ദരിദ്രർ എങ്കിലും സമ്പന്നർ—അതെങ്ങനെ?

താൻ ദരി​ദ്ര​നാ​യി​ത്തീ​ര​രു​തേ എന്ന്‌ നൂറ്റാ​ണ്ടു​കൾക്കു മുമ്പു ജ്ഞാനി​യായ ഒരു മനുഷ്യൻ പ്രാർഥി​ച്ചു. എന്തു​കൊ​ണ്ടാ​യി​രു​ന്നു അത്തര​മൊ​രു അപേക്ഷ നടത്തി​യത്‌? എന്തു​കൊ​ണ്ടെ​ന്നാൽ ദൈവ​വു​മാ​യുള്ള തന്റെ ബന്ധത്തെ അപകട​പ്പെ​ടു​ത്തുന്ന മനോ​ഭാ​വ​ങ്ങൾക്കും പ്രവർത്ത​ന​ങ്ങൾക്കും ദാരി​ദ്ര്യം പ്രേര​ക​മാ​യി​ത്തീർന്നേ​ക്കു​മെന്ന്‌ അവൻ ഭയപ്പെട്ടു. അവന്റെ വാക്കു​ക​ളിൽനിന്ന്‌ ഇതു വ്യക്തമാണ്‌: ‘നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ. ദരി​ദ്ര​നാ​യി​ത്തീർന്നി​ട്ടു മോഷ്ടി​ച്ചു എന്റെ ദൈവ​ത്തി​ന്റെ നാമത്തെ തീണ്ടി​പ്പാൻ സംഗതി​വ​ര​രു​തേ.’—സദൃശ​വാ​ക്യ​ങ്ങൾ 30:8, 9.

ദരി​ദ്ര​നായ ഒരു വ്യക്തിക്ക്‌ ദൈവത്തെ വിശ്വ​സ്‌ത​മാ​യി സേവി​ക്കാൻ സാധി​ക്കി​ല്ലെന്ന്‌ ഇത്‌ അർഥമാ​ക്കു​ന്നു​വോ? തീർച്ച​യാ​യും ഇല്ല! ദാരി​ദ്ര്യം കൈവ​രു​ത്തുന്ന യാതന​കൾക്കി​ട​യി​ലും ചരി​ത്ര​ത്തി​ലു​ട​നീ​ളം യഹോ​വ​യാം ദൈവ​ത്തി​ന്റെ അസംഖ്യം ദാസൻമാർ അവനോ​ടുള്ള നിർമലത നിലനിർത്തി​യി​ട്ടുണ്ട്‌. തന്നിൽ ആശ്രയി​ക്കു​ന്ന​വരെ യഹോവ തിരിച്ച്‌ സ്‌നേ​ഹി​ക്കു​ക​യും അവർക്കു​വേണ്ടി കരുതു​ക​യും ചെയ്യുന്നു.

പുരാ​ത​ന​കാ​ലത്തെ വിശ്വ​സ്‌തർ

അപ്പോ​സ്‌ത​ല​നായ പൗലൊ​സും ബുദ്ധി​മുട്ട്‌ അനുഭ​വി​ച്ചു. (2 കൊരി​ന്ത്യർ 6:3, 4) വിശ്വ​സ്‌ത​രായ ക്രിസ്‌തീ​യ​പൂർവ സാക്ഷി​ക​ളു​ടെ “വലി​യോ​രു സമൂഹ”ത്തെക്കു​റി​ച്ചും അവൻ വിവരി​ച്ചു. അവരിൽ ചിലർ “ജടയാ​ടു​ക​ളു​ടെ​യും കോലാ​ടു​ക​ളു​ടെ​യും തോൽ ധരിച്ചു ബുദ്ധി​മു​ട്ടും . . . സഹിച്ചു, കാടു​ക​ളി​ലും മലകളി​ലും ഗുഹക​ളി​ലും ഭൂമി​യു​ടെ പിളർപ്പു​ക​ളി​ലും ഉഴന്നു വലഞ്ഞു.”—എബ്രായർ 11:37, 38; 12:1.

ഈ വിശ്വ​സ്‌ത​രിൽ ഒരുവ​നാ​യി​രു​ന്നു പ്രവാ​ച​ക​നായ ഏലീയാവ്‌. മൂന്നര​വർഷം നീണ്ടു​നിന്ന ഒരു വരൾച്ച​ക്കാ​ലത്ത്‌ യഹോവ അവന്‌ ക്രമമാ​യി ഭക്ഷണം പ്രദാനം ചെയ്‌തു. ആദ്യം, മലങ്കാ​ക്കകൾ മുഖേന ദൈവം പ്രവാ​ച​കന്‌ അപ്പവും ഇറച്ചി​യും എത്തിച്ചു​കൊ​ടു​ത്തു. (1 രാജാ​ക്കൻമാർ 17:2-6) പിന്നീട്‌, ഒരു വിധവ​യു​ടെ പക്കലു​ണ്ടാ​യി​രുന്ന മാവി​ന്റെ​യും എണ്ണയു​ടെ​യും ശേഖരം തീർന്നു​പോ​കാ​തി​രി​ക്കാൻ യഹോവ അത്ഭുത​ക​ര​മാ​യി ഇടയാക്കി. അതിൽനിന്ന്‌ ആ വിധവ ഏലീയാ​വി​നു ഭക്ഷണം നൽകി. (1 രാജാ​ക്കൻമാർ 17:8-16) ആ ഭക്ഷണം വളരെ ലളിത​മാ​യി​രു​ന്നെ​ങ്കി​ലും അത്‌ പ്രവാ​ച​ക​ന്റെ​യും ആ സ്‌ത്രീ​യു​ടെ​യും അവളുടെ മകന്റെ​യും ജീവൻ നിലനിർത്തി.

സമാന​മാ​യി, വിശ്വസ്‌ത പ്രവാ​ച​ക​നായ യിരെ​മ്യാ​വി​നെ സാമ്പത്തിക ദുരി​ത​ത്തി​ന്റെ നാളു​ക​ളിൽ യഹോവ പോറ്റി​പ്പു​ലർത്തി. യെരൂ​ശ​ലേ​മി​ന്റെ മേലുള്ള ബാബി​ലോ​ന്യ ഉപരോ​ധത്തെ യിരെ​മ്യാവ്‌ അതിജീ​വി​ച്ചു. അന്നു ജനങ്ങൾ “തൂക്ക​പ്ര​കാ​ര​വും പേടി​യോ​ടെ​യും അപ്പം” ഭക്ഷി​ക്കേ​ണ്ടി​യി​രു​ന്നു. (യെഹെ​സ്‌കേൽ 4:16) ഒടുവിൽ, നഗരത്തി​ലെ ഭക്ഷ്യക്ഷാ​മം അത്യന്തം രൂക്ഷമാ​യി​ത്തീർന്നിട്ട്‌ ചില സ്‌ത്രീ​കൾ സ്വന്തം കുട്ടി​ക​ളെ​പോ​ലും കൊന്നു​തി​ന്നു. (വിലാ​പങ്ങൾ 2:20) തന്റെ നിർഭ​യ​പ്ര​സം​ഗം നിമിത്തം യിരെ​മ്യാ​വു തടങ്കലി​ലാ​യി​രു​ന്നെ​ങ്കി​ലും “നഗരത്തിൽ ആഹാരം തീരെ ഇല്ലാതാ​കും​വരെ” ദിവസേന അവന്‌ “ഒരു അപ്പം” ലഭിക്കു​ന്നു​വെന്ന്‌ യഹോവ ഉറപ്പു​വ​രു​ത്തി.—യിരെ​മ്യാ​വു 37:21.

അതു​കൊണ്ട്‌, ഏലീയാ​വി​നെ​പ്പോ​ലെ യിരെ​മ്യാ​വി​നും ഭക്ഷിക്കാൻ അൽപ്പമേ ഉണ്ടായി​രു​ന്നു​ള്ളൂ. യെരൂ​ശ​ലേ​മിൽ അപ്പം തീർന്നു​പോ​യ​ശേഷം യിരെ​മ്യാവ്‌ എന്ത്‌ ഭക്ഷിച്ചു​വെ​ന്നോ എത്ര കൂടെ​ക്കൂ​ടെ ഭക്ഷിച്ചു​വെ​ന്നോ തിരു​വെ​ഴു​ത്തു​കൾ നമ്മോടു പറയു​ന്നില്ല. എന്നിരു​ന്നാ​ലും, യഹോവ അവനെ പോറ്റി​പ്പു​ലർത്തി​യെ​ന്നും അങ്ങനെ അവൻ ഭീതി​ദ​മായ ആ ക്ഷാമകാ​ലത്തെ അതിജീ​വി​ച്ചെ​ന്നും നമുക്ക​റി​യാം.

ഇന്ന്‌ ലോക​ത്തി​ന്റെ എല്ലാഭാ​ഗ​ത്തും ദാരി​ദ്ര്യ​മുണ്ട്‌. ഐക്യ​രാ​ഷ്‌ട്രങ്ങൾ പറയു​ന്ന​ത​നു​സ​രിച്ച്‌ ഏറ്റവു​മ​ധി​കം ദാരി​ദ്ര്യ​മു​ള്ളത്‌ ആഫ്രി​ക്ക​യി​ലാണ്‌. വാർത്താ​മാ​ധ്യ​മ​ങ്ങൾക്കാ​യുള്ള ഒരു യുഎൻ വാർത്താ​ക്കു​റിപ്പ്‌ 1996-ൽ ഇങ്ങനെ പറഞ്ഞു: “മുഴു ആഫ്രി​ക്ക​ക്കാ​രി​ലും കുറഞ്ഞതു പകുതി​പ്പേ​രെ​ങ്കി​ലും ദാരി​ദ്ര്യ​ത്തി​ലാണ്‌.” വർധി​ച്ചു​വ​രുന്ന ഒരു കൂട്ടം ആഫ്രി​ക്ക​ക്കാർ അത്യന്തം രൂക്ഷമായ സാമ്പത്തിക സാഹച​ര്യ​ങ്ങൾ ഗണ്യമാ​ക്കാ​തെ, ദൈവം തങ്ങളെ പോറ്റി​പ്പു​ലർത്തു​മെന്ന ഉറപ്പോ​ടെ ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കു​ക​യും അവനെ വിശ്വ​സ്‌ത​മാ​യി സേവി​ക്കു​ക​യും ചെയ്യുന്നു. നമ്മുടെ പ്രക്ഷുബ്ധ ലോക​ത്തി​ന്റെ ഒരു ഭാഗത്തു​നി​ന്നുള്ള ചില ദൃഷ്ടാ​ന്തങ്ങൾ പരിചി​ന്തി​ക്കുക.

സത്യസ​ന്ധ​രാ​യി​രി​ക്കൽ

നൈജീ​രി​യ​യി​ലെ ഒരു കർഷക​നായ മൈക്കിളിന്‌a ആറു കുട്ടി​കളെ പോ​റ്റേ​ണ്ട​തുണ്ട്‌. “കുടും​ബ​ത്തി​നു​വേണ്ടി കരുതാൻ പണമി​ല്ലാ​ത്ത​പ്പോൾ സത്യസ​ന്ധ​നാ​യി​രി​ക്കുക പ്രയാ​സ​മാണ്‌,” അദ്ദേഹം പറയുന്നു. “എന്നാൽ, സത്യസന്ധത കൈ​വെ​ടി​യാൻ പ്രലോ​ഭി​ത​നാ​കു​മ്പോൾ, ‘കള്ളൻ ഇനി കക്കാതെ കൈ​കൊ​ണ്ടു നല്ലതു പ്രവർത്തി​ച്ചു അദ്ധ്വാ​നി​ക്ക​യ​ത്രേ വേണ്ടതു’ എന്നു പറയുന്ന എഫെസ്യർ 4:28 ഞാൻ ഓർമി​ക്കു​ന്നു. അതു​കൊണ്ട്‌ എനിക്ക്‌ പ്രലോ​ഭനം തോന്നി​യാൽ ഞാൻ സ്വയം ചോദി​ക്കു​ന്നു, ‘ഈ പണത്തി​നു​വേണ്ടി ഞാൻ അധ്വാ​നി​ച്ചി​ട്ടു​ണ്ടോ?’”

“ദൃഷ്ടാ​ന്ത​ത്തിന്‌,” മൈക്കിൾ കൂട്ടി​ച്ചേർക്കു​ന്നു, “ഒരിക്കൽ ഞാൻ നടന്നു​പോ​കവേ, ഒരു മോ​ട്ടോർ​സൈ​ക്കി​ളി​ന്റെ പിന്നിൽനിന്ന്‌ ഒരു ബാഗ്‌ താഴെ​വീ​ഴു​ന്നതു കണ്ടു. മോ​ട്ടോർ​സൈ​ക്കിൾ നിർത്തി​ക്കാൻ എനിക്കു കഴിഞ്ഞില്ല. ഞാൻ ആ ബാഗ്‌ എടുത്തു. അതുനി​റയെ പണമാ​യി​രു​ന്നു! ബാഗിലെ പേരു​വി​വരം ഉപയോ​ഗിച്ച്‌ ഞാൻ ഉടമസ്ഥനെ കണ്ടെത്തി ബാഗ്‌ അദ്ദേഹ​ത്തി​നു തിരി​ച്ചു​കൊ​ടു​ത്തു.”

വിഷാ​ദത്തെ നേരിടൽ

ഉത്തരാ​ഫ്രി​ക്ക​യി​ലെ ഒരു മനുഷ്യൻ അഭി​പ്രാ​യ​പ്പെട്ടു: “ആഴമേ​റിയ ഒരു കുഴി​യിൽ അകപ്പെ​ട്ടിട്ട്‌, വെളി​ച്ച​വും ആളുകൾ അങ്ങുമി​ങ്ങും നടക്കു​ന്ന​തും കാണാൻ കഴിയു​മെ​ങ്കി​ലും സഹായ​ത്തി​നാ​യി വിളി​ച്ചു​കൂ​വാ​നോ പുറത്തു​ക​ട​ക്കാ​നാ​യി ഒരു കോവണി ചോദി​ക്കാ​നോ സാധി​ക്കാ​ത്ത​തു​പോ​ലെ​യാണ്‌ ദാരി​ദ്ര്യം.” ദാരി​ദ്ര്യം മിക്ക​പ്പോ​ഴും വിഷാ​ദ​വും നിരാ​ശ​യും കൈവ​രു​ത്തു​ന്ന​തിൽ യാതൊ​ര​തി​ശ​യ​വു​മില്ല! ദൈവ​ദാ​സൻമാർ പോലും മറ്റുള്ള​വ​രു​ടെ സമ്പത്തു കണ്ടിട്ട്‌ നിർമ​ല​ജീ​വി​തം മൂല്യ​വ​ത്ത​ല്ലെന്നു ചിന്തി​ച്ചു​തു​ട​ങ്ങി​യേ​ക്കാം. (സങ്കീർത്തനം 73:2-13 താരത​മ്യം ചെയ്യുക.) അത്തരം വികാ​ര​ങ്ങളെ എങ്ങനെ കീഴട​ക്കാ​നാ​കും?

പശ്ചിമാ​ഫ്രി​ക്ക​ക്കാ​ര​നായ പീറ്റർ 19 വർഷത്തെ ഗവൺമെൻറ്‌ സേവന​ത്തി​നു ശേഷം വിരമി​ച്ചു. ഒരു ചെറിയ പെൻഷൻകൊ​ണ്ടാണ്‌ അദ്ദേഹം ഇപ്പോൾ മുഖ്യ​മാ​യും ഉപജീ​വനം കഴിക്കു​ന്നത്‌. പീറ്റർ പറയുന്നു: “എനിക്ക്‌ നിരു​ത്സാ​ഹം അനുഭ​വ​പ്പെ​ടുന്ന സമയങ്ങ​ളിൽ, ബൈബി​ളി​ലും വാച്ച്‌ടവർ സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളി​ലും വായി​ച്ചി​ട്ടു​ള്ളത്‌ ഞാൻ ഓർമി​ക്കു​ന്നു. ഈ പഴയ വ്യവസ്ഥി​തി നീങ്ങി​പ്പോ​കാ​റാ​യി​രി​ക്കു​ക​യാണ്‌, നാം മെച്ചപ്പെട്ട ഒരു വ്യവസ്ഥി​തി​ക്കാ​യി കാത്തി​രി​ക്കു​ക​യു​മാണ്‌.

“കൂടാതെ, 1 പത്രൊസ്‌ 5:9-നെക്കു​റിച്ച്‌ ഞാൻ ചിന്തി​ക്കു​ന്നു, അതു പറയുന്നു: ‘ലോക​ത്തിൽ നിങ്ങൾക്കുള്ള സഹോ​ദ​ര​വർഗ്ഗ​ത്തി​ന്നു ആവക കഷ്ടപ്പാ​ടു​കൾ തന്നേ പൂർത്തി​യാ​യി വരുന്നു എന്നറിഞ്ഞു വിശ്വാ​സ​ത്തിൽ സ്ഥിരമു​ള്ള​വ​രാ​യി അവനോ​ടു [സാത്താ​നോട്‌] എതിർത്തു നില്‌പിൻ.’ അതു​കൊണ്ട്‌, ബുദ്ധി​മു​ട്ടു​കൾ അനുഭ​വി​ക്കുന്ന ഏക വ്യക്തിയല്ല ഞാൻ. നിരു​ത്സാ​ഹ​പ്പെ​ടു​ത്തുന്ന വിഷാ​ദാ​ത്മക ചിന്തകളെ പുറന്ത​ള്ളാൻ ഈ ഓർമി​പ്പി​ക്ക​ലു​കൾ എന്നെ സഹായി​ക്കു​ന്നു.”

“മാത്രമല്ല,” പീറ്റർ കൂട്ടി​ച്ചേർക്കു​ന്നു, “ഭൂമി​യി​ലാ​യി​രു​ന്ന​പ്പോൾ യേശു അനേകം അത്ഭുതങ്ങൾ പ്രവർത്തി​ച്ചു, എന്നിരു​ന്നാ​ലും അവൻ ആരെയും ഭൗതി​ക​മാ​യി ധനിക​നാ​ക്കി​യില്ല. അവൻ എന്നെ ധനിക​നാ​ക്ക​ണ​മെന്ന്‌ ഞാൻ എന്തിനു പ്രതീ​ക്ഷി​ക്കണം?”

പ്രാർഥ​ന​യു​ടെ ശക്തി

നിഷേ​ധാ​ത്മക ചിന്താ​ഗ​തി​യെ നേരി​ടാ​നുള്ള മറ്റൊരു വിധമാണ്‌ പ്രാർഥ​ന​യിൽ യഹോ​വ​യാം ദൈവ​ത്തോട്‌ അടുത്തു​ചെ​ല്ലു​ന്നത്‌. 1960-ൽ ഒരു യഹോ​വ​യു​ടെ സാക്ഷി​യാ​യി​ത്തീർന്ന മേരിയെ സ്വന്തം കുടും​ബം കൈ​വെ​ടി​ഞ്ഞു. ഇപ്പോൾ 50-കളിൽ ആയിരി​ക്കുന്ന അവിവാ​ഹി​ത​യായ അവർ ദുർബ​ല​യാണ്‌, ഭൗതി​ക​മാ​യി അവർക്ക്‌ വളരെ കുറച്ചു​മാ​ത്രമേ ഉള്ളൂ. എങ്കിലും ക്രിസ്‌തീയ ശുശ്രൂ​ഷ​യിൽ അവർക്കു തീക്ഷ്‌ണ​ത​യുണ്ട്‌.

മേരി പറയുന്നു: “എനിക്കു നിരു​ത്സാ​ഹം തോന്നു​മ്പോൾ ഞാൻ പ്രാർഥ​ന​യിൽ യഹോ​വ​യി​ങ്ക​ലേക്കു തിരി​യു​ന്നു. അവനെ​ക്കാൾ അധിക​മാ​യി മറ്റാർക്കും എന്നെ സഹായി​ക്കാ​നാ​വി​ല്ലെന്ന്‌ എനിക്ക​റി​യാം. യഹോ​വ​യിൽ ആശ്രയി​ക്കു​മ്പോൾ അവൻ സഹായ​മേ​കു​ന്നു​വെന്ന്‌ ഞാൻ മനസ്സി​ലാ​ക്കി​യി​രി​ക്കു​ന്നു. സങ്കീർത്തനം 37:25-ൽ കാണുന്ന, ദാവീദ്‌ രാജാ​വി​ന്റെ ഈ വാക്കുകൾ ഞാൻ എല്ലായ്‌പോ​ഴും ഓർമി​ക്കു​ന്നു: ‘ഞാൻ ബാലനാ​യി​രു​ന്നു, വൃദ്ധനാ​യി​ത്തീർന്നു; നീതി​മാൻ തുണയി​ല്ലാ​തി​രി​ക്കു​ന്ന​തും അവന്റെ സന്തതി ആഹാരം ഇരക്കു​ന്ന​തും ഞാൻ കണ്ടിട്ടില്ല.’

“വീക്ഷാ​ഗോ​പു​ര​ത്തിൽ വിവരി​ച്ചി​രി​ക്കുന്ന പ്രായം​ചെന്ന ആത്മീയ സഹോ​ദ​രീ​സ​ഹോ​ദ​രൻമാ​രു​ടെ അനുഭ​വ​ങ്ങ​ളിൽനി​ന്നും ഞാൻ പ്രോ​ത്സാ​ഹനം ഉൾക്കൊ​ള്ളു​ന്നു. യഹോ​വ​യാം ദൈവം അവരെ സഹായി​ച്ചു. അതു​കൊണ്ട്‌, അവൻ തുടർന്നും എന്നെ സഹായി​ക്കു​മെന്ന്‌ എനിക്ക​റി​യാം. ഫുഫു [ഒരു കാസാവ ഭക്ഷണം] വിൽക്കു​ക​യെന്ന എന്റെ ചെറിയ ജോലി​യെ അവൻ അനു​ഗ്ര​ഹി​ക്കു​ന്നു, അങ്ങനെ അനുദിന ആവശ്യങ്ങൾ തൃപ്‌തി​പ്പെ​ടു​ത്താൻ എനിക്കു കഴിയു​ന്നു. ഒട്ടും​തന്നെ പണം കൈവ​ശ​മി​ല്ലാ​ഞ്ഞിട്ട്‌ എന്തു ചെയ്യു​മെന്ന്‌ ഞാൻ ചിന്തി​ക്കുന്ന ചിലയ​വ​സ​ര​ങ്ങ​ളിൽ, യഹോവ ആരെ​യെ​ങ്കി​ലും അയയ്‌ക്കു​ന്നു. ‘ഇത്‌ സഹോ​ദ​രി​ക്കു​ള്ള​താണ്‌’ എന്നു പറഞ്ഞു​കൊണ്ട്‌ എന്തെങ്കി​ലും സമ്മാനം എനിക്കു തരും. യഹോവ എന്നെ ഒരിക്ക​ലും നിരാ​ശ​പ്പെ​ടു​ത്തി​യി​ട്ടില്ല.”

ബൈബിൾ പഠനത്തി​ന്റെ മൂല്യം

യഹോ​വ​യു​ടെ സാക്ഷികൾ ദൈവ​വ​ച​ന​മായ ബൈബി​ളി​ന്റെ പഠനത്തെ മൂല്യ​വ​ത്താ​യി കരുതു​ന്നു, അവരുടെ ഇടയിലെ ദരി​ദ്ര​രും അങ്ങനെ​തന്നെ കരുതു​ന്നു. അറുപതു വയസ്സുള്ള ജോൺ സഭയിൽ ഒരു പയനി​യ​റും (ഒരു മുഴു​സമയ രാജ്യ​ഘോ​ഷകൻ) ശുശ്രൂ​ഷാ​ദാ​സ​നു​മാ​യി സേവി​ക്കു​ന്നു. 13 കുടും​ബങ്ങൾ താമസി​ക്കുന്ന ഇടിഞ്ഞു വീഴാ​റായ ഒരു ഇരുനില കെട്ടി​ട​ത്തി​ലാണ്‌ അദ്ദേഹം കഴിഞ്ഞു​കൂ​ടു​ന്നത്‌. രണ്ടാം​നി​ല​യു​ടെ ഇടനാ​ഴി​യിൽ പ്ലൈവു​ഡ്‌കൊ​ണ്ടു വേർതി​രി​ച്ചി​രി​ക്കുന്ന ഒരു ഭാഗമാണ്‌ അദ്ദേഹ​ത്തി​ന്റെ മുറി. അതിൽ രണ്ടു പഴയ കസേര​ക​ളും വളരെ ഉയരത്തിൽ ബൈബിൾ പഠന സഹായി​കൾ അടുക്കി​വെ​ച്ചി​രി​ക്കുന്ന ഒരു മേശയു​മുണ്ട്‌. ഒരു പുൽപ്പാ​യ​യി​ലാണ്‌ അദ്ദേഹം ഉറങ്ങു​ന്നത്‌.

ജോൺ റൊട്ടി വിറ്റു​കൊണ്ട്‌ ദിവസം ഏകദേശം ഒരു ഡോളർ സമ്പാദി​ച്ചി​രു​ന്നു. എന്നാൽ, ഗോതമ്പ്‌ ഇറക്കു​മതി നിരോ​ധി​ച്ച​പ്പോൾ അദ്ദേഹ​ത്തിന്‌ തന്റെ ഉപജീ​വ​ന​മാർഗം നഷ്ടമായി. അദ്ദേഹം പറയുന്നു: “ചിലയ​വ​സ​ര​ങ്ങ​ളിൽ ജീവിതം വളരെ ആയാസ​ക​ര​മാ​യി എനിക്ക​നു​ഭ​വ​പ്പെട്ടു, എന്നാൽ ഞാൻ പയനി​യ​റിങ്‌ തുടർന്നു. യഹോ​വ​യാണ്‌ എന്നെ പോറ്റി​പ്പു​ലർത്തു​ന്നത്‌. കണ്ടെത്താൻ കഴിയുന്ന ഏതു ജോലി​യും ഞാൻ ചെയ്യുന്നു. ആഹാര​ത്തി​നോ മറ്റാവ​ശ്യ​ങ്ങൾക്കോ​വേണ്ടി ഞാൻ ആരെയും ആശ്രയി​ക്കു​ന്നില്ല. എന്നാൽ സഭയിലെ സഹോ​ദ​രങ്ങൾ വലിയ സഹായ​മാണ്‌. ജോലി അന്വേ​ഷി​ക്കാൻ അവർ എന്നെ സഹായി​ക്കു​ക​യും ചില​പ്പോൾ പണം ദാനമാ​യി നൽകു​ക​യും ചെയ്യുന്നു.

“ബൈബി​ളും വാച്ച്‌ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളും വായി​ക്കാൻ ഞാൻ സമയം കണ്ടെത്തു​ന്നു. അതിരാ​വി​ലെ ഭവനം നിശബ്ദ​മാ​യി​രി​ക്കു​മ്പോൾ ഞാൻ പഠിക്കു​ക​യും പിന്നീടു രാത്രി​യിൽ വൈദ്യു​തി ഉള്ളപ്പോ​ഴെ​ല്ലാം വായി​ക്കു​ക​യും ചെയ്യുന്നു. വ്യക്തി​പ​ര​മായ പഠനം ഞാൻ നിലനിർത്തേ​ണ്ട​തു​ണ്ടെന്ന്‌ എനിക്ക​റി​യാം.”

ജീവനു​വേണ്ടി കുട്ടി​കളെ പരിശീ​ലി​പ്പി​ക്കൽ

ഡാനിയൽ ആറു കുട്ടി​ക​ളുള്ള ഒരു വിഭാ​ര്യ​നാണ്‌. 25 വർഷമാ​യി ചെയ്‌തു​കൊ​ണ്ടി​രുന്ന ജോലി 1985-ൽ അദ്ദേഹ​ത്തി​നു നഷ്ടപ്പെ​ട്ടെ​ങ്കി​ലും സ്റ്റോർകീ​പ്പ​റാ​യുള്ള ഒരു ജോലി അദ്ദേഹം കണ്ടെത്തി. “കുടും​ബ​ത്തി​ലെ സാമ്പത്തി​ക​സ്ഥി​തി വളരെ മോശമാ”ണെന്ന്‌ അദ്ദേഹം പറയുന്നു. “ഇപ്പോൾ ഞങ്ങൾക്കു ദിവസ​ത്തിൽ ഒരുതവണ മാത്രമേ ഭക്ഷണം കഴിക്കാൻ സാധി​ക്കു​ന്നു​ള്ളൂ. ഒരിക്കൽ ഞങ്ങൾ മൂന്നു​ദി​വ​സ​ത്തേക്കു ഭക്ഷണം കഴിക്കാ​തി​രു​ന്നു. വെള്ളം മാത്രം കുടിച്ച്‌ ഞങ്ങൾക്കു ജീവൻ നിലനിർത്തേ​ണ്ടി​വന്നു.”

ഡാനിയൽ സഭയിൽ ഒരു മൂപ്പനാ​യി സേവി​ക്കു​ന്നു. “ഞാൻ ക്രിസ്‌തീയ യോഗങ്ങൾ ഒരിക്ക​ലും മുടക്കാ​റില്ല, ദിവ്യാ​ധി​പത്യ നിയമ​ന​ങ്ങ​ളിൽ ഞാൻ തിരക്കു​ള്ള​വ​നാ​യി തുടരു​ന്നു,” എന്ന്‌ അദ്ദേഹം പറയുന്നു. “രാജ്യ​ഹാ​ളി​നോ​ടു ബന്ധപ്പെട്ട എന്തെങ്കി​ലും ജോലി ചെയ്യാ​നു​ള്ള​പ്പോ​ഴെ​ല്ലാം അവിടെ സന്നിഹി​ത​നാ​ണെന്നു ഞാൻ ഉറപ്പു​വ​രു​ത്തു​ന്നു. കാര്യങ്ങൾ പ്രയാ​സ​ക​ര​മാ​കു​മ്പോൾ, യോഹ​ന്നാൻ 6:68-ൽ രേഖ​പ്പെ​ടു​ത്തി​യി​രി​ക്കുന്ന, യേശു​വി​നോ​ടുള്ള പത്രൊ​സി​ന്റെ വാക്കുകൾ ഞാൻ ഓർമി​ക്കു​ന്നു: ‘കർത്താവേ, ഞങ്ങൾ ആരുടെ അടുക്കൽ പോകും?’ യഹോ​വയെ സേവി​ക്കു​ന്നതു നിർത്തി​യാൽ, പിന്നെ ഞാൻ എവിടെ പോകും? റോമർ 8:35-39-ൽ കാണുന്ന പൗലൊ​സി​ന്റെ വാക്കു​ക​ളും എന്നിൽ നിശ്ചയ​ദാർഢ്യം നിറയ്‌ക്കു​ന്നു. എന്തെന്നാൽ ദൈവ​ത്തി​ന്റെ​യും ക്രിസ്‌തു​വി​ന്റെ​യും സ്‌നേ​ഹ​ത്തിൽനിന്ന്‌ യാതൊ​ന്നും നമ്മെ വേർപി​രി​ക്കി​ല്ലെന്ന്‌ അതു പ്രകട​മാ​ക്കു​ന്നു. ഇതേ മനോ​ഭാ​വ​മാണ്‌ ഞാൻ എന്റെ കുട്ടി​ക​ളിൽ നട്ടുവ​ളർത്തു​ന്നത്‌. നാം ഒരിക്ക​ലും യഹോ​വയെ ഉപേക്ഷി​ക്ക​രു​തെന്നു ഞാൻ അവരോ​ടു തുടർച്ച​യാ​യി പറയുന്നു.” ക്രമമായ കുടുംബ ബൈബി​ള​ധ്യ​യ​ന​ത്തോ​ടൊ​പ്പം ഡാനി​യ​ലി​ന്റെ തീക്ഷ്‌ണ​ത​യ്‌ക്ക്‌ അദ്ദേഹ​ത്തി​ന്റെ കുട്ടി​ക​ളു​ടെ​മേൽ ക്രിയാ​ത്മ​ക​മായ ഫലമു​ണ്ടാ​യി​രു​ന്നി​ട്ടുണ്ട്‌.

കൊടു​ക്കൽ മനോ​ഭാ​വം

കഠിന ദാരി​ദ്ര്യ​ത്തിൽ കഴിയു​ന്ന​വർക്കു രാജ്യ​താ​ത്‌പ​ര്യ​ങ്ങളെ ഉന്നമി​പ്പി​ക്കാൻ സാമ്പത്തി​ക​മാ​യി സംഭാവന ചെയ്യാൻ സാധി​ക്കി​ല്ലെന്ന്‌ ഒരുവൻ കരുതി​യേ​ക്കാം. എന്നാൽ അതങ്ങ​നെയല്ല. (ലൂക്കൊസ്‌ 21:1-4 താരത​മ്യം ചെയ്യുക.) കഴിഞ്ഞു​കൂ​ടാൻവേണ്ടി മാത്രം കൃഷി​ചെ​യ്യു​ന്നതു മുഖ്യ തൊഴി​ലാ​ക്കിയ ഘാനയി​ലെ ചില സാക്ഷികൾ ദൈവ​രാ​ജ്യ താത്‌പ​ര്യ​ങ്ങ​ളു​ടെ ഉന്നമന​ത്തിന്‌ ഉപയോ​ഗി​ക്കാൻ തങ്ങളുടെ സ്ഥലത്തിന്റെ ഒരു ഭാഗം വേർതി​രി​ച്ചു​വെ​ക്കു​ന്നു. ആ ഭാഗത്തെ കാർഷി​കോ​ത്‌പന്നം വിറ്റു​കി​ട്ടുന്ന പണം യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളിൽ സംഭാ​വ​നകൾ നൽകു​ന്ന​തുൾപ്പെ​ടെ​യുള്ള രാജ്യ​താ​ത്‌പ​ര്യ​ങ്ങൾക്കാ​യി മാത്രം ഉപയോ​ഗി​ക്കു​ന്നു.

മധ്യാ​ഫ്രി​ക്ക​യിൽ താമസി​ക്കുന്ന ജൊവാൻ ഒരു പയനി​യ​റാണ്‌. തളർവാ​തം ബാധിച്ച ഭർത്താ​വി​നെ​യും മറ്റു നാല്‌ ആശ്രി​ത​രെ​യും പരിപാ​ലി​ക്കു​ന്ന​തിന്‌ അവൾ റൊട്ടി വിൽക്കു​ന്നു. ജൊവാൻ പൊയ്‌ക്കൊ​ണ്ടി​രുന്ന രാജ്യ​ഹാ​ളിൽ ബെഞ്ചുകൾ ആവശ്യ​മാ​യി​വ​ന്ന​പ്പോൾ അവളുടെ കുടും​ബം തങ്ങളുടെ പക്കലു​ണ്ടാ​യി​രുന്ന മുഴുവൻ പണവും സംഭാവന ചെയ്യാൻ തീരു​മാ​നി​ച്ചു. അവരുടെ കൈവശം യാതൊ​ന്നും ശേഷി​ച്ചില്ല. എന്നാൽ അടുത്ത ദിവസം, എന്നെങ്കി​ലും തിരികെ ലഭിക്കു​മെന്ന്‌ അവർക്കു യാതൊ​രു പ്രതീ​ക്ഷ​യു​മി​ല്ലാ​തി​രുന്ന പണം തിരികെ നൽകി​ക്കൊണ്ട്‌ ഒരാൾ അവിചാ​രി​ത​മാ​യി ദീർഘ​കാ​ല​മാ​യുള്ള ഒരു കടം അടച്ചു​തീർത്തു!

ജൊവാൻ സന്തുഷ്ട​യാണ്‌, പണത്തെ​ക്കു​റിച്ച്‌ അവൾ അകാര​ണ​മാ​യി ഉത്‌ക​ണ്‌ഠ​പ്പെ​ടു​ന്നില്ല. “എന്റെ സാഹച​ര്യം പ്രാർഥ​ന​യിൽ ഞാൻ യഹോ​വ​യോ​ടു പറയുന്നു, എന്നിട്ട്‌ ഞാൻ വയൽ ശുശ്രൂ​ഷ​യ്‌ക്കു പോകു​ന്നു. ഈ വ്യവസ്ഥി​തി​യിൽ മെച്ചപ്പെട്ട സമയങ്ങൾക്കാ​യി പ്രതീ​ക്ഷി​ക്കാൻ കാര്യ​മായ വകയൊ​ന്നു​മി​ല്ലെന്നു ഞങ്ങൾക്ക​റി​യാം. എന്നാൽ, യഹോവ ഞങ്ങളുടെ ആവശ്യ​ങ്ങൾക്കാ​യി കരുതു​മെന്നു ഞങ്ങൾ തിരി​ച്ച​റി​യു​ന്നു.”

പരി​ശ്ര​മ​ശീ​ലം പ്രകട​മാ​ക്കൽ

യഹോ​വ​യു​ടെ സാക്ഷികൾ അവരുടെ പരസ്‌പര സ്‌നേ​ഹ​ത്താൽ തിരി​ച്ച​റി​യ​പ്പെ​ടു​ന്നു. (യോഹ​ന്നാൻ 13:35) പണമു​ള്ളവർ ദാരി​ദ്ര്യ​മ​നു​ഭ​വി​ക്കുന്ന സഹക്രി​സ്‌ത്യാ​നി​കളെ സഹായി​ക്കു​ന്നു. മിക്ക​പ്പോ​ഴും ഒരു സമ്മാനം എന്നനി​ല​യി​ലാണ്‌ അതു ലഭിക്കു​ന്നത്‌, ചില​പ്പോൾ തൊഴി​ലി​ന്റെ രൂപത്തി​ലും.

കോം​ഗോ​യിൽ താമസി​ക്കുന്ന മാർക്ക്‌ കുഷ്‌ഠ​രോ​ഗി​യാണ്‌. അദ്ദേഹ​ത്തി​ന്റെ കാലി​ലെ​യും കയ്യി​ലെ​യും വിരലു​കളെ അതു വികൃ​ത​മാ​ക്കി​യി​രി​ക്കു​ന്നു. അതു​കൊണ്ട്‌, നടക്കാ​നാ​യി അദ്ദേഹം താങ്ങു​വ​ടി​കളെ ആശ്രയി​ക്കു​ന്നു. മാർക്ക്‌ യഹോ​വയെ സേവി​ക്കാൻ തീരു​മാ​നി​ച്ച​പ്പോൾ ജീവി​ത​ത്തിൽ വലിയ മാറ്റങ്ങൾ വരുത്താൻ തുടങ്ങി. മുമ്പു​ചെ​യ്‌തി​രു​ന്ന​തു​പോ​ലെ ഭക്ഷണത്തി​നു​വേണ്ടി യാചി​ക്കു​ന്ന​തി​നു​പ​കരം അദ്ദേഹം സ്വന്തമാ​യി ഭക്ഷ്യവ​സ്‌തു​ക്കൾ ഉത്‌പാ​ദി​പ്പി​ക്കാൻ തുടങ്ങി. അദ്ദേഹം ചുടു​ക​ട്ട​യും ഉണ്ടാക്കി വിറ്റു.

ശാരീ​രി​ക വൈക​ല്യം ഉണ്ടായി​രു​ന്നി​ട്ടും മാർക്ക്‌ ഉത്സാഹ​പൂർവം ജോലി​ചെ​യ്യു​ന്ന​തിൽ തുടർന്നു. കാല​ക്ര​മ​ത്തിൽ അദ്ദേഹം കുറച്ചു സ്ഥലംവാ​ങ്ങി അതിൽ സാമാ​ന്യം ഭേദമാ​യൊ​രു വീടു​വെച്ചു. മാർക്ക്‌ ഇന്നൊരു സഭാമൂ​പ്പ​നാ​യി സേവി​ക്കു​ന്നു. തന്റെ പട്ടണത്തിൽ അദ്ദേഹം നന്നായി ആദരി​ക്ക​പ്പെ​ടു​ന്നു. അദ്ദേഹം ഇപ്പോൾ ദരി​ദ്ര​രായ മറ്റുള്ള​വരെ സഹായി​ക്കു​ന്നു.

തീർച്ച​യാ​യും, അനേകം സ്ഥലങ്ങളിൽ ജോലി കണ്ടെത്തുക ഏറെക്കു​റെ അസാധ്യ​മാണ്‌. വാച്ച്‌ടവർ സൊ​സൈ​റ്റി​യു​ടെ മധ്യാ​ഫ്രി​ക്ക​യി​ലെ ബ്രാഞ്ചു​ക​ളി​ലൊ​ന്നിൽ സേവി​ക്കുന്ന ഒരു ക്രിസ്‌തീയ മൂപ്പൻ എഴുതി: “ഈ പ്രദേ​ശത്തെ സഹോ​ദ​രൻമാ​രിൽ പലരും തൊഴി​ലി​ല്ലാ​ത്ത​വ​രാണ്‌. സ്വയം​തൊ​ഴിൽ കണ്ടെത്താൻ ചിലർ ശ്രമി​ക്കു​ന്നു, എന്നാൽ അതു ബുദ്ധി​മു​ട്ടാണ്‌. എന്തൊ​ക്കെ​ചെ​യ്‌താ​ലും ബുദ്ധി​മു​ട്ടേ അനുഭ​വി​ക്കൂ എന്നതു​കൊണ്ട്‌ പയനിയർ ശുശ്രൂ​ഷകർ എന്നനി​ല​യിൽ തങ്ങൾ ഭൗതിക ത്യാഗങ്ങൾ ചെയ്യു​മെന്ന്‌ ഒട്ടേ​റെ​പ്പേർ ന്യായ​വാ​ദം ചെയ്‌തി​രി​ക്കു​ന്നു. അതു ചെയ്‌ത​തു​കൊണ്ട്‌, അൽപ്പം പണം ലഭിക്കു​ന്ന​തോ ഒട്ടും​തന്നെ ലഭിക്കാ​ത്ത​തോ ആയ ഒരു ജോലി തങ്ങൾക്കു​ണ്ടാ​യി​രു​ന്നെ​ങ്കിൽ സാധി​ക്കു​മാ​യി​രു​ന്ന​തി​നെ​ക്കാൾ കൂടു​ത​ലാ​യി തങ്ങൾ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നെന്ന്‌ അനേകർ കണ്ടെത്തു​ന്നു.”

യഹോവ തന്റെ ജനത്തെ പരിപാ​ലി​ക്കു​ന്നു

യേശു തന്നെക്കു​റി​ച്ചു​തന്നെ പറഞ്ഞു: “കുറു​ന​രി​കൾക്കു കുഴി​യും ആകാശ​ത്തി​ലെ പറവജാ​തി​ക്കു കൂടും ഉണ്ടു; മനുഷ്യ​പു​ത്ര​ന്നോ തല ചായി​പ്പാൻ സ്ഥലമില്ല.” (ലൂക്കൊസ്‌ 9:58) സമാന​മാ​യി, അപ്പോ​സ്‌ത​ല​നായ പൗലൊസ്‌ എഴുതി: “ഈ നാഴി​ക​വരെ ഞങ്ങൾ വിശന്നും ദാഹി​ച്ചും ഉടുപ്പാൻ ഇല്ലാ​തെ​യും കുത്തു​കൊ​ണ്ടും സ്ഥിരവാ​സം കൂടാ​തെ​യും ഇരിക്കു​ന്നു.”—1 കൊരി​ന്ത്യർ 4:11.

തങ്ങളുടെ ശുശ്രൂ​ഷ​യിൽ കൂടുതൽ പൂർണ​മാ​യി ഏർപ്പെ​ടാൻ കഴി​യേ​ണ്ട​തിന്‌ യേശു​വും പൗലൊ​സും പരിമി​ത​മായ സാമ്പത്തിക സൗകര്യ​ങ്ങ​ളോ​ടു​കൂ​ടിയ ഒരു ജീവിതം തിര​ഞ്ഞെ​ടു​ത്തു. ഇക്കാലത്ത്‌ ഒട്ടനവധി ക്രിസ്‌ത്യാ​നി​കൾ ദരി​ദ്ര​രാണ്‌, കാരണം അവർക്ക്‌ മറ്റൊ​രു​മാർഗ​വു​മില്ല. എന്നിരു​ന്നാ​ലും, അവർ ബൈബിൾ തത്ത്വങ്ങൾ ജീവി​ത​ത്തിൽ ബാധക​മാ​ക്കു​ക​യും ദൈവത്തെ സേവി​ക്കാൻ ഉത്സാഹ​പൂർവം ശ്രമി​ക്കു​ക​യും ചെയ്യുന്നു. യേശു​വി​ന്റെ പിൻവ​രുന്ന ഉറപ്പിന്റെ സത്യത അനുഭ​വി​ക്കവേ യഹോവ തങ്ങളെ ഹൃദയം​ഗ​മ​മാ​യി സ്‌നേ​ഹി​ക്കു​ന്നു​വെന്ന്‌ അവർ അറിയു​ന്നു: “മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും [ഭൗതിക വസ്‌തു​ക്കൾ] നിങ്ങൾക്കു കിട്ടും.” (മത്തായി 6:25-33) കൂടാതെ, “യഹോ​വ​യു​ടെ അനു​ഗ്ര​ഹ​ത്താൽ സമ്പത്തു​ണ്ടാ​കു​ന്നു”വെന്നതിന്‌ ദരി​ദ്ര​രായ ഈ ദൈവ​ദാ​സൻമാർക്കു തെളി​വുണ്ട്‌.—സദൃശ​വാ​ക്യ​ങ്ങൾ 10:22.

[അടിക്കു​റി​പ്പു​കൾ]

[6-ാം പേജിലെ ചതുരം]

ആരാണ്‌ ‘വചനം പ്രവർത്തി​ക്കു​ന്നവർ’?

ആയിരത്തിത്തൊള്ളായിരത്തിത്തൊണ്ണൂറ്റിനാലിലെ അഭി​പ്രായ വോ​ട്ടെ​ടു​പ്പ​നു​സ​രിച്ച്‌, 96 ശതമാനം അമേരി​ക്ക​ക്കാർ “ദൈവ​ത്തി​ലോ ഒരു പ്രാപ​ഞ്ചിക ആത്മാവി​ലോ വിശ്വ​സി​ക്കു​ന്നുണ്ട്‌.” “ഐക്യ​നാ​ടു​ക​ളിൽ ജനസം​ഖ്യ​യോ​ടുള്ള താരത​മ്യ​ത്തിൽ സഭകളു​ടെ എണ്ണം ഭൂമി​യി​ലെ മറ്റേ​തൊ​രു രാജ്യ​ത്തെ​ക്കാ​ളും കൂടുത”ലുമാ​ണെന്ന്‌ യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു. ദൈവ​ഭ​ക്തി​യു​ടെ അത്തര​മൊ​രു പുറം​പൂ​ച്ചു​ണ്ടെ​ങ്കി​ലും, അനുഭ​വ​സ​മ്പ​ത്തുള്ള ജനഹി​ത​പ​രി​ശോ​ധ​ക​നായ ജോർജ്‌ ഗാലൂപ്‌ ജൂനിയർ പറയുന്നു: “തങ്ങൾ എന്തു വിശ്വ​സി​ക്കു​ന്നു​വെ​ന്നോ എന്തു​കൊണ്ട്‌ വിശ്വ​സി​ക്കു​ന്നു​വെ​ന്നോ മിക്ക അമേരി​ക്ക​ക്കാർക്കും അറിയി​ല്ലെ​ന്നു​ള്ള​താണ്‌ യാഥാർഥ്യം.”

ഒട്ടുമിക്ക ആളുക​ളു​ടെ​യും മതവി​ശ്വാ​സ​ങ്ങ​ളും അവരുടെ പ്രവൃ​ത്തി​ക​ളും തമ്മിൽ വലി​യൊ​രു അന്തരമു​ണ്ടെ​ന്നും സ്ഥിതി​വി​വ​ര​ക്ക​ണ​ക്കു​കൾ സൂചി​പ്പി​ക്കു​ന്നു. ദൃഷ്ടാ​ന്ത​ത്തിന്‌, “രാജ്യത്ത്‌ ഏറ്റവു​മ​ധി​കം കുറ്റകൃ​ത്യം നടക്കുന്ന പ്രദേ​ശങ്ങൾ മതവി​ശ്വാ​സ​വും ആചാര​വും ഏറ്റവും ശക്തമാ​യി​രി​ക്കുന്ന സ്ഥലങ്ങളാ​ണെന്ന്‌ സാമൂ​ഹി​ക​ശാ​സ്‌ത്ര​ജ്ഞ​ന്മാർ അഭി​പ്രാ​യ​പ്പെ​ടു​ന്നു”വെന്ന്‌ എഴുത്തു​കാ​ര​നായ ജെഫ്രി ഷെലെർ പറയുന്നു.

ഇതിൽ അതിശ​യി​ക്കാ​നില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ, “ദൈവത്തെ അറിയു​ന്നു എന്നു പറയു​ന്നു​വെ​ങ്കി​ലും പ്രവൃ​ത്തി​ക​ളാൽ അവനെ നിഷേ​ധി​ക്കുന്ന”വർക്കെ​തി​രെ ജാഗ്രത പുലർത്താൻ ഒന്നാം നൂറ്റാ​ണ്ടിൽത്തന്നെ അപ്പോ​സ്‌ത​ല​നായ പൗലൊസ്‌ സഹക്രി​സ്‌ത്യാ​നി​കൾക്കു മുന്നറി​യി​പ്പു നൽകി. (തീത്തൊസ്‌ 1:16) അതിനു​പു​റമേ, “ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കുന്ന” ആളുകൾ ‘അന്ത്യകാല’ത്തിന്റെ അടയാ​ള​മാ​യി​രി​ക്കു​മെന്നു പൗലൊസ്‌ യുവാ​വായ തിമൊ​ഥെ​യൊ​സി​നോ​ടു പറഞ്ഞു.—2 തിമൊ​ഥെ​യൊസ്‌ 3:1, 5.

എന്നാൽ, “നിങ്ങൾ പുറ​പ്പെട്ടു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന യേശു​ക്രി​സ്‌തു​വി​ന്റെ കൽപ്പന പിൻപ​റ്റാൻ സത്യ​ക്രി​സ്‌ത്യാ​നി​കൾ അവരുടെ പരമാ​വധി പ്രവർത്തി​ക്കു​ന്നു. (മത്തായി 28:19) ഈ വിധത്തിൽ അവർ “വചനം കേൾക്കു​ന്നവർ മാത്ര​മാ​യി​രി​ക്കാ​തെ പ്രവർത്തി​ക്കു​ന്നവർ ആയിത്തീ​രു​ന്നു.”—യാക്കോബ്‌ 1:22.

[7-ാം പേജിലെ ചിത്രം]

ലോകമെമ്പാടും ആളുകൾ ബൈബിൾ പഠനത്തെ മൂല്യ​വ​ത്താ​യി കരുതു​ന്നു