ഹൃദയ​സ​ന്തോ​ഷ​ത്തോ​ടെ യഹോ​വയെ സേവി​ക്കു​ക

‘നിന്റെ ദൈവ​മായ യഹോ​വയെ നീ ഉൻമേ​ഷ​ത്തോ​ടും നല്ല ഹൃദയ​സ​ന്തോ​ഷ​ത്തോ​ടും​കൂ​ടെ സേവി​ക്കാ​യ്‌ക​കൊ​ണ്ടു ഈ ശാപം ഒക്കെയും നിന്റെ മേൽ വരും.’—ആവർത്ത​ന​പു​സ്‌തകം 28:45-47.

1. യഹോ​വയെ സേവി​ക്കു​ന്നവർ, അവനെ എവിടെ സേവി​ച്ചാ​ലും, സന്തോ​ഷ​മു​ള്ള​വ​രാ​ണെ​ന്ന​തിന്‌ എന്തു തെളി​വുണ്ട്‌?

യഹോ​വ​യു​ടെ ദാസൻമാർ, അവന്റെ ഇഷ്ടം പ്രവർത്തി​ച്ചു​കൊ​ണ്ടി​രി​ക്കു​ന്നതു സ്വർഗ​ത്തി​ലാ​യാ​ലും ഭൂമി​യി​ലാ​യാ​ലും, സന്തോ​ഷ​ഭ​രി​ത​രാണ്‌. ഭൂമിക്ക്‌ അടിസ്ഥാ​ന​മി​ട്ട​പ്പോൾ ദൂതൻമാ​രായ “പ്രഭാ​ത​ന​ക്ഷ​ത്രങ്ങൾ” സന്തോ​ഷ​ത്താൽ ആർത്തു​വി​ളി​ച്ചു. അസംഖ്യം​വ​രുന്ന സ്വർഗീയ ദൂതൻമാർ നിസ്സം​ശ​യ​മാ​യും സന്തോ​ഷ​ത്തോ​ടെ ‘ദൈവ​ത്തി​ന്റെ ആജ്ഞ അനുസ​രി​ക്കു​ന്നു.’ (ഇയ്യോബ്‌ 38:4-7; സങ്കീർത്തനം 103:20) യഹോ​വ​യു​ടെ ഏകജാ​ത​നായ പുത്രൻ സ്വർഗ​ത്തിൽ സന്തോ​ഷ​വാ​നായ ഒരു “ശില്‌പി”യായി​രു​ന്നു. മനുഷ്യ​നാ​യി ഭൂമി​യി​ലാ​യി​രു​ന്ന​പ്പോൾ യേശു​ക്രി​സ്‌തു ദിവ്യേ​ഷ്ടം ചെയ്യു​ന്ന​തിൽ ആഹ്ലാദി​ച്ചു. അതിലു​പരി, “തന്റെ മുമ്പിൽ വെച്ചി​രുന്ന സന്തോഷം ഓർത്തു അവൻ അപമാനം അലക്ഷ്യ​മാ​ക്കി ക്രൂശി​നെ സഹിക്ക​യും ദൈവ​സിം​ഹാ​സ​ന​ത്തി​ന്റെ വലത്തു​ഭാ​ഗത്തു ഇരിക്ക​യും ചെയ്‌തു.”—സദൃശ​വാ​ക്യ​ങ്ങൾ 8:30, 31; എബ്രായർ 10:5-10; 12:2.

2. ഇസ്രാ​യേ​ല്യർ അനു​ഗ്ര​ഹ​ങ്ങ​ളോ ശാപങ്ങ​ളോ അനുഭ​വി​ക്കു​മെന്നു നിർണ​യി​ച്ചത്‌ എന്തായി​രു​ന്നു?

² ഇസ്രാ​യേ​ല്യർ ദൈവത്തെ പ്രീതി​പ്പെ​ടു​ത്തി​യ​പ്പോൾ അവർക്കു സന്തോഷം അനുഭ​വ​പ്പെട്ടു. എന്നാൽ അവർ അവനെ ധിക്കരി​ച്ച​പ്പോ​ഴോ? അവർക്ക്‌ ഈ മുന്നറി​യി​പ്പു ലഭിച്ചു: ‘നിന്റെ ദൈവ​മായ യഹോ​വയെ നീ ഉൻമേ​ഷ​ത്തോ​ടും നല്ല ഹൃദയ​സ​ന്തോ​ഷ​ത്തോ​ടും​കൂ​ടെ സേവി​ക്കാ​യ്‌ക​കൊ​ണ്ടു ഈ ശാപം ഒരടയാ​ള​വും അത്ഭുത​വു​മാ​യി നിന്നോ​ടും നിന്റെ സന്തതി​യോ​ടും എന്നേക്കും പററി​യി​രി​ക്കും. യഹോവ നിന്റെ നേരെ അയക്കുന്ന ശത്രു​ക്കളെ നീ വിശ​പ്പോ​ടും ദാഹ​ത്തോ​ടും നഗ്നത​യോ​ടും എല്ലാ​ഞെ​രു​ക്ക​ത്തോ​ടും​കൂ​ടെ സേവിക്കും; നിന്നെ നശിപ്പി​ക്കും​വരെ അവൻ നിന്റെ കഴുത്തിൽ ഒരു ഇരിമ്പു​നു​കം വെക്കും.’ (ആവർത്ത​ന​പു​സ്‌തകം 28:45-48) അനു​ഗ്ര​ഹ​ങ്ങ​ളും ശാപങ്ങ​ളും ആരൊക്കെ യഹോ​വ​യു​ടെ ദാസൻമാ​രാ​ണെ​ന്നും ആരൊക്കെ അവന്റെ ദാസൻമാ​ര​ല്ലെ​ന്നും വ്യക്തമാ​ക്കി. ദൈവ​ത്തി​ന്റെ തത്ത്വങ്ങ​ളോ​ടും ഉദ്ദേശ്യ​ങ്ങ​ളോ​ടും അനാദ​രവു സാധ്യ​മ​ല്ലെ​ന്നും അവയെ തുച്ഛീ​ക​രി​ക്കാ​നാ​വി​ല്ലെ​ന്നും അത്തരം ശാപങ്ങൾ സാക്ഷ്യ​പ്പെ​ടു​ത്തി. ശൂന്യ​മാ​ക്ക​ലി​നെ​യും പ്രവാ​സ​ത്തെ​യും കുറി​ച്ചുള്ള യഹോ​വ​യു​ടെ മുന്നറി​യി​പ്പു​കൾ ശ്രദ്ധി​ക്കാൻ ഇസ്രാ​യേ​ല്യർ കൂട്ടാ​ക്കാ​ഞ്ഞ​തു​കൊണ്ട്‌, യെരു​ശ​ലേം “ഭൂമി​യി​ലുള്ള സകല ജാതി​കൾക്കും ശാപവാ​ക്യ​മാ”യിത്തീർന്നു. (യിരെ​മ്യാ​വു 26:6) അതു​കൊണ്ട്‌ നമുക്കു ദൈവത്തെ അനുസ​രിച്ച്‌ അവന്റെ പ്രീതി​നേ​ടാം. ദൈവ​ഭ​ക്തൻമാർ അനുഭ​വി​ക്കുന്ന അനേകം ദിവ്യാ​നു​ഗ്ര​ഹ​ങ്ങ​ളിൽ ഒന്നാണു സന്തോഷം.

“ഹൃദയ​സ​ന്തോഷ”ത്തോടെ സേവി​ക്കേണ്ട വിധം

3. പ്രതീ​കാ​ത്മക ഹൃദയം എന്താണ്‌?

³ ഇസ്രാ​യേ​ല്യർ യഹോ​വയെ “ഉൻമേ​ഷ​ത്തോ​ടും [‘ആഹ്ലാദ​ത്തോ​ടും,’ NW] നല്ല ഹൃദയ​സ​ന്തോ​ഷ​ത്തോ​ടും​കൂ​ടെ” സേവി​ക്ക​ണ​മാ​യി​രു​ന്നു. ദൈവ​ത്തി​ന്റെ ആധുനിക നാളിലെ ദാസൻമാ​രും അതുതന്നെ ചെയ്യണം. ആഹ്ലാദി​ക്കു​ക​യെ​ന്നാൽ “സന്തുഷ്ട​മാ​യി​രി​ക്കുക; സന്തോ​ഷ​ത്താൽ നിറഞ്ഞി​രി​ക്കുക” എന്നാണർഥം. തിരു​വെ​ഴു​ത്തു​ക​ളിൽ ശാരീ​രിക ഹൃദയം പരാമർശി​ക്ക​പ്പെ​ടു​ന്നു​ണ്ടെ​ങ്കി​ലും അത്‌ അക്ഷരാർഥ​ത്തിൽ ചിന്തി​ക്കു​ക​യോ ന്യായ​വാ​ദം നടത്തു​ക​യോ ചെയ്യു​ന്നില്ല. (പുറപ്പാ​ടു 28:30) ശരീര​കോ​ശ​ങ്ങളെ പോഷി​പ്പി​ക്കുന്ന രക്തം പമ്പു​ചെ​യ്യ​ലാണ്‌ അതിന്റെ മുഖ്യ​ധർമം. എന്നിരു​ന്നാ​ലും, ഒട്ടുമിക്ക സന്ദർഭ​ങ്ങ​ളി​ലും ബൈബിൾ പരാമർശി​ക്കു​ന്നതു പ്രതീ​കാ​ത്മക ഹൃദയ​ത്തെ​യാണ്‌. ആർദ്ര​പ്രി​യം, പ്രചോ​ദനം, ബുദ്ധി എന്നിവ​യു​ടെ ഇരിപ്പി​ട​ത്തെ​ക്കാൾ കവിഞ്ഞ ഒന്നായി ബൈബിൾ അതിനെ പരാമർശി​ക്കു​ന്നു. “പൊതു​വേ ആന്തരി​ക​വ​ശ​മായ കേന്ദ്ര​ഭാ​ഗ​ത്തി​നു​വേ​ണ്ടി​യും പിന്നെ തന്റെ അഭിലാ​ഷങ്ങൾ, ആർദ്ര​പ്രി​യങ്ങൾ, വികാ​രങ്ങൾ, അതിതാ​ത്‌പ​ര്യ​ങ്ങൾ, ഉദ്ദേശ്യ​ങ്ങൾ, ചിന്തകൾ, അവബോ​ധങ്ങൾ, ഭാവനകൾ, ജ്ഞാനം, അറിവ്‌, വൈദ​ഗ്‌ധ്യം, വിശ്വാ​സങ്ങൾ, ന്യായ​വാ​ദങ്ങൾ, ഓർമ, ബോധം എന്നിങ്ങ​നെ​യുള്ള വ്യത്യസ്‌ത പ്രവർത്ത​ന​ങ്ങ​ളി​ലൂ​ടെ സ്വയം പ്രകടി​പ്പി​ക്കുന്ന ആന്തരി​ക​മ​നു​ഷ്യ​നു​വേ​ണ്ടി​യും അതു നില​കൊ​ള്ളു​ന്ന​താ​യി പറയുന്നു.” (ജേർണൽ ഓഫ്‌ ദ സൊ​സൈ​ററി ഓഫ്‌ ബിബ്ലിക്കൽ ലിററ​റേച്ചർ ആൻഡ്‌ എക്‌സി​ജെ​സിസ്‌, 1882, പേജ്‌ 67) സന്തോ​ഷ​മുൾപ്പെടെ നമ്മുടെ അനുഭൂ​തി​ക​ളും വികാ​ര​ങ്ങ​ളും ഉൾക്കൊ​ള്ളു​ന്ന​താണ്‌ നമ്മുടെ പ്രതീ​കാ​ത്മക ഹൃദയം.—യോഹ​ന്നാൻ 16:22.

4. ഹൃദയ​സ​ന്തോ​ഷ​ത്തോ​ടെ യഹോ​വയെ സേവി​ക്കു​ന്ന​തി​നു നമ്മെ എന്തിനു സഹായി​ക്കാ​നാ​വും?

⁴ ഹൃദയ​സ​ന്തോ​ഷ​ത്തോ​ടെ യഹോ​വയെ സേവി​ക്കു​ന്ന​തി​നു നമ്മെ സഹായി​ക്കാൻ എന്തിനു കഴിയും? നമ്മുടെ അനു​ഗ്ര​ഹ​ങ്ങ​ളെ​യും ദൈവദത്ത പദവി​ക​ളെ​യും സംബന്ധി​ച്ചു ക്രിയാ​ത്മ​ക​വും വിലമ​തി​പ്പു​ള്ള​തു​മായ ഒരു കാഴ്‌ച​പ്പാട്‌ ഉണ്ടായി​രി​ക്കു​ന്നതു സഹായ​ക​മാണ്‌. ഉദാഹ​ര​ണ​ത്തിന്‌, സത്യ​ദൈ​വ​ത്തി​നു “വിശുദ്ധ സേവനം” അർപ്പി​ക്കു​ന്ന​തി​നുള്ള നമ്മുടെ പദവി​യെ​ക്കു​റി​ച്ചു നമുക്കു സന്തോ​ഷ​പൂർവം ധ്യാനി​ക്കാ​നാ​വും. (ലൂക്കോസ്‌ 1:74, NW) യഹോ​വ​യു​ടെ സാക്ഷികൾ എന്നനി​ല​യിൽ അവന്റെ നാമം വഹിക്കുക എന്ന അനുബന്ധ പദവി​യു​മുണ്ട്‌. (യെശയ്യാ​വു 43:10-12) അവന്റെ വചനം പിൻപ​റ​റി​ക്കൊണ്ട്‌ നാം അവനെ പ്രസാ​ദി​പ്പി​ക്കു​ക​യാ​ണെന്ന്‌ അറിയു​ന്ന​തു​കൊ​ണ്ടുള്ള സന്തോ​ഷത്തെ നമുക്ക്‌ ഇതി​നോ​ടു കൂട്ടാ​നാ​വും. ആത്മീയ വെളിച്ചം പ്രതി​ഫ​ലി​പ്പി​ക്കു​ന്ന​തി​ലും, അങ്ങനെ അന്ധകാ​ര​ത്തിൽനി​ന്നു വിടു​വി​ക്കാൻ അനേകരെ സഹായി​ക്കു​ന്ന​തി​ലും എന്തൊരു സന്തോ​ഷ​മാ​ണു​ള്ളത്‌!—മത്തായി 5:14-16; താരത​മ്യം ചെയ്യുക: 1 പത്രൊസ്‌ 2:9.

5. ദൈവിക സന്തോ​ഷ​ത്തി​ന്റെ ഉറവി​ട​മെന്ത്‌?

⁵ എങ്കിലും, ഹൃദയ​സ​ന്തോ​ഷ​ത്തോ​ടെ യഹോ​വയെ സേവി​ക്കു​ന്ന​തിൽ കേവലം ക്രിയാ​ത്മ​ക​മായ ചിന്ത മാത്രമല്ല ഉൾപ്പെ​ടു​ന്നത്‌. കാഴ്‌ച​പ്പാ​ടിൽ ക്രിയാ​ത്മക മനോ​ഭാ​വ​മു​ണ്ടാ​യി​രി​ക്കു​ന്നതു പ്രയോ​ജ​ന​പ്ര​ദ​മാണ്‌. എന്നാൽ സ്വഭാവം പടുത്തു​യർത്തു​ന്ന​തി​ലൂ​ടെ നാം ഉണ്ടാക്കി​യെ​ടു​ക്കുന്ന ഒന്നല്ല ദൈവിക സന്തോഷം. അതു യഹോ​വ​യു​ടെ ആത്മാവി​ന്റെ ഒരു ഫലമാണ്‌. (ഗലാത്യർ 5:22, 23) നമുക്ക്‌ അത്തരം സന്തോ​ഷ​മി​ല്ലെ​ങ്കിൽ, ദൈവ​ത്തി​ന്റെ ആത്മാവി​നെ ദുഃഖി​പ്പി​ക്കുന്ന തിരു​വെ​ഴു​ത്തു​വി​രു​ദ്ധ​മായ ഏതെങ്കി​ലും വിധത്തി​ലുള്ള ചിന്ത​യെ​യോ പ്രവർത്ത​ന​ത്തെ​യോ ഒഴിവാ​ക്കു​ന്ന​തി​നു​വേണ്ടി നമുക്കു പൊരു​ത്ത​പ്പെ​ടു​ത്ത​ലു​കൾ നടത്തേണ്ട ആവശ്യ​മു​ണ്ടാ​യി​രി​ക്കാം. (എഫെസ്യർ 4:30) എന്നുവ​രി​കി​ലും, യഹോ​വക്കു സമർപ്പി​ച്ചവർ എന്നനി​ല​യിൽ, ചില സന്ദർഭ​ങ്ങ​ളിൽ ഹൃദയം​ഗ​മ​മായ സന്തോ​ഷ​മി​ല്ലാ​താ​യാൽ അതു ദിവ്യാം​ഗീ​കാ​ര​മി​ല്ലാ​യ്‌മ​യു​ടെ തെളി​വാ​ണെന്നു ഭയപ്പെ​ടേ​ണ്ട​തില്ല. നാം അപൂർണ​രും വേദന​യ്‌ക്കും ദുഃഖ​ത്തി​നും ചില​പ്പോൾ വിഷാ​ദ​ത്തി​നും​പോ​ലും വിധേ​യ​മാ​കു​ന്ന​വ​രു​മാണ്‌. എങ്കിലും യഹോവ നമ്മെ മനസ്സി​ലാ​ക്കു​ന്നു. (സങ്കീർത്തനം 103:10-14) പരിശു​ദ്ധാ​ത്മാ​വി​ന്റെ ഫലമായ സന്തോഷം ദൈവ​ദ​ത്ത​മാ​ണെന്ന്‌ അനുസ്‌മ​രി​ച്ചു​കൊണ്ട്‌ നമുക്ക്‌ അവന്റെ പരിശു​ദ്ധാ​ത്മാ​വി​നാ​യി പ്രാർഥി​ക്കാം. നമ്മുടെ സ്വർഗീയ പിതാവ്‌ അത്തരം പ്രാർഥ​ന​കൾക്ക്‌ ഉത്തരം നൽകു​ക​യും തന്നെ ഹൃദയ​സ​ന്തോ​ഷ​ത്തോ​ടെ സേവി​ക്കാൻ നമ്മെ പ്രാപ്‌ത​രാ​ക്കു​ക​യും ചെയ്യും.—ലൂക്കൊസ്‌ 11:13.

സന്തോ​ഷ​മി​ല്ലാ​തി​രി​ക്കു​മ്പോൾ

6. ദൈവ​ത്തി​നുള്ള നമ്മുടെ സേവന​ത്തിൽ സന്തോഷം കാണു​ന്നി​ല്ലെ​ങ്കിൽ നാം എന്തു ചെയ്യണം?

⁶ നമ്മുടെ സേവന​ത്തിൽ സന്തോഷം കാണു​ന്നി​ല്ലെ​ങ്കിൽ, അവസാനം, നാം യഹോ​വ​യു​ടെ സേവന​ത്തിൽ മന്ദീഭ​വി​ച്ചേ​ക്കാം, ഒരുപക്ഷേ അവനോട്‌ അവിശ്വ​സ്‌ത​നാ​ണെന്നു തെളി​യി​ക്കു​ക​പോ​ലും ചെയ്‌തേ​ക്കാം. അതു​കൊണ്ട്‌, താഴ്‌മ​യോ​ടെ, പ്രാർഥ​നാ​പൂർവം നമ്മുടെ ആന്തരങ്ങൾ കണക്കി​ലെ​ടുത്ത്‌ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ നടത്തു​ന്നതു ജ്ഞാനമാ​യി​രി​ക്കും. ദൈവദത്ത സന്തോ​ഷ​മു​ണ്ടാ​വാൻ നാം യഹോ​വയെ സ്‌നേ​ഹ​ത്താൽ പ്രേരി​ത​മാ​യും മുഴു​ഹൃ​ദ​യ​ത്തോ​ടെ​യും ദേഹി​യോ​ടെ​യും മനസ്സോ​ടെ​യും സേവി​ക്കണം. (മത്തായി 22:37) ഒരു മത്സരാത്മക മനോ​ഭാ​വ​ത്തോ​ടെ നാം സേവി​ക്ക​രുത്‌: “നാം ആത്മാവി​നാൽ ജീവി​ക്കു​ന്നെ​ങ്കിൽ നമുക്ക്‌ ആത്മാവി​നാൽത്തന്നെ ക്രമമു​ള്ള​വ​രാ​യി നടന്നു​കൊ​ണ്ടി​രി​ക്കാം. പരസ്‌പരം മത്സരം ഇളക്കി​വി​ട്ടും ദ്വേഷി​ച്ചും നാം തൻകാ​ര്യ​ത​ത്‌പരർ ആകാതി​രി​ക്കട്ടെ.” (ഗലാത്യർ 5:25, 26, NW) മററു​ള്ള​വരെ കടത്തി​വെ​ട്ടാ​നോ പുകഴ്‌ച തേടാ​നോ ഉള്ള ആഗ്രഹം നിമി​ത്ത​മാ​ണു നാം സേവി​ക്കു​ന്ന​തെ​ങ്കിൽ, നമുക്കു ശരിയായ സന്തോ​ഷ​മു​ണ്ടാ​വാൻ പോകു​ന്നില്ല.

7. നമ്മുടെ ഹൃദയ​സ​ന്തോ​ഷത്തെ നമുക്കു വീണ്ടും ജ്വലി​പ്പി​ക്കാൻ സാധി​ക്കു​ന്ന​തെ​ങ്ങനെ?

⁷ യഹോ​വ​ക്കുള്ള നമ്മുടെ സമർപ്പണം നിറ​വേ​റ​റു​ന്ന​തിൽ സന്തോ​ഷ​മുണ്ട്‌. നാം ദൈവ​ത്തി​നു പുതു​താ​യി സമർപ്പി​ച്ച​പ്പോൾ, തീക്ഷ്‌ണ​ത​യോ​ടെ​യാ​യി​രു​ന്നു നാം ക്രിസ്‌തീയ ജീവി​ത​രീ​തി​ക്കു തുടക്ക​മി​ട്ടത്‌. നാം തിരു​വെ​ഴു​ത്തു​കൾ പഠിക്കു​ക​യും യോഗ​ങ്ങ​ളിൽ ക്രമമാ​യി പങ്കെടു​ക്കു​ക​യും ചെയ്‌തു. (എബ്രായർ 10:24, 25) ശുശ്രൂ​ഷ​യിൽ പങ്കുപ​റ​റി​യ​പ്പോൾ അതു നമ്മിൽ സന്തോ​ഷ​മു​ണ്ടാ​ക്കി. എന്നിരു​ന്നാ​ലും, നമ്മുടെ സന്തോഷം കുറഞ്ഞു​പോ​യെ​ങ്കി​ലോ? ബൈബിൾ പഠനവും യോഗ​ങ്ങ​ളിൽ ഹാജരാ​ക​ലും ശുശ്രൂ​ഷ​യിൽ പങ്കുപ​റ​റ​ലും—തീർച്ച​യാ​യും ക്രിസ്‌ത്യാ​നി​ത്വ​ത്തി​ന്റെ എല്ലാ വശങ്ങളി​ലും മുഴു​വ​നാ​യുള്ള ഉൾപ്പെടൽ—നമ്മുടെ ജീവി​ത​ത്തിന്‌ ആത്മീയ ഭദ്രത കൈവ​രു​ത്തു​ക​യും നമുക്ക്‌ ആദ്യമു​ണ്ടാ​യി​രുന്ന സ്‌നേ​ഹ​ത്തെ​യും നമ്മുടെ മുൻ ഹൃദയ​സ​ന്തോ​ഷ​ത്തെ​യും വീണ്ടും ജ്വലി​പ്പി​ക്കു​ക​യും ചെയ്യണം. (വെളി​പ്പാ​ടു 2:4) അപ്പോൾ ഒരുത​ര​ത്തിൽ പറഞ്ഞാൽ സന്തോ​ഷ​മി​ല്ലാത്ത, പലപ്പോ​ഴും ആത്മീയ സഹായം ആവശ്യ​മുള്ള ചില​രെ​പ്പോ​ലെ ആയിരി​ക്കില്ല നാം. സഹായി​ക്കാൻ സന്തോ​ഷ​മു​ള്ള​വ​രാ​ണു മൂപ്പൻമാർ. എന്നാൽ നാം ഓരോ​രു​ത്ത​രും ദൈവ​ത്തോ​ടുള്ള നമ്മുടെ സമർപ്പണം നിറ​വേ​റ​റണം. നിങ്ങൾക്കു​വേണ്ടി ഇതു മററാർക്കും ചെയ്യാ​നാ​വില്ല. അതു​കൊണ്ട്‌, യഹോ​വ​യോ​ടുള്ള നമ്മുടെ സമർപ്പണം നിറ​വേ​റ​റു​ന്ന​തി​നും യഥാർഥ സന്തോ​ഷ​മു​ണ്ടാ​കു​ന്ന​തി​നും ശരിയായ ക്രിസ്‌തീയ ദിനചര്യ പിൻപ​റ​റു​ന്നതു നമ്മുടെ ലക്ഷ്യമാ​ക്കാം.

8. സന്തോ​ഷ​മു​ള്ള​വ​രാ​യി​രി​ക്കു​ന്ന​തിന്‌ ഒരു ശുദ്ധ മനസ്സാക്ഷി പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

⁸ ദൈവാ​ത്മാ​വി​ന്റെ ഒരു ഫലമായ സന്തോഷം നമുക്ക്‌ ഉണ്ടാക​ണ​മെ​ങ്കിൽ, നമുക്ക്‌ ഒരു ശുദ്ധ മനസ്സാ​ക്ഷി​യു​ണ്ടാ​യി​രി​ക്കണം. തന്റെ പാപം മറച്ചു​വെ​ക്കാൻ ദാവീദ്‌ രാജാവ്‌ ശ്രമി​ച്ചി​ട​ത്തോ​ളം അദ്ദേഹം വലിയ കഷ്ടത്തി​ലാ​യി. വാസ്‌ത​വ​ത്തിൽ, അദ്ദേഹ​ത്തി​ന്റെ ജീവന്റെ നനവെ​ല്ലാം വററി​വ​ര​ളു​ന്ന​താ​യി തോന്നി. ഒരുപക്ഷേ അദ്ദേഹം ശാരീ​രി​ക​മാ​യി രോഗി​യാ​യി​ത്തീ​രു​ക​യും ചെയ്‌തി​രി​ക്കാം. അനുത​പിച്ച്‌ കുററ​സ​മ്മതം നടത്തി​യ​പ്പോൾ അദ്ദേഹ​ത്തിന്‌ എന്തൊ​രാ​ശ്വാ​സ​മാ​യി​രു​ന്നു! (സങ്കീർത്തനം 32:1-5) ഗുരു​ത​ര​മായ ഏതെങ്കി​ലും പാപം നാം മറച്ചു​പി​ടി​ക്കു​ന്നെ​ങ്കിൽ നമുക്കു സന്തോ​ഷ​മു​ള്ള​വ​രാ​കാൻ കഴിയില്ല. അതു ജീവി​ത​ത്തി​ലെ സമാധാ​നം കെടു​ത്തി​ക്ക​ള​ഞ്ഞേ​ക്കാം. തീർച്ച​യാ​യും അതല്ല സന്തോഷം അനുഭ​വി​ക്കാ​നുള്ള മാർഗം. എന്നാൽ ഏററു​പ​റ​യു​ക​യും അനുത​പി​ക്കു​ക​യും ചെയ്യു​മ്പോൾ ആശ്വാസം ലഭിക്കു​ന്ന​തോ​ടൊ​പ്പം സന്തോ​ഷ​ക​ര​മായ ആത്‌മ​ചൈ​ത​ന്യം പുനഃ​സ്ഥാ​പി​ത​മാ​കു​ക​യും ചെയ്യും.—സദൃശ​വാ​ക്യ​ങ്ങൾ 28:13.

സന്തോ​ഷ​ത്തോ​ടെ കാത്തി​രി​ക്കൽ

9, 10. (എ) അബ്രഹാ​മിന്‌ എന്തു വാഗ്‌ദാ​നം ലഭിച്ചു, എന്നാൽ അവന്റെ വിശ്വാ​സ​വും സന്തോ​ഷ​വും എങ്ങനെ പരി​ശോ​ധി​ക്ക​പ്പെ​ട്ടി​രി​ക്കാം? (ബി) അബ്രഹാം, ഇസഹാക്ക്‌, യാക്കോബ്‌ എന്നിവ​രു​ടെ മാതൃ​ക​ക​ളിൽനി​ന്നു നമുക്ക്‌ എങ്ങനെ പ്രയോ​ജനം നേടാ​നാ​വും?

⁹ ദിവ്യോ​ദ്ദേ​ശ്യ​ത്തെ​പ്പ​ററി നാം ആദ്യമാ​യി പഠിക്കുന്ന സമയത്തു​ണ്ടാ​യി​രി​ക്കുന്ന സന്തോ​ഷ​വും വർഷങ്ങൾ കടന്നു​പോ​യ​ശേഷം ഉണ്ടായി​രി​ക്കുന്ന സന്തോ​ഷ​വും രണ്ടും രണ്ടാണ്‌. വിശ്വ​സ്‌ത​നായ അബ്രഹാ​മി​ന്റെ കാര്യ​ത്തിൽ ഇതു ദൃഷ്ടാ​ന്തീ​ക​രി​ക്കാൻ കഴിയും. ദൈവ​ത്തി​ന്റെ കല്‌പന അനുസ​രിച്ച്‌ തന്റെ പുത്ര​നായ ഇസഹാ​ക്കി​നെ ബലിക​ഴി​ക്കാൻ ശ്രമി​ച്ച​തി​നു​ശേഷം, ഒരു ദൂതൻ ഈ സന്ദേശം കൊടു​ത്തു: “നീ ഈ കാര്യം ചെയ്‌തു, നിന്റെ ഏകജാ​ത​നായ മകനെ തരുവാൻ മടിക്കാ​യ്‌ക​കൊ​ണ്ടു ഞാൻ നിന്നെ ഐശ്വ​ര്യ​മാ​യി അനു​ഗ്ര​ഹി​ക്കും; നിന്റെ സന്തതിയെ ആകാശ​ത്തി​ലെ നക്ഷത്ര​ങ്ങൾപോ​ലെ​യും കടല്‌ക്ക​ര​യി​ലെ മണൽപോ​ലെ​യും അത്യന്തം വർദ്ധി​പ്പി​ക്കും; നിന്റെ സന്തതി ശത്രു​ക്ക​ളു​ടെ പട്ടണങ്ങളെ കൈവ​ശ​മാ​ക്കും. നീ എന്റെ വാക്കു അനുസ​രി​ച്ച​തു​കൊ​ണ്ടു നിന്റെ സന്തതി മുഖാ​ന്തരം ഭൂമി​യി​ലുള്ള സകലജാ​തി​ക​ളും അനു​ഗ്ര​ഹി​ക്ക​പ്പെ​ടും എന്നു ഞാൻ എന്നെ​ക്കൊ​ണ്ടു തന്നേ സത്യം ചെയ്‌തി​രി​ക്കു​ന്നു എന്നു യഹോവ അരുളി​ച്ചെ​യ്യു​ന്നു.” (ഉല്‌പത്തി 22:15-18) നിസ്സം​ശ​യ​മാ​യും, അബ്രഹാം ഈ വാഗ്‌ദാ​ന​ത്തിൽ അതിയാ​യി സന്തോ​ഷി​ച്ചു.

¹⁰ വാഗ്‌ദത്ത അനു​ഗ്ര​ഹങ്ങൾ വരാനുള്ള “സന്തതി”യായി​രി​ക്കും ഇസഹാക്ക്‌ എന്ന്‌ അബ്രഹാം പ്രതീ​ക്ഷി​ച്ചി​ട്ടു​ണ്ടാ​വാം. വർഷങ്ങൾ കടന്നു​പോ​യി. അസാധാ​ര​ണ​മെന്നു പറയാൻ യാതൊ​ന്നും ഇസഹാ​ക്കി​ലൂ​ടെ സംഭവി​ച്ചില്ല. ഇത്‌ അബ്രഹാ​മി​ന്റെ​യും അദ്ദേഹ​ത്തി​ന്റെ കുടും​ബ​ത്തി​ന്റെ​യും വിശ്വാ​സ​ത്തി​നും സന്തോ​ഷ​ത്തി​നും ഒരു പരി​ശോ​ധ​ന​യാ​യി​രു​ന്നി​രി​ക്കാം. ഇസഹാ​ക്കി​നോ​ടും പിന്നീട്‌ അദ്ദേഹ​ത്തി​ന്റെ പുത്രൻ യാക്കോ​ബി​നോ​ടും ദൈവം തന്റെ വാഗ്‌ദാ​നം സ്ഥിരീ​ക​രി​ച്ച​പ്പോൾ സന്തതി​യു​ടെ വരവു പിന്നെ​യും ഭാവി​യിൽ നടക്കാ​നു​ള്ള​താ​ണെന്ന്‌ അവർക്ക്‌ ഉറപ്പു ലഭിക്കു​ക​യാ​യി​രു​ന്നു. ഇത്‌ അവരുടെ വിശ്വാ​സ​വും സന്തോ​ഷ​വും നിലനിർത്താൻ അവരെ സഹായി​ച്ചു. എന്നുവ​രി​കി​ലും, അബ്രഹാ​മും ഇസഹാ​ക്കും യാക്കോ​ബും തങ്ങളോ​ടു ദൈവം ചെയ്‌ത വാഗ്‌ദാ​ന​ങ്ങ​ളു​ടെ നിവൃത്തി കാണാതെ മരിച്ചു. എന്നു​വെച്ച്‌ യഹോ​വ​യു​ടെ സന്തോ​ഷ​മി​ല്ലാത്ത ദാസൻമാർ ആയിരു​ന്നില്ല അവർ. (എബ്രായർ 11:13) യഹോ​വ​യു​ടെ വാഗ്‌ദാ​ന​ങ്ങ​ളു​ടെ നിവൃ​ത്തി​ക്കാ​യി കാത്തി​രി​ക്ക​വേ​തന്നെ, വിശ്വാ​സ​ത്തോ​ടും സന്തോ​ഷ​ത്തോ​ടും​കൂ​ടെ യഹോ​വയെ സേവി​ച്ചു​കൊ​ണ്ടി​രി​ക്കാൻ നമുക്കും സാധി​ക്കും.

പീഡന​മു​ണ്ടെ​ങ്കി​ലും സന്തോഷം

11. പീഡന​മു​ണ്ടെ​ങ്കി​ലും നമുക്കു സന്തോ​ഷ​മു​ള്ള​വ​രാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

¹¹ പീഡി​പ്പി​ക്ക​പ്പെ​ടു​ന്നെ​ങ്കിൽപ്പോ​ലും യഹോ​വ​യു​ടെ ദാസൻമാർ എന്നനി​ല​യിൽ, നമുക്കു യഹോ​വയെ ഹൃദയ​സ​ന്തോ​ഷ​ത്തോ​ടെ സേവി​ക്കാ​നാ​വും. തന്നെ​പ്രതി പീഡന​മേൽക്കു​ന്നവർ സന്തുഷ്ട​രാ​ണെന്നു യേശു പറഞ്ഞു. അതു​പോ​ലെ അപ്പോ​സ്‌ത​ല​നായ പത്രോ​സും പറഞ്ഞു: “ക്രിസ്‌തു​വി​ന്റെ കഷ്ടങ്ങൾക്കു പങ്കുള്ള​വ​രാ​കു​ന്തോ​റും സന്തോ​ഷി​ച്ചു​കൊൾവിൻ. അങ്ങനെ നിങ്ങൾ അവന്റെ തേജസ്സി​ന്റെ പ്രത്യ​ക്ഷ​ത​യിൽ ഉല്ലസി​ച്ചാ​ന​ന്ദി​പ്പാൻ ഇടവരും. ക്രിസ്‌തു​വി​ന്റെ നാമം ഹേതു​വാ​യി നിന്ദ സഹി​ക്കേ​ണ്ടി​വ​ന്നാൽ നിങ്ങൾ ഭാഗ്യ​വാൻമാർ [‘സന്തോ​ഷ​വാൻമാർ,’ NW]; മഹത്വ​ത്തി​ന്റെ ആത്മാവായ ദൈവാ​ത്മാ​വു നിങ്ങളു​ടെ​മേൽ ആവസി​ക്കു​ന്നു​വ​ല്ലോ.” (1 പത്രൊസ്‌ 4:13, 14; മത്തായി 5:11, 12) നിങ്ങൾ നീതി​ക്കു​വേണ്ടി പീഡന​വും ദുരി​ത​വും സഹിക്കു​ക​യാ​ണെ​ങ്കിൽ, നിങ്ങൾക്കു യഹോ​വ​യു​ടെ ആത്മാവും അംഗീ​കാ​ര​വു​മുണ്ട്‌. അതു തീർച്ച​യാ​യും നിങ്ങളു​ടെ സന്തോ​ഷത്തെ ഊട്ടി​വ​ളർത്തും.

12. (എ) വിശ്വാ​സ​ത്തി​ന്റെ പരി​ശോ​ധ​ന​കളെ നമുക്കു സന്തോ​ഷ​ത്തോ​ടെ നേരി​ടാൻ കഴിയു​ന്ന​തെ​ന്തു​കൊണ്ട്‌? (ബി) പ്രവാ​സ​ത്തി​ലായ ഒരു ലേവ്യന്റെ കാര്യ​ത്തിൽനി​ന്നു നമുക്ക്‌ എന്ത്‌ അടിസ്ഥാന പാഠം പഠിക്കാ​നാ​വും?

¹² വിശ്വാ​സ​ത്തി​ന്റെ പരി​ശോ​ധ​ന​കളെ നമുക്കു സന്തോ​ഷ​ത്തോ​ടെ നേരി​ടാ​നാ​വും. കാരണം ദൈവ​മാ​ണു നമ്മുടെ സങ്കേതം. ഇക്കാര്യം സങ്കീർത്ത​നങ്ങൾ 42-ഉം 43-ഉം വ്യക്തമാ​ക്കു​ന്നുണ്ട്‌. ഏതോ കാരണ​ത്താൽ പ്രവാ​സ​ത്തി​ലായ ഒരു ലേവ്യനു ദൈവ​ത്തി​ന്റെ വിശു​ദ്ധ​മ​ന്ദി​ര​ത്തിൽ ആരാധി​ക്കാൻ കഴിയാ​ത്ത​തിൽ അങ്ങേയ​ററം വിഷമ​മാ​യി. ഉണങ്ങി​വ​ര​ണ്ട​ദേ​ശത്തു വെള്ളത്തി​നാ​യി കേഴുന്ന ദാഹി​ച്ചു​വ​ല​യുന്ന പേടമാ​നി​നെ, പെൺമാ​നി​നെ, പോ​ലെ​യാ​യി അദ്ദേഹം. യഹോ​വ​ക്കു​വേ​ണ്ടി​യും ദൈവത്തെ അവന്റെ വിശു​ദ്ധ​മ​ന്ദി​ര​ത്തിൽ ആരാധി​ക്കു​ന്ന​തി​നുള്ള പദവി​ക്കു​വേ​ണ്ടി​യും അദ്ദേഹം “ദാഹിച്ചു,” അഥവാ വാഞ്‌ഛി​ച്ചു. (സങ്കീർത്തനം 42:1, 2, NW) യഹോ​വ​യു​ടെ ജനത്തോ​ടൊ​പ്പം നാം ആസ്വദി​ക്കുന്ന സഹവാ​സ​ത്തി​നു നന്ദി പ്രകട​മാ​ക്കാൻ ഈ പ്രവാ​സി​യു​ടെ അനുഭവം നമ്മെ പ്രേരി​പ്പി​ക്കണം. പീഡനം​നി​മി​ത്തം സഹവാസം നിഷേ​ധി​ക്ക​പ്പെ​ടു​ന്ന​തു​പോ​ലുള്ള സാഹച​ര്യ​ങ്ങൾ അവരിൽനി​ന്നു നമ്മെ താത്‌കാ​ലി​ക​മാ​യി അകററി​യെ​ങ്കിൽ, വിശുദ്ധ സേവന​ത്തിൽ ഒരുമി​ച്ചാ​യി​രു​ന്ന​പ്പോ​ഴത്തെ കഴിഞ്ഞ​കാല സന്തോ​ഷ​ങ്ങ​ളെ​ക്കു​റി​ച്ചു നമുക്കു വിചി​ന്തനം ചെയ്യാം. അവന്റെ ആരാധ​ക​രോ​ടൊ​പ്പം ക്രമമായ പ്രവർത്ത​ന​ത്തി​ലേക്കു നമ്മെ വീണ്ടും വരുത്തു​വാൻ നാം “ദൈവ​ത്തി​നാ​യി കാത്തി​രിക്ക”വേ സഹിഷ്‌ണു​ത​ക്കു​വേണ്ടി നമുക്കു പ്രാർഥി​ക്കു​ക​യും ചെയ്യാം.—സങ്കീർത്തനം 42:4, 5, 11; 43:3-5.

“സന്തോ​ഷ​ത്തോ​ടെ യഹോ​വയെ സേവി​പ്പിൻ”

13. ദൈവ​ത്തി​നുള്ള നമ്മുടെ സേവന​ത്തി​ന്റെ ഒരു സവിശേഷ വശമാ​യി​രി​ക്കണം സന്തോ​ഷ​മെന്നു സങ്കീർത്തനം 100:1, 2 പ്രകട​മാ​ക്കു​ന്ന​തെ​ങ്ങനെ?

¹³ ദൈവ​ത്തി​നുള്ള നമ്മുടെ സേവന​ത്തി​ന്റെ ഒരു സവിശേഷ വശമാ​യി​രി​ക്കണം സന്തോഷം. ഇക്കാര്യം ശ്രുതി​മ​ധു​ര​മായ ഒരു സ്‌തോ​ത്ര​ഗീ​ത​ത്തിൽ പ്രകട​മാ​ക്കി​യി​ട്ടുണ്ട്‌. അതിൽ സങ്കീർത്ത​ന​ക്കാ​രൻ പാടി: “സകലഭൂ​വാ​സി​ക​ളു​മാ​യു​ള്ളോ​രേ, യഹോ​വെക്കു ആർപ്പി​ടു​വിൻ. സന്തോ​ഷ​ത്തോ​ടെ യഹോ​വയെ സേവി​പ്പിൻ; സംഗീ​ത​ത്തോ​ടെ [‘സന്തോ​ഷാ​ര​വ​ത്തോ​ടെ,’ NW] അവന്റെ സന്നിധി​യിൽ വരുവിൻ.” (സങ്കീർത്തനം 100:1, 2) യഹോവ “സന്തുഷ്ട​നായ ദൈവ”വും തന്നോ​ടുള്ള സമർപ്പണം നിറ​വേ​റ​റു​ന്ന​തിൽ തന്റെ ദാസൻമാർ സന്തോഷം കണ്ടെത്ത​ണ​മെന്ന്‌ ആഗ്രഹി​ക്കു​ന്ന​വ​നു​മാണ്‌. (1 തിമോ​ത്തി 1:11, NW) സകല രാഷ്‌ട്ര​ങ്ങ​ളി​ലെ​യും ജനങ്ങൾ യഹോ​വ​യിൽ ഉല്ലസി​ച്ചാ​ഘോ​ഷി​ക്കണം. വിജയം​നേ​ടി​ക്ക​ഴിഞ്ഞ ഒരു സൈന്യ​ത്തി​ന്റെ ‘ആർപ്പു’വിളി​പോ​ലെ, നമ്മുടെ സ്‌തു​തി​പ്ര​ക​ട​നങ്ങൾ ഗംഭീ​ര​മാ​യി​രി​ക്കണം. ദൈവത്തെ സേവിക്കൽ നവോൻമേ​ഷ​പ്ര​ദ​മാ​യ​തി​നാൽ അതോ​ടൊ​പ്പം ആഹ്ലാദ​വും ഉണ്ടായേ ഒക്കൂ. അതു​കൊ​ണ്ടാ​ണു ദൈവ​ത്തി​ന്റെ സന്നിധി​യിൽ “സന്തോ​ഷാ​ര​വ​ത്തോ​ടെ” വരണ​മെന്നു സങ്കീർത്ത​ന​ക്കാ​രൻ ജനങ്ങളെ ഉദ്‌ബോ​ധി​പ്പി​ച്ചത്‌.

14, 15. സങ്കീർത്തനം 100:3-5 യഹോ​വ​യു​ടെ ഇന്നത്തെ സന്തോ​ഷ​മുള്ള ജനത്തെ എങ്ങനെ ബാധി​ക്കു​ന്നു?

¹⁴ “യഹോവ തന്നേ ദൈവം എന്നറി​വിൻ [തിരി​ച്ച​റി​വിൻ, അംഗീ​ക​രി​ക്കു​വിൻ]; അവൻ നമ്മെ ഉണ്ടാക്കി; നാം അവന്നു​ള്ളവർ ആകുന്നു; അവന്റെ ജനവും അവൻ മേയി​ക്കുന്ന ആടുക​ളും തന്നേ” എന്നു സങ്കീർത്ത​ന​ക്കാ​രൻ കൂട്ടി​ച്ചേർത്തു. (സങ്കീർത്തനം 100:3) യഹോവ നമ്മുടെ സ്രഷ്ടാവ്‌ ആയതു​കൊണ്ട്‌, ആടുകൾ ഇടയനു സ്വന്തമാ​യി​രി​ക്കു​ന്ന​തു​പോ​ലെ, നാം അവന്റെ സ്വന്തമാണ്‌. നാം അവനെ കൃതജ്ഞ​താ​പൂർവം സ്‌തു​തി​ച്ചു​പോ​കു​മാറ്‌ അത്ര നന്നായി​ട്ടാണ്‌ ദൈവം നമ്മെ പരിപാ​ലി​ക്കു​ന്നത്‌. (സങ്കീർത്തനം 23) യഹോ​വയെ സംബന്ധിച്ച്‌ സങ്കീർത്ത​ന​ക്കാ​രൻ ഇങ്ങനെ​യും പാടു​ക​യു​ണ്ടാ​യി: “അവന്റെ വാതി​ലു​ക​ളിൽ സ്‌തോ​ത്ര​ത്തോ​ടും അവന്റെ പ്രാകാ​ര​ങ്ങ​ളിൽ സ്‌തു​തി​യോ​ടും​കൂ​ടെ വരുവിൻ; അവന്നു സ്‌തോ​ത്രം ചെയ്‌തു അവന്റെ നാമത്തെ വാഴ്‌ത്തു​വിൻ. യഹോവ നല്ലവന​ല്ലോ, അവന്റെ ദയ എന്നേക്കു​മു​ള്ളതു; അവന്റെ വിശ്വ​സ്‌തത തലമു​റ​ത​ല​മു​റ​യാ​യും ഇരിക്കു​ന്നു.”—സങ്കീർത്തനം 100:4, 5.

¹⁵ ഇന്ന്‌, സകല രാഷ്‌ട്ര​ങ്ങ​ളിൽനി​ന്നു​മുള്ള സന്തുഷ്ട​രായ ആളുകൾ കൃതജ്ഞ​ത​യും സ്‌തു​തി​യും അർപ്പി​ക്കാൻ യഹോ​വ​യു​ടെ വിശു​ദ്ധ​മ​ന്ദി​ര​ത്തി​ന്റെ പ്രാകാ​ര​ങ്ങ​ളിൽ പ്രവേ​ശി​ക്കു​ക​യാണ്‌. യഹോ​വ​യെ​ക്കു​റിച്ച്‌ എല്ലായ്‌പോ​ഴും നല്ലതു സംസാ​രി​ച്ചു​കൊണ്ട്‌, നാം ദൈവ​ത്തി​ന്റെ നാമത്തെ സന്തോ​ഷ​പൂർവം അനു​ഗ്ര​ഹി​ക്കു​ന്നു. അവന്റെ മഹത്തായ ഗുണങ്ങൾ അവനെ പുകഴ്‌ത്താൻ നമ്മെ പ്രേരി​പ്പി​ക്കു​ന്നു. എങ്ങനെ നോക്കി​യാ​ലും അവൻ നല്ലവനാണ്‌. തന്റെ ദാസൻമാരോടുള്ള അവന്റെ സ്‌നേ​ഹ​ദ​യയെ അഥവാ സഹാനു​ഭൂ​തി​യോ​ടെ​യുള്ള പരിഗ​ണ​നയെ എല്ലായ്‌പ്പോ​ഴും ആശ്രയി​ക്കാ​വു​ന്ന​താണ്‌, എന്തെന്നാൽ അത്‌ എന്നെന്നും തുടരു​ന്ന​താണ്‌. തന്റെ ഹിതം നിവർത്തി​ക്കു​ന്ന​വ​രു​ടെ നേർക്കു സ്‌നേഹം പ്രകട​മാ​ക്കു​ന്ന​തിൽ യഹോവ “തലമു​റ​ത​ല​മു​റയാ”യി വിശ്വ​സ്‌ത​നാണ്‌. (റോമർ 8:38, 39) അപ്പോൾ ‘സന്തോ​ഷ​ത്തോ​ടെ യഹോ​വയെ സേവി​പ്പാൻ’ നമുക്കു തീർച്ച​യാ​യും നല്ല കാരണ​മുണ്ട്‌.

നിങ്ങളു​ടെ പ്രത്യാ​ശ​യിൽ സന്തോ​ഷി​പ്പിൻ

16. ഏതു പ്രത്യാ​ശ​ക​ളി​ലും പ്രതീ​ക്ഷ​ക​ളി​ലു​മാ​ണു ക്രിസ്‌ത്യാ​നി​കൾക്കു സന്തോ​ഷി​ക്കാ​വു​ന്നത്‌?

¹⁶ “പ്രത്യാ​ശ​യിൽ സന്തോ​ഷി​പ്പിൻ,” എന്നു പൗലോസ്‌ എഴുതി. (റോമർ 12:12, NW) ദൈവം തന്റെ പുത്ര​നായ യേശു​ക്രി​സ്‌തു​വി​ലൂ​ടെ അവന്റെ അഭിഷി​ക്താ​നു​ഗാ​മി​കൾക്കാ​യി തുറന്നു​കൊ​ടുത്ത അമർത്ത്യ സ്വർഗീയ ജീവന്റെ മഹത്തായ പ്രത്യാ​ശ​യിൽ അവർ സന്തോ​ഷി​ക്കു​ന്നു. (റോമർ 8:16, 17; ഫിലി​പ്പി​യർ 3:20, 21) ഭൂമി​യി​ലെ പറുദീ​സ​യിൽ നിത്യ​ജീ​വന്റെ പ്രത്യാ​ശ​യുള്ള ക്രിസ്‌ത്യാ​നി​കൾക്കും സന്തോ​ഷി​ക്കാ​നുള്ള അടിസ്ഥാ​ന​മുണ്ട്‌. (ലൂക്കൊസ്‌ 23:43) യഹോ​വ​യു​ടെ വിശ്വ​സ്‌ത​രായ സകല ദാസൻമാർക്കും രാജ്യ​പ്ര​ത്യാ​ശ​യിൽ സന്തോ​ഷി​ക്കാ​നുള്ള കാരണ​മുണ്ട്‌. എന്തെന്നാൽ, അവർ ഒന്നുകിൽ സ്വർഗീയ ഗവൺമെൻറി​ന്റെ ഭാഗമാ​യി​രി​ക്കും അല്ലെങ്കിൽ അതിന്റെ ഭൗമിക മേഖല​യിൽ ജീവി​ക്കും. എന്തൊരു സന്തോ​ഷ​പ്ര​ദ​മായ അനു​ഗ്രഹം!—മത്തായി 6:9, 10; റോമർ 8:18-21.

17, 18. (എ) യെശയ്യാ​വു 25:6-8-ൽ എന്തു മുൻകൂ​ട്ടി​പ്പ​റ​ഞ്ഞി​രി​ക്കു​ന്നു? (ബി) യെശയ്യാ​വി​ന്റെ ഈ പ്രവചനം ഇപ്പോൾ എങ്ങനെ നിറ​വേ​റി​ക്കൊ​ണ്ടി​രി​ക്കു​ന്നു, ഭാവി​യി​ലെ അതിന്റെ നിവൃ​ത്തി​യെ​ക്കു​റിച്ച്‌ എന്തു പറയാം?

¹⁷ അനുസ​ര​ണ​മുള്ള മനുഷ്യ​വർഗ​ത്തി​നു സന്തോ​ഷ​പ്ര​ദ​മായ ഒരു ഭാവി യെശയ്യാ​വും മുൻകൂ​ട്ടി​പ്പ​റ​യു​ക​യു​ണ്ടാ​യി. അവൻ ഇങ്ങനെ എഴുതി: “സൈന്യ​ങ്ങ​ളു​ടെ യഹോവ ഈ പർവ്വത​ത്തിൽ സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും; മേദസ്സു​നി​റഞ്ഞ മൃഷ്ട​ഭോ​ജ​ന​ങ്ങൾകൊ​ണ്ടും മട്ടു നീക്കി തെളി​ച്ചെ​ടുത്ത വീഞ്ഞു​കൊ​ണ്ടും ഉള്ള വിരുന്നു തന്നേ. സകലവം​ശ​ങ്ങൾക്കും ഉള്ള മൂടു​പ​ട​വും സകലജാ​തി​ക​ളു​ടെ​യും മേൽ കിടക്കുന്ന മറവും അവൻ ഈ പർവ്വത​ത്തിൽ വെച്ചു നശിപ്പി​ച്ചു​ക​ള​യും. അവൻ മരണത്തെ സദാകാ​ല​ത്തേ​ക്കും നീക്കി​ക്ക​ള​യും; യഹോ​വ​യായ കർത്താവു സകലമു​ഖ​ങ്ങ​ളി​ലും​നി​ന്നു കണ്ണുനീർ തുടെ​ക്ക​യും തന്റെ ജനത്തിന്റെ നിന്ദ സകലഭൂ​മി​യി​ലും​നി​ന്നു നീക്കി​ക്ക​ള​ക​യും ചെയ്യും. യഹോ​വ​യ​ല്ലോ അരുളി​ച്ചെ​യ്‌തി​രി​ക്കു​ന്നതു.”—യെശയ്യാ​വു 25:6-8.

¹⁸ യഹോ​വ​യു​ടെ ആരാധകർ എന്നനി​ല​യിൽ നാം ഇന്നു പങ്കുപ​റ​റുന്ന ആത്മീയ ഭോജ​നോ​ത്സവം വാസ്‌ത​വ​ത്തിൽ സന്തോ​ഷ​പ്ര​ദ​മായ ഒരു വിരു​ന്നാണ്‌. വാസ്‌ത​വ​ത്തിൽ, പുതിയ ലോക​ത്തിൽ നൽകു​മെന്നു വാഗ്‌ദാ​നം ചെയ്‌തി​രി​ക്കുന്ന അക്ഷരാർഥ​ത്തി​ലുള്ള നല്ല പ്രതീ​ക്ഷ​യിൽ നാം ദൈവത്തെ സതീക്ഷ്‌ണം സേവി​ക്കു​മ്പോൾ നമ്മുടെ സന്തോഷം കവി​ഞ്ഞൊ​ഴു​കു​ക​യാണ്‌. (2 പത്രൊസ്‌ 3:13) ആദാമി​ന്റെ പാപം​നി​മി​ത്തം മനുഷ്യ​വർഗത്തെ പൊതി​ഞ്ഞി​രി​ക്കുന്ന “കെട്ടു​പാ​ടു​കൾ” യഹോവ യേശു​വി​ന്റെ ബലിയു​ടെ അടിസ്ഥാ​ന​ത്തിൽ നീക്കി​ക്ക​ള​യു​ന്ന​താ​യി​രി​ക്കും. പാപവും മരണവും നീങ്ങി​പ്പോ​കു​ന്നതു കാണാൻ എന്തൊരു സന്തോ​ഷ​മാ​യി​രി​ക്കും! പുനരു​ത്ഥാ​നം പ്രാപി​ച്ചു​വ​രുന്ന പ്രിയ​പ്പെ​ട്ട​വ​രു​ടെ തിരി​ച്ചു​വ​ര​വി​നെ സ്വാഗതം ചെയ്യുക, കണ്ണുനീ​രെ​ല്ലാം അപ്രത്യ​ക്ഷ​മാ​യി​രി​ക്കു​ന്നതു ശ്രദ്ധി​ക്കുക, യഹോ​വ​യു​ടെ ജനം നിന്ദി​ക്ക​പ്പെ​ടാ​തി​രി​ക്കു​ന്നി​ട​മായ, എന്നാൽ പിശാ​ചായ സാത്താൻ എന്ന മഹാദൂ​ഷ​ക​നെ​തി​രെ ദൈവ​ത്തിന്‌ ഒരു ഉത്തരം കൊടു​ക്ക​പ്പെ​ട്ടി​രി​ക്കു​ന്നി​ട​മായ, ഭൂമി​യി​ലെ പറുദീ​സ​യിൽ ജീവി​ക്കുക, ഇതൊക്കെ എന്തൊരു ആഹ്ലാദ​മാ​യി​രി​ക്കും!—സദൃശ​വാ​ക്യ​ങ്ങൾ 27:11.

19. യഹോവ തന്റെ സാക്ഷികൾ എന്നനി​ല​യിൽ നമുക്കു മുമ്പാകെ വെച്ചി​രി​ക്കുന്ന പ്രതീ​ക്ഷ​ക​ളോ​ടു നാം എങ്ങനെ പ്രതി​ക​രി​ക്കണം?

¹⁹ തന്റെ ദാസൻമാർക്കു​വേണ്ടി യഹോവ ചെയ്യാ​നി​രി​ക്കുന്ന സംഗതി​ക​ളെ​ക്കു​റിച്ച്‌ അറിയു​ന്നതു നിങ്ങളെ സന്തോ​ഷ​വും കൃതജ്ഞ​ത​യും​കൊ​ണ്ടു നിറയ്‌ക്കു​ന്നി​ല്ലേ? നിശ്ചയ​മാ​യും, മഹത്തായ അത്തരം പ്രതീ​ക്ഷകൾ നമ്മുടെ സന്തോ​ഷത്തെ ഊട്ടി​വ​ളർത്തു​ന്നു! കൂടാതെ, നമ്മുടെ അനുഗൃ​ഹീത പ്രത്യാശ സന്തോ​ഷ​വാ​നും സ്‌നേ​ഹ​വാ​നും ഉദാര​മ​തി​യു​മായ നമ്മുടെ ദൈവ​ത്തി​ലേക്ക്‌ ഇതു​പോ​ലെ​യുള്ള വികാ​ര​ങ്ങ​ളോ​ടെ നോക്കാൻ നമ്മെ പ്രേരി​പ്പി​ക്കു​ന്നു: “ഇതാ, നമ്മുടെ ദൈവം; അവനെ​യ​ത്രേ നാം കാത്തി​രു​ന്നതു; അവൻ നമ്മെ രക്ഷിക്കും; അവൻ തന്നേ യഹോവ; അവനെ​യ​ത്രേ നാം കാത്തി​രു​ന്നതു; അവന്റെ രക്ഷയിൽ നമുക്കു ആനന്ദിച്ചു സന്തോ​ഷി​ക്കാം.” (യെശയ്യാ​വു 25:9) മനസ്സിൽ രൂഢമൂ​ല​മായ നമ്മുടെ ഉത്‌കൃഷ്ട പ്രത്യാ​ശ​യോ​ടെ യഹോ​വയെ ഹൃദയ​സ​ന്തോ​ഷ​ത്തോ​ടെ സേവി​ക്കു​ന്ന​തി​നാ​യി ഊർജ​സ്വ​ല​ത​യോ​ടെ നമുക്കു സകല ശ്രമവും ചെയ്യാം.

നിങ്ങൾ എങ്ങനെ മറുപടി പറയും?

◻ “ഹൃദയ​സ​ന്തോഷ”ത്തോടെ നമുക്ക്‌ എങ്ങനെ യഹോ​വയെ സേവി​ക്കാ​നാ​വും?

◻ ദൈവ​ത്തി​നുള്ള നമ്മുടെ സേവന​ത്തിൽ സന്തോഷം കാണു​ന്നി​ല്ലെ​ങ്കിൽ നമുക്ക്‌ എന്തു ചെയ്യാ​നാ​വും?

◻ പീഡന​മു​ണ്ടെ​ങ്കി​ലും യഹോ​വ​യു​ടെ ജനത്തിനു സന്തോ​ഷ​മു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

◻ നമ്മുടെ പ്രത്യാ​ശ​യിൽ സന്തോ​ഷി​ക്കാൻ നമുക്ക്‌ എന്തു കാരണ​ങ്ങ​ളുണ്ട്‌?

[17-ാം പേജിലെ ചിത്രം]

ക്രിസ്‌തീയ ജീവി​ത​ത്തി​ന്റെ സകല വശങ്ങളി​ലും പങ്കുപ​റ​റു​ന്നതു നമ്മുടെ സന്തോഷം വർധി​പ്പി​ക്കും