വായന​ക്കാ​രിൽ നിന്നുള്ള ചോദ്യ​ങ്ങൾ

എബ്രായർ 11:26-ൽ മോശയെ “ക്രിസ്‌തു” എന്നു പറഞ്ഞി​രി​ക്കു​ക​യാ​ണോ, അതോ അവൻ യേശു​ക്രി​സ്‌തു​വി​ന്റെ ഒരു മാതൃ​ക​യാ​യി​രു​ന്നോ?

മോശ​യു​ടെ വിശ്വാ​സ​ത്തേ​ക്കു​റി​ച്ചു ചർച്ച​ചെ​യ്‌ത​പ്പോൾ, മോശ “പ്രതി​ഫലം നോക്കി​യ​തു​കൊ​ണ്ടു . . . മിസ്ര​യീ​മി​ലെ നിക്ഷേ​പ​ങ്ങ​ളേ​ക്കാൾ ക്രിസ്‌തു​വി​ന്റെ നിന്ദ വലിയ ധനം എന്നു എണ്ണുക​യും ചെയ്‌തു” എന്ന്‌ അപ്പൊ​സ്‌ത​ല​നായ പൗലോസ്‌ എഴുതി. (എബ്രായർ 11:26) പൗലോസ്‌ മോശയെ ഒരർത്ഥ​ത്തിൽ “ക്രിസ്‌തു,” അഥവാ അഭിഷി​ക്തൻ എന്നു പരാമർശി​ക്കു​ക​യാ​യി​രു​ന്നു​വെന്നു തോന്നു​ന്നു.

വിവിധ വശങ്ങളിൽ മോശ വരാനി​രുന്ന മിശി​ഹ​യു​ടെ ഒരു മാതൃക വെച്ചു എന്നു സമ്മതി​ക്കാം. മോശ​തന്നെ ഒരു പ്രവാ​ച​ക​നാ​യി​രു​ന്നെ​ങ്കി​ലും ‘അവനെ​പ്പോ​ലെ​യുള്ള’ വരാനി​രുന്ന ഒരു വലിപ്പ​മേ​റിയ പ്രവാ​ച​ക​നെ​ക്കു​റിച്ച്‌ അവൻ മുൻകൂ​ട്ടി​പ്പ​റഞ്ഞു. അനേകം യഹൂദൻമാർ യേശു “ആ പ്രവാ​ചകൻ” ആണെന്നു തിരി​ച്ച​റി​ഞ്ഞു, അത്‌ അവന്റെ അനുഗാ​മി​കൾ സ്ഥിരീ​ക​രി​ച്ചു. (ആവർത്തനം 18:15-19; യോഹ​ന്നാൻ 1:21; 5:46; 6:14; 7:40; പ്രവൃ​ത്തി​കൾ 3:22, 23; 7:37) മോശ ന്യായ​പ്ര​മാണ ഉടമ്പടി​യു​ടെ മദ്ധ്യസ്ഥ​നും ആയിരു​ന്നു, എന്നാൽ യേശു മഹത്ത്വ​മാർന്ന പുതിയ ഉടമ്പടി​യായ “പുതിയ നിയമ​ത്തി​ന്റെ മദ്ധ്യസ്ഥൻ” എന്ന നിലയിൽ “വിശേ​ഷ​ത​യേ​റിയ ശുശ്രൂഷ” സ്വീക​രി​ച്ചു. (എബ്രായർ 8:6; 9:15; 12:24; ഗലാത്യർ 3:19; 1 തിമൊ​ഥെ​യൊസ്‌ 2:5) അതു​കൊ​ണ്ടു ചില വശങ്ങളിൽ മോശ വരാനി​രുന്ന മിശി​ഹാ​യു​ടെ ഒരു മാതൃ​ക​യാ​യി​രു​ന്ന​താ​യി പറയാൻ കഴിയും.

എന്നിരു​ന്നാ​ലും, എബ്രായർ 11:26-ന്റെ പ്രാഥ​മിക അർത്ഥം അതാ​ണെന്നു തോന്നു​ന്നില്ല. ഈജി​പ്‌റ​റിൽ താൻ സഹിച്ചത്‌ മിശി​ഹാ​യ്‌ക്കു​വേണ്ടി അല്ലെങ്കിൽ അവന്റെ ഒരു പ്രതി​നി​ധി​യെ​ന്ന​നി​ല​യിൽ ആണെന്നു ബോധ​പൂർവ്വം വിലയി​രു​ത്ത​ത്ത​ക്ക​വണ്ണം മിശി​ഹാ​യെ സംബന്ധിച്ച വിശദാം​ശങ്ങൾ മോശ​യ്‌ക്ക്‌ അറിയാ​മാ​യി​രു​ന്നു​വെന്ന്‌ ഒരു സൂചന​യു​മില്ല.

എബ്രായർ 11:26-ലെ പൗലോ​സി​ന്റെ വാക്കു​കൾക്ക്‌, ക്രിസ്‌ത്യാ​നി​കൾ “ക്രിസ്‌തു​വി​ന്റെ കഷ്ടങ്ങൾ”ക്കു വിധേ​യ​രാ​യി എന്ന അവന്റെ അഭി​പ്രാ​യ​ത്തോ​ടു സമാന​മായ ഒരർത്ഥ​മാ​ണു​ള്ള​തെന്നു ചിലർ നിർദ്ദേ​ശി​ച്ചി​രി​ക്കു​ന്നു. (2 കൊരി​ന്ത്യർ 1:5) യേശു​ക്രി​സ്‌തു കഷ്ടം അനുഭ​വി​ച്ചി​രു​ന്നു​വെ​ന്നും തങ്ങൾ ‘ഒരുമി​ച്ചു കഷ്ടം അനുഭ​വി​ച്ചാൽ’ സ്വർഗ്ഗ​ത്തിൽ ‘ഒരുമി​ച്ചു തേജസ്‌ക്ക​രി​ക്ക​പ്പെടു’മെന്നും അഭിഷിക്ത ക്രിസ്‌ത്യാ​നി​കൾ തിരി​ച്ച​റി​ഞ്ഞു. എന്നാൽ മോശ വരാനി​രുന്ന മിശിഹ എന്തു സഹിക്കു​മെന്ന്‌ അറിഞ്ഞി​രു​ന്നില്ല, മോശ​യ്‌ക്ക്‌ ഒരു സ്വർഗ്ഗീയ പ്രത്യാശ ഉണ്ടായി​രു​ന്ന​തു​മില്ല.—റോമർ 8:17; കൊ​ലൊ​സ്സ്യർ 1:24.

മോശ എങ്ങനെ “ക്രിസ്‌തു​വി​ന്റെ നിന്ദ വലിയ ധനം എന്നു എണ്ണി”യെന്നു​ള്ള​തി​നെ​പ്പ​ററി അതിലും ലളിത​മായ ഒരു വിശദീ​ക​ര​ണ​മുണ്ട്‌.

പൗലോസ്‌ എബ്രായർ 11:26-ൽ “ക്രിസ്‌തു” എന്നെഴു​തി​യ​പ്പോൾ അവൻ ക്രിസ്‌ററൗ എന്ന ഗ്രീക്കു​പദം ഉപയോ​ഗി​ച്ചു, അതു മശിയാക്‌ എന്ന എബ്രാ​യ​പ​ദ​ത്തി​ന്റെ അഥവാ മിശിഹ എന്നതിന്റെ തുല്യ​പ​ദ​മാണ്‌. “മിശിഹ” എന്നും “ക്രിസ്‌തു” എന്നുമുള്ള പദങ്ങളു​ടെ അർത്ഥം “അഭിഷി​ക്തൻ” എന്നാണ്‌. അതു​കൊണ്ട്‌ മോശ ‘അഭിഷി​ക്തന്റെ നിന്ദയെ എണ്ണു’ന്നതി​നേ​ക്കു​റി​ച്ചു പൗലോസ്‌ എഴുതു​ക​യാ​യി​രു​ന്നു. മോശ​യെ​ത്തന്നെ ഒരു “അഭിഷി​ക്തൻ” എന്നു വിളി​ക്കാൻ കഴിയു​മാ​യി​രു​ന്നോ?

ഉവ്വ്‌. ബൈബിൾകാ​ല​ങ്ങ​ളിൽ ഒരു വ്യക്തി​യു​ടെ തലയിൽ എണ്ണ ഒഴിച്ചു​കൊണ്ട്‌ അയാളെ ഒരു പ്രത്യേക പദവി​യിൽ സ്ഥിര​പ്പെ​ടു​ത്താൻ കഴിയു​മാ​യി​രു​ന്നു. “അപ്പോൾ ശമൂവേൽ തൈല​പാ​ത്രം എടുത്തു അവന്റെ [ശൗലിന്റെ] തലയിൽ ഒഴിച്ചു.” “ശമൂവേൽ തൈല​ക്കൊ​മ്പു എടുത്തു അവന്റെ സഹോ​ദ​രൻമാ​രു​ടെ നടുവിൽവെച്ചു അവനെ [ദാവീ​ദി​നെ] അഭി​ഷേകം ചെയ്‌തു; യഹോ​വ​യു​ടെ ആത്മാവു അന്നുമു​തൽ ദാവീ​ദിൻമേൽ വന്നു.” (1 ശമൂവേൽ 10:1; 16:13; താരത​മ്യം ചെയ്യുക: പുറപ്പാ​ടു 30:25, 30; ലേവ്യ​പു​സ്‌തകം 8:12; 2 ശമൂവേൽ 22:51; സങ്കീർത്തനം 133:2.) എന്നിരു​ന്നാ​ലും, അക്ഷരീയ തൈലം ഒഴിച്ച​തി​ന്റെ ഒരു തെളി​വു​മി​ല്ലെ​ങ്കി​ലും ഏലീശ പ്രവാ​ച​ക​നും അരാമ്യ​രാ​ജാ​വായ ഹസാ​യേ​ലും പോലുള്ള ചിലർ “അഭി​ഷേകം ചെയ്യ​പ്പെടു”ന്നതായി പറഞ്ഞി​രി​ക്കു​ന്നു. (1 രാജാ​ക്കൻമാർ 19:15, 16; സങ്കീർത്തനം 105:14, 15; യെശയ്യാ​വു 45:1) അക്കാര​ണ​ത്താൽ, തിര​ഞ്ഞെ​ടു​ക്കു​ക​യോ പ്രത്യേ​ക​മാ​യി നിയോ​ഗി​ക്കു​ക​യോ വഴി ഒരു വ്യക്തിക്ക്‌ ഒരു “അഭിഷി​ക്തൻ” ആയിരി​ക്കാൻ കഴിയു​മാ​യി​രു​ന്നു.

ഈ അർത്ഥത്തിൽ മോശ​തന്നെ ദൈവ​ത്തി​ന്റെ അഭിഷി​ക്തൻ ആയിരു​ന്നു, എബ്രായർ 11:26-ൽ “ദൈവ​ത്തി​ന്റെ അഭിഷി​ക്തൻ” എന്നോ “അഭിഷി​ക്ത​നാ​യവൻ” എന്നോ പോലും ചില ബൈബി​ളു​കൾ ഭാഷാ​ന്തരം ചെയ്യുന്നു. മോശ യഹോ​വ​യു​ടെ പ്രതി​നി​ധി​യും ഇസ്ര​യേ​ലി​നെ ഈജി​പ്‌റ​റിൽനി​ന്നു നയിക്കാ​നു​ള്ള​വ​നും എന്നനി​ല​യിൽ നിയോ​ഗി​ക്ക​പ്പെട്ടു. (പുറപ്പാ​ടു 3:2-12, 15-17) മോശ, ഈജി​പ്‌റ​റി​ലെ ധനത്തി​നും പ്രതാ​പ​ത്തി​നും മദ്ധ്യേ വളർത്ത​പ്പെ​ട്ടി​രു​ന്നു​വെ​ങ്കി​ലും അവൻ തന്റെ നിയോ​ഗത്തെ വില​യേ​റിയ നിക്ഷേ​പ​മാ​യി കരുതി, അവൻ അതു സ്വീക​രി​ക്കു​ക​യും നിറ​വേ​റ​റു​ക​യും ചെയ്‌തു. അപ്രകാ​രം മോശ “മിസ്ര​യീ​മി​ലെ നിക്ഷേ​പ​ങ്ങ​ളെ​ക്കാൾ ക്രിസ്‌തു​വി​ന്റെ നിന്ദ വലിയ ധനം എന്നു എണ്ണി”യെന്നു പൗലോ​സിന്‌ എഴുതാൻ കഴിഞ്ഞു.