യഹോ​വ​യ്‌ക്കു “പൂർണ്ണ പ്രസാദ”മായി​രി​ക്കു​ന്ന​തി​നു് നമുക്ക്‌ എങ്ങനെ കഴിയും

ഇന്നു് എത്ര കുറച്ചു​പേർ മാത്രം തങ്ങളുടെ ചിന്തക​ളും വാക്കു​ക​ളും പ്രവർത്ത​ന​ങ്ങ​ളും ദൈവ​ത്തി​നു് പ്രസാ​ദ​ക​ര​മാ​യി​രി​ക്കു​ന്നു​വോ​യെ​ന്നു് ചിന്തി​ക്കു​ന്നു! അങ്ങനെ​യുള്ള ചിന്തയു​ണ്ടെന്നു ഭാവി​ക്കു​ന്നവർ പോലും കേവലം ദൈവ​ത്തി​നു് അധര​സേ​വനം നടത്തു​ന്ന​താ​യി കാണുന്നു. വാസ്‌ത​വ​ത്തിൽ ഭൂരി​പ​ക്ഷ​ത്തെ​ക്കു​റി​ച്ചു് ഇങ്ങനെ പറയാൻ കഴിയും: “അവർ ദൈവത്തെ പ്രസാ​ദി​പ്പി​ക്കു​ന്നില്ല.”—1 തെസ്സ​ലോ​നി​ക്യർ 2:15.

ക്രിസ്‌ത്യാ​നി​ക​ളെ​ന്നു് ഭാവി​ക്കുന്ന ചിലർ വിചാ​രി​ക്കു​ന്ന​തു് പത്തു കല്‌പ​നകൾ ലംഘി​ക്കാ​ത്തി​ട​ത്തോ​ളം കാലം അവർ ദൈവത്തെ പ്രസാ​ദി​പ്പി​ക്കു​ന്നു​വെ​ന്നാ​ണു്. എന്നാൽ അങ്ങനെ ആയിരി​ക്കു​ന്നില്ല! നമ്മുടെ മാതൃ​ക​യായ യേശു​ക്രി​സ്‌തു ദൈവ​ത്തെ​ക്കു​റി​ച്ചു് പറഞ്ഞു: “ഞാൻ എല്ലായ്‌പ്പോ​ഴും അവനു പ്രസാ​ദ​ക​ര​മാ​യി​രി​ക്കു​ന്ന​തു് ചെയ്യുന്നു.” (യോഹ​ന്നാൻ 8:29) അതെ അവൻ പ്രത്യേക കാര്യങ്ങൾ ചെയ്‌തു​കൊ​ണ്ടു് തന്റെ പിതാ​വി​നെ പ്രസാ​ദി​പ്പി​ച്ചു. കൊ​ലോ​സ്യ​യി​ലുള്ള തന്റെ സഹവി​ശ്വാ​സി​കൾക്കു​വേ​ണ്ടി​യുള്ള അപ്പോ​സ്‌ത​ല​നായ പൗലോ​സി​ന്റെ പ്രാർത്ഥ​ന​യിൽ നിന്നു കാണാൻ കഴിയു​ന്ന​തു​പോ​ലെ അനു​യോ​ജ്യ​മായ നടപടി ആവശ്യ​മാ​ണു്. അവർ എല്ലാ സൽപ്ര​വൃ​ത്തി​യി​ലും ഫലം കായിച്ചു. യഹോ​വ​ക്കു് യോഗ്യ​മാ​കു​വണ്ണം നടന്നു അവനെ പൂർണ്ണ​മാ​യും പ്രസാ​ദി​പ്പി​ക്കു​ന്ന​തി​നു​വേണ്ടി അവൻ പ്രാർത്ഥി​ച്ചു.—കൊ​ലോ​സ്യർ 1:9,10

എങ്കിലും യഹോ​വ​ക്കു് പൂർണ്ണ​പ്ര​സാ​ക​ര​മാ​യി​രി​ക്കു​ന്ന​തി​നു് വാസ്‌ത​വ​ത്തിൽ സാദ്ധ്യ​മാ​ണോ? കൊള്ളാം അപൂർണ്ണ​രാ​യ​തി​നാൽ ഇപ്പോൾ ക്രിസ്‌ത്യാ​നി​കൾക്കു് ദൈവത്തെ പൂർണ്ണ​മാ​യും പ്രസാ​ദി​പ്പി​ക്കാൻ കഴിയു​ക​യില്ല. എന്നിരു​ന്നാ​ലും പൂർണ്ണ​മാ​യും പ്രാസാ​ദി​പ്പി​ക്കുക എന്ന ലക്ഷ്യത്തിൽ അവർക്കു് ആ ദിശയിൽ ആത്മാർഥ​മാ​യി പ്രവർത്തി​ക്കാൻ കഴിയും. എല്ലാ സൽപ്ര​വൃ​ത്തി​യി​ലും ഫലം ഉല്‌പാ​ദി​പ്പി​ക്കു​ക​യെ​ന്നു് പൗലോസ്‌ സൂചി​പ്പി​ച്ച​തു​കൊ​ണ്ടു് അനു​യോ​ജ്യ​മായ പ്രവർത്ത​നങ്ങൾ ഉൾപ്പെ​ടു​ന്നു. തീർച്ചാ​യാ​യും അങ്ങനെ​യുള്ള എല്ലാ പ്രവർത്ത​ന​ങ്ങ​ളും നമുക്കി​വി​ടെ രേഖ​പ്പെ​ടു​ത്താൻ കഴിയു​ക​യില്ല. എന്നാൽ ചിന്തി​ക്കാൻ വേണ്ടി ചിലതു് പ്രദാനം ചെയ്യാൻ നമുക്കു് കഴിയും. നിങ്ങളു​ടെ ജീവി​ത​ത്തി​ലെ ചില വശങ്ങളിൽ ചില ക്രമ​പ്പെ​ടു​ത്ത​ലു​കൾ ഈ കാര്യങ്ങൾ സൂചി​പ്പി​ക്കു​ക​യാ​ണെ​ങ്കിൽ, അവനെ പ്രസാ​ദി​പ്പി​ക്കാ​നുള്ള നിങ്ങളു​ടെ ശ്രമത്തെ യഹോവ അനു​ഗ്ര​ഹി​ക്കു​മെ​ന്നു് ഉറപ്പു​ള്ളവർ ആയിരി​ക്കുക. യഹോ​വയെ പൂർണ്ണ​മാ​യും പ്രസാ​ദി​പ്പി​ക്കു​ന്ന​തി​നു് ആവശ്യ​മാ​യി​രി​ക്കു​ന്ന​തു് നാം നമ്മുടെ ചിന്തക​ളെ​യും വാക്കു​ക​ളെ​യും പ്രവർത്ത​ന​ങ്ങ​ളെ​യും സൂക്ഷി​ക്കു​ക​യെ​ന്ന​തു് ഒരു വസ്‌തു​ത​യാ​ണു്.

നമ്മുടെ ചിന്തകളെ സംബന്ധി​ച്ചെ​ന്തു്?

ദൈവ​ത്തി​ന്റെ വചനം നമ്മോ​ടു് പറയുന്നു “അവന്റെ കാഴ്‌ചക്കു വെളി​പ്പെ​ടാത്ത യാതൊ​രു സൃഷ്ടി​യും ഇല്ല, എന്നാൽ നമുക്കു് ആരോ​ടു് കണക്കു് ബോധി​പ്പി​ക്കാ​നു​ണ്ടോ അവന്റെ കണ്ണുകൾക്കു് എല്ലാ കാര്യ​ങ്ങ​ളും നഗ്നമാ​യും തുറന്നു വെളി​പ്പെ​ടു​ത്ത​പ്പെ​ട്ട​താ​യും ആണു്.” (എബ്രായർ 4:13) ഭൂതങ്ങൾക്കോ മനുഷ്യർക്കോ നമ്മുടെ ചിന്തകളെ വായി​ക്കാൻ കഴിയു​ക​യില്ല, എന്നാൽ ദൈവ​ത്ത​നു് കഴിയും. അങ്ങനെ ആയിരി​ക്കു​ന്ന​തി​നാൽ നമ്മുടെ ചിന്തകൾ അവനു് പ്രസാ​ദ​ക​ര​മാ​യി​രി​ക്കു​ന്ന​തി​നു് നാമാ​ഗ്ര​ഹി​ക്കു​ന്നു. അതു​കൊ​ണ്ടു് നമുക്കു് നമ്മോ​ടു​തന്നെ ഇങ്ങനെ ചോദി​ക്കാം: “കൈവ​ശ​മുള്ള ജോലി​യിൽ മനസ്സു ചെലു​ത്തേണ്ട ആവശ്യ​മി​ല്ലാ​ത്ത​പ്പോൾ എന്തി​നെ​പ്പറ്റി ചിന്തി​ക്കാ​നാ​ണു് ഞാൻ ഇഷ്ടപ്പെ​ടു​ന്ന​തു്? എന്റെ മനസ്സാ​കുന്ന വൃത്തത്തി​ലെ സൂചി സ്വാഭാ​വി​ക​മാ​യി ആടുന്ന ലംബരേഖ ഏതാണു്?

നമുക്കു് ഇങ്ങനെ​യും ചോദി​ക്കാം: എന്റെ മുത​ലെ​ടു​പ്പു​കൾ മുഖാ​ന്തരം ഞാൻ ആകാശ​ക്കോട്ട കെട്ടാൻ ഇഷ്ടപ്പെ​ടു​ക​യും പണവും പ്രസി​ദ്ധി​യും പുകഴ്‌ച​ക​ളും സ്വപ്‌നം കാണു​ന്ന​തു് ആസ്വദി​ക്കു​ക​യും ചെയ്യു​ന്നു​വോ? പ്രയാ​സ​ങ്ങ​ളിൽ ജീവി​ക്കു​ക​യും വീണ്ടും വീണ്ടും അതി​ലേ​ക്കു് പോകു​ന്ന​തും പോലുള്ള വിപരീ​ത​മാ​യ​തു് ഞാൻ ചിന്തി​ക്ക​ണ​മോ? ലൈം​ഗിക ചിന്തക​ളിൽ മിക്കവാ​റും തുടർച്ച​യാ​യി എന്റെ ചിന്ത വസിക്കു​ന്ന​തി​നു് ഞാൻ ചായ്വു​ള്ള​വ​നാ​ണോ? അല്ലെങ്കിൽ ഞാൻ എപ്പോ​ഴും എന്റെ മനസ്സിനെ പണമു​ണ്ടാ​ക്കാ​നുള്ള പദ്ധതി​ക​ളും പ്ലാനു​ക​ളും കൊണ്ടു് നിറയ്‌ക്കു​ക​യാ​ണോ?

ഇപ്പോൾ ചിന്തി​ക്കുക അങ്ങനെ​യുള്ള ചിന്തക​ളാൽ നമ്മുടെ മനസ്സിനെ നിറക്കു​ന്ന​തി​നാൽ നമുക്കു് യഹോ​വ​ക്കു് “പൂർണ്ണ​പ്ര​സാ​ദ​മാ​യി”രിക്കാൻ കഴിയു​മോ? തീർച്ച​യാ​യും ഇല്ല! അതു​കൊ​ണ്ടു് ആത്മാർഥ​മായ പ്രാർഥ​ന​യാ​ലും ദൈവ​ത്തി​ന്റെ സഹായ​ത്താ​ലും മനസ്സിനെ നിർമ്മ​ല​വും നീതി​യാ​യ​തും സ്‌നേ​ഹി​ക്ക​ത്ത​ക്ക​തും അനുകൂ​ല​വു​മായ കാര്യങ്ങൾ കൊണ്ടും നിറക്കു​ന്ന​തി​നാൽ അവയെ മനസിൽനി​ന്നു പുറത്തു​ചാ​ടി​ക്കുക. (ഫിലി​പ്പ്യർ 4:8) യഹോ​വ​ക്കുള്ള നമ്മുടെ ആരാധ​ന​യോ​ടു് ബന്ധപ്പെട്ട കാര്യ​ങ്ങ​ളെ​ക്കു​ക​റി​ച്ചു് ചിന്തി​ക്കു​ന്ന​തി​നു് നമ്മുടെ മനസ്സിനെ പരിശീ​ലി​പ്പി​ക്കു​ന്ന​തു് നമുക്കു് എത്രമാ​ത്രം നല്ലതാണ്‌! വളരെ സമീപ​മാ​യി​രി​ക്കുന്ന ദൈവ​രാ​ജ്യ​ത്തെ​പ്പറ്റി ചിന്തി​ക്കുക. അടുത്ത​കാ​ല​ത്തു് ദൈവ​വ​ച​ന​ത്തിൽ നിന്നു് പഠിച്ച ആശയങ്ങൾ മനസ്സി​ലേ​ക്കു് കൊണ്ടു​വ​രിക. അടുത്ത സഭാ​യോ​ഗ​ത്തിൽ പരിഗ​ണി​ക്കാൻ പോകുന്ന വിഷയം, പ്രത്യേ​കി​ച്ചു് നിങ്ങൾക്കു് പരിപാ​ടി​യിൽ ഉണ്ടാ​യേ​ക്കാ​വുന്ന ഭാഗം വായിച്ചു നോക്കുക. നിങ്ങളു​ടെ വയൽ സേവനം എങ്ങനെ അഭിവൃ​ദ്ധി​പ്പെ​ടു​ത്താ​മെ​ന്ന​തി​നു് ചിന്ത കൊടു​ക്കുക. ഒന്നാമ​താ​യി നിങ്ങ​ളൊ​രു ക്രിസ്‌തീയ ശുശ്രൂ​ഷ​ക​നാ​ണെ​ന്നു് ഓർക്കുക.

ഓർമ്മ​യിൽ വച്ചിരി​ക്കുന്ന തിരു​വെ​ഴു​ത്തു​ക​ളി​ലൂ​ടെ പോകു​ന്ന​തി​നാൽ അനേകർ സഹായി​ക്ക​പ്പെ​ട്ടി​രി​ക്കു​ന്നു. അതു​പോ​ലെ രാജ്യ​ഗീ​തങ്ങൾ പാടു​ന്ന​തി​നാ​ലും. ഒരു ഓർമ്മി​പ്പി​ക്കൽ എന്ന നിലയിൽ, ഒരു ക്രിസ്‌തീയ ശുശ്രൂ​ഷകൻ ഈ ഗീതം ഓർക്കു​ക​യും അതി​നെ​ക്കു​റിച്ച്‌ ചിന്തി​ക്കു​ന്ന​തു് സഹായ​ക​ര​മെ​ന്നു് കണ്ടെത്തു​ക​യും ചെയ്‌തു.

“ദൈവമേ, നിന്റെ ഇഷ്ടവും സ്‌നേ​ഹ​വും അനുവ​ദി​ക്കു​ന്ന​തി​നു് കീഴട​ങ്ങാൻ എന്നെ ദയവായി സഹായിക്ക. നീ എല്ലാ കാര്യ​ങ്ങ​ളും നന്നായി ചെയ്യു​ന്ന​തി​നാൽ, ഞാനൊ​രി​ക്ക​ലും മത്സരി​ക്കാ​തി​രി​ക്കട്ടെ.”

അതെ, പുരാ​ത​ന​കാ​ലത്തെ ദാവീദ്‌ രാജാവ്‌ ചെയ്‌ത​തു​പോ​ലെ പ്രാർഥന ചെയ്‌തു​കൊ​ണ്ടി​രി​ക്കുക: “എന്റെ ഹൃദയ​ത്തി​ന്റെ ധ്യാനം. . .പ്രസാ​ദ​ക​ര​മാ​യി​രി​ക്കട്ടെ”—യഹോവേ അതു നിന്റെ മുമ്പാകെ പ്രസാ​ദ​മാ​യി​രി​ക്കട്ടെ.”—സങ്കീർത്തനം 19:14.

നമ്മുടെ സംസാ​രത്തെ സംബന്ധി​ച്ചെ​ന്തു്?

ദാവീദ്‌ ഇങ്ങനെ​യും പ്രാർത്ഥി​ച്ചു:“യഹോവേ, എന്റെ വായിലെ വാക്കുകൾ നിന്റെ മുമ്പിൽ പ്രസാ​ദ​മാ​യി​രി​ക്കട്ടെ.” (സങ്കീർത്തനം 19:14) യാക്കോബ്‌ 3:2-12-ൽ നിന്ന്‌ നാം മനസ്സി​ലാ​ക്കു​ന്ന​ത​നു​സ​രിച്ച്‌ ഒരു പൂർണ്ണ​മ​നു​ഷ്യ​നു​മാ​ത്രമേ തന്റെ നാവിനെ മുഴു​വ​നാ​യും നിയ​ന്ത്രി​ക്കാൻ കഴിയു​ക​യു​ള്ളു. എന്നാൽ നിയ​ന്ത്രി​ക്കു​ന്ന​തി​നു് പരി​ശ്ര​മി​ക്കുക. നാം യഹോ​വ​ക്കു് “പൂർണ്ണ​പ്ര​സാദ”മായി​രി​ക്കു​ന്ന​തി​നു് നാമതു ചെയ്യുന്നു.

ദിവസ​വും നാം അനേക വാക്കുകൾ സംസാ​രി​ക്കു​ന്നു, തീർച്ച​യാ​യും തിരു​വെ​ഴു​ത്തു​പ​ര​മായ വിഷയ​ങ്ങ​ളിൽ മാത്രം നമ്മുടെ പ്രസ്‌താ​വ​നകൾ ക്ലിപ്‌ത​പ്പെ​ടു​ത്ത​ണ​മെന്നു നമുക്കു് പ്രതീ​ക്ഷി​ക്കാൻ കഴിക​യില്ല. എന്നിരു​ന്നാ​ലും നാം എന്തി​നെ​ക്കു​റി​ച്ചാ​ണു് സംസാ​രി​ക്കു​ന്ന​തെ​ന്നു് പരിഗ​ണി​ക്കാ​തെ യഹോ​വയെ പ്രീതി​പ്പെ​ത​ടു​ത്തു​ന്ന​തി​നെ ഓർമ്മി​ക്കാൻ കഴിയും. ഉദാഹ​ര​ണ​ത്തി​നു്, അശ്ലീല സംസാരം അനാദ​ര​വു് ഇവ നമ്മുടെ സ്വർഗ്ഗീയ പിതാ​വി​നു് പ്രസാ​ദ​ക​ര​മാ​യി​രി​ക്കു​ക​യി​ല്ലെ​ന്നു് നമുക്ക​റി​യാം. അതിനാൽ നാം അങ്ങനെ​യുള്ള സംസാരം ഒഴിവാ​ക്കണം.—എഫെസ്യർ 5:3,4.

വീണ്ടും, നമ്മുടെ സംസാരം സംബന്ധിച്ച്‌ നാം നമ്മുടെ സ്രഷ്ടാ​വി​നെ പ്രസാ​ദി​പ്പി​ക്ക​ണ​മെ​ങ്കിൽ മറ്റുള്ള​വ​രെ​ക്കു​റിച്ച്‌ അപവാ​ദ​പ​ര​മാ​യ​തോ ഇടിച്ച്‌ താഴ്‌ത്തു​ന്ന​തോ ആയ കാര്യങ്ങൾ പറയാ​തി​രി​ക്കാൻ ശ്രദ്ധി​ക്കണം. നമ്മെ സംബന്ധിച്ച്‌ ഇങ്ങനെ പറയു​ന്നത്‌ സാദ്ധ്യ​മാ​യി​രി​ക്കണം: “അവൻ അവന്റെ നാവു​കൊ​ണ്ടു് അപവാദം പറഞ്ഞില്ല, തന്റെ കൂട്ടു​കാ​ര​നു് യാതൊ​രു തിന്മയും ചെയ്‌തില്ല, അവന്റെ അടുത്ത പരിച​യ​ക്കാ​ര​നു് എതിരാ​യി അപവാദം പറഞ്ഞതു​മില്ല. ” നാം അനീതി അനുഭ​വി​ക്കു​ന്നു​വെ​ന്നി​രു​ന്നാ​ലും, “ആർക്കും ദ്രോ​ഹപര”മായി സംസാ​രി​ക്കാ​തി​രി​ക്കു​ന്ന​തി​നു് ശ്രദ്ധി​ക്കണം.—സങ്കീർത്ത​നങ്ങൾ 15:3; തീത്തോസ്‌ 3:2.

ഭക്ഷണസ​മ​യ​ങ്ങ​ളി​ലെ നമ്മുടെ സംസാരം സംബന്ധിച്ച്‌ യഹോ​വ​യ​ക്കു് പൂർണ്ണ​പ്ര​സാ​ദ​മാ​യി​രി​ക്കു​ന്ന​തി​നു് നമുക്കു് എത്ര അവസരങ്ങൾ ഉണ്ടു്! സ്വാഭാ​വി​ക​മാ​യും ഇതു് കോപാ​കു​ല​മായ വാക്കു​കൾക്കും തകിടം മറിക്കുന്ന സംസാ​ര​ത്തി​നു​മുള്ള സമയമല്ല. മെച്ചമായ ധാരാളം കാര്യങ്ങൾ ചർച്ച ചെയ്യാ​നു​ണ്ടു്! പ്രത്യേ​കിച്ച്‌ നാം അതിഥി​കൾ ആയിരി​ക്കു​ക​യോ നമുക്കു് അതിഥി​കൾ ഉണ്ടായി​രി​ക്കു​ക​യോ ആണെങ്കിൽ അങ്ങനെ​യുള്ള സന്ദർഭ​ങ്ങൾക്കു് ജാഗ്ര​ത​യു​ള്ളവർ ആയിരി​ക്കണം. സാധാ​ര​ണ​യാ​യി പക്വത​യുള്ള ക്രിസ്‌ത്യാ​നി​ക​ളേ​ക്കാൾ, കൂടുൽ സംസാ​രി​ക്കു​ക​ന്ന​യാൾ സംഭാ​ഷ​ണത്തെ നയിക്കു​ന്നു. മുഴു​സമയ സേവന​ത്തിൽ നിരവധി വർഷങ്ങ​ളി​ലെ അനുഭ​വ​മുള്ള ഒരു ക്രിസ്‌തീയ അതിഥി നിങ്ങൾക്കു് ഉണ്ടായി​രി​ക്കു​മോ? അവൻ ദൈവ​വ​ച​ന​ത്തെ​ക്കു​റിച്ച്‌ വളരെ അറിവു​ള്ള​വ​നാ​ണോ? അപ്പോൾ അവനിൽനി​ന്നും ജ്ഞാനം പുറത്തു​കൊ​ണ്ടു​വ​രു​ന്ന​തി​നു് വിവേചന ഉപയോ​ഗി​ക്കുക. “ഒരു മനുഷ്യ​ന്റെ ഹൃദയ​ത്തി​ലെ ബുദ്ധി​യു​പ​ദേശം ആഴമുള്ള വെള്ളങ്ങൾ പോ​ലെ​യാ​ണു്, എന്നാൽ വിവേചന ഉള്ളവനാ​ണു് അതു കോരി​യെ​ടു​ക്കു​ന്ന​തു്,” ഹാജരാ​യി​രി​ക്കുന്ന എല്ലാവ​രു​ടെ​യും പ്രയോ​ജ​ന​ത്തി​നു​വേണ്ടി—സദൃശ​വാ​ക്യ​ങ്ങൾ 20:5.

കൂടു​ത​ലാ​യി നമ്മുടെ സംസാ​ര​ത്തിൽ യഹോ​വയെ പൂർണ്ണ​മാ​യി പ്രസാ​ദി​പ്പി​ക്കു​ന്ന​തി​നു്, ദൈവ​നാ​മ​ത്തെ​യും രാജ്യ​ത്തെ​യും കുറിച്ച്‌ യാദൃ​ശ്ചിക സാക്ഷീ​ക​ര​ണ​ത്തി​നുള്ള അവസര​ങ്ങ​ളോ​ടു് ജാഗ്രത പുലർത്തണം. വാസ്‌ത​വ​ത്തിൽ ഒരു ക്രിസ്‌തീയ ശുശ്രൂ​ഷകൻ അങ്ങനെ​യുള്ള യാദൃ​ശ്ചിക സാക്ഷീ​ക​ര​ണ​ത്താൽ, കൂടുതൽ നിറ​വേ​റ്റി​യേ​ക്കാം. എന്നിരു​ന്നാ​ലും നമ്മുടെ സംസാ​ര​ത്താൽ യഹോ​വയെ പ്രസാ​ദി​പ്പി​ക്കാ​നുള്ള പ്രാഥ​മിക മാർഗ്ഗം, മറ്റുള്ള​വരെ അനു​ഗ്ര​ഹി​ക്കു​മ്പോൾ കൂടെ, രാജ്യ​ദൂ​തു​മാ​യി വീടുകൾ തോറും പോകു​ന്ന​തി​നാ​ലാ​ണു്—പ്രവൃ​ത്തി​കൾ 20:20.

ക്രിസ്‌തീ​യ വയൽ ശുശ്രൂ​ഷ​യിൽ നാം ഏർപ്പെ​ടു​മ്പോൾ നമ്മുടെ വാക്കുകൾ യഹോ​വ​ക്കു് പൂർണ്ണ​പ്ര​സാ​ദ​മാ​യി​രി​ക്കു​ന്ന​തി​നു വേണ്ടി, രാജ്യ​ദൂ​തി​ന്റെ സമർപ്പണം അഭിവൃ​ദ്ധി​പ്പെ​ടു​ത്തു​ന്ന​തി​നു് പരി​ശ്ര​മി​ക്കു​ന്ന​തിൽ നാം തുടരണം. “സുവാർത്ത ഭരമേൽപ്പി​ക്ക​പ്പെ​ട്ടി​രി​ക്കു​ന്ന​വ​രായ നാം അപ്പോ​സ്‌ത​ന​ലായ പൗലോ​സി​നെ​പ്പോ​ലെ , മനുഷ്യ​രെ പ്രസാ​ദി​പ്പ​ക്കു​ന്ന​തു​പോ​ലെ സംസാ​രി​ക്കാ​നല്ല പിന്നെ​യോ , നമ്മുടെ ഹൃദയ​ത്തിൽ തെളി​വു് നൽകുന്ന ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്നു.” കൂടാതെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നും, നമ്മുടെ വിശ്വാ​സ​ത്തി​ന്റെ പരസ്യ​പ്ര​ഖ്യാ​പനം നടത്തുന്ന ക്രിസ്‌തീയ യോഗ​ങ്ങ​ളിൽ നമ്മുടെ അധരത്തെ ഉപയോ​ഗി​ക്കാ​നുള്ള ഉത്തരവാ​ദി​ത്വ​ത്തെ അവഗണി​ക്ക​രു​തു്.—1 തെസ്സ​ലോ​നി​ക്യർ 2:4; എബ്രായർ 10:23-25.

നമ്മുടെ പെരു​മാ​റ്റ​ത്താ​ലും പ്രവൃ​ത്തി​യാ​ലും യഹോ​വയെ “പൂർണ്ണ​മാ​യി പ്രസാ​ദി​പ്പ​ക്കു​ന്നു”

നാം യഹോ​വ​ക്കു് പൂർണ്ണ​പ്ര​സ​സാ​ദ​മാ​യി​രി​ക്കു​ന്ന​തി​നു്, വിനോ​ദങ്ങൾ ഉൾപ്പെടെ, ദൈനം​ദിന പെരു​മാ​റ്റം സംബന്ധിച്ച്‌ ജാഗ്ര​ത​യു​ള്ളവർ ആയിരി​ക്കണം. അതെ നാം വിനോ​ദം തിരെ​ഞ്ഞെ​ടു​ക്കു​മ്പോൾ പോലും ദൈവത്തെ മാറ്റി നിർത്താൻ സാദ്ധ്യമല്ല. അതു് കർക്കശ​മാ​യി തോന്നു​ന്നു​വോ? ഒരിക്ക​ലു​മില്ല കാരണം പൗലോസ്‌ പറഞ്ഞു: “നിങ്ങൾ തിന്നാ​ലും കുടി​ച്ചാ​ലും അല്ലെങ്കിൽ എന്തുതന്നെ ചെയ്‌താ​ലും എല്ലാം ദൈവ​മ​ഹി​മ​ക്കാ​യി ചെയ്യു​വിൻ” ജഡത്തി​ന​നു​സ​ര​ണ​മാ​യു​ള്ള​വർക്കു് ദൈവത്തെ പ്രസാ​ദി​പ്പി​ക്കാൻ സാദ്ധ്യ​മ​ല്ലെന്നു”ള്ള മുന്നറി​യിപ്പ്‌ നാം മനസ്സിൽ സൂക്ഷി​ക്കണം. അതു​കൊണ്ട്‌ നമ്മുടെ വിനോ​ദം വെടി​പ്പാ​യ​താ​യി​രി​ക്കണം.—1 കൊരി​ന്ത്യർ 10:31; റോമർ 8:8.

സമയത്തി​ന്റെ​യും മിതത്വ​ത്തി​ന്റെ​യും ഘടകങ്ങ​ളെ​യും നാം അവഗണി​ക്ക​രു​തു്. യഹോ​വ​ക്കു് “പൂർണ്ണ​പ്ര​സാദ”മായി​രി​ക്കു​ന്ന​തി​നു് വിനോ​ദത്തെ പ്രമു​ഖ​പ്രാ​ധാ​ന്യ​മു​ള്ള​താ​യി​ട്ടല്ല, യാദൃ​ച്ഛി​ക​മാ​യി​ട്ടുള്ള ഒന്നായി അതിനെ അതിന്റെ സ്ഥാനത്തു നിറു​ത്തണം. വയൽശു​ശ്രൂ​ഷ​യിൽ ക്രമമാ​യി പങ്കുപ​റ്റു​ന്ന​തി​നെ​യോ അല്ലെങ്കിൽ ക്രിസ്‌തീയ യോഗ​ങ്ങ​ളിൽ ഹാജരാ​കു​ന്ന​തി​നെ​യോ അതി​ക്ര​മി​ക്കു​ന്ന​തോ അല്ലെങ്കിൽ ഒരു പ്രത്യേക ടെലി​വി​ഷൻ പരിപാ​ടി കാണു​ന്ന​തോ, ആയാലും ഒരിക്ക​ലും വിനോ​ദത്തെ പിൻതു​ട​രു​തു്.—മത്തായി 6:33.

ആവശ്യം ഉണ്ടായി​രി​ക്കു​ന്ന​തു​പോ​ലെ​യും, നമുക്കു് അവസരം കണ്ടെത്താൻ കഴിയു​ന്ന​തു​പോ​ലെ​യും ,നമ്മുടെ ക്രിസ്‌തീയ സഹോ​ദ​ര​ന്മാർക്കു് നന്മചെ​യ്യു​ന്ന​തും യഹോ​വയെ പൂർണ്ണ​മാ​യി പ്രസാ​ദി​പ്പി​ക്കു​ന്ന​തിൽ ഉൾപ്പെ​ടു​ന്നു. ഇതിനെ സംബന്ധിച്ച്‌ നാം വായി​ക്കു​ന്നു:“നന്മചെ​യ്യു​ന്ന​തും മറ്റുള്ള​വ​രു​മാ​യി വസ്‌തു​ക്കൾ പങ്കു വെക്കു​ന്ന​തും നാം മറന്നു​പോ​ക​രു​തു്, കാരണം അങ്ങനെ​യുള്ള യാഗങ്ങ​ളിൽ ദൈവം നന്നായി പ്രസാ​ദി​ക്കു​ന്നു.” ഫിലി​പ്യ​യി​ലെ ക്രിസ്‌ത്യാ​നി​കൾ തന്നോ​ടു് കാണിച്ച ദയ “ഒരു സ്വീകാ​ര്യ​മായ യാഗവും, ദൈവത്തെ നന്നായി പ്രസാ​ദി​പ്പി​ക്കു​ന്നതു”മാണെന്നു അപ്പോ​സ്‌ത​ല​നായ പൗലോസ്‌ പറഞ്ഞു.—എബ്രായർ 13:16; ഫിലി​പ്പ്യർ 4:18.

കുട്ടി​കൾക്കു് തങ്ങളുടെ പെരു​മാ​റ്റം സംബന്ധിച്ച്‌ യഹോ​വ​ക്കു് “പൂർണ്ണ​പ്ര​സാദ”മായി​രി​ക്കാൻ എങ്ങനെ കഴിയും? “കർത്താ​വി​നോ​ടുള്ള ഐക്യ​ത്തിൽ” തങ്ങളുടെ മാതാ​പി​താ​ക്കൾക്കു് അനുസ​ര​ണ​മു​ള്ള​വ​രാ​യി​രി​ക്കുക എന്നതാ​ണു് എടുത്തു പറയത്തക്ക ഒരു മാർഗ്ഗ​മെ​ന്നു് പൗലോസ്‌ കാണി​ക്കു​ന്നു. അവൻ ഇങ്ങനെ​യും പറയുന്നു:“ കുഞ്ഞു​ങ്ങളേ, നിങ്ങളു​ടെ മാതാ​പി​താ​ക്ക​ന്മാർക്കു് സകലത്തി​ലും അനുസ​ര​ണ​മു​ള്ള​രാ​യി​രി​ക്കുക, കാരണം അതു കർത്താ​വിൽ പ്രസാ​ദ​മാ​ണു്.—എഫെസ്യർ 6:1-3; കൊ​ലോ​സ്യർ 3:20.

ദൈവ​ത്തി​ന്റെ എല്ലാ സമർപ്പിത ദാസന്മാ​രും യഹോ​വ​യിൽ നിന്നും അവന്റെ ഭൂമി​യി​ലെ സ്ഥാപന​ത്തിൽ നിന്നും ധാരാളം സ്‌നേ​ഹദയ അനുഭ​വി​ച്ചി​ട്ടുണ്ട്‌, കലർപ്പി​ല്ലാത്ത സ്‌നേ​ഹ​ത്തോ​ടും നന്ദി​യോ​ടും​കൂ​ടെ നാം എല്ലായ്‌പ്പോ​ഴും അവനു പൂർണ്ണ​പ്ര​സാ​ദ​മാ​യി​രി​ക്കു​ന്ന​തി​നെ​ക്കു​റിച്ച്‌ ചിന്തയു​ള്ള​വ​രാ​യി​രി​ക്കണം. ദൈവ​ത്തി​ന്റെ അനർഹദയ സ്വീക​രി​ക്കു​ക​യും അതിന്റെ ഉദ്ദേശ്യം പാഴാ​ക്കി​ക്ക​ള​യാ​തി​രി​ക്കു​ക​യും ചെയ്യു​ന്ന​തി​നു് സ്‌നേ​ഹ​പൂർവ്വ​മായ കൃതജ്ഞത ആവശ്യ​മാ​ണു്:(2 കൊരി​ന്ത്യർ 6:1) യഹോവ അഖിലാണ്ഡ പരമാ​ധി​കാ​രി ആയിരി​ക്കു​ന്ന​തി​നാൽ അവനെ പൂർണ്ണ​മാ​യി പ്രസാ​ദി​പ്പി​ക്കു​ന്ന​തി​നെ​ക്കു​റി​ച്ചു് ചിന്തയു​ള്ള​വ​രാ​യി​രി​ക്കു​ന്ന​തു് നീതി​യും യുക്തവു​മായ ഒരു സംഗതി​യാ​ണു്. ഉപരി​യാ​യി, യഹോ​വ​ക്കു് പൂർണ്ണ​പ്ര​സാ​ദ​യാ​രി​ര​ക്കു​ന്ന​തി​നു് ശ്രമി​ക്കു​ന്നത്‌ ഏറ്റവും ബുദ്ധി​പൂർവ്വ​ക​വു​മായ ഗതിയാ​ണു്, അങ്ങനെ ചെയ്യു​ന്ന​തി​നാൽ നമുക്കു് ഇപ്പോൾ പ്രയോ​ജ​ന​ക​ര​വും വരാൻ പോകുന്ന ജീവി​ത​ത്തി​ന്റെ വാഗ്‌ദാ​ന​വും ലഭിക്കു​ന്നു.—1 തിമൊ​ഥെ​യോസ്‌ 4:8.

അതെ, നാം നമ്മുടെ പ്രവർത്ത​ന​ങ്ങ​ളെ​യും, പെരു​മാ​റ്റ​ത്തെ​യും, വാക്കു​ക​ളെ​യും, ചിന്തക​ളെ​യും സൂക്ഷി​ക്കു​ന്ന​തി​നു് ആഗ്രഹി​ക്കു​ന്നു. യഹോ​വ​യു​ടെ സഹായ​ത്താൽ മറ്റെന്ന​ത്തേ​ക്കാൾ കൂടുതൽ പൂർണ്ണ​മാ​യി അവനെ പ്രസാ​ദി​പ്പി​ക്കു​ന്ന​തി​നു് നാമങ്ങനെ ചെയ്യും. അങ്ങനെ ചെയ്യു​ന്ന​തു് നാം ഉപേക്ഷി​ക്ക​രു​തു്. മറിച്ച്‌ തെസ്സ​ലോ​നി​ക്യ​യി​ലുള്ള ക്രിസ്‌ത്യാ​നി​കൾക്കു് അപ്പോ​സ്‌ത​ല​നായ പൗലോസ്‌ കൊടുത്ത ബുദ്ധി​യു​പ​ദേ​ശ​ത്തി​നു് നമുക്കു് എല്ലായ്‌പ്പോ​ഴും ചെവി കൊടു​ക്കാം. “ ഒടുവിൽ സഹോ​ദ​ര​ന്മാ​രെ, നിങ്ങൾ എങ്ങനെ നടന്നു് ദൈവത്തെ പ്രസാ​ദി​പ്പി​ക്ക​ണ​മെ​ന്നു്, ഞങ്ങളിൽ നിന്നു പ്രബോ​ധനം ലഭിച്ച​തു​പോ​ലെ, വാസ്‌ത​വ​ത്തിൽ നിങ്ങൾ നടക്കു​ന്ന​തു​പോ​ലെ, നിങ്ങളതു കൂടുതൽ പൂർണ്ണ​മാ​യി ചെയ്യു​തിൽ തുടര​ണ​മെ​ന്നു് കർത്താ​വായ യേശു മുഖാ​ന്തരം നിങ്ങ​ളോ​ടു് അപേക്ഷിച്ച്‌ പ്രബോ​ധി​പ്പി​ക്കു​ന്നു.”—1 തെസ്സ​ലോ​നി​ക്യർ 4:1.