അധ്യായം എട്ട്‌

വ്യാജ​മതം—അതിന്റെ വിസ്‌മ​യാ​വ​ഹ​മായ അന്ത്യം മുൻകൂ​ട്ടി കണ്ടിരി​ക്കു​ന്നു

യെശയ്യാവു 47:1-15

1, 2. (എ) ലോക​ത്തി​ലെ മതപര​മായ അന്തരീ​ക്ഷ​ത്തി​നു വിസ്‌മ​യാ​വ​ഹ​മായ ഒരു മാറ്റം സംഭവി​ക്കാ​നി​രി​ക്കു​ന്നു എന്നു വിശ്വ​സി​ക്കാൻ ചിലർക്കു ബുദ്ധി​മു​ട്ടു തോന്നു​ന്നത്‌ എന്തു​കൊണ്ട്‌? (ബി) യെശയ്യാ​വു 47-ാം അധ്യാ​യ​ത്തിന്‌ ഒരു ഭാവി നിവൃത്തി ഉള്ളതായി എന്തു സൂചി​പ്പി​ക്കു​ന്നു? (സി) ലോക​ത്തി​ലെ വ്യാജ​മ​ത​ങ്ങൾക്ക്‌ “മഹാബാ​ബി​ലോൻ” എന്ന പേര്‌ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

“മതം തിരി​ച്ചു​വ​രവു നടത്തുന്നു,” ദ ന്യൂ​യോർക്ക്‌ ടൈംസ്‌ മാഗസി​നിൽ വന്ന ഒരു ലേഖനം അപ്രകാ​രം പ്രസ്‌താ​വി​ച്ചു. മതം ഇന്നും ദശലക്ഷ​ക്ക​ണ​ക്കിന്‌ ആളുക​ളു​ടെ മനസ്സി​ലും ഹൃദയ​ത്തി​ലും ശക്തമായ സ്വാധീ​നം ചെലു​ത്തു​ന്ന​താ​യി ആ ലേഖനം എടുത്തു​കാ​ട്ടി. തന്മൂലം, ലോക​ത്തി​ലെ മതപര​മായ അന്തരീ​ക്ഷ​ത്തിന്‌ ഉടനടി വിസ്‌മ​യാ​വ​ഹ​മായ ഒരു മാറ്റം സംഭവി​ക്കാ​നി​രി​ക്കു​ന്നു എന്നു വിശ്വ​സി​ക്കാൻ ചിലർക്കു ബുദ്ധി​മു​ട്ടു തോന്നി​യേ​ക്കാം. എന്നാൽ അത്തര​മൊ​രു മാറ്റം സംഭവി​ക്കു​മെന്ന്‌ യെശയ്യാ​വു 47-ാം അധ്യാ​യ​ത്തിൽ സൂചി​പ്പി​ച്ചി​രി​ക്കു​ന്നു.

² യെശയ്യാവിന്റെ വാക്കുകൾ 2,500 വർഷം മുമ്പു നിവൃ​ത്തി​യേറി. എന്നിരു​ന്നാ​ലും, യെശയ്യാ​വു 47:8-ലെ വാക്കുകൾ വെളി​പ്പാ​ടു പുസ്‌ത​ക​ത്തിൽ ഉദ്ധരി​ച്ചി​രി​ക്കു​ന്നു. അങ്ങനെ, അതിന്‌ ഒരു ഭാവി​നി​വൃ​ത്തി ഉള്ളതായി അതു സൂചി​പ്പി​ക്കു​ന്നു. അവിടെ ബൈബിൾ, “മഹാബാ​ബി​ലോൻ” എന്ന വേശ്യാ​സ​മാന സംഘട​ന​യു​ടെ—വ്യാജമത ലോക സാമ്രാ​ജ്യ​ത്തി​ന്റെ—നാശത്തെ കുറിച്ചു മുൻകൂ​ട്ടി പറയുന്നു. (വെളി​പ്പാ​ടു 16:19) ലോക​ത്തി​ലെ വ്യാജ​മ​ത​ങ്ങൾക്കു “ബാബി​ലോൻ” എന്ന പേര്‌ ഉചിത​മാണ്‌. കാരണം, പുരാതന ബാബി​ലോ​ണിൽ നിന്നാണു വ്യാജ​മ​ത​ങ്ങ​ളു​ടെ തുടക്കം. അവി​ടെ​നിന്ന്‌ അതു ഭൂമി​യു​ടെ നാനാ ഭാഗങ്ങ​ളി​ലേക്കു വ്യാപി​ച്ചു. (ഉല്‌പത്തി 11:1-9) ആത്മാവി​ന്റെ അമർത്യത, നരകാഗ്നി, ത്രിത്വ​ദൈ​വ​ങ്ങ​ളു​ടെ ആരാധന എന്നിങ്ങനെ ബാബി​ലോ​ണിൽ തുടക്കം കുറി​ക്ക​പ്പെട്ട മതോ​പ​ദേ​ശങ്ങൾ ക്രൈ​സ്‌ത​വ​ലോ​കം ഉൾപ്പെടെ ലോക​ത്തി​ലെ മിക്കവാ​റും എല്ലാ മതങ്ങളും പിൻപ​റ്റു​ന്നു.a യെശയ്യാ​വി​ന്റെ പ്രവചനം മതങ്ങളു​ടെ ഭാവി സംബന്ധിച്ച്‌ എന്തെങ്കി​ലും വെളിച്ചം വീശു​ന്നു​ണ്ടോ?

ബാബി​ലോൺ പൊടി​യിൽ ആക്കപ്പെ​ടു​ന്നു

3. ബാബി​ലോ​ണി​യൻ ലോക​ശ​ക്തി​യു​ടെ മഹത്ത്വത്തെ കുറിച്ചു വിശദീ​ക​രി​ക്കുക.

³ ഈ ദിവ്യ ഘോഷ​ണ​ത്തി​നു ശ്രദ്ധ നൽകുക: “ബാബേൽപു​ത്രി​യായ കന്യകേ, ഇറങ്ങി പൊടി​യിൽ ഇരിക്ക; കല്‌ദ​യ​പു​ത്രി, സിംഹാ​സനം കൂടാതെ നിലത്തി​രിക്ക; നിന്നെ ഇനി തന്വംഗി എന്നും സുഖ​ഭോ​ഗി​നി എന്നും [“മൃദു​ഗാ​ത്രി​യെ​ന്നും കോമ​ളാം​ഗി​യെ​ന്നും,” NIBV] വിളി​ക്ക​യില്ല.” (യെശയ്യാ​വു 47:1) ബാബി​ലോൺ ലോക​ശ​ക്തി​യാ​യി വാഴാൻ തുടങ്ങി​യിട്ട്‌ വർഷങ്ങ​ളാ​യി. അവൾ ‘പ്രശം​സാ​ല​ങ്കാ​രം’—തഴച്ചു​വ​ള​രുന്ന ഒരു മത, വ്യാവ​സാ​യിക, സൈനിക കേന്ദ്രം—ആയിത്തീർന്നി​രി​ക്കു​ന്നു. (യെശയ്യാ​വു 13:19) അധികാ​ര​ത്തി​ന്റെ നെറു​ക​യിൽ ഇരുന്ന​പ്പോൾ അവളുടെ സാമ്രാ​ജ്യം ഈജി​പ്‌തു​വരെ നീണ്ടു​കി​ട​ന്നി​രു​ന്നു. പൊ.യു.മു. 607-ൽ അവൾ യെരൂ​ശ​ലേ​മി​നെ കീഴട​ക്കു​മ്പോൾ ദൈവ​ത്തി​നു​പോ​ലും അവളെ തടുക്കാൻ കഴിയാ​ത്തതു പോലെ കാണ​പ്പെട്ടു! അങ്ങനെ, അവൾ ഒരു ‘കന്യക പുത്രി’യായി, അതായത്‌ ഒരിക്ക​ലും വിദേശ ആക്രമ​ണ​ത്തിന്‌ ഇരയാ​കു​ക​യി​ല്ലാത്ത ഒരുവ​ളാ​യി സ്വയം കണക്കാ​ക്കു​ന്നു.b

4. ബാബി​ലോ​ണി​ന്റെ അനുഭവം എന്തായി​രി​ക്കും?

⁴ എന്നിരുന്നാലും, അഹങ്കാ​രി​യായ ഈ ‘കന്യക’ ലോക​ശ​ക്തി​യു​ടെ സ്ഥാനത്തു​നി​ന്നു നീക്കം ചെയ്യ​പ്പെ​ടാ​നി​രി​ക്കു​ക​യാണ്‌. അവൾ അപമാ​നി​ത​യാ​യി ‘പൊടി​യിൽ ഇരിക്കാൻ’ നിർബ​ന്ധി​ത​യാ​കും. (യെശയ്യാ​വു 26:5) സുഖസ​മൃ​ദ്ധി​യിൽ ജീവി​ക്കുന്ന ‘മൃദു​ഗാ​ത്രി​യും കോമ​ളാം​ഗി​യു’മായ രാജ്ഞി​യാ​യി മേലാൽ അവൾ പരിഗ​ണി​ക്ക​പ്പെ​ടില്ല. തന്മൂലം യഹോവ ഇങ്ങനെ കൽപ്പി​ക്കു​ന്നു: “തിരി​കല്ലു എടുത്തു മാവു പൊടിക്ക; നിന്റെ മൂടു​പടം നീക്കുക; വസ്‌ത്രാ​ന്തം എടുത്തു കുത്തി തുട മറെക്കാ​തെ നദികളെ കടക്ക.” (യെശയ്യാ​വു 47:2) യഹൂദ ജനതയെ മുഴുവൻ അടിമ​ത്ത​ത്തി​ലാ​ക്കിയ ബാബി​ലോൺത​ന്നെ​യും ഇപ്പോൾ അടിമ​യാ​യി​ത്തീ​രും! അവളെ അധികാ​ര​ത്തിൽ നിന്നു നീക്കം ചെയ്യുന്ന മേദ്യ​രും പേർഷ്യ​ക്കാ​രും തങ്ങൾക്കാ​യി ഏറ്റവും തരംതാണ തൊഴിൽ ചെയ്യാൻ അവളെ നിർബ​ന്ധി​ക്കും.

5. (എ) ബാബി​ലോൺ ‘മൂടു​പടം നീക്കി, വസ്‌ത്രാ​ന്തം എടുത്തു കുത്തേണ്ടി’വരുന്നത്‌ എങ്ങനെ? (ബി) “നദികളെ കടക്ക” എന്നതി​നാൽ എന്താണ്‌ അർഥമാ​ക്കു​ന്നത്‌?

⁵ അങ്ങനെ, ബാബി​ലോൺ ‘മൂടു​പടം നീക്കി, വസ്‌ത്രാ​ന്തം എടുത്തു കുത്തേണ്ടി’വരും. മുമ്പു​ണ്ടാ​യി​രുന്ന ശ്രേഷ്‌ഠ​ത​യും മാഹാ​ത്മ്യ​വും അവൾക്കു നഷ്ടമാ​കും. “നദികളെ കടക്ക” എന്ന്‌ അവളുടെ യജമാ​ന​ന്മാർ അവളോ​ടു കൽപ്പി​ക്കും. സാധ്യ​ത​യ​നു​സ​രിച്ച്‌, ചില ബാബി​ലോ​ണി​യ​രോട്‌ അക്ഷരാർഥ​ത്തിൽ അടിമ​വേല ചെയ്യാൻ കൽപ്പി​ക്കും. അതല്ലെ​ങ്കിൽ, ചിലരെ നദി കുറുകെ കടത്തി പ്രവാ​സ​ത്തി​ലേക്കു വലിച്ചി​ഴച്ചു കൊണ്ടു​പോ​കാൻ ഇടയുണ്ട്‌ എന്നായി​രി​ക്കാം ഈ പ്രവചനം അർഥമാ​ക്കു​ന്നത്‌. എന്തുതന്നെ ആയിരു​ന്നാ​ലും, ബാബി​ലോൺ മേലാൽ പ്രൗഢ​യായ ഒരു രാജ്ഞിയെ പോലെ പല്ലക്കി​ലോ തേരി​ലോ ഇരുന്ന്‌ നദി കടക്കു​ക​യില്ല. നേരെ മറിച്ച്‌, നാണവും മാനവു​മൊ​ന്നും നോക്കാ​നാ​വാത്ത അവസ്ഥയി​ലുള്ള ഒരു അടിമയെ പോലെ, കാലുകൾ മറയ്‌ക്കാ​തെ വസ്‌ത്രം ഉയർത്തി​പ്പി​ടിച്ച്‌ അവൾ നദി കുറുകെ കടക്കേ​ണ്ടി​വ​രും. എത്ര ലജ്ജാകരം!

6. (എ) ഏത്‌ അർഥത്തി​ലാണ്‌ ബാബി​ലോ​ണി​ന്റെ നഗ്നത അനാവൃ​ത​മാ​കു​ന്നത്‌? (ബി) ദൈവം “ഒരു മനുഷ്യ​നെ​യും ആദരിക്കാ”തിരി​ക്കു​ന്നത്‌ എങ്ങനെ? (അടിക്കു​റി​പ്പു കാണുക.)

⁶ യഹോവ തുടർന്ന്‌ ഇങ്ങനെ പരിഹാ​സ​മു​തിർക്കു​ന്നു: “നിന്റെ നഗ്നത അനാവൃ​ത​മാ​കും; നിന്റെ നാണിടം കാണും; ഞാൻ ഒരു മനുഷ്യ​നെ​യും ആദരി​ക്കാ​തെ [“ഒരു മനുഷ്യ​നോ​ടും ദയ കാണി​ക്കാ​തെ,” NW] പ്രതി​കാ​രം നടത്തും.” (യെശയ്യാ​വു 47:3)c അതേ, ബാബി​ലോൺ നാണ​ക്കേ​ടും അനാദ​ര​വും സഹി​ക്കേ​ണ്ടി​വ​രും. അങ്ങനെ അവൾ ദൈവ​ജ​ന​ത്തോ​ടു ചെയ്‌ത ദുഷ്ടത​യും ക്രൂര​ത​യും തുറന്നു കാട്ട​പ്പെ​ടും. ദൈവ​ത്തി​ന്റെ പ്രതി​കാ​രത്തെ തടുക്കാൻ ഒരു മനുഷ്യ​നും സാധി​ക്കില്ല!

7. (എ) യഹൂദ പ്രവാ​സി​കൾ ബാബി​ലോ​ണി​ന്റെ വീഴ്‌ച​യോട്‌ എങ്ങനെ പ്രതി​ക​രി​ക്കും? (ബി) ഏതു വിധത്തിൽ ആയിരി​ക്കും യഹോവ തന്റെ ജനത്തെ വീണ്ടെ​ടു​ക്കു​ന്നത്‌?

⁷ എഴുപതു വർഷം ബാബി​ലോ​ണി​ന്റെ അടിമ​ത്ത​ത്തിൽ കഴിഞ്ഞ ദൈവ​ജനം അവളുടെ വീഴ്‌ച​യിൽ വളരെ​യ​ധി​കം ആനന്ദി​ക്കും. അവർ ഇങ്ങനെ വിളി​ച്ചു​പ​റ​യും: “ഞങ്ങളുടെ വീണ്ടെ​ടു​പ്പു​കാ​ര​നോ സൈന്യ​ങ്ങ​ളു​ടെ യഹോവ, യിസ്രാ​യേ​ലി​ന്റെ പരിശു​ദ്ധൻ എന്നാകു​ന്നു അവന്റെ നാമം.” (യെശയ്യാ​വു 47:4) മോ​ശൈക ന്യായ​പ്ര​മാ​ണ​ത്തിൻ കീഴിൽ ഒരു ഇസ്രാ​യേ​ല്യൻ തന്റെ കടം വീട്ടാ​നാ​യി സ്വയം അടിമ​യാ​യി വിറ്റി​രു​ന്നെ​ങ്കിൽ ഒരു വീണ്ടെ​ടു​പ്പു​കാ​രന്‌ (രക്തബന്ധ​ത്തി​ലുള്ള ഒരാൾക്ക്‌) അയാളെ അടിമ​ത്ത​ത്തിൽനി​ന്നു വിലയ്‌ക്കു വാങ്ങാൻ അല്ലെങ്കിൽ വീണ്ടെ​ടു​ക്കാൻ സാധി​ക്കു​മാ​യി​രു​ന്നു. (ലേവ്യ​പു​സ്‌തകം 25:47-54) ഇസ്രാ​യേ​ല്യർ ബാബി​ലോ​ണിൽ അടിമ​ത്ത​ത്തി​ലേക്കു വിൽക്ക​പ്പെ​ടു​മാ​യി​രു​ന്ന​തി​നാൽ അവർ വീണ്ടെ​ടു​ക്ക​പ്പെ​ടേ​ണ്ടത്‌ അല്ലെങ്കിൽ വിടു​വി​ക്ക​പ്പെ​ടേ​ണ്ടത്‌ ആവശ്യ​മാ​യി​രു​ന്നു. അടിമ​കളെ സംബന്ധി​ച്ചി​ട​ത്തോ​ളം ആർ ജയിക്കു​ന്നു എന്നതു പ്രസക്തമല്ല, അവർ പുതിയ യജമാ​ന​ന്മാ​രു​ടെ കീഴി​ലാ​കു​ന്നു എന്നു മാത്രം. എന്നാൽ, യഹൂദരെ അടിമ​ത്ത​ത്തിൽ നിന്നു മോചി​പ്പി​ക്കാൻ യഹോവ ജേതാ​വായ കോ​രെ​ശി​നെ പ്രേരി​പ്പി​ക്കും. യഹൂദർക്കു മറുവി​ല​യാ​യി ദൈവം ഈജി​പ്‌തി​നെ​യും എത്യോ​പ്യ​യെ​യും സെബ​യെ​യും കോ​രെ​ശി​നു നൽകും. (യെശയ്യാ​വു 43:3) “സൈന്യ​ങ്ങ​ളു​ടെ യഹോവ” എന്ന്‌ ഇസ്രാ​യേ​ലി​ന്റെ വിമോ​ച​കനെ വിളി​ച്ചി​രി​ക്കു​ന്നത്‌ തികച്ചും ഉചിത​മാണ്‌. യഹോ​വ​യു​ടെ അദൃശ്യ, ദൂത സേനക​ളോ​ടു താരത​മ്യം ചെയ്യു​മ്പോൾ അതിശ​ക്ത​മാ​യി കാണ​പ്പെ​ടുന്ന ബാബി​ലോ​ണി​യൻ സേന ഏതുമില്ല.

ക്രൂര​ത​യ്‌ക്ക്‌ ഒടു​ക്കേ​ണ്ടി​വ​രുന്ന വില

8. ഏത്‌ അർഥത്തി​ലാ​യി​രി​ക്കും ബാബി​ലോൺ ‘അന്ധകാ​ര​ത്തിൽ പ്രവേ​ശി​ക്കു’ന്നത്‌?

⁸ യഹോവ വീണ്ടും ബാബി​ലോ​ണി​നെ പ്രാവ​ച​നി​ക​മാ​യി കുറ്റം വിധി​ക്കു​ന്നു: “കല്‌ദ​യ​പു​ത്രീ, മിണ്ടാ​തെ​യി​രിക്ക; ഇരുട്ടത്തു പോക [“അന്‌ധ​കാ​ര​ത്തി​ലേക്കു പ്രവേ​ശി​ക്കൂ,” NIBV]; നിന്നെ ഇനി രാജ്യ​ങ്ങ​ളു​ടെ തമ്പുരാ​ട്ടി എന്നു വിളി​ക്ക​യില്ല.” (യെശയ്യാ​വു 47:5) അന്ധകാരം മാത്ര​മാ​യി​രി​ക്കും ബാബി​ലോ​ണി​ന്റെ മുന്നിൽ. ക്രൂര​യായ ഒരു തമ്പുരാ​ട്ടി​യാ​യി അവൾ മേലാൽ മറ്റു രാജ്യ​ങ്ങ​ളു​ടെ​മേൽ ആധിപ​ത്യം നടത്തു​ക​യില്ല.—യെശയ്യാ​വു 14:4.

9. യഹൂദ​രോട്‌ യഹോവ ക്രുദ്ധി​ക്കു​ന്നത്‌ എന്തു​കൊണ്ട്‌?

⁹ ദൈവജനത്തെ ദ്രോ​ഹി​ക്കാൻ ആദ്യം ബാബി​ലോ​ണി​നെ അനുവ​ദി​ക്കു​ന്നത്‌ എന്തു​കൊ​ണ്ടാണ്‌? യഹോവ വിശദീ​ക​രി​ക്കു​ന്നു: “ഞാൻ എന്റെ ജനത്തോ​ടു ക്രുദ്ധി​ച്ചു, എന്റെ അവകാ​ശത്തെ അശുദ്ധ​മാ​ക്കി, അവരെ നിന്റെ കയ്യിൽ ഏല്‌പി​ച്ചു​തന്നു.” (യെശയ്യാ​വു 47:6എ) യഹൂദ​രോ​ടു ക്രുദ്ധി​ക്കു​ന്ന​തിന്‌ യഹോ​വ​യ്‌ക്കു തക്കതായ കാരണ​മുണ്ട്‌. തന്റെ ന്യായ​പ്ര​മാ​ണ​ത്തോട്‌ അനുസ​ര​ണ​ക്കേടു കാണി​ക്കു​ന്ന​പക്ഷം ദേശത്തു​നി​ന്നു പറിച്ചു​ക​ള​യും എന്ന്‌ അവൻ മുമ്പ്‌ അവർക്കു മുന്നറി​യി​പ്പു നൽകി​യി​രു​ന്ന​താണ്‌. (ആവർത്ത​ന​പു​സ്‌തകം 28:64) അവർ വിഗ്ര​ഹാ​രാ​ധ​ന​യി​ലും ലൈം​ഗിക അധാർമി​ക​ത​യി​ലും ഏർപ്പെ​ട്ട​പ്പോൾ നിർമ​ലാ​രാ​ധ​ന​യി​ലേക്കു പുനഃ​സ്ഥാ​പി​ക്കാൻ അവരെ സഹായി​ക്കു​ന്ന​തിന്‌ യഹോവ സ്‌നേ​ഹ​പു​ര​സ്സരം പ്രവാ​ച​ക​ന്മാ​രെ അയച്ചു. എന്നാൽ, “അവരോ ദൈവ​ത്തി​ന്റെ ദൂതന്മാ​രെ പരിഹ​സി​ച്ചു അവന്റെ വാക്കു​കളെ നിരസി​ച്ചു ഉപശാ​ന്തി​യി​ല്ലാ​താ​കും​വണ്ണം യഹോ​വ​യു​ടെ കോപം തന്റെ ജനത്തിന്നു നേരെ ഉജ്ജ്വലി​ക്കു​വോ​ളം അവന്റെ പ്രവാ​ച​ക​ന്മാ​രെ നിന്ദി​ച്ചു​ക​ളഞ്ഞു.” (2 ദിനവൃ​ത്താ​ന്തം 36:16) തന്മൂലം, ബാബി​ലോ​ണി​യർ ദേശത്ത്‌ അതി​ക്ര​മി​ച്ചു കയറു​ക​യും ദൈവ​ത്തി​ന്റെ വിശുദ്ധ മന്ദിരം അശുദ്ധ​മാ​ക്കു​ക​യും ചെയ്‌ത​പ്പോൾ തന്റെ അവകാ​ശ​മായ യഹൂദയെ കളങ്ക​പ്പെ​ടു​ത്താൻ അവൻ അവരെ അനുവ​ദി​ക്കു​ന്നു.—സങ്കീർത്തനം 79:1; യെഹെ​സ്‌കേൽ 24:21.

10, 11. തന്റെ ജനത്തെ ബാബി​ലോ​ണി​യർ കീഴട​ക്ക​ണ​മെ​ന്നത്‌ യഹോ​വ​യു​ടെ ഇഷ്ടമാ​യി​രു​ന്നി​ട്ടും അവൻ അവരോ​ടു ക്രുദ്ധി​ക്കു​ന്നത്‌ എന്തു​കൊണ്ട്‌?

¹⁰ ആ സ്ഥിതിക്ക്‌, ബാബി​ലോ​ണി​യർ യഹൂദരെ അടിമ​ക​ളാ​ക്കു​മ്പോൾ അവർ ദൈ​വേഷ്ടം നിവർത്തി​ക്കുക മാത്ര​മല്ലേ ചെയ്യു​ന്നത്‌? അല്ല, കാരണം ദൈവം ഇങ്ങനെ പറയുന്നു: “നീ അവരോ​ടു കനിവു കാണി​ക്കാ​തെ വൃദ്ധന്മാ​രു​ടെ മേൽപോ​ലും നിന്റെ ഭാരമുള്ള നുകം വെച്ചി​രി​ക്കു​ന്നു. ഞാൻ എന്നേക്കും തമ്പുരാ​ട്ടി ആയിരി​ക്കും എന്നു നീ പറഞ്ഞു അതു കൂട്ടാ​ക്കാ​തെ​യും അതിന്റെ അവസാനം ഓർക്കാ​തെ​യും ഇരുന്നു.” (യെശയ്യാ​വു 47:6ബി, 7) ‘വൃദ്ധന്മാ​രോ​ടു​പോ​ലും കൃപ കാണി​ക്കാ​തെ’ അതി​ക്രൂ​ര​മാ​യി പ്രവർത്തി​ക്കാൻ ദൈവം ബാബി​ലോ​ണി​യ​രോ​ടു കൽപ്പി​ച്ചി​രു​ന്നില്ല. (വിലാ​പങ്ങൾ 4:16; 5:12) അടിമ​ക​ളാ​യി​രുന്ന യഹൂദരെ പരിഹ​സി​ക്കു​ന്ന​തിൽ വന്യമാ​യി സന്തോ​ഷി​ക്കാ​നും അവൻ കൽപ്പി​ച്ചി​രു​ന്നില്ല.—സങ്കീർത്തനം 137:3.

¹¹ യഹൂദരുടെ മേലുള്ള തങ്ങളുടെ നിയ​ന്ത്രണം താത്‌കാ​ലി​ക​മാണ്‌ എന്നു ഗ്രഹി​ക്കാൻ ബാബി​ലോൺ പരാജ​യ​പ്പെ​ടു​ന്നു. തക്കസമ​യത്ത്‌ യഹോവ തന്റെ ജനത്തെ വിടു​വി​ക്കു​മെന്ന യെശയ്യാ​വി​ന്റെ മുന്നറി​യി​പ്പു​കൾ അവൾ അവഗണി​ച്ചി​രി​ക്കു​ന്നു. യഹൂദ​രു​ടെ​മേൽ ശാശ്വ​ത​മാ​യി ആധിപ​ത്യം പുലർത്താ​നും സാമന്ത ദേശങ്ങ​ളു​ടെ​മേൽ നിത്യം തമ്പുരാ​ട്ടി​യാ​യി വാഴാ​നും കഴിയു​മെ​ന്ന​വണ്ണം അവൾ പെരു​മാ​റു​ന്നു. തന്റെ മർദക ഭരണത്തിന്‌ ഒരു “അവസാനം” ഉണ്ടാകു​മെന്ന സന്ദേശ​ത്തി​നു ചെവി​കൊ​ടു​ക്കാൻ അവൾ പരാജ​യ​പ്പെ​ടു​ന്നു!

ബാബി​ലോ​ണി​ന്റെ പതനം മുൻകൂ​ട്ടി പറഞ്ഞി​രി​ക്കു​ന്നു

12. ബാബി​ലോ​ണി​നെ “സുഖ​ഭോ​ഗി​നി” എന്നു വിളി​ക്കു​ന്നത്‌ എന്തു​കൊണ്ട്‌?

¹² യഹോവ പ്രഖ്യാ​പി​ക്കു​ന്നു: “ആകയാൽ: ഞാൻ മാത്രം; എനിക്കു തുല്യ​മാ​യി മററാ​രു​മില്ല; ഞാൻ വിധവ​യാ​യി​രി​ക്ക​യില്ല; പുത്ര​നഷ്ടം അറിക​യു​മില്ല എന്നു ഹൃദയ​ത്തിൽ പറയുന്ന സുഖ​ഭോ​ഗി​നി​യും നിർഭ​യ​വാ​സി​നി​യും ആയുള്ള​വളേ, ഇതു കേൾക്ക:” (യെശയ്യാ​വു 47:8) ബാബി​ലോൺ സുഖ​ഭോ​ഗങ്ങൾ തേടു​ന്നതു പരക്കെ അറിവു​ള്ള​താണ്‌. ബാബി​ലോ​ണിൽ നിലവി​ലി​രുന്ന “അതിഹീ​ന​മായ ആചാര”ങ്ങളിൽ ഒന്നിനെ കുറിച്ചു പൊ.യു.മു. അഞ്ചാം നൂറ്റാ​ണ്ടി​ലെ ചരി​ത്ര​കാ​ര​നായ ഹിറോ​ഡോ​ട്ടസ്‌ പറയുന്നു. അതായത്‌, അനുരാ​ഗ​ദേ​വി​ക്കുള്ള വഴിപാ​ടാ​യി എല്ലാ സ്‌ത്രീ​ക​ളും വ്യഭി​ചാ​ര​ത്തിൽ ഏർപ്പെ​ടാൻ നിഷ്‌കർഷി​ക്ക​പ്പെ​ട്ടി​രു​ന്നു. സമാന​മാ​യി, പുരാതന ചരി​ത്ര​കാ​ര​നായ കുർട്‌സി​യസ്‌ ഇങ്ങനെ പറഞ്ഞു: “അതിഹീ​ന​മായ സാമൂ​ഹിക ആചാരങ്ങൾ നിലനി​ന്നി​രുന്ന ഒരു നഗരമാണ്‌ അത്‌; ഒന്നി​നൊന്ന്‌ അധഃപ​തി​ച്ചു​കൊ​ണ്ടി​രുന്ന അവിടു​ത്തെ സ്ഥിതി​വി​ശേഷം ദുർന്ന​ട​പ്പി​ന്റെ വളർച്ച​യ്‌ക്ക്‌ ആക്കം കൂട്ടി.”

13. ഉല്ലാസ​ത്തി​മിർപ്പി​നുള്ള ബാബി​ലോ​ണി​ന്റെ വ്യഗ്രത അവളുടെ വീഴ്‌ച ത്വരി​ത​ഗ​തി​യി​ലാ​ക്കു​ന്നത്‌ എങ്ങനെ?

¹³ ഉല്ലാസത്തിമിർപ്പിനുള്ള ബാബി​ലോ​ണി​ന്റെ വ്യഗ്രത അവളുടെ വീഴ്‌ച ത്വരി​ത​ഗ​തി​യി​ലാ​ക്കും. അവൾ നശിപ്പി​ക്ക​പ്പെ​ടു​ന്ന​തി​ന്റെ തലേ രാത്രി​യിൽ, ആഘോ​ഷ​ത്തിൽ ഏർപ്പെ​ട്ടി​രി​ക്കുന്ന അവളുടെ രാജാ​വും മഹത്തു​ക്ക​ളും കുടിച്ചു മത്തരാ​യി​രി​ക്കും. തന്മൂലം, മെദോ-പേർഷ്യ സേനകൾ നഗരത്തിൽ അതി​ക്ര​മി​ച്ചു കയറു​ന്നത്‌ അവർ അറിയു​കയേ ഇല്ല. (ദാനീ​യേൽ 5:1-4) “നിർഭ​യ​വാ​സി​നി” ആയിരി​ക്കുന്ന ബാബി​ലോൺ, തന്റെ അജയ്യമായ മതിലു​ക​ളും കിടങ്ങു​ക​ളും അധിനി​വേ​ശ​ത്തിൽനി​ന്നു തനിക്കു സംരക്ഷ​ണ​മേ​കു​മെന്ന്‌ അനുമാ​നി​ക്കും. തന്റെ മേധാ​വി​ത്വ​ത്തെ വെല്ലാൻ “മററാ​രു​മില്ല” എന്ന്‌ അവൾ സ്വയം പറയുന്നു. സാമ്രാ​ജ്യ​ത്തി​ന്റെ ഭരണാ​ധി​പനെ നഷ്ടപ്പെട്ട്‌ താൻ എന്നെങ്കി​ലും “വിധവ” ആകു​മെ​ന്നോ തനിക്കു “പുത്ര​നഷ്ടം” അഥവാ ജനസം​ഖ്യാ നഷ്ടം ഉണ്ടാകു​മെ​ന്നോ ഊഹി​ക്കാൻ പോലും അവൾക്കു സാധി​ക്കു​ന്നില്ല. യഹോ​വ​യാം ദൈവ​ത്തി​ന്റെ പ്രതി​കാ​ര​ത്തിൽനിന്ന്‌ അവളെ രക്ഷിക്കാൻ ഒരു മതിലി​നും സാധി​ക്കു​ക​യില്ല! യഹോവ പിന്നീട്‌ ഇങ്ങനെ പറയും: “ബാബേൽ ആകാശ​ത്തോ​ളം കയറി​യാ​ലും കോട്ട ഉയർത്തി ഉറപ്പി​ച്ചാ​ലും, ഞാൻ വിനാ​ശ​ക​ന്മാ​രെ അതി​ലേക്കു അയക്കും.”—യിരെ​മ്യാ​വു 51:53.

14. ബാബി​ലോ​ണിന്‌ “പുത്ര​നഷ്ടം,” “വൈധ​വ്യം” ഇവ രണ്ടും സംഭവി​ക്കു​ന്നത്‌ എങ്ങനെ?

¹⁴ ബാബിലോണിന്‌ എന്തു സംഭവി​ക്കും? യഹോവ തുടരു​ന്നു: “പുത്ര​നഷ്ടം, വൈധ​വ്യം ഇവ രണ്ടും പെട്ടെന്നു ഒരു ദിവസ​ത്തിൽ തന്നേ നിനക്കു ഭവിക്കും; നിന്റെ ക്ഷുദ്ര​പ്ര​യോ​ഗങ്ങൾ എത്ര പെരു​കി​യി​രു​ന്നാ​ലും നിന്റെ ആഭിചാ​രങ്ങൾ എത്ര അധിക​മാ​യി​രു​ന്നാ​ലും അവ നിനക്കു നിറപ​ടി​യാ​യി ഭവിക്കാ​തി​രി​ക്ക​യില്ല.” (യെശയ്യാ​വു 47:9) അതേ, ലോക​ശക്തി എന്ന നിലയി​ലുള്ള ബാബി​ലോ​ണി​ന്റെ മേധാ​വി​ത്വം പൊടു​ന്നനെ അവസാ​നി​ക്കും. പുരാതന കാലത്തു പൂർവ ദേശങ്ങ​ളിൽ, ഒരു വിധവ​യാ​കു​ന്ന​തും മക്കളെ നഷ്ടപ്പെ​ടു​ന്ന​തും ഒരു സ്‌ത്രീ​യെ സംബന്ധി​ച്ചി​ട​ത്തോ​ളം ഏറ്റവും വിപത്‌ക​ര​മായ അനുഭ​വ​ങ്ങ​ളാ​യി​രു​ന്നു. ബാബി​ലോൺ നിലം​പ​തി​ക്കുന്ന രാത്രി​യിൽ അവൾക്ക്‌ എത്ര മക്കൾ നഷ്ടപ്പെ​ടു​ന്നു എന്നു നമുക്ക​റി​യില്ല.d എന്നുവ​രി​കി​ലും, തക്കസമയം വന്നെത്തു​മ്പോൾ ആ നഗരം പൂർണ​മാ​യി ശൂന്യ​മാ​ക്ക​പ്പെ​ടും. (യിരെ​മ്യാ​വു 51:29) അവളുടെ രാജാ​ക്ക​ന്മാർ സിംഹാ​സന ഭ്രഷ്ടരാ​കു​ന്ന​തോ​ടെ അവൾ വിധവ ആയിത്തീ​രു​ക​യും ചെയ്യും.

15. യഹൂദ​രോ​ടുള്ള ബാബി​ലോ​ണി​യ​രു​ടെ ക്രൂര​ത​യ്‌ക്കു പുറമേ മറ്റെന്തു കാരണ​ത്താ​ലും കൂടെ​യാണ്‌ യഹോവ അവരോ​ടു ക്രോധം പ്രകടി​പ്പി​ച്ചത്‌?

¹⁵ യഹൂദരോടുള്ള ബാബി​ലോ​ണി​യ​രു​ടെ ദുഷ്‌പെ​രു​മാ​റ്റം മാത്രമല്ല യഹോ​വ​യു​ടെ കോപം ആളിക്ക​ത്താൻ ഇടയാ​ക്കി​യത്‌. അവളുടെ “ക്ഷുദ്ര​പ്ര​യോ​ഗ​ങ്ങ​ളു​ടെ പെരുപ്പ”വും അവന്റെ ക്രോധം വർധി​പ്പി​ക്കു​ന്നു. ഇസ്രാ​യേ​ല്യർക്കു നൽകിയ ദൈവ​ത്തി​ന്റെ ന്യായ​പ്ര​മാ​ണ​ത്തിൽ ആത്മവി​ദ്യാ​ചാ​രത്തെ കുറ്റം​വി​ധി​ച്ചി​രി​ക്കു​ന്നു. എന്നാൽ, ബാബി​ലോ​ണി​യർ ഭൂതവി​ദ്യ​യിൽ ആമഗ്നരാണ്‌. (ആവർത്ത​ന​പു​സ്‌തകം 18:10-12; യെഹെ​സ്‌കേൽ 21:21) ബാബി​ലോ​ണി​യർ, “തങ്ങൾക്കു ചുറ്റു​മു​ള്ള​താ​യി കരുതി​യി​രുന്ന അസംഖ്യം ഭൂതങ്ങളെ കുറി​ച്ചുള്ള നിത്യ​ഭ​യ​ത്തി​ലാണ്‌ ജീവിതം കഴിച്ചു​കൂ​ട്ടി​യി​രു​ന്നത്‌” എന്ന്‌ അസീറി​യ​ക്കാ​രു​ടെ​യും ബാബി​ലോ​ണി​യ​രു​ടെ​യും ഇടയിലെ സാമൂ​ഹിക ജീവിതം (ഇംഗ്ലീഷ്‌) എന്ന പുസ്‌തകം പറയുന്നു.

ദുഷ്ടത​യിൽ ആശ്രയി​ക്കു​ന്നു

16, 17. (എ) ബാബി​ലോൺ “ദുഷ്ടത​യിൽ ആശ്രയി”ച്ചിരി​ക്കു​ന്നത്‌ എങ്ങനെ? (ബി) ബാബി​ലോ​ണി​ന്റെ നാശത്തെ തടയാ​നാ​വാ​ത്തത്‌ എന്തു​കൊണ്ട്‌?

¹⁶ ബാബിലോണിലെ ഭാവി​കഥന വിദ്യ​ക്കാർക്ക്‌ അവളെ രക്ഷിക്കാൻ സാധി​ക്കു​മോ? യഹോവ ഉത്തരം നൽകുന്നു: “നീ നിന്റെ ദുഷ്ടത​യിൽ ആശ്രയി​ച്ചു, ആരും എന്നെ കാണു​ന്നില്ല എന്നു പറഞ്ഞു​വ​ല്ലോ; നിന്റെ ജ്ഞാനവും നിന്റെ വിദ്യ​യും നിന്നെ തെററി​ച്ചു​ക​ളഞ്ഞു; ഞാൻ മാത്രം; എനിക്കു തുല്യ​മാ​യി മററാ​രും ഇല്ല എന്നു നീ നിന്റെ ഹൃദയ​ത്തിൽ പറഞ്ഞു.” (യെശയ്യാ​വു 47:10) തന്റെ ലൗകി​ക​വും മതപര​വു​മായ ജ്ഞാനത്താ​ലും സൈനിക ബലത്താ​ലും ദാക്ഷി​ണ്യ​മി​ല്ലാത്ത തന്ത്ര​പ്ര​യോ​ഗ​ങ്ങ​ളാ​ലും ലോക​ശക്തി എന്ന നിലയി​ലുള്ള തന്റെ സ്ഥാനം നിലനി​റു​ത്താൻ കഴിയു​മെന്ന്‌ ബാബി​ലോൺ കണക്കു​കൂ​ട്ടു​ന്നു. ആരും തന്നെ “കാണു​ന്നില്ല” എന്ന്‌ അതായത്‌, തന്റെ ദുഷ്ട നടപടി​കൾക്ക്‌ ആരോ​ടും കണക്കു ബോധി​പ്പി​ക്കേ​ണ്ട​തി​ല്ലെന്ന്‌ അവൾ കരുതു​ന്നു. തന്നെ വെല്ലാൻ ഒരു എതിരാ​ളി എഴു​ന്നേൽക്കു​മെന്ന്‌ അവൾ സ്വപ്‌നേപി വിചാ​രി​ക്കു​ന്നില്ല. “ഞാൻ മാത്രം; എനിക്കു തുല്യ​മാ​യി മററാ​രും ഇല്ല,” അവൾ സ്വയം പറയുന്നു.

¹⁷ തന്റെ മറ്റൊരു പ്രവാ​ചകൻ മുഖാ​ന്തരം യഹോവ ഈ മുന്നറി​യി​പ്പു നൽകുന്നു: “ഞാൻ കാണാ​ത​വണ്ണം ആർക്കെ​ങ്കി​ലും മറയത്തു ഒളിപ്പാൻ കഴിയു​മോ?” (യിരെ​മ്യാ​വു 23:24; എബ്രായർ 4:13) തുടർന്ന്‌ യഹോവ ഇങ്ങനെ പ്രഖ്യാ​പി​ക്കു​ന്നു: “അതു​കൊ​ണ്ടു മന്ത്രവാ​ദ​ത്താൽ നീക്കു​വാൻ കഴിയാത്ത അനർത്ഥം നിന്റെ​മേൽ വരും; നിന്നാൽ പരിഹ​രി​പ്പാൻ കഴിയാത്ത ആപത്തു നിനക്കു ഭവിക്കും; നീ അറിയാത്ത നാശം പെട്ടെന്നു നിന്റെ​മേൽ വരും.” (യെശയ്യാ​വു 47:11) ബാബി​ലോ​ണി​യൻ ദൈവ​ങ്ങൾക്കോ ആത്മവി​ദ്യാ​ചാ​ര​ത്തിൽ ഏർപ്പെ​ട്ടി​രി​ക്കു​ന്നവർ നടത്തുന്ന “മന്ത്രവാദ”ത്തിനോ അവൾ ഇന്നോളം അനുഭ​വി​ച്ചി​ട്ടി​ല്ലാത്ത വിധത്തി​ലുള്ള ആസന്നമായ ആ ദുരന്തത്തെ തടയാ​നാ​വില്ല!

ബാബി​ലോ​ണി​ന്റെ ഉപദേ​ഷ്ടാ​ക്കൾ പരാജ​യ​പ്പെ​ടു​ന്നു

18, 19. ബാബി​ലോ​ണി​യൻ ഉപദേ​ഷ്ടാ​ക്ക​ളിൽ ആശ്രയി​ക്കു​ന്നത്‌ നാശക​ര​മെന്ന്‌ എങ്ങനെ തെളി​യും?

¹⁸ അവരെ രൂക്ഷമാ​യി പരിഹ​സി​ച്ചു​കൊണ്ട്‌ യഹോവ ഇങ്ങനെ പറയുന്നു: “നീ ബാല്യം മുതൽ അദ്ധ്വാ​നി​ച്ചു ചെയ്യുന്ന നിന്റെ മന്ത്രവാ​ദ​ങ്ങൾകൊ​ണ്ടും ക്ഷുദ്ര​പ്ര​യോ​ഗ​ങ്ങ​ളു​ടെ പെരു​പ്പം​കൊ​ണ്ടും ഇപ്പോൾ നിന്നു​കൊൾക; പക്ഷേ ഫലിക്കും; പക്ഷേ നീ പേടി​പ്പി​ക്കും! [“ഒരു പക്ഷേ, നീ വിജയം വരി​ച്ചേ​ക്കും; കൊടും​ഭീ​തി ഉളവാ​ക്കാൻ നിനക്കു കഴി​ഞ്ഞേ​ക്കും!,” “ഓശാന ബൈ.”]” (യെശയ്യാ​വു 47:12) സാധി​ക്കു​മെ​ങ്കിൽ മന്ത്രവാ​ദ​ത്തിൽ ആശ്രയി​ക്കു​ന്ന​തിൽ ‘നിന്നു​കൊ​ള്ളാൻ’ അഥവാ അതിൽ തുടരാൻ യഹോവ ബാബി​ലോ​ണി​നെ വെല്ലു​വി​ളി​ക്കു​ന്നു. എന്തൊ​ക്കെ​യാ​ണെ​ങ്കി​ലും, ഒരു ജനത എന്ന നിലയിൽ അവൾ “ബാല്യം” മുതൽ ഭൂതവി​ദ്യ അഭ്യസി​ച്ചി​രി​ക്കു​ക​യാ​ണ​ല്ലോ.

¹⁹ എന്നാൽ, യഹോവ അവളെ ഇങ്ങനെ പരിഹ​സി​ക്കു​ന്നു: “നിന്റെ നിരവധി ഉപദേ​ഷ്ടാ​ക്ക​ളെ​ക്കൊ​ണ്ടു നീ മടുത്തി​രി​ക്കു​ന്നു; ആകാശ​ങ്ങളെ വിഭജി​ക്ക​യും [“ആകാശ​ങ്ങളെ ആരാധി​ക്കു​ക​യും,” NW] നക്ഷത്ര​ങ്ങളെ നിരീ​ക്ഷി​ക്ക​യും നിനക്ക്‌ എന്തു സംഭവി​ക്കു​മെന്ന്‌ അമാവാ​സി​ക​ളിൽ പ്രവചി​ക്കു​ക​യും ചെയ്യുന്ന അവർ മുമ്പോ​ട്ടു​വന്ന്‌ നിന്നെ രക്ഷിക്കട്ടെ!” (യെശയ്യാ​വു 47:13, ഓശാന ബൈ.)e ബാബി​ലോ​ണി​ന്റെ ഉപദേ​ഷ്ടാ​ക്കൾ ദയനീ​യ​മാ​യി പരാജ​യ​പ്പെ​ടും. നൂറ്റാ​ണ്ടു​ക​ളോ​ളം പഴക്കമുള്ള ജ്യോ​തി​ശ്ശാ​സ്‌ത്ര വിദ്യ​ക​ളു​ടെ ഫലമാ​യി​ട്ടാ​ണു ബാബി​ലോ​ണിൽ ജ്യോ​തി​ഷം വികാസം പ്രാപി​ച്ചി​രി​ക്കു​ന്നത്‌ എന്നതു ശരിതന്നെ. എന്നാൽ, ബാബി​ലോൺ വീഴുന്ന രാത്രി​യിൽ ജ്യോ​ത്സ്യ​ന്മാർ ദയനീ​യ​മാ​യി പരാജ​യ​പ്പെ​ടു​ന്ന​തി​ലൂ​ടെ ഭൂതവി​ദ്യ നിഷ്‌ഫ​ല​മാ​ണെന്നു വ്യക്തമാ​കും.—ദാനീ​യേൽ 5:7, 8.

20. ബാബി​ലോ​ണി​ന്റെ ഉപദേ​ഷ്ടാ​ക്ക​ളു​ടെ ഭാവി എന്തായി​രി​ക്കും?

²⁰ പ്രവചനഭാഗം യഹോവ ഇങ്ങനെ ഉപസം​ഹ​രി​ക്കു​ന്നു: “ഇതാ, അവർ താളടി​പോ​ലെ ആയി തീക്കു ഇരയാ​കും; അവർ അഗ്നിജ്വാ​ല​യിൽനി​ന്നു തങ്ങളെ തന്നേ വിടു​വി​ക്ക​യില്ല; അതു കുളിർ മാററു​വാൻ തക്ക കനലും കായു​വാൻ തക്ക തീയും അല്ല. ഇങ്ങനെ​യാ​കും നീ അദ്ധ്വാ​നി​ച്ചി​രി​ക്കു​ന്നതു; നിന്റെ ബാല്യം​മു​തൽ നിന്നോ​ടു​കൂ​ടെ വ്യാപാ​രം ചെയ്‌തവർ ഓരോ​രു​ത്തൻ താന്താന്റെ ദിക്കി​ലേക്കു അലഞ്ഞു​പോ​കും ആരും നിന്നെ രക്ഷിക്ക​യില്ല.” (യെശയ്യാ​വു 47:14, 15) അതേ, ഈ വ്യാജ ഉപദേ​ഷ്ടാ​ക്കൾ തീക്ക്‌ ഇരയാ​കുന്ന സമയം സമാഗ​ത​മാ​യി​രി​ക്കു​ന്നു. അത്‌ കുളി​ര​ക​റ്റാൻ സഹായി​ക്കുന്ന തരത്തി​ലുള്ള തീയല്ല, മറിച്ച്‌ വിനാ​ശ​ക​മായ തീയാ​യി​രി​ക്കും. വ്യാജ ഉപദേ​ഷ്ടാ​ക്കൾ യാതൊ​രു ഉപയോ​ഗ​വു​മി​ല്ലാത്ത താളടി പോ​ലെ​യാണ്‌ എന്ന്‌ അതു വെളി​പ്പെ​ടു​ത്തു​ന്നു. ബാബി​ലോ​ണി​ന്റെ ഉപദേ​ഷ്ടാ​ക്കൾ സംഭ്രാ​ന്ത​രാ​യി ഓടി​പ്പോ​കും! അങ്ങനെ, ബാബി​ലോ​ണി​ന്റെ അവസാന അത്താണി​യും വിട്ടു പോകുന്ന സ്ഥിതിക്ക്‌ അവളെ രക്ഷിക്കാൻ ആരും ഉണ്ടാകില്ല. യെരൂ​ശ​ലേ​മി​ന്റെ​മേൽ അവൾ വരുത്തി​വെച്ച അതേ ദുരന്തം അവൾക്കും അനുഭ​വി​ക്കേ​ണ്ടി​വ​രും.—യിരെ​മ്യാ​വു 11:12.

21. യെശയ്യാ​വി​ന്റെ പ്രാവ​ച​നിക വചനങ്ങൾ നിവൃ​ത്തി​യേ​റു​ന്നത്‌ എങ്ങനെ, എപ്പോൾ?

²¹ പൊ.യു.മു. 539-ൽ ഈ നിശ്വസ്‌ത വചനങ്ങൾ നിവൃ​ത്തി​യേ​റാൻ തുടങ്ങി. കോ​രെ​ശി​ന്റെ നേതൃ​ത്വ​ത്തിൽ മേദ്യ​രു​ടെ​യും പേർഷ്യ​ക്കാ​രു​ടെ​യും സൈന്യ​ങ്ങൾ നഗരം പിടി​ച്ച​ട​ക്കു​ക​യും ബേൽശസ്സർ രാജാ​വി​നെ വധിക്കു​ക​യും ചെയ്യുന്നു. (ദാനീ​യേൽ 5:1-4, 30) ബാബി​ലോൺ ഒറ്റ രാത്രി​കൊണ്ട്‌ ലോക ആധിപ​ത്യ​ത്തിൽനി​ന്നു വീഴുന്നു. അങ്ങനെ, നൂറ്റാ​ണ്ടു​ക​ളാ​യി നിലവി​ലി​രുന്ന ശേമ്യ​രു​ടെ ഭരണാ​ധി​പ​ത്യം മൺമറ​യു​ന്നു. തുടർന്ന്‌ ലോകം ആര്യന്മാ​രു​ടെ നിയ​ന്ത്ര​ണ​ത്തി​ലാ​കു​ന്നു. ബാബി​ലോൺ നൂറ്റാ​ണ്ടു​കൾ നീണ്ട അധഃപ​ത​ന​ത്തി​ന്റെ ഒരു കാലഘ​ട്ട​ത്തി​ലേക്കു പ്രവേ​ശി​ക്കു​ന്നു. പൊ.യു. നാലാം നൂറ്റാ​ണ്ടോ​ടെ ബാബി​ലോൺ വെറും ‘കല്‌ക്കു​ന്നു​കളാ’യി മാറുന്നു. (യിരെ​മ്യാ​വു 51:37) അങ്ങനെ, യെശയ്യാ പ്രവചനം പൂർണ​മാ​യി നിറ​വേ​റു​ന്നു.

ഒരു ആധുനിക ബാബി​ലോൺ

22. ബാബി​ലോ​ണി​ന്റെ പതനം അഹങ്കാ​രത്തെ കുറിച്ച്‌ നമ്മെ എന്താണു പഠിപ്പി​ക്കു​ന്നത്‌?

²² യെശയ്യാവിന്റെ പ്രവചനം ചിന്തയ്‌ക്കു വക നൽകുന്നു. അത്‌ അഹങ്കാ​ര​ത്തി​നും ഗർവി​നും പിന്നി​ലുള്ള അപകട​ത്തിന്‌ അടിവ​ര​യി​ടു​ന്നു എന്നതാണ്‌ ഒരു സംഗതി. ഗർവി​ഷ്‌ഠ​യായ ബാബി​ലോ​ണി​ന്റെ പതനം ഈ ബൈബിൾ പഴമൊ​ഴി​യു​ടെ സത്യതയെ തെളി​യി​ക്കു​ന്നു: “നാശത്തി​ന്നു മുമ്പെ ഗർവ്വം; വീഴ്‌ചക്കു മുമ്പെ ഉന്നതഭാ​വം.” (സദൃശ​വാ​ക്യ​ങ്ങൾ 16:18) ചില​പ്പോ​ഴൊ​ക്കെ അഹങ്കാരം നമ്മുടെ അപൂർണ പ്രകൃ​ത​ത്തി​ന്മേൽ ആധിപ​ത്യം പുലർത്തു​ന്നു. എന്നാൽ അഹങ്കാ​ര​ത്താൽ ‘നിഗളി​ക്കു​ന്നത്‌’ ‘പിശാ​ചി​ന്നു വന്ന ശിക്ഷാ​വി​ധി​യിൽ അകപ്പെ​ടാൻ’ മാത്രമേ ഇടയാക്കൂ. (1 തിമൊ​ഥെ​യൊസ്‌ 3:6, 7) തന്മൂലം, നാം യാക്കോ​ബി​ന്റെ ഈ ബുദ്ധി​യു​പ​ദേശം പിൻപ​റ്റു​ന്നതു നന്നായി​രി​ക്കും: “കർത്താ​വി​ന്റെ സന്നിധി​യിൽ താഴു​വിൻ; എന്നാൽ അവൻ നിങ്ങളെ ഉയർത്തും.”—യാക്കോബ്‌ 4:10.

23. യെശയ്യാ​വി​ന്റെ പ്രവചനം എന്ത്‌ ഉറപ്പു​ണ്ടാ​യി​രി​ക്കാൻ നമ്മെ സഹായി​ക്കു​ന്നു?

²³ എതിരാളികളെക്കാളെല്ലാം അത്യന്തം ശക്തനായ യഹോ​വ​യിൽ പൂർണ​മാ​യി വിശ്വ​സി​ക്കാ​നും ഈ പ്രാവ​ച​നിക വചനങ്ങൾ നമ്മെ സഹായി​ക്കു​ന്നു. (സങ്കീർത്തനം 24:8; 34:7; 50:15; 91:14, 15) ഈ ദുഷ്‌ക​ര​നാ​ളു​ക​ളിൽ നമുക്ക്‌ ആശ്വാ​സ​മേ​കുന്ന ഒരു ഓർമി​പ്പി​ക്ക​ലാ​ണത്‌. യഹോ​വ​യിൽ ഉറച്ചു വിശ്വ​സി​ക്കു​ന്നത്‌ അവന്റെ ദൃഷ്ടി​യിൽ നിർദോ​ഷി​ക​ളാ​യി നില​കൊ​ള്ളാ​നുള്ള നമ്മുടെ ദൃഢനി​ശ്ച​യത്തെ ഊട്ടി​യു​റ​പ്പി​ക്കു​ന്നു. കാരണം, “[നിർദോ​ഷി​യായ] മനുഷ്യ​ന്റെ ഭാവി സമാധാ​ന​പൂർണ​മാ​യി​രി​ക്കും” എന്നു നമുക്ക​റി​യാം. (സങ്കീർത്തനം 37:37, 38, NW) സാത്താന്റെ “തന്ത്രങ്ങ”ൾക്കെതി​രെ ഉറച്ചു നിൽക്കാൻ നമ്മുടെ സ്വന്തം കഴിവു​ക​ളിൽ ആശ്രയി​ക്കു​ന്ന​തി​നു പകരം യഹോ​വ​യി​ലേക്കു നോക്കു​ന്നത്‌ എല്ലായ്‌പോ​ഴും ജ്ഞാനപൂർവ​ക​മാ​യി​രി​ക്കും.—എഫെസ്യർ 6:10-13.

24, 25. (എ) ജ്യോ​തി​ഷം യുക്തി​ര​ഹി​ത​മാ​യി​രി​ക്കു​ന്നത്‌ എന്തു​കൊണ്ട്‌, മനുഷ്യർ അതി​ലേക്കു തിരി​യാൻ കാരണ​മെന്ത്‌? (ബി) ക്രിസ്‌ത്യാ​നി​കൾ അന്ധവി​ശ്വാ​സത്തെ നിരാ​ക​രി​ക്കു​ന്ന​തി​നുള്ള ചില കാരണ​ങ്ങ​ളേവ?

²⁴ ആത്മവിദ്യാചാരത്തിൽ, പ്രത്യേ​കി​ച്ചും ജ്യോ​തി​ഷ​ത്തിൽ ഏർപ്പെ​ടു​ന്ന​തിന്‌ എതിരെ നമുക്കു മുന്നറി​യി​പ്പു നൽകി​യി​രി​ക്കു​ന്നതു ശ്രദ്ധേ​യ​മാണ്‌. (ഗലാത്യർ 5:20, 21, NW) ബാബി​ലോൺ വീണ​പ്പോൾ ജ്യോ​തി​ഷ​ത്തിന്‌ ജനങ്ങളു​ടെ​മേ​ലുള്ള പിടി അയഞ്ഞി​രു​ന്നില്ല. ബാബി​ലോ​ണി​യർ ഗണി​ച്ചെ​ടുത്ത ഗ്രഹനില അതിന്റെ പഴയ സ്ഥാനത്തു​നിന്ന്‌ ‘വ്യതി​ച​ലി​ച്ചി​രി​ക്കു​ന്നു’ എന്നും അങ്ങനെ “[ജ്യോ​തി​ഷം] എന്ന മുഴു ആശയവും നിരർഥ​ക​മാ​യി​രി​ക്കു​ന്നു” എന്നും പ്രാചീന ലോകത്തെ വൻനഗ​രങ്ങൾ (ഇംഗ്ലീഷ്‌) എന്ന പുസ്‌തകം പറയുന്നു. എങ്കിലും, ജ്യോ​തി​ഷം ഇന്നും തഴച്ചു​വ​ള​രു​ന്നു. അനേകം പത്രങ്ങൾ തങ്ങളുടെ വായന​ക്കാ​രു​ടെ സൗകര്യ​ത്തി​നാ​യി ജാതക പംക്തികൾ പോലും അച്ചടി​ച്ചി​റ​ക്കു​ന്നു.

²⁵ ഗ്രഹനില നോക്കാ​നോ യുക്തി​ര​ഹി​ത​മായ മറ്റേ​തെ​ങ്കി​ലും അന്ധവി​ശ്വാ​സ​ത്തിൽ ഏർപ്പെ​ടാ​നോ ആളുകളെ—അഭ്യസ്‌ത​വി​ദ്യ​രെ പോലും—പ്രചോ​ദി​പ്പി​ക്കു​ന്നത്‌ എന്താണ്‌? അതേക്കു​റിച്ച്‌ ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇങ്ങനെ പറയുന്നു: “ആളുകൾ അന്യോ​ന്യം ഭയപ്പെ​ടു​ക​യും ഭാവിയെ കുറിച്ച്‌ അവർക്കി​ട​യിൽ അനിശ്ചി​ത​ത്വം നിലനിൽക്കു​ക​യും ചെയ്യു​ന്നി​ട​ത്തോ​ളം കാലം അന്ധവി​ശ്വാ​സ​ത്തിന്‌ അവരുടെ ജീവി​ത​ത്തിൽ ഒരു സ്ഥാനമു​ണ്ടാ​യി​രി​ക്കും.” ഭയവും അനിശ്ചി​തത്വ ബോധ​വും ആളുകളെ അന്ധവി​ശ്വാ​സ​ത്തി​ലേക്കു തിരി​യാൻ ഇടയാ​ക്കു​ന്നു. എന്നിരു​ന്നാ​ലും, ക്രിസ്‌ത്യാ​നി​കൾ അന്ധവി​ശ്വാ​സി​കളല്ല. അവർ മനുഷ്യ​രെ ഭയപ്പെ​ടു​ന്നില്ല—യഹോ​വ​യാണ്‌ അവരുടെ പിന്തുണ. (സങ്കീർത്തനം 33:11) നമ്മുടെ ജീവിതം യഹോ​വ​യു​ടെ ആലോ​ച​ന​യ്‌ക്കു ചേർച്ച​യി​ലാ​ക്കു​ന്നതു നമുക്കു സന്തുഷ്ടി​യും ദീർഘ​കാല അടിസ്ഥാ​ന​ത്തി​ലുള്ള ഒരു ഭാവി​യും ഉറപ്പു​വ​രു​ത്തു​ന്നു.

26. “ജ്ഞാനി​ക​ളു​ടെ വിചാരം വ്യർത്ഥ”മാണെന്നു തെളി​ഞ്ഞി​രി​ക്കു​ന്നത്‌ എങ്ങനെ?

²⁶ സമീപ കാലങ്ങ​ളിൽ ചിലർ കൂടുതൽ “ശാസ്‌ത്രീയ”മായ വിധത്തിൽ ഭാവിയെ കുറിച്ച്‌ അറിയാൻ ശ്രമി​ച്ചി​ട്ടുണ്ട്‌. ഭാവി​കഥന വിദ്യ എന്ന ഒരു അധ്യാപന മേഖല​തന്നെ ഇന്നു നിലവി​ലുണ്ട്‌. “ആനുകാ​ലിക സംഭവ​ങ്ങളെ അടിസ്ഥാ​ന​പ്പെ​ടു​ത്തി ഭാവി സാധ്യ​തകൾ പരിചി​ന്തി​ക്കുന്ന അധ്യാ​പ​ന​രീ​തി” എന്നാണ്‌ അതിനെ നിർവ​ചി​ച്ചി​രി​ക്കു​ന്നത്‌. ഉദാഹ​ര​ണ​ത്തിന്‌, 1992-ഓടെ ലോക​ത്തി​ലെ സ്വർണ​ത്തി​ന്റെ​യും മെർക്കു​റി​യു​ടെ​യും സിങ്കി​ന്റെ​യും പെ​ട്രോ​ളി​യ​ത്തി​ന്റെ​യും മുഴു ശേഖര​വും തീർന്നു​പോ​കു​മെന്ന്‌ 1972-ൽ, ക്ലബ്‌ ഓഫ്‌ റോം എന്ന പേരിൽ അറിയ​പ്പെ​ടുന്ന ഒരു കൂട്ടം വിദ്യാ​ഭ്യാ​സ വിചക്ഷ​ണ​രും ബിസി​ന​സു​കാ​രും പ്രവചി​ച്ചു. 1972 മുതൽ ലോകം കൊടിയ പ്രശ്‌ന​ങ്ങളെ അഭിമു​ഖീ​ക​രി​ച്ചി​രി​ക്കു​ന്നു എന്നതു ശരിതന്നെ. എന്നാൽ, അവരുടെ പ്രവചനം തികച്ചും തെറ്റാ​ണെന്നു തെളിഞ്ഞു. കാരണം സ്വർണം, മെർക്കു​റി, സിങ്ക്‌, പെ​ട്രോ​ളി​യം എന്നിവ ഇപ്പോ​ഴും ഭൂമി​യിൽ ധാരാ​ള​മാ​യുണ്ട്‌. ഭാവി പ്രവചി​ക്കാൻ മനുഷ്യൻ കിണഞ്ഞു പരി​ശ്ര​മി​ക്കു​ന്നെ​ങ്കി​ലും അവരുടെ ഊഹാ​പോ​ഹങ്ങൾ എല്ലായ്‌പോ​ഴും ആശ്രയ​യോ​ഗ്യ​മല്ല. അതേ, “ജ്ഞാനി​ക​ളു​ടെ വിചാരം വ്യർത്ഥം”തന്നെ!—1 കൊരി​ന്ത്യർ 3:20.

മഹാബാ​ബി​ലോ​ണി​ന്റെ അന്ത്യം ആസന്നം

27. പൊ.യു.മു. 539-ൽ പുരാതന ബാബി​ലോൺ വീണതി​നു സമാന​മാ​യി എപ്പോൾ, എങ്ങനെ മഹാബാ​ബി​ലോൺ വീണി​രി​ക്കു​ന്നു?

²⁷ ആധുനിക മതങ്ങൾ പുരാതന ബാബി​ലോ​ണി​ന്റെ പല പഠിപ്പി​ക്ക​ലു​ക​ളും നിലനി​റു​ത്തി​യി​രി​ക്കു​ന്നു. അതു​കൊണ്ട്‌, മഹാബാ​ബി​ലോൺ എന്ന പേര്‌ വ്യാജമത ലോക​സാ​മ്രാ​ജ്യ​ത്തി​നു നന്നായി ചേരും. (വെളി​പ്പാ​ടു 17:5, NW) പുരാതന ബാബി​ലോൺ പൊ.യു.മു. 539-ൽ നിലം​പ​തി​ച്ച​തി​നു സമാന​മാ​യി, ഈ സാർവ​ദേ​ശീയ വ്യാജമത സമൂഹ​വും വീണി​രി​ക്കു​ന്നു. (വെളി​പ്പാ​ടു 14:8; 18:2) 1919-ൽ ക്രിസ്‌തു​വി​ന്റെ സഹോ​ദ​ര​ന്മാ​രു​ടെ ശേഷിപ്പ്‌ ആത്മീയ അടിമ​ത്ത​ത്തിൽനി​ന്നു പുറത്തു​വ​രു​ക​യും മഹാബാ​ബി​ലോ​ണി​ന്റെ പ്രമുഖ ഘടകമായ ക്രൈ​സ്‌ത​വ​ലോ​ക​വു​മാ​യുള്ള സകല ബന്ധവും വിച്ഛേ​ദി​ക്കു​ക​യും ചെയ്‌തു. അന്നുമു​തൽ, ക്രൈ​സ്‌ത​വ​ലോ​കം ആധിപ​ത്യം പുലർത്തി​യി​രുന്ന പല ദേശങ്ങ​ളി​ലും അതിനു ഗണ്യമായ വിധത്തിൽ സ്വാധീ​നം നഷ്ടപ്പെ​ട്ടി​രി​ക്കു​ന്നു.

28. മഹാബാ​ബി​ലോൺ എന്തു പറഞ്ഞ്‌ വീമ്പി​ള​ക്കു​ന്നു, അവളുടെ ഭാവി എന്തായി​രി​ക്കും?

²⁸ എന്നിരുന്നാലും, ആ വീഴ്‌ച വ്യാജ​മ​ത​ങ്ങ​ളു​ടെ സമ്പൂർണ നാശത്തി​ന്റെ ഒരു മുന്നോ​ടി​യാണ്‌. രസകര​മെന്നു പറയട്ടെ, മഹാബാ​ബി​ലോ​ണി​ന്റെ നാശത്തെ കുറി​ച്ചുള്ള വെളി​പ്പാ​ടി​ലെ പ്രവചനം യെശയ്യാ​വു 47:8, 9-ലെ വാക്കുകൾ നമ്മെ ഓർമി​പ്പി​ക്കു​ന്നു. പുരാതന ബാബി​ലോ​ണി​നെ പോലെ, “രാജ്ഞി​യാ​യി​ട്ടു ഞാൻ ഇരിക്കു​ന്നു; ഞാൻ വിധവയല്ല; ദുഃഖം കാൺക​യു​മില്ല” എന്ന്‌ ആധുനിക ബാബി​ലോൺ വീമ്പി​ള​ക്കു​ന്നു. എന്നാൽ, “മരണം, ദുഃഖം, ക്ഷാമം എന്നിങ്ങനെ അവളുടെ ബാധകൾ ഒരു ദിവസ​ത്തിൽ തന്നേ വരും; അവളെ തീയിൽ ഇട്ടു ചുട്ടു​ക​ള​യും; അവളെ ന്യായം​വി​ധിച്ച ദൈവ​മായ കർത്താവു ശക്തനല്ലോ.” അതു​കൊണ്ട്‌, യെശയ്യാ​വു 47-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന പ്രാവ​ച​നിക വചനങ്ങൾ ഇപ്പോ​ഴും വ്യാജ​മ​ത​വു​മാ​യി ബന്ധം പുലർത്തു​ന്ന​വർക്ക്‌ ഒരു മുന്നറി​യി​പ്പാണ്‌. അവളോ​ടൊ​പ്പം നശിക്കാ​തി​രി​ക്കാൻ ആഗ്രഹി​ക്കു​ന്നെ​ങ്കിൽ, ‘അവളെ വിട്ടു​പോ​രാ​നുള്ള’ നിശ്വസ്‌ത ആഹ്വാ​ന​ത്തിന്‌ അവർ ചെവി കൊടു​ക്കേ​ണ്ട​തുണ്ട്‌.—വെളി​പ്പാ​ടു 18:4, 7, 8.

[അടിക്കു​റി​പ്പു​കൾ]

[111-ാം പേജിലെ ചിത്രങ്ങൾ]

ഉല്ലാസത്തിമിർപ്പിൽ കഴിയുന്ന ബാബി​ലോൺ പൊടി​യിൽ ആക്കപ്പെ​ടും

[114-ാം പേജിലെ ചിത്രം]

ബാബിലോണിലെ ജ്യോ​ത്സ്യ​ന്മാർക്ക്‌ അവളുടെ വീഴ്‌ചയെ കുറിച്ചു പ്രവചി​ക്കാൻ കഴിയു​ക​യി​ല്ല

[116-ാം പേജിലെ ചിത്രം]

പൊ.യു.മു. ഒന്നാം സഹസ്രാ​ബ്ദ​ത്തി​ലെ ഒരു ബാബി​ലോ​ണി​യൻ ജ്യോ​തിഷ പഞ്ചാംഗം

[119-ാം പേജിലെ ചിത്രങ്ങൾ]

ആധുനികകാല ബാബി​ലോൺ പെട്ടെ​ന്നു​തന്നെ നശിപ്പി​ക്ക​പ്പെ​ടും