രി​സ്‌ത്യാ​നി​കൾ നിരാ​ക​രി​ക്കു​ന്നു. ഉദാഹ​ര​ണ​ത്തിന്‌, പലരു​മിന്ന്‌ ലഹരി​പാ​നീയ ദുരു​പ​യോ​ഗത്തെ രസമായി വീക്ഷി​ക്കു​ന്നു. എന്നാൽ യഹോ​വ​യു​ടെ ജനം എഫെസ്യർ 5:18-ലെ ബുദ്ധ്യു​പ​ദേശം ചെവി​ക്കൊ​ള്ളു​ന്നു: “വീഞ്ഞു കുടിച്ചു മത്തരാ​ക​രു​തു; അതിനാൽ ദുർന്ന​ടപ്പു ഉണ്ടാകു​മ​ല്ലോ. ആത്മാവു നിറഞ്ഞ​വരാ”കുവിൻ. കുടി​ക്കാ​നാ​ഗ്ര​ഹി​ക്കുന്ന ഒരു ക്രിസ്‌ത്യാ​നി അതിൽ മിതത്വം പാലി​ക്കേ​ണ്ട​തുണ്ട്‌.—സദൃശ​വാ​ക്യ​ങ്ങൾ 23:29-32.

18. കുടും​ബാം​ഗ​ങ്ങ​ളോട്‌ ഇടപെ​ടുന്ന കാര്യ​ത്തിൽ ബൈബിൾ തത്ത്വങ്ങൾ യഹോ​വ​യു​ടെ ദാസരെ വഴിന​യി​ക്കു​ന്ന​തെ​ങ്ങനെ?

¹⁸ ഇണയു​ടെ​യും കുട്ടി​ക​ളു​ടെ​യും നേരേ ആക്രോ​ശി​ക്കു​ന്ന​തും അലറു​ന്ന​തും ദ്രോ​ഹ​ക​ര​മായ വാക്കു​കൾക്കൊണ്ട്‌ അധി​ക്ഷേ​പി​ക്കു​ന്ന​തും സ്വീകാ​ര്യ​മായ പെരു​മാ​റ്റ​മാ​ണെന്ന ലോക​ത്തി​ലെ ചിലരു​ടെ വീക്ഷണം യഹോ​വ​യു​ടെ ദാസരെന്ന നിലയിൽ നാം തള്ളിക്ക​ള​യു​ന്നു. സദ്‌ഗു​ണ​ത്തി​ന്റെ ഗതി പിന്തു​ട​രാ​നുള്ള ദൃഢനി​ശ്ച​യ​ത്തോ​ടെ ക്രിസ്‌തീയ ഭാര്യാ​ഭർത്താ​ക്ക​ന്മാർ പൗലൊ​സി​ന്റെ പിൻവ​രുന്ന ബുദ്ധ്യു​പ​ദേശം ബാധക​മാ​ക്കാൻ കൂട്ടായി പ്രവർത്തി​ക്കു​ന്നു: “എല്ലാ കൈപ്പും കോപ​വും ക്രോ​ധ​വും കൂറ്റാ​ര​വും ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ. നിങ്ങൾ തമ്മിൽ ദയയും മനസ്സലി​വു​മു​ള്ള​വ​രാ​യി ദൈവം ക്രിസ്‌തു​വിൽ നിങ്ങ​ളോ​ടു ക്ഷമിച്ച​തു​പോ​ലെ അന്യോ​ന്യം ക്ഷമിപ്പിൻ.”—എഫെസ്യർ 4:31, 32.

19. ബിസി​നസ്‌ ലോക​ത്തിൽ ദുർഗു​ണം എത്ര വ്യാപ​ക​മാണ്‌?

¹⁹ സത്യസ​ന്ധ​ത​യി​ല്ലായ്‌മ, വഞ്ചന, ഭോഷ്‌കു​പ​റ​ച്ചിൽ, കഴുത്ത​റപ്പൻ ബിസി​നസ്‌ തന്ത്രങ്ങൾ, മോഷണം തുടങ്ങി​യവ ഇന്നു സർവസാ​ധാ​ര​ണ​മാണ്‌. സിഎഫ്‌ഒ എന്ന ബിസി​നസ്‌ മാസി​ക​യിൽ വന്ന ഒരു ലേഖനം ഇങ്ങനെ റിപ്പോർട്ടു ചെയ്യുന്നു: “4,000 തൊഴി​ലാ​ളി​കളെ ഉൾപ്പെ​ടു​ത്തിയ ഒരു സർവേ . . . അവരിൽ 31 ശതമാ​ന​വും കഴിഞ്ഞ വർഷം ‘ഗുരു​ത​ര​മായ ദുഷ്‌പെ​രു​മാറ്റ’ത്തിനു സാക്ഷ്യം വഹിച്ച​താ​യി കണ്ടെത്തി.” ഭോഷ്‌കു​പ​റ​ച്ചിൽ, രേഖക​ളിൽ കൃത്രി​മം കാണിക്കൽ, ലൈം​ഗി​ക​ദ്രോ​ഹം, മോഷണം തുടങ്ങി​യവ അത്തരം ദുഷ്‌പെ​രു​മാ​റ്റ​ത്തിൽ ഉൾപ്പെ​ട്ടി​രു​ന്നു. യഹോ​വ​യു​ടെ ദൃഷ്ടി​യിൽ നാം ധാർമി​ക​മാ​യി ശുദ്ധരാ​യി നിലനിൽക്ക​ണ​മെ​ങ്കിൽ, അത്തരം പ്രവൃ​ത്തി​കൾ നാം ഒഴിവാ​ക്കു​ക​യും നമ്മുടെ സാമ്പത്തിക ഇടപാ​ടു​ക​ളിൽ സത്യസന്ധത പുലർത്തു​ക​യും വേണം.—മീഖാ 6:10, 11.

20. ക്രിസ്‌ത്യാ​നി​കൾക്കു “ദ്രവ്യാ​ഗ്രഹം” ഉണ്ടായി​രി​ക്ക​രു​താ​ത്തത്‌ എന്തു​കൊണ്ട്‌?

²⁰ പെട്ടെന്നു പണമു​ണ്ടാ​ക്കാ​നുള്ള ഒരു പരിപാ​ടി ഏറ്റെടു​ത്താൽ ദൈവ​സേ​വ​ന​ത്തിൽ കൂടുതൽ സമയം ചെലവ​ഴി​ക്കാൻ സാധി​ക്കു​മെന്നു കരുതിയ ഒരാൾക്കു സംഭവി​ച്ച​തെ​ന്തെന്നു പരിചി​ന്തി​ക്കുക. കിട്ടാൻ പോകുന്ന ലാഭത്തെ പെരു​പ്പി​ച്ചു കാണിച്ച്‌ ഒരു നിക്ഷേ​പ​പ​ദ്ധ​തി​യിൽ മറ്റുള്ള​വരെ പങ്കെടു​പ്പി​ക്കാൻ അയാൾക്കു കഴിഞ്ഞു. കാര്യങ്ങൾ പ്രതീ​ക്ഷ​യ്‌ക്കൊ​ത്തു നടക്കാ​തി​രു​ന്ന​പ്പോൾ അങ്ങേയറ്റം നിരാ​ശ​നായ അയാൾ, വന്നുപെട്ട സാമ്പത്തിക നഷ്ടം നികത്തു​ന്ന​തിന്‌, തന്നെ ഭരമേൽപ്പിച്ച പണം മോഷ്ടി​ച്ചു. ഇത്തരം പ്രവൃ​ത്തി​ക​ളും അനുതാ​പ​മി​ല്ലാത്ത മനോ​ഭാ​വ​വും നിമിത്തം അയാൾ ക്രിസ്‌തീയ സഭയിൽനി​ന്നു പുറത്താ​ക്ക​പ്പെട്ടു. “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു. ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചി​ട്ടു വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു” എന്ന ബൈബിൾ മുന്നറി​യിപ്പ്‌ തീർച്ച​യാ​യും സത്യമാണ്‌.—1 തിമൊ​ഥെ​യൊസ്‌ 6:9, 10.

21. ലോക​ത്തിൽ അധികാ​ര​മു​ള്ള​വർക്കി​ട​യിൽ ഏതു പെരു​മാ​റ്റം സാധാ​ര​ണ​മാണ്‌, എന്നാൽ ക്രിസ്‌തീയ സഭയിൽ ഉത്തരവാ​ദി​ത്വ​സ്ഥാ​നം വഹിക്കു​ന്ന​രു​ടെ നടത്ത എങ്ങനെ​യു​ള്ള​താ​യി​രി​ക്കണം?

²¹ ലോക​ത്തിൽ അധികാ​ര​വും സ്വാധീ​ന​വു​മുള്ള മനുഷ്യർക്കു മിക്ക​പ്പോ​ഴും സദ്‌ഗു​ണ​മി​ല്ലെന്നു മാത്രമല്ല, അവർ ‘അധികാ​രം ദുഷി​പ്പി​ക്കു​ന്നു’ എന്ന ചൊല്ലി​ന്റെ സത്യതയെ പ്രകടി​പ്പി​ക്കു​ക​യും ചെയ്യുന്നു. (സഭാ​പ്ര​സം​ഗി 8:9) ചില രാജ്യ​ങ്ങ​ളിൽ കൈക്കൂ​ലി​യും മറ്റു തരത്തി​ലുള്ള അഴിമ​തി​യും ജഡ്‌ജി​മാർ, പൊലീ​സു​കാർ, രാഷ്‌ട്രീ​യ​ക്കാർ എന്നിവ​രു​ടെ​യൊ​ക്കെ ഇടയിൽ സർവസാ​ധാ​ര​ണ​മാണ്‌. എന്നിരു​ന്നാ​ലും, ക്രിസ്‌തീയ സഭയിൽ നേതൃ​ത്വ​മെ​ടു​ക്കു​ന്നവർ സദ്‌ഗു​ണ​മു​ള്ള​വ​രാ​യി​രി​ക്കു​ക​യും മറ്റുള്ള​വരെ ഭരിക്കാ​തി​രി​ക്കു​ക​യും വേണം. (ലൂക്കൊസ്‌ 22:25, 26) മൂപ്പന്മാ​രും അതു​പോ​ലെ​തന്നെ ശുശ്രൂ​ഷാ​ദാ​സ​ന്മാ​രും സേവി​ക്കേ​ണ്ടത്‌ “ദുരാ​ഗ്ര​ഹ​ത്തോ​ടെ” ആയിരി​ക്ക​രുത്‌. വ്യക്തി​ഗ​ത​മാ​യി പണമു​ണ്ടാ​ക്കാൻ പ്രതീ​ക്ഷി​ച്ചു​കൊണ്ട്‌ ന്യായ​നിർവ​ഹ​ണത്തെ വികല​മാ​ക്കാ​നോ സ്വാധീ​നി​ക്കാ​നോ ഉള്ള ഏതൊരു ശ്രമ​ത്തെ​യും അവർ പ്രതി​രോ​ധി​ക്കേ​ണ്ട​തുണ്ട്‌.—1 പത്രൊസ്‌ 5:2; പുറപ്പാ​ടു 23:8; സദൃശ​വാ​ക്യ​ങ്ങൾ 17:23; 1 തിമൊ​ഥെ​യൊസ്‌ 5:21.

22. അടുത്ത ലേഖനം എന്തി​നെ​ക്കു​റി​ച്ചു ചർച്ച ചെയ്യു​ന്ന​താണ്‌?

²² പൊതു​വേ പറഞ്ഞാൽ, ദുർഗു​ണ​പൂ​രി​ത​മായ നമ്മുടെ ലോക​ത്തിൽ സദ്‌ഗു​ണം കാത്തു​സൂ​ക്ഷി​ക്കുക എന്ന ഇന്നത്തെ വെല്ലു​വി​ളി ക്രിസ്‌ത്യാ​നി​കൾ വിജയ​പ്ര​ദ​മാ​യി നേരി​ടു​ക​യാണ്‌. എന്നാൽ, കേവലം ദുഷ്ടത ഒഴിവാ​ക്കു​ന്നതു മാത്രമല്ല സദ്‌ഗു​ണ​ത്തിൽ ഉൾപ്പെ​ട്ടി​രി​ക്കു​ന്നത്‌. സദ്‌ഗു​ണം നട്ടുവ​ളർത്തു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്ന​തെന്ന്‌ അടുത്ത ലേഖനം ചർച്ച ചെയ്യു​ന്ന​താണ്‌.

[അടിക്കു​റി​പ്പു​കൾ]

പുനര​വ​ലോ​കന ആശയങ്ങൾ

□ കനാന്യ​രെ ഉന്മൂലനം ചെയ്യാൻ യഹോവ കൽപ്പി​ച്ച​തെ​ന്തു​കൊണ്ട്‌?

□ എന്തെല്ലാം ദുർഗു​ണങ്ങൾ ഒന്നാം നൂറ്റാ​ണ്ടിൽ സാധാ​ര​ണ​മാ​യി​രു​ന്നു, അത്തര​മൊ​രു ചുറ്റു​പാ​ടിൽ ക്രിസ്‌ത്യാ​നി​കൾ എങ്ങനെ കഴിഞ്ഞു​കൂ​ടി?

□ 1914-നുശേഷം ലോകം ആഗോള ധാർമിക അപക്ഷയ​ത്തി​നു സാക്ഷ്യം വഹിച്ചി​രി​ക്കു​ന്നു​വെ​ന്ന​തിന്‌ എന്തു തെളി​വുണ്ട്‌?

□ യഹോ​വ​യു​ടെ സാക്ഷികൾ എന്തെല്ലാം പൊതു ദുർഗു​ണ​ങ്ങ​ളാ​ണു ത്യജി​ക്കേ​ണ്ടത്‌?

[9-ാം പേജിലെ ചിത്രം]

ദുർഗുണപൂരിതമായ ഒരു ലോക​ത്തി​ലാ​ണു ജീവി​ച്ചി​രു​ന്ന​തെ​ങ്കി​ലും, ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ സദ്‌ഗു​ണ​മു​ള്ള​വ​രാ​യി​രു​ന്നു

[10-ാം പേജിലെ ചിത്രം]

ദുർഗുണം കമ്പ്യൂട്ടർ ശൃംഖ​ല​ക​ളിൽപോ​ലും നുഴഞ്ഞു​ക​യറ്റം നടത്തി​യി​രി​ക്കു​ന്നു, അതുവഴി അനേകം ചെറു​പ്പ​ക്കാർക്കും മറ്റുള്ള​വർക്കും അശ്ലീല സംഗതി​കൾ പ്രാപ്യ​മാണ്‌

[12-ാം പേജിലെ ചിത്രം]

ക്രിസ്‌ത്യാനികൾ മറ്റുള്ള​വ​രു​ടെ വഞ്ചനാ​ക​ര​മായ തന്ത്രങ്ങളെ അനുക​രി​ക്കാ​തെ സദ്‌ഗു​ണം നിലനിർത്തേ​ണ്ട​തുണ്ട്‌