ഹാനി​ക​ര​മായ കുശു​കു​ശു​പ്പ്‌—എ​ങ്ങനെ തകർക്കാൻ കഴിയും?

“യഹോവേ, എന്റെ വായിക്ക്‌ ഒരു സംരക്ഷണം ഏർപ്പെ​ടു​ത്തേ​ണമേ; എന്റെ അധരങ്ങ​ളു​ടെ വാതി​ലിന്‌ ഒരു കാവൽ ഏർപ്പെ​ടു​ത്തേ​ണമേ.”—സങ്കീർത്തനം 141:3.

1. നമ്മുടെ ദൈവ​ദ​ത്ത​മായ തലച്ചോ​റിന്‌ എന്തു പ്രാപ്‌തി​യുണ്ട്‌?

യഹോവ നമുക്ക്‌ ഒരു തലച്ചോർ നൽകി​യി​രി​ക്കു​ന്നു, അത്‌ എത്ര അത്ഭുത​ക​ര​മാണ്‌! ദി ഇൻ​ക്രെ​ഡി​ബിൾ മെഷീൻ എന്ന പുസ്‌തകം ഇപ്രകാ​രം പറയുന്നു: “നമുക്കു വിഭാ​വ​ന​ചെ​യ്യാൻ കഴിയുന്ന ഏററവും പരിഷ്‌കൃ​ത​മായ കമ്പ്യൂ​ട്ട​റു​കൾപോ​ലും മാനു​ഷ​മ​സ്‌തി​ഷ്‌ക്ക​ത്തി​ന്റെ ഏറെക്കു​റെ അപരി​മി​ത​മായ സങ്കീർണ്ണ​ത​യോ​ടും വഴക്ക​ത്തോ​ടും താരത​മ്യ​പ്പെ​ടു​ത്തു​മ്പോൾ അപരി​ഷ്‌കൃ​ത​മാണ്‌ . . . ഏതു നിമി​ഷ​വും നിങ്ങളു​ടെ തലച്ചോ​റി​ലൂ​ടെ മിന്നി​മ​റ​യുന്ന ദശലക്ഷ​ക്ക​ണ​ക്കി​നു സംജ്ഞകൾ ഒരു അസാധാ​ര​ണ​മായ അളവിൽ വിവരങ്ങൾ വഹിക്കു​ന്നു. അവ നിങ്ങളു​ടെ ശരീര​ത്തി​ന്റെ ആന്തരി​ക​വും ബാഹ്യ​വു​മായ പരിസ്ഥി​തി​കൾസം​ബ​ന്ധിച്ച്‌ വാർത്തകൾ കൊണ്ടു​വ​രു​ന്നു . . . മററു സംജ്ഞകൾ വിവര​ങ്ങളെ സംസാ​ധ​നം​ചെ​യ്യു​ക​യും അപഗ്ര​ഥി​ക്കു​ക​യും ചെയ്യു​മ്പോൾ അവ ഒരു തീരു​മാ​ന​ത്തി​ലേ​ക്കെ​ത്തി​ക്കുന്ന ചില വികാ​ര​ങ്ങ​ളൊ സ്‌മര​ണ​ക​ളൊ ചിന്തക​ളൊ ആസൂ​ത്ര​ണ​ങ്ങ​ളൊ ഉളവാ​ക്കു​ന്നു. ഉടൻതന്നെ നിങ്ങളു​ടെ തലച്ചോ​റിൽനി​ന്നുള്ള സംജ്ഞകൾ നിങ്ങളു​ടെ ശരീര​ത്തി​ന്റെ മററു ഭാഗങ്ങ​ളോട്‌ എന്തു ചെയ്യണ​മെന്ന്‌ പറയുന്നു . . . അതേ സമയം നിങ്ങളു​ടെ തലച്ചോറ്‌ നിങ്ങളു​ടെ ശ്വസന​ത്തെ​യും രക്ഷ രസത​ന്ത്ര​ത്തെ​യും ഊഷ്‌മാ​വി​നെ​യും നിങ്ങളു​ടെ അറിവിൽപ്പെ​ടാത്ത മററു അത്യാ​വശ്യ പ്രവർത്ത​ന​ങ്ങ​ളെ​യും നിരീ​ക്ഷി​ച്ചു​കൊ​ണ്ടി​രി​ക്കു​ന്നു.”—പേജ്‌ 326.

2. ഇപ്പോൾ ഏതു ചോദ്യം പരിചി​ന്ത​നാർഹ​മാണ്‌?

² നിശ്ചയ​മാ​യും, ദൈവ​ത്തിൽനി​ന്നുള്ള അത്തരം ഒരു അത്ഭുത​ക​ര​മായ ദാനം ഒരിക്ക​ലും ഒരു ചപ്പുച​വ​റു​വീ​പ്പ​യാ​യോ ചവററു​കൊ​ട്ട​യാ​യോ ഉപയോ​ഗി​ക്ക​രുത്‌. എന്നിരു​ന്നാ​ലും ഹാനി​ക​ര​മായ കുശു​കു​ശുപ്പ്‌ ശ്രദ്ധി​ക്കു​ന്ന​തി​നാ​ലും പരത്തു​ന്ന​തി​നാ​ലും നമുക്ക്‌ തലച്ചോ​റി​നെ ദുരു​പ​യോ​ഗ​പ്പെ​ടു​ത്താൻ കഴിയും. നമുക്ക്‌ എങ്ങനെ അത്തരം സംസാ​രത്തെ ഒഴിവാ​ക്കാ​നും മററു​ള്ളവർ അതിൽ ഏർപ്പെ​ടു​ന്ന​തിൽനിന്ന്‌ ഒഴിഞ്ഞി​രി​ക്കാൻ സഹായി​ക്കാ​നും കഴിയും?

ദൈവ​ദ​ത്ത​മായ നിങ്ങളു​ടെ മനസ്സിനെ വിലമ​തി​ക്കു​ക

3. യാതൊ​രു സത്യ​ക്രി​സ്‌ത്യാ​നി​യും ഹാനി​ക​ര​മായ സംസാ​ര​ത്തിൽ ഏർപ്പെ​ടു​ക​യി​ല്ലാ​ത്ത​തെ​ന്തു​കൊണ്ട്‌?

³ ദൈവ​ദ​ത്ത​മായ നമ്മുടെ മനസ്സി​നോ​ടുള്ള വിലമ​തിപ്പ്‌ ഹാനി​ക​ര​മായ കുശു​കു​ശുപ്പ്‌ ശ്രദ്ധി​ക്കു​ന്ന​തിൽനി​ന്നും അത്‌ പരത്തു​ന്ന​തിൽനി​ന്നും നമ്മെ നിയ​ന്ത്രി​ക്കും. യഹോ​വ​യു​ടെ ആത്മാവ്‌ ആരെയും തങ്ങളുടെ മനസ്സ്‌ അത്തരം ആശയങ്ങ​ളാൽ നിറക്കു​ന്ന​തി​നും തങ്ങളുടെ നാവ്‌ ആരെ​യെ​ങ്കി​ലും ദ്രോ​ഹി​ക്കു​ന്ന​തിന്‌ ഉപയോ​ഗി​ക്കു​ന്ന​തി​നും പ്രേരി​പ്പി​ക്കു​ക​യില്ല. പകരം ദൈവ​വ​ചനം പറയുന്നു: “ദുഷ്ടമ​നു​ഷ്യൻ തന്റെ വഴി​യെ​യും ദ്രോ​ഹി​യായ മനുഷ്യൻ തന്റെ വിചാ​ര​ങ്ങ​ളെ​യും ഉപേക്ഷി​ക്കട്ടെ.” (യെശയ്യാവ്‌ 55:7) ദുഷ്ടനായ ഒരാളു​ടെ മനസ്സ്‌ ദുഷിച്ച ആശയങ്ങ​ളാൽ നിറഞ്ഞി​രി​ക്കു​ന്നു, അയാൾ നീതി​മാ​നെ​ക്കു​റിച്ച്‌ അപവാദം പറയു​ന്ന​തിന്‌ ധൃതി​പ്പെ​ടു​ന്നു. എന്നാൽ തങ്ങളുടെ ദൈവ​ദ​ത്ത​മായ മനസ്സിനെ വിലമ​തി​ക്കു​ന്ന​വ​രിൽനിന്ന്‌ നാം ഒരിക്ക​ലും അത്തരം സംസാരം പ്രതീ​ക്ഷി​ക്കു​ക​യില്ല.

4. നാം നമ്മുടെ തലച്ചോ​റി​നെ​യും സംസാ​രി​ക്കു​ന്ന​തി​നുള്ള നമ്മുടെ പ്രാപ്‌തി​യെ​യും വിലമ​തി​ക്കു​ന്നെ​ങ്കിൽ നാം നമ്മുടെ മനസ്സി​നെ​യും നാവി​നെ​യും എങ്ങനെ ഉപയോ​ഗി​ക്കും?

⁴ ഉചിത​മായ വിലമ​തിപ്പ്‌ നമ്മുടെ മനസ്സി​നെ​യും നാവി​നെ​യും നമ്മുടെ പാപപൂർണ്ണ​മായ ജഡത്തെ പോഷി​പ്പി​ക്കു​ന്ന​തിന്‌ ഉപയോ​ഗി​ക്കു​ന്ന​തിൽ നിന്ന്‌ വിട്ടു​നിൽക്കു​ന്ന​തിന്‌ നമ്മെ സഹായി​ക്കും. പകരം നാം നമ്മുടെ ചിന്ത​യെ​യും സംസാ​ര​ത്തെ​യും ഉന്നതമായ തലത്തിൽ കാക്കും. നമുക്ക്‌ നമ്മു​ടേ​തി​നെ​ക്കാൾ വളരെ​യ​ധി​കം ഉന്നതമായ വിചാ​ര​ങ്ങ​ളുള്ള ഒരുവ​നിൽ പ്രാർത്ഥ​നാ​പൂർവ​ക​മാ​യി ആശ്രയം വെക്കു​ന്ന​തി​നാൽ ഹാനി​ക​ര​മായ കുശു​കു​ശുപ്പ്‌ വർജ്ജി​ക്കു​ന്ന​തിന്‌ കഴിയും. അപ്പോ​സ്‌ത​ല​നായ പൗലോസ്‌ ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “സത്യമായ ഏതു കാര്യ​ങ്ങ​ളും [വ്യാജ​മൊ അപവാ​ദ​മൊ അല്ല], ഗൗരവ​മായ ഏതു കാര്യ​ങ്ങ​ളും [നിസ്സാ​ര​ങ്ങളല്ല], നീതി​യായ ഏതു കാര്യ​ങ്ങ​ളും [ദുഷ്ടവും ഹാനി​ക​ര​വു​മല്ല], നിർമ്മ​ല​മായ ഏതു കാര്യ​ങ്ങ​ളും [അശുദ്ധ​മായ അപവാ​ദ​മൊ ദുഷ്ടസം​ശ​യ​ങ്ങ​ളൊ അല്ല], പ്രീതി​ക​ര​മായ ഏതു കാര്യ​ങ്ങ​ളും [വിദ്വേ​ഷ​ക​ര​മൊ തുച്ഛീ​ക​രി​ക്കു​ന്ന​തോ അല്ല], പ്രശം​സി​ക്ക​പ്പെ​ടുന്ന ഏതു കാര്യ​ങ്ങ​ളും [അനാദ​ര​സൂ​ച​കമല്ല], ഏതു നൻമയും [തിൻമയല്ല], സ്‌തു​ത്യർഹ​മായ ഏതു കാര്യ​വും, [കുററം വിധി​ക്ക​പ്പെ​ട്ട​വയല്ല] ഈ കാര്യങ്ങൾ പരിചി​ന്തി​ച്ചു​കൊ​ണ്ടി​രി​ക്കുക.”—ഫിലി​പ്പി​യർ 4:8.

5. പൗലോ​സി​നോ​ടുള്ള ബന്ധത്തിൽ സഹവി​ശ്വാ​സി​കൾ എന്തു കാണു​ക​യും കേൾക്കു​ക​യും ചെയ്‌തി​രു​ന്നു?

⁵ പൗലോസ്‌ ഇപ്രകാ​രം കൂട്ടി​ച്ചേർത്തു: “നിങ്ങൾ എന്നോ​ടുള്ള ബന്ധത്തിൽ പഠിക്കു​ക​യും സ്വീക​രി​ക്കു​ക​യും കേൾക്കു​ക​യും കാണു​ക​യും ചെയ്‌തി​ട്ടുള്ള കാര്യങ്ങൾ, ഇവ പ്രവർത്തി​ക്കുക; സമാധാ​ന​ത്തി​ന്റെ ദൈവം നിങ്ങ​ളോ​ടു​കൂ​ടെ​യു​ണ്ടാ​യി​രി​ക്കും.” (ഫിലി​പ്പി​യർ 4:9) മററു​ള്ളവർ പൗലോ​സി​നോ​ടുള്ള ബന്ധത്തിൽ എന്തു കേൾക്കു​ക​യും കാണു​ക​യും ചെയ്‌തി​രു​ന്നു? നിർമ്മ​ല​വും ആത്മീയ​മാ​യി കെട്ടു​പ​ണി​ചെ​യ്യു​ന്ന​തു​മായ കാര്യങ്ങൾ. അവൻ ലുദി​യാ​യെ​യൊ തിമൊ​ഥെ​യോ​സി​നെ​യൊ സംബന്ധിച്ച ഏററം പുതിയ കുശു​കു​ശു​പ്പി​നാൽ അവരുടെ കാതു​കളെ നിറച്ചില്ല. പൗലോസ്‌ യെരൂ​ശ​ലേ​മി​ലെ പ്രായ​മേ​റിയ പുരു​ഷൻമാ​രെ സംബന്ധിച്ച കിംവ​ദ​ന്തി​കൾ ശ്രദ്ധി​ക്കു​ക​യൊ പരത്തു​ക​യൊ ചെയ്‌തില്ല എന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും.a ദൈവ​ദ​ത്ത​മായ തന്റെ മനസ്സി​നോ​ടുള്ള ബഹുമാ​നം പൗലോ​സി​നെ ഹാനി​ക​ര​മായ കുശു​കു​ശു​പ്പിൽ ഇടപെ​ടു​ന്ന​തിൽനിന്ന്‌ ഒഴിഞ്ഞി​രി​ക്കാൻ സഹായി​ച്ചി​രി​ക്കാ​നി​ട​യുണ്ട്‌. നാം യഥാർത്ഥ​ത്തിൽ യഹോവ നമുക്കു നൽകി​യി​രി​ക്കുന്ന മനസ്സി​നെ​യും നാവി​നെ​യും വിലമ​തി​ക്കു​ന്നെ​ങ്കിൽ നാം അവന്റെ ദൃഷ്ടാ​ന്തത്തെ അനുക​രി​ക്കും.

ദൈവ​ത്തെ​യും അവന്റെ വചന​ത്തെ​യും ആദരി​ക്കു​ക

6, 7. (എ) യാക്കോബ്‌ അനിയ​ന്ത്രി​ത​മായ നാവിന്റെ ഫലങ്ങളെ എങ്ങനെ വെളി​പ്പെ​ടു​ത്തി? (ബി) നാം ദൈവ​ത്തെ​യും അവന്റെ വചന​ത്തെ​യും ആദരി​ക്കു​ന്നെ​ങ്കിൽ എന്തു സംഭവി​ക്കു​ക​യില്ല?

⁶ ദൈവ​ത്തോ​ടും അവന്റെ വിശു​ദ്ധ​വ​ച​ന​ത്തോ​ടു​മുള്ള ഹൃദയം​ഗ​മ​മായ ആദരവ്‌ ഹാനി​ക​ര​മായ കുശു​കു​ശു​പ്പി​നെ തകർക്കാ​നും നമ്മെ സഹായി​ക്കും. നിശ്ചമാ​യും അത്തരം ആദരവ്‌ നാവിനെ കുററ​പ്പെ​ടു​ത്തിയ യാക്കോ​ബി​ന്റെ ബുദ്ധി​യു​പ​ദേശം അനുസ​രി​ക്കാൻ നമ്മെ പ്രേരി​പ്പി​ക്കും. (യാക്കോബ്‌ 3:2-12) ഒരു വ്യക്തിക്ക്‌ നാവിനെ നിയ​ന്ത്രി​ക്കാൻ കഴിയു​മെ​ങ്കിൽ, അയാൾക്ക്‌ അയാളു​ടെ മുഴു​ശ​രീ​ര​ത്തി​നും കടിഞ്ഞാ​ണി​ടാൻ കഴിയും, ഒരു കുതി​ര​യു​ടെ വായിലെ കടിവാ​ള​ത്തിന്‌ അതിനെ നയിക്കാൻ കഴിയു​ന്ന​തു​പോ​ലെ​തന്നെ. കേവലം ഒരു തീപ്പൊ​രിക്ക്‌ ഒരു വനത്തിനു തീകൊ​ളു​ത്താൻ കഴിയു​ന്ന​തു​പോ​ലെ ചെറിയ നാവി​നും ജീവച​ക്രത്തെ ദഹിപ്പി​ക്കുന്ന ഒരു തീയാ​യി​രി​ക്കാൻ കഴിയും. മനുഷ്യന്‌ വന്യമൃ​ഗ​ങ്ങ​ളെ​യും പക്ഷിക​ളെ​യും ഇഴജാ​തി​ക​ളെ​യും കടൽജ​ന്തു​ക്ക​ളെ​യും മെരു​ക്കാൻ കഴിയും, “എന്നാൽ നാവിനെ മനുഷ്യ​വർഗ്ഗ​ത്തിൽ ആർക്കും മെരു​ക്കാൻ കഴിവില്ല” എന്ന്‌ യാക്കോബ്‌ പറഞ്ഞു. എന്നാൽ അത്‌ ഹാനി​ക​ര​മായ കുശു​കു​ശു​പ്പി​നെ തകർക്കു​ന്ന​തി​നുള്ള യാതൊ​രു ശ്രമവും ചെയ്യാ​തി​രി​ക്കു​ന്ന​തി​നുള്ള ഒഴിക​ഴി​വല്ല.

⁷ നാവ്‌ ഒരേ വായിൽനിന്ന്‌ അനു​ഗ്ര​ഹ​വും ശാപവും പുറ​പ്പെ​ടു​വി​ക്കു​ന്നു​വെ​ന്നും യാക്കോബ്‌ പറഞ്ഞു. ഇത്‌ ഉചിതമല്ല, എന്തു​കൊ​ണ്ടെ​ന്നാൽ ഒരേ ഉറവിൽനിന്ന്‌ മധുര​വും കയ്‌പ്പു​മുള്ള വെള്ളം കുമി​ളി​ച്ചു​പൊ​ന്തു​ക​യില്ല. അത്തിവൃ​ക്ഷ​ത്തിന്‌ ഒലിവു​പഴം ഉൽപ്പാ​ദി​പ്പി​ക്കാൻ കഴിയു​ക​യില്ല, ഉപ്പു​വെള്ളം മധുര​മുള്ള വെള്ളം ഉൽപ്പാ​ദി​പ്പി​ക്ക​യില്ല. തീർച്ച​യാ​യും ക്രിസ്‌ത്യാ​നി​കൾ അപൂർണ്ണ​രാ​യി​രി​ക്കു​ന്ന​ട​ത്തോ​ളം കാലം നാവ്‌ പൂർണ്ണ​മാ​യി മരുക്കു​ന്ന​തി​ന​തീ​ത​മാ​യി​രി​ക്കും. ഇത്‌ അനുത​പി​ക്കുന്ന കുററ​ക്കാ​രോട്‌ നാം കരുണ​യു​ള്ള​വ​രാ​യി​രി​ക്കാൻ ഇടയാ​ക്കണം, എന്നിരു​ന്നാ​ലും അത്‌ ഹാനി​ക​ര​മായ കുശു​കു​ശു​പ്പിന്‌ ഒഴിക​ഴി​വു കൊടു​ക്കു​ന്നില്ല. നമ്മെ ആശ്രയി​ച്ചി​രി​ക്കു​ന്ന​ട​ത്തോ​ളം, നാം ദൈവ​ത്തെ​യും അവന്റെ വചന​ത്തെ​യും യഥാർത്ഥ​ത്തിൽ ആദരി​ക്കു​ന്നെ​ങ്കിൽ നാവിന്റെ അത്തരം വിഷപൂ​രി​ത​മായ ദുരു​പ​യോ​ഗം സംഭവി​ച്ചു​കൊ​ണ്ടി​രി​ക്ക​യില്ല.

പ്രാർത്ഥ​നക്ക്‌ സഹായി​ക്കാൻ കഴിയുന്ന വിധം

8. പ്രാർത്ഥ​നക്ക്‌ ഹാനി​ക​ര​മായ കുശു​കു​ശു​പ്പി​നെ തകർക്കാൻ നമ്മെ എങ്ങനെ സഹായി​ക്കാൻ കഴിയും?

⁸ ഹാനി​ക​ര​മായ കുശു​കു​ശുപ്പ്‌ ശ്രദ്ധി​ക്കു​ന്ന​തി​നും പിന്നീട്‌ അത്‌ പരത്തു​ന്ന​തി​നു​മുള്ള പ്രലോ​ഭനം വളരെ ശക്തമാ​യി​രി​ക്കാൻ കഴിയും. അതു​കൊണ്ട്‌ നിങ്ങൾ കഴിഞ്ഞ കാലത്ത്‌ അത്തരം പ്രലോ​ഭ​ന​ത്തിന്‌ വശംവ​ദ​നാ​യി​രു​ന്നി​ട്ടു​ണ്ടെ​ങ്കിൽ, നിങ്ങൾക്ക്‌ ക്ഷമക്കും സഹായ​ത്തി​നും വേണ്ടി ദൈവ​ത്തോട്‌ എന്തു​കൊണ്ട്‌ അപേക്ഷി​ച്ചു​കൂ​ടാ? യേശു നമ്മെ ഇപ്രകാ​രം പ്രാർത്ഥി​ക്കാൻ പഠിപ്പി​ച്ചു: “ഞങ്ങളെ പ്രലോ​ഭ​ന​ത്തി​ലേക്കു വരുത്ത​രു​തേ, എന്നാൽ ദുഷ്ടനാ​യ​വ​നിൽനിന്ന്‌ ഞങ്ങളെ വിടു​വി​ക്കേ​ണമേ.” (മത്തായി 6:13) ദൈവം തങ്ങളെ അത്തരം പ്രലോ​ഭ​ന​ത്തിൽ ഉപേക്ഷി​ച്ചു​ക​ള​യാ​തി​രി​ക്കു​ന്ന​തി​നും ദുഷിച്ച സംസാരം സാത്താന്റെ ഈ തന്ത്രത്തിന്‌ വശംവ​ദ​രാ​ക്കാ​തി​രി​ക്കു​ന്ന​തി​നും അവനോട്‌ ആത്മാർത്ഥ​മാ​യി പ്രാർത്ഥി​ക്കുന്ന ക്രിസ്‌ത്യാ​നി​കൾ വലിയ അപവാ​ദി​യിൽനിന്ന്‌ സംരക്ഷി​ക്ക​പ്പെ​ടും.

9. ആരെ സംബന്ധി​ച്ചെ​ങ്കി​ലും അപവാദം പറയാൻ നമുക്ക്‌ പ്രലോ​ഭ​ന​മു​ണ്ടാ​യാൽ നമുക്ക്‌ എങ്ങനെ പ്രാർത്ഥി​ക്കാം?

⁹ നാം ആർക്കെ​ങ്കി​ലും എതിരെ അപവാദം പറയാൻ പ്രലോ​ഭി​പ്പി​ക്ക​പ്പെ​ടു​ന്നു​വെ​ങ്കിൽ നമുക്ക്‌ ഇപ്രകാ​രം പ്രാർത്ഥി​ക്കാൻ കഴിയും: “യഹോവേ, എന്റെ വായ്‌ക്ക്‌ ഒരു സംരക്ഷണം ഏർപ്പെ​ടു​ത്തേ​ണമേ; എന്റെ അധരങ്ങ​ളു​ടെ വാതി​ലിന്‌ ഒരു കാവൽ ഏർപ്പെ​ടു​ത്തേ​ണമേ.” (സങ്കീർത്തനം 141:3) പ്രലോ​ഭ​ന​ത്തി​നു വഴങ്ങു​ന്ന​തി​നാ​ലും വിദ്വേ​ഷം നിറഞ്ഞ​വ​നും നുണയ​നും കൊല​പാ​ത​കി​യു​മായ അപവാ​ദി​യെന്ന നിലയിൽ പിശാ​ചി​നെ അനുക​രി​ക്കു​ന്ന​തി​നാ​ലും നമുക്ക്‌ നിത്യ​ജീ​വ​നു​വേ​ണ്ടി​യുള്ള നമ്മുടെ പ്രതീ​ക്ഷയെ തകരാ​റി​ലാ​ക്കാൻ കഴിയും. (യോഹ​ന്നാൻ 8:44) അപ്പോ​സ്‌ത​ല​നായ യോഹ​ന്നാൻ ഇപ്രകാ​രം എഴുതി: “തന്റെ സഹോ​ദ​രനെ ദ്വേഷി​ക്കുന്ന ഏവനും ഒരു മാനു​ഷ​ഘാ​തകൻ ആകുന്നു, യാതൊ​രു മാനു​ഷ​ഘാ​ത​ക​നും അവന്റെ ഉള്ളിൽ നിത്യ​ജീ​വൻ സ്ഥിതി​ചെ​യ്യു​ന്നില്ല എന്ന്‌ നിങ്ങൾ അറിയു​ന്നു.”—1 യോഹ​ന്നാൻ 3:15.

സനേഹം കുശു​കു​ശു​പ്പി​നെ ബഹിഷക​രി​ക്കു​ന്നു

10. നാം മററു​ള്ള​വ​രെ​ക്കു​റിച്ച്‌ കുശു​കു​ശു​ക്കു​ന്ന​തി​നു​പ​കരം നാം അവർക്ക്‌ എന്തു കടപ്പെ​ട്ടി​രി​ക്കു​ന്നു?

¹⁰ നാമെ​ല്ലാം മററു​ള്ള​വ​രോട്‌ എന്തി​നെ​ങ്കി​ലും​വേണ്ടി കടപ്പെ​ട്ടി​രി​ക്കു​ന്നു, എന്നാൽ ഹാനി​ക​ര​മായ കുശു​കു​ശു​പ്പി​നു പ്രേരി​പ്പി​ക്കുന്ന വിദ്വേ​ഷ​ത്തിന്‌ കടപ്പെ​ട്ടി​രി​ക്കു​ന്നില്ല. “നിങ്ങൾ അന്യോ​ന്യം സ്‌നേ​ഹി​ക്കാ​ന​ല്ലാ​തെ ആർക്കും ഒന്നിനും കടപ്പെ​ട്ടി​രി​ക്ക​രുത്‌” എന്ന്‌ പൗലോസ്‌ എഴുതി. (റോമർ 13:8) നാം മററു​ള്ള​വർക്കെ​തി​രെ സംസാ​രി​ക്കു​ന്ന​തി​നും അവരുടെ സൽപ്പേ​രിന്‌ കോട്ടം​വ​രു​ത്തു​ന്ന​തി​നും പകരം ദിവസ​വും ആ കടം വീട്ടി​ക്കൊ​ണ്ടി​രി​ക്കണം. നാം യഹോ​വയെ സ്‌നേ​ഹി​ക്കു​ന്നു​വെന്ന്‌ അവകാ​ശ​പ്പെ​ടു​ന്നെ​ങ്കിൽ നമുക്ക്‌ ഒരു സഹാരാ​ധ​ക​നെ​തി​രെ അപവാദം പറയാൻ കഴിയില്ല, “എന്തു​കൊ​ണ്ടെ​ന്നാൽ താൻ കണ്ടിരി​ക്കുന്ന തന്റെ സഹോ​ദ​രനെ സ്‌നേ​ഹി​ക്കാ​ത്ത​വന്‌ താൻ കണ്ടിട്ടി​ല്ലാത്ത ദൈവത്തെ സ്‌നേ​ഹി​ക്കാൻ കഴിക​യില്ല.”—1 യോഹ​ന്നാൻ 4:20.

11. ചെമ്മരി​യാ​ടു​ക​ളെ​യും കോലാ​ടു​ക​ളെ​യും സംബന്ധി​ച്ചുള്ള യേശു​വി​ന്റെ ഉപമ ഹാനി​ക​ര​മായ കുശു​കു​ശു​പ്പു സംബന്ധിച്ച്‌ നമുക്ക്‌ എങ്ങനെ ചിന്തക്കു കുറെ വക നൽകി​യേ​ക്കാം?

¹¹ ചെമ്മരി​യാ​ടു​ക​ളെ​യും കോലാ​ടു​ക​ളെ​യും സംബന്ധിച്ച യേശു​വി​ന്റെ ഉപമ പരിചി​ന്തി​ക്കുക. കോലാ​ടു​തു​ല്യ​രായ ആടുക​ളെ​സം​ബ​ന്ധിച്ച്‌, അവർ ക്രിസ്‌തു​വി​ന്റെ സഹോ​ദ​രൻമാർക്ക്‌ ചെയ്‌ത​ട​ത്തോ​ളം അവന്‌ ചെയ്‌ത​താ​യി കണക്കാ​ക്കു​മെന്ന്‌ പറഞ്ഞി​രി​ക്കു​ന്നു. നിങ്ങൾ ക്രിസ്‌തു​വി​നെ​തി​രെ കുശു​കു​ശു​ക്കു​മോ? നിങ്ങൾ നിങ്ങളു​ടെ കർത്താ​വും യജമാ​ന​നു​മാ​യ​വ​നെ​തി​രെ സംസാ​രി​ക്ക​യി​ല്ലെ​ങ്കിൽ അവന്റെ അഭിഷി​ക്ത​സ​ഹോ​ദ​രൻമാ​രോട്‌ ആ വിധത്തിൽ പെരു​മാ​റ​രുത്‌. “നിത്യ​ച്‌ഛേ​ദ​ന​ത്തി​ലേക്ക്‌ പോകുന്ന” കോലാ​ടു​കൾ ചെയ്‌ത​തു​പോ​ലെ​യുള്ള തെററു ചെയ്യരുത്‌. നിങ്ങൾ യേശു​വി​ന്റെ സഹോ​ദ​രൻമാ​രെ സ്‌നേ​ഹി​ക്കു​ന്നെ​ങ്കിൽ നിങ്ങൾ അവരെ​ക്കു​റിച്ച്‌ പറയു​ന്ന​തി​നാൽ അത്‌ പ്രകട​മാ​ക്കുക.—മത്തായി 25:31-46.

12. സദൃശ​വാ​ക്യ​ങ്ങൾ 16:2-ന്റെ സാരം എന്താണ്‌, അത്‌ നമ്മുടെ ചിന്തക​ളെ​യും പ്രവർത്ത​ന​ങ്ങ​ളെ​യും സംസാ​ര​ത്തെ​യും എങ്ങനെ ബാധി​ക്കണം?

¹² നാമെ​ല്ലാം പാപി​ക​ളാ​യി​രി​ക്കു​ന്ന​തി​നാ​ലും യേശു​വി​ന്റെ മറുവി​ല​യാ​ഗ​ത്തി​ന്റെ ആവശ്യ​മു​ള്ള​വ​രാ​ക​യാ​ലും ആരെങ്കി​ലും നമ്മെ സംബന്ധിച്ച്‌ പ്രതി​കൂ​ല​മായ വിമർശ​നങ്ങൾ നടത്തണ​മെന്ന്‌ ആഗ്രഹി​ക്കു​ന്നെ​ങ്കിൽ അയാൾക്ക്‌ പറയു​ന്ന​തിന്‌ അനേകം കാര്യങ്ങൾ കണ്ടുപി​ടി​ക്കാൻ കഴിയും. (1 യോഹ​ന്നാൻ 2:1, 2) തീർച്ച​യാ​യും നാം നന്നായി ചെയ്യു​ന്നു​ണ്ടെന്ന്‌ നാം ചിന്തി​ച്ചേ​ക്കാം. “ഒരു മമനു​ഷ്യ​ന്റെ വഴിക​ളെ​ല്ലാം തന്റെ സ്വന്തം ദൃഷ്ടി​യിൽ ശുദ്ധമാണ്‌, എന്നാൽ യഹോവ ആത്മാക്കളെ വിലയി​രു​ത്തു​ന്നു.” ദൈവ​ത്തി​ന്റെ ത്രാസ്‌ ആനുകൂ​ല്യ​ത്താ​ലും പക്ഷപാ​തി​ത്വ​ത്താ​ലും ചായു​ക​യില്ല. (സദൃശ​വാ​ക്യ​ങ്ങൾ 16:2; പ്രവൃ​ത്തി​കൾ 10:34, 35) ചിന്തി​ക്കു​ന്ന​തി​നും പ്രവർത്തി​ക്കു​ന്ന​തി​നും സംസാ​രി​ക്കു​ന്ന​തി​നും നമ്മെ പ്രേരി​പ്പി​ക്കുന്ന നമ്മുടെ പ്രകൃ​ത​ത്തെ​യും പ്രചോ​ദ​ന​ങ്ങ​ളെ​യും ശ്രദ്ധി​ച്ചു​കൊണ്ട്‌ അവൻ നമ്മുടെ ആത്‌മാ​വി​നെ തൂക്കി​നോ​ക്കു​ന്നു. അപ്പോൾ, നാം നിശ്ചയ​മാ​യും നമ്മേത്തന്നെ ശുദ്ധി​യു​ള്ള​വ​രാ​യും മററു​ള്ള​വരെ ചെളി​പു​ര​ണ്ട​വ​രാ​യും ദ്രോ​ഹ​ക​ര​മായ വിമർശ​ന​ങ്ങൾക്ക്‌ അർഹരാ​യും തെററാ​യി കണക്കാ​ക്കു​ന്ന​വ​രാ​യി ദൈവം നമ്മെ കണ്ടെത്താൻ നാം ആഗ്രഹി​ക്കു​ക​യില്ല. യഹോ​വ​യെ​പ്പോ​ലെ നാമും നിഷ്‌പ​ക്ഷ​രും കരുണ​യു​ള്ള​വ​രും സ്‌നേ​ഹ​മു​ള്ള​വ​രും ആയിരി​ക്കണം.

13. (എ) “സ്‌നേഹം ദീർഘ​ക്ഷ​മ​യു​ള്ള​തും ദയയു​ള്ള​തു​മാ​കു​ന്നു”വെന്ന വസ്‌തു​തക്ക്‌ ഹാനി​ക​ര​മായ കുശു​കു​ശു​പ്പി​നെ തകർക്കാൻ എങ്ങനെ സഹായി​ക്കു​ന്ന​തി​നു കഴിയും? (ബി) നമുക്ക്‌ ഇല്ലാത്ത സേവന​പ​ദവി ലഭിക്കുന്ന ആർക്കെ​ങ്കി​ലു​മെ​തി​രെ സംസാ​രി​ക്കു​ന്ന​തിൽനിന്ന്‌ എന്തു നമ്മെ തടയും?

¹³ പൗലോസ്‌ 1 കൊരി​ന്ത്യർ 13:4-8-ൽ പറഞ്ഞി​രി​ക്കു​ന്നത്‌ ബാധക​മാ​ക്കു​ന്നു​വെ​ങ്കിൽ അതിന്‌ ഹാനി​ക​ര​മായ കുശു​കു​ശു​പ്പി​നെ തകർക്കു​ന്ന​തിന്‌ നമ്മെ സഹായി​ക്കാൻ കഴിയും. അവൻ ഇപ്രകാ​രം എഴുതി: “സ്‌നേഹം ദീർഘ​ക്ഷ​മ​യു​ള്ള​തും ദയയു​ള്ള​തു​മാ​കു​ന്നു.” ഛിദ്രിച്ച ഒരു ഭവനത്തിൽ പീഡനം അനുഭ​വി​ച്ചു​കൊ​ണ്ടി​രി​ക്കുന്ന ഒരു സഹോ​ദരി നമ്മെ സന്തോ​ഷ​ത്തോ​ടെ അഭിവാ​ദനം ചെയ്യു​ക​യി​ല്ലാ​യി​രി​ക്കാം. അല്ലെങ്കിൽ ചിലർ, ഒരുപക്ഷേ അനാ​രോ​ഗ്യം നിമിത്തം, ശാരീ​രി​ക​മാ​യി മാന്ദ്യ​മു​ള്ള​വ​രാ​യി​രി​ക്കാം. അത്തരം വ്യക്തി​കളെ വിമർശ​ന​പ​ര​മായ കുശു​കു​ശു​പ്പി​ന്റെ ഇരകളാ​ക്കു​ന്ന​തി​നു​പ​കരം അവരോട്‌ ക്ഷമയും കരുണ​യും പ്രകട​മാ​ക്കാൻ സ്‌നേഹം നമ്മെ പ്രേരി​പ്പി​ക്കേ​ണ്ട​തല്ലേ? ‘സ്‌നേഹം അസൂയ​യു​ള്ളതല്ല, വീമ്പു​പ​റ​യു​ന്നില്ല, ചീർക്കു​ന്നില്ല.’ അതു​കൊണ്ട്‌ മറെറാ​രു ക്രിസ്‌ത്യാ​നിക്ക്‌ നമുക്കു ലഭിക്കാത്ത ഒരു സേവന​പ​ദവി ലഭിക്കു​ന്നെ​ങ്കിൽ, അയാൾ ആ വേലക്ക്‌ യോജി​ച്ച​വനല്ല എന്ന്‌ സൂചി​പ്പി​ച്ചു​കൊണ്ട്‌ അയാൾക്കെ​തി​രെ സംസാ​രി​ക്കു​ന്ന​തിൽനിന്ന്‌ സ്‌നേഹം നമ്മെ തടയും. സ്‌നേഹം നമ്മുടെ നേട്ടങ്ങ​ളെ​ക്കു​റിച്ച്‌ വമ്പുപ​റ​യു​ന്ന​തിൽനിന്ന്‌, കുറഞ്ഞ പദവി​യു​ള്ള​വരെ താഴ്‌ത്തി​ക്കെ​ട്ടുന്ന സംസാ​ര​ത്തിൽനിന്ന്‌ നമ്മെ തടയും.

14. നാം മററു​ള്ള​വ​രെ​ക്കു​റി​ച്ചു പറയു​ന്ന​തി​നെ ബാധി​ക്കു​ന്ന​താ​യി സ്‌നേഹം സംബന്ധിച്ച്‌ മറെറന്ത്‌ ഉണ്ട്‌?

¹⁴ ‘സ്‌നേഹം അയോ​ഗ്യ​മാ​യി പെരു​മാ​റു​ന്നില്ല, അതിന്റെ സ്വന്തം താൽപ്പ​ര്യ​ങ്ങൾ അന്വേ​ഷി​ക്കു​ന്നില്ല, പ്രകോ​പി​ത​മാ​കു​ന്നില്ല, ദ്രോ​ഹ​ത്തി​ന്റെ കണക്കു സൂക്ഷി​ക്കു​ന്നില്ല’ എന്നും പൗലോസ്‌ തുടർന്നു​പ​റഞ്ഞു. ക്രിസ്‌തീ​യ​മ​ല്ലാത്ത കാര്യങ്ങൾ അയോ​ഗ്യ​മാ​യി സംസാ​രി​ക്കു​ന്ന​തി​നു​പ​കരം, മററു​ള്ള​വ​രെ​ക്കു​റിച്ച്‌ പ്രശം​സി​ച്ചു പറയാ​നും അവരുടെ താൽപ്പ​ര്യ​ങ്ങൾ പരിഗ​ണി​ക്കു​ന്ന​തി​നും നമ്മെ പ്രേരി​പ്പി​ക്കു​ന്ന​തിന്‌ നാം സ്‌നേ​ഹത്തെ അനുവ​ദി​ക്കണം. അതു നമ്മെ പ്രകോ​പി​ത​രാ​കു​ന്ന​തിൽനി​ന്നും യഥാർത്ഥ​മൊ സാങ്കൽപ്പി​ക​മൊ ആയ ദ്രോ​ഹ​ങ്ങ​ളെ​പ്രതി ആളുകൾക്കെ​തി​രെ സംസാ​രി​ക്കു​ന്ന​തിൽനി​ന്നും നമ്മെ തടയുന്നു. ‘സ്‌നേഹം അനീതി​യി​ലല്ല, സത്യത്തിൽ സന്തോ​ഷി​ക്കു​ന്ന​തി​നാൽ’ അത്‌ നമ്മെ അനീതി അനുഭ​വി​ക്കുന്ന എതിരാ​ളി​കൾക്കെ​തി​രെ​പോ​ലും ഹാനി​ക​ര​മായ കുശു​കു​ശു​പ്പിൽ ഏർപ്പെ​ടാ​തെ തടയുന്നു.

15. (എ) ‘സ്‌നേഹം എല്ലാം വിശ്വ​സി​ക്കു​ക​യും പ്രത്യാ​ശി​ക്കു​ക​യും ചെയ്യുന്നു’ എന്ന വസ്‌തു​ത​യാൽ നാം എങ്ങനെ ബാധി​ക്ക​പ്പെ​ടണം? (ബി) മററു​ള്ളവർ യഹോ​വ​യു​ടെ സ്ഥാപന​ത്തി​നെ​തി​രെ സംസാ​രി​ച്ചാ​ലും സ്‌നേ​ഹ​ത്തി​ന്റെ ഏതു വശങ്ങൾക്ക്‌ നമ്മെ അതി​നോട്‌ പററി​നിൽക്കാൻ സഹായി​ക്കാൻ കഴിയും?

¹⁵ സ്‌നേഹം ദൈവ​വ​ച​ന​ത്തിൽ കാണുന്ന ‘എല്ലാം വിശ്വ​സി​ക്ക​യും പ്രത്യാ​ശി​ക്ക​യും’ ചെയ്യു​ക​യും നുണപ​റ​യുന്ന വിശ്വാ​സ​ത്യാ​ഗി​ക​ളു​ടെ അപവാ​ദ​പ​ര​മായ പ്രസ്‌താ​വ​നകൾ ശ്രദ്ധി​ക്കു​ന്ന​തി​നു​പ​കരം ‘വിശ്വസ്‌ത അടിമ’ വർഗ്ഗം പ്രദാ​നം​ചെ​യ്യുന്ന ആത്മീയാ​ഹാ​രം വിലമ​തി​ക്കു​ന്ന​തിന്‌ നമ്മെ പ്രേരി​പ്പി​ക്കു​ക​യും ചെയ്യുന്നു. (മത്തായി 24:45-47; 1 യോഹ​ന്നാൻ 2:18-21) ‘സ്‌നേഹം എല്ലാം സഹിക്കു​ന്ന​തി​നാ​ലും, ഒരിക്ക​ലും നിലച്ചു​പോ​കു​ന്നി​ല്ലാ​ത്ത​തി​നാ​ലും’ ദൈവ​സ്ഥാ​പ​ന​ത്തി​നൊ അതിലെ അംഗങ്ങൾക്കൊ എതിരെ “വ്യാജ​സ​ഹോ​ദ​രൻമാ​രോ” മററു​ള്ള​വ​രോ സംസാ​രി​ച്ചാ​ലും അതി​നോട്‌ വിശ്വ​സ്‌ത​ത​യു​ള്ള​വ​രാ​യി നില​കൊ​ള്ളാൻ അത്‌ നമ്മെ സഹായി​ക്കു​ക​യും ചെയ്യുന്നു.—ഗലാത്യർ 2:4.

ആദരവ്‌ കുശു​കു​ശു​പ്പി​നെ നിരോ​ധി​ക്കു​ന്നു

16. കൊരി​ന്തി​ലെ വ്യാജ​സ​ഹോ​ദ​രൻമാർ പൗലോ​സി​നോട്‌ എങ്ങനെ പെരു​മാ​റി?

¹⁶ സഹവി​ശ്വാ​സി​ക​ളോ​ടുള്ള ആദരവും ഹാനി​ക​ര​മായ കുശു​കു​ശു​പ്പി​നെ തകർക്കാൻ നമ്മെ സഹായി​ക്കു​ന്നു. അവർ ദൈവ​ത്തി​നു സ്വീകാ​ര്യ​രാ​ക​യാൽ നിശ്ചയ​മാ​യും നാം അവരെ അപകീർത്തി​പ്പെ​ടു​ത്ത​രുത്‌. നമുക്ക്‌ ഒരിക്ക​ലും പൗലോസ്‌ അഭിമു​ഖീ​ക​രിച്ച “വ്യാജ സഹോ​രൻമാ​രെ”പ്പോ​ലെ​യാ​കാ​തി​രി​ക്കാം. അവർ അവനെ​തി​രെ തിൻമ​യായ കാര്യങ്ങൾ പറഞ്ഞു​വെ​ന്ന​തി​നു സംശയ​മില്ല. (2 കൊരി​ന്ത്യർ 11:26) വിശ്വാ​സ​ത്യാ​ഗി​ക​ളും അവനെ അപകീർത്തി​പ്പെ​ടു​ത്തി​യി​രി​ക്കണം. (യൂദാ 3, 4 താരത​മ്യ​പ്പെ​ടു​ത്തുക.) കൊരി​ന്തിൽ ചിലയാ​ളു​കൾ പറഞ്ഞു: “അവന്റെ ലേഖനങ്ങൾ ഘനമു​ള്ള​തും ശക്തവു​മാണ്‌, എന്നാൽ അവന്റെ ശാരീ​രി​ക​സാ​ന്നി​ദ്ധ്യം ബലഹീ​ന​വും അവന്റെ സംസാരം വെറു​ക്ക​ത്ത​ക്ക​തു​മാണ്‌.” (2 കൊരി​ന്ത്യർ 10:10) ആളുകൾ തങ്ങൾ സ്‌നേ​ഹി​ക്കു​ന്ന​വ​രേ​സം​ബ​ന്ധിച്ച്‌ അങ്ങനെ​യുള്ള പ്രസ്‌താ​വ​നകൾ നടത്തു​ന്നില്ല.

17. ദിയൊ​ത്രെ​ഫേസ്‌ അപ്പോ​സ്‌ത​ല​നായ യോഹ​ന്നാ​നെ​തി​രെ ഏതുതരം വാക്കു​ക​ളാൽ സംസാ​രി​ച്ചു?

¹⁷ ദിയൊ​ത്രെ​ഫേസ്‌ ആർക്കെ​തി​രാ​യി സംസാ​രി​ച്ചോ ആ യോഹ​ന്നാ​നെ​ക്കു​റി​ച്ചു പരിചി​ന്തി​ക്കുക. “ഞാൻ സഭക്ക്‌ ചിലത്‌ എഴുതി​യി​രു​ന്നു, എന്നാൽ അവരിൽ ഒന്നാമ​നാ​കാൻ ആഗ്രഹി​ക്കുന്ന ദിയൊ​ത്രെ​ഫേസ്‌ ഞങ്ങളിൽനി​ന്നുള്ള യാതൊ​ന്നും ആദര​വോ​ടെ സ്വീക​രി​ക്കു​ന്നില്ല. അതു​കൊ​ണ്ടാണ്‌ ഞാൻ വന്നാൽ, ദുഷ്ട വാക്കു​ക​ളാൽ ഞങ്ങൾക്കെ​തി​രെ ജൽപ്പനം​ന​ട​ത്തി​ക്കൊണ്ട്‌ അവൻ ചെയ്‌തു​കൊ​ണ്ടി​രി​ക്കുന്ന പ്രവൃ​ത്തി​കൾ അവനെ ഓർമ്മി​പ്പി​ക്കു​ന്നത്‌.” (3 യോഹ​ന്നാൻ 9, 10) അത്തരം ജൽപ്പനം വളരെ ഗൗരവ​മുള്ള കാര്യ​മാ​യി​രു​ന്നു, നാം ഇന്ന്‌ അതു​പോ​ലുള്ള സംസാരം ശ്രദ്ധി​ക്കു​ക​യൊ പരത്തു​ക​യോ ചെയ്യു​ന്നെ​ങ്കിൽ ഉടൻതന്നെ അങ്ങനെ ചെയ്യു​ന്നത്‌ നിർത്തണം.

18. ദെമേ​ത്രി​യൊസ്‌ ദിയൊ​ത്രെ​ഫേ​സിൽനിന്ന്‌ വ്യത്യ​സ്‌ത​നാ​യി​രു​ന്ന​തെ​ങ്ങനെ, ഈ വൈപ​രീ​ത്യം നമ്മുടെ നടത്തയെ ബാധ​ച്ചേ​ക്കാ​വു​ന്ന​തെ​ങ്ങനെ?

¹⁸ നീതി​മാൻമാ​രെ ആദരി​ക്കു​ന്ന​തിന്‌ പ്രേരി​പ്പി​ച്ചു​കൊണ്ട്‌ യോഹ​ന്നാൻ ഗായോ​സി​നോട്‌ പറഞ്ഞു: “തിൻമ​യാ​യ​തി​ന്റെയല്ല, നൻമയാ​യ​തി​ന്റെ അനുകാ​രി​യാ​യി​രിക്ക. നൻമ​ചെ​യ്യു​ന്നവൻ ദൈവ​ത്തിൽനിന്ന്‌ ഉൽഭവി​ക്കു​ന്നു. തിൻമ​ചെ​യ്യു​ന്നവൻ ദൈവത്തെ കണ്ടിട്ടില്ല. ദെമെ​ത്രി​യൊസ്‌ അവരെ​ല്ലാ​വ​രാ​ലും സത്യത്താൽത​ന്നെ​യും സാക്ഷ്യം ലഭിച്ച​വ​നാണ്‌. യഥാർത്ഥ​ത്തിൽ ഞങ്ങളും സാക്ഷ്യം​വ​ഹി​ക്കു​ന്നു, ഞങ്ങൾ നൽകുന്ന സാക്ഷ്യം സത്യമാ​കു​ന്നു​വെന്ന്‌ നിങ്ങൾ അറിയു​ന്നു.” (3 യോഹ​ന്നാൻ 1, 11, 12) നമു​ക്കോ​രോ​രു​ത്തർക്കും നമ്മോ​ടു​തന്നെ ഇപ്രകാ​രം ചോദി​ക്കാ​വു​ന്ന​താണ്‌: ഞാൻ ജൽപ്പനം​ചെ​യ്യുന്ന ഒരു ദിയൊ​ത്രെ​ഫേസ്‌ ആണോ, അതോ വിശ്വ​സ്‌ത​നായ ഒരു ദെമെ​ത്രി​യൊസ്‌ ആണോ? നാം സഹവി​ശ്വാ​സി​കളെ ബഹുമാ​നി​ക്കു​ന്നെ​ങ്കിൽ മററു​ള്ളവർ നമ്മെ ജൽപ്പനം​ചെ​യ്യു​ന്ന​വ​രാ​യി വീക്ഷി​ക്കു​ന്ന​തിന്‌ ഹേതു നൽകി​ക്കൊണ്ട്‌ നാം അവരെ​ക്കു​റിച്ച്‌ പ്രതി​കൂ​ല​വി​മർശനം നടത്തു​ക​യില്ല.

19. വ്യാജ​സ​ഹോ​ദ​രൻമാർ സി. ററി. റസ്സലിനെ അപകീർത്തി​പ്പെ​ടു​ത്താൻ ശ്രമി​ച്ച​തെ​ങ്ങനെ?

¹⁹ വ്യാജ സഹോ​ദ​രൻമാർ ഒന്നാം നൂററാ​ണ്ടിൽ മാത്രമല്ല സ്ഥിതി​ചെ​യ്‌തി​രു​ന്നത്‌. 1890-കളിൽ ദൈവ​സ്ഥാ​പ​ന​ത്തോ​ടൊത്ത്‌ സഹവസി​ച്ചു​കൊ​ണ്ടി​രുന്ന തത്വദീ​ക്ഷ​യി​ല്ലാത്ത വ്യക്തികൾ വാച്ച്‌ടവർ സൊ​സൈ​റ​റി​യു​ടെ നിയ​ന്ത്രണം പിടി​ച്ചെ​ടു​ക്കാൻ പരി​ശ്ര​മി​ച്ചു. അവർ ചാൾസ്‌ റെറയ്‌സ്‌ റെസ്സലി​നെ സൊ​സൈ​റ​റി​യു​ടെ ആദ്യത്തെ പ്രസി​ഡണ്ട്‌ എന്ന നിലയിൽനിന്ന്‌ നീക്കം ചെയ്യു​ന്ന​തിന്‌ അദ്ദേഹ​ത്തി​നെ​തി​രെ ഗൂഢാ​ലോ​ചന നടത്തി. ഏകദേശം രണ്ടുവർഷത്തെ ഗൂഢാ​ലോ​ച​ന​ക്കു​ശേഷം അത്‌ 1894-ൽ പൊട്ടി​ത്തെ​റി​ച്ചു. വ്യാജ​കു​റ​റാ​രോ​പ​ണങ്ങൾ മുഖ്യ​മാ​യി റസ്സലിന്റെ ബിസി​ന​സ്സി​ലെ ആരോ​പിത അവിശ്വ​സ്‌ത​ത​യി​ലാണ്‌ കേന്ദ്രീ​ക​രി​ച്ചത്‌. നിസ്സാ​ര​ങ്ങ​ളായ ചില ആരോ​പ​ണങ്ങൾ കുററാ​രോ​പ​ക​രു​ടെ ഉദ്ദേശ്യ​ത്തെ വെളി​പ്പെ​ടു​ത്തി—സി. ററി. റസ്സലിനെ അപകീർത്തി​പ്പെ​ടു​ത്തുക. നിഷ്‌പ​ക്ഷ​രായ ക്രിസ്‌ത്യാ​നി​കൾ കാര്യങ്ങൾ പരി​ശോ​ധി​ക്കു​ക​യും അദ്ദേഹ​ത്തി​ന്റെ പക്ഷമാണ്‌ ശരി​യെന്ന്‌ കണ്ടെത്തു​ക​യും ചെയ്‌തു. അങ്ങനെ, “മി. റസ്സലി​നെ​യും അയാളു​ടെ വേല​യെ​യും തകർത്ത്‌ ആകാശം​മു​ട്ടെ പറപ്പി​ക്കാ​നുള്ള ഈ പദ്ധതി പരാജ​യ​മാ​യി. അങ്ങനെ, പൗലോ​സി​നെ​പ്പോ​ലെ റസ്സൽ സഹോ​ദരൻ വ്യാജ​സ​ഹോ​ദ​രൻമാ​രാൽ ആക്രമി​ക്ക​പ്പെട്ടു, എന്നാൽ ഈ പരി​ശോ​ധന സാത്താന്റെ ഒരു പദ്ധതി​യാ​യി​രു​ന്നു എന്ന്‌ തിരി​ച്ച​റി​യ​പ്പെട്ടു. അതിനു​ശേഷം ഗൂഢാ​ലോ​ച​ന​ക്കാർ ക്രിസ്‌തീയ സഹവാസം ആസ്വദി​ക്കാൻ അയോ​ഗ്യ​രാ​ണെന്ന്‌ പരിഗ​ണി​ക്ക​പ്പെട്ടു.

നല്ല പ്രവൃ​ത്തി​കൾ ഹാനി​ക​ര​മായ കുശു​കു​ശു​പ്പി​നെ അടിച്ച​മർത്തു​ന്നു

20. പൗലോസ്‌ ചെറു​പ്പ​ക്കാ​രായ ചില വിധവ​മാ​രിൽ എന്തു കുററം കണ്ടു?

²⁰ ഹാനി​ക​ര​മായ കുശു​കു​ശുപ്പ്‌ മിക്ക​പ്പോ​ഴും അലസത​യോ​ടാണ്‌, ധാരാ​ള​മായ നല്ല പ്രവൃ​ത്തി​ക​ളോ​ടല്ല ബന്ധപ്പെ​ട്ടി​രി​ക്കു​ന്നത്‌ എന്ന്‌ പൗലോസ്‌ അറിഞ്ഞു. ചില ചെറു​പ്പ​ക്കാ​രായ വിധവ​മാർ “വീടു​കൾതോ​റും ചുററി​ക്ക​റങ്ങി അലസരും അലസർ മാത്രമല്ല, വായാ​ടി​ക​ളും അരുതാ​ത്ത​തി​നെ​ക്കു​റി​ച്ചു സംസാ​രി​ച്ചു​കൊണ്ട്‌ പരകാ​ര്യ​ത്തി​ലി​ട​പെ​ടു​ന്ന​വ​രും ആയിരി​ക്കാൻ” പഠിച്ചത്‌ അവന്‌ ഇഷ്‌ട​പ്പെ​ട്ടി​ല്ലാ​യി​രു​ന്നു. പരിഹാ​ര​മെ​ന്താ​യി​രു​ന്നു? ആരോ​ഗ്യ​ക​ര​മായ പ്രവർത്ത​നങ്ങൾ. അതു​കൊണ്ട്‌ പൗലോസ്‌ ഇപ്രകാ​രം എഴുതി: “ചെറു​പ്പ​ക്കാ​രി​കൾ, വിവാഹം കഴിക്കാൻ, മക്കളെ പ്രസവി​ക്കാൻ, വീട്ടു​കാ​ര്യം​നോ​ക്കാൻ, എതിരാ​ളിക്ക്‌ ദുഷി​പ​റ​യാൻ യാതൊ​രു കാരണ​വും കൊടു​ക്കാ​തി​രി​ക്കാൻ, ഞാൻ ആഗ്രഹി​ക്കു​ന്നു.”—1 തിമൊ​ഥെ​യോസ്‌ 5:11-14, ബയിം​ഗടൻ.

21. ഹാനി​ക​ര​മായ കുശു​കു​ശു​പ്പി​ന്റെ കെണി​കളെ ഒഴിവാ​ക്കു​ന്ന​തിൽ 1 കൊരി​ന്ത്യർ 15:58-ന്‌ എന്തു ബന്ധമുണ്ട്‌?

²¹ സ്‌ത്രീ​കൾ ഒരു വീടിന്റെ ചുമതല വഹിക്കു​ക​യും കുട്ടി​കളെ ദൈവ​ത്തി​ന്റെ പ്രമാ​ണ​ങ്ങൾക്ക​നു​സൃ​ത​മാ​യി പരിശീ​ലി​പ്പി​ക്കു​ക​യും പ്രയോ​ജ​ന​മുള്ള മററ്‌ വ്യാപാ​ര​ങ്ങ​ളി​ലേർപ്പെ​ടു​ക​യും ചെയ്യു​ക​യാ​ണെ​ങ്കിൽ, അവർക്ക്‌ ഹാനി​ക​ര​മായ കുശു​കു​ശു​പ്പി​ലേക്ക്‌ നയി​ച്ചേ​ക്കാ​വുന്ന വ്യർത്ഥ​സം​സാ​ര​ത്തിന്‌ അധികം സമയം ലഭിക്ക​യില്ല. പുരു​ഷൻമാ​രും നല്ല പ്രവൃ​ത്തി​ക​ളിൽ മുഴു​കി​യി​രി​ക്ക​യാ​ണെ​ങ്കിൽ അത്തരത്തി​ലുള്ള സംസാ​ര​ത്തിന്‌ കുറഞ്ഞ​സ​മ​യമേ ഉണ്ടായി​രി​ക്ക​യു​ള്ളു. “എല്ലായ്‌പ്പോ​ഴും കർത്താ​വി​ന്റെ വേലയിൽ ധാരാളം ചെയ്യാ​നു​ണ്ടാ​യി​രി​ക്കു​ന്നത്‌” നമ്മെ​യെ​ല്ലാം ഹാനി​ക​ര​മായ കുശു​കു​ശു​പ്പി​ന്റെ കെണി​യിൽനിന്ന്‌ ഒഴിഞ്ഞി​രി​ക്കാൻ സഹായി​ക്കും. (1 കൊരി​ന്ത്യർ 15:58) പ്രത്യേ​കിച്ച്‌ ക്രിസ്‌തീയ ശുശ്രൂ​ഷ​യി​ലും സഭാമീ​റ​റിം​ഗു​ക​ളി​ലും മററു ദൈവി​ക​മായ വ്യാപാ​ര​ങ്ങ​ളി​ലു​മുള്ള മുഴു​ഹൃ​ദ​യ​ത്തോ​ടെ​യുള്ള ഉൾപ്പെടൽ നാം തൊഴി​ലി​ല്ലാത്ത കുശു​കു​ശു​പ്പു​കാ​രൊ അനാവ​ശ്യ​മാ​യി അന്യരു​ടെ കാര്യ​ങ്ങ​ളിൽ ഇടപെ​ടു​ന്ന​വ​രൊ ആയിത്തീ​രാ​തെ നമ്മുടെ മനസ്സു​കളെ ആത്‌മീ​യ​കാ​ര്യ​ങ്ങ​ളിൽ വ്യാപ​രി​പ്പി​ക്കും.

22. സദൃശ​വാ​ക്യ​ങ്ങൾ 6:16-19 അപവാദം പറയു​ന്ന​വരെ സംബന്ധിച്ച ദൈവ​ത്തി​ന്റെ വീക്ഷണ​ത്തെ​ക്കു​റിച്ച്‌ എന്തു പറയുന്നു?

²² നാം ദൈവി​ക​വേ​ല​ക​ളിൽ തിരക്കു​ള്ള​വ​രാ​യി​രി​ക്കു​ക​യും മററു​ള്ള​വരെ ആത്മീയ​മാ​യി അനു​ഗ്ര​ഹി​ക്കാൻ ശ്രമി​ക്കു​ക​യും​ചെ​യ്യു​ന്നു​വെ​ങ്കിൽ നാം വിശ്വ​സ്‌ത​രായ സ്‌നേ​ഹി​ത​രാ​യി​രി​ക്കും, അവിശ്വ​സ്‌ത​രായ നുണയൻമാർ ആയിരി​ക്ക​യില്ല. (സദൃശ​വാ​ക്യ​ങ്ങൾ 17:17) നാം അപകട​ക​ര​മായ കുശു​കു​ശുപ്പ്‌ ഒഴിവാ​ക്കു​ന്നെ​ങ്കിൽ നമുക്ക്‌ എല്ലാവ​രി​ലും​വെച്ച്‌ ഏററം നല്ല സുഹൃത്ത്‌—യഹോ​വ​യാം ദൈവം—ഉണ്ടായി​രി​ക്കും. അവന്‌ വെറു​പ്പുള്ള ഏഴുകാ​ര്യ​ങ്ങൾ, “ഗർവ്വമുള്ള കണ്ണ്‌, വ്യാജം​പ​റ​യുന്ന നാവ്‌, നിരപ​രാ​ധി​യു​ടെ രക്തം ചൊരി​യുന്ന കൈകൾ, ഹാനി​ക​ര​മായ പദ്ധതികൾ കെട്ടി​ച്ച​മ​ക്കുന്ന ഒരു ഹൃദയം, തിൻമ​യി​ലേക്ക്‌ ബദ്ധപ്പെ​ടുന്ന കാലുകൾ, വ്യാജം​പ​റ​യുന്ന കള്ളസാക്ഷി, സഹോ​ദ​രൻമാ​രു​ടെ ഇടയിൽ വഴക്കുകൾ ഇളക്കി​വി​ടു​ന്നവൻ” എന്നിവ​യാ​ണെന്ന്‌ ഓർക്കുക. (സദൃശ​വാ​ക്യ​ങ്ങൾ 6:16-19) കുശു​കു​ശു​പ്പു​പ്ര​ചാ​രകർ കാര്യ​ങ്ങളെ പർവതീ​ക​രി​ക്കു​ക​യും വളച്ചൊ​ടി​ക്കു​ക​യും ചെയ്യുന്നു. ദൂഷകർക്ക്‌ വ്യാജ​നാ​വു​ക​ളാ​ണു​ള്ളത്‌. അവരുടെ വാക്കുകൾ കഥകൾ പരത്താൻ ആകാം​ക്ഷ​യു​ള്ള​വ​രു​ടെ കാലു​കളെ ചലിപ്പി​ക്കു​ന്നു. മിക്കവാ​റും മാററ​മി​ല്ലാ​തെ, ശണ്‌ഠ​യാ​യി​രി​ക്കും ഫലം. എന്നാൽ ദൈവം വെറു​ക്കു​ന്ന​തി​നെ നാം വെറു​ക്കു​ന്നെ​ങ്കിൽ, നാം നീതി​മാന്‌ ദ്രോ​ഹം​ചെ​യ്യാൻ കഴിയു​ന്ന​തും വലിയ അപവാ​ദി​യായ പിശാ​ചായ സാത്താന്‌ ആഹ്ലാദം കൈവ​രു​ത്തു​ന്ന​തു​മായ ഹാനി​ക​ര​മായ കുശു​കു​ശു​പ്പി​നെ വർജ്ജി​ക്കും.

23. നമ്മുടെ സംസാ​രം​സം​ബ​ന്ധിച്ച്‌ നമുക്ക്‌ എങ്ങനെ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാൻ കഴിയും?

²³ അതു​കൊണ്ട്‌, നമുക്ക്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാം. (സദൃശ​വാ​ക്യ​ങ്ങൾ 27:11) നമുക്ക്‌ അവൻ വെറു​ക്കുന്ന സംസാരം ഒഴിവാ​ക്കാം, അപവാദം ശ്രദ്ധി​ക്കാ​തി​രി​ക്കാം, ഹാനി​ക​ര​മായ കുശു​കു​ശു​പ്പി​നെ തകർക്കു​ന്ന​തിന്‌ നമ്മുടെ കഴിവി​ന്റെ പരമാ​വധി ശ്രമി​ക്കു​ക​യും ചെയ്യാം. നിശ്ചയ​മാ​യും, നമുക്ക്‌ നമ്മുടെ വിശുദ്ധ ദൈവ​മായ യഹോ​വ​യു​ടെ സഹായ​ത്താൽ അപ്രകാ​രം ചെയ്യാൻ കഴിയും. (w89 10⁄15)

[അടിക്കു​റിപ്പ്‌]

നിങ്ങൾ എങ്ങനെ മറുപടി പറയും?

◻ മററു​ള്ള​വരെ സംബന്ധിച്ച്‌ അപവാദം പറയു​ന്ന​തിൽനിന്ന്‌ ഒഴിഞ്ഞി​രി​ക്കാൻ പ്രാർത്ഥ​നക്ക്‌ നമ്മെ എങ്ങനെ സഹായി​ക്കാൻ കഴിയും?

◻ ഒന്നു കൊരി​ന്ത്യർ 13:4-8ന്റെ ബാധക​മാ​ക്ക​ലിന്‌ ഹാനി​ക​ര​മായ കുശു​കു​ശു​പ്പി​നെ തകർക്കാൻ നമ്മെ എങ്ങനെ സഹായി​ക്കാൻ കഴിയും?

◻ ആത്മാഭി​മാ​ന​ത്തിന്‌ സഹ വിശ്വാ​സി​ക​ളെ​ക്കു​റിച്ച്‌ കുശു​കു​ശു​ക്കു​ന്ന​തി​നുള്ള ഏതൊരു ചായ്‌വി​നും കടിഞ്ഞാ​ണി​ടാൻ നമ്മെ എങ്ങനെ സഹായി​ക്കാൻ കഴിയും?

◻ ഹാനി​ക​ര​മായ കുശു​കു​ശു​പ്പി​ന്റെ കെണി​കളെ ഒഴിവാ​ക്കു​ന്ന​തിൽ 1 കൊരി​ന്ത്യർ 15:58-ന്‌ എന്തു ബന്ധമു​ണ്ടാ​യി​രി​ക്കാൻ കഴിയും?

[13-ാം പേജിലെ ചിത്ര​ത്തിന്‌ കടപ്പാട്‌]

U.S. Forest Service photo