യഹോവ കാര്യങ്ങൾ ചെയ്യുന്ന വിധം എപ്പോ​ഴും ശരിയാ​ണെന്നു നിങ്ങൾക്ക്‌ ഉറപ്പു​ണ്ടോ?

1-2. (എ) അധികാ​ര​ത്തി​ലു​ള്ള​വരെ വിശ്വ​സി​ക്കു​ന്നതു പലർക്കും ഒരു ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊ​ണ്ടാണ്‌? (ബി) ഈ ലേഖന​ത്തിൽ നമ്മൾ എന്തു പഠിക്കും?

അധികാ​ര​ത്തി​ലു​ള്ള​വരെ വിശ്വ​സി​ക്കാൻ ഇന്നു പലർക്കും ബുദ്ധി​മു​ട്ടാണ്‌. കാരണം ഇന്നത്തെ ഗവണ്മെ​ന്റു​ക​ളും നിയമ​വ്യ​വ​സ്ഥ​യും ഒക്കെ പണവും സ്ഥാനവും ഉള്ളവരെ സംരക്ഷി​ക്കു​ക​യും പാവങ്ങളെ അവഗണി​ക്കു​ക​യും ചെയ്യു​ന്ന​താണ്‌ അവർ പൊതു​വേ കണ്ടിട്ടു​ള്ളത്‌. “മനുഷ്യൻ മനുഷ്യ​ന്റെ മേൽ ആധിപ​ത്യം നടത്തി​യത്‌ . . . അവർക്കു ദോഷം ചെയ്‌തി​രി​ക്കു​ന്നു” എന്നു ബൈബി​ളും പറയു​ന്നുണ്ട്‌. (സഭാ. 8:9) ഇനി, ചില മതനേ​താ​ക്ക​ന്മാർ ചെയ്യുന്ന കാര്യ​ങ്ങ​ളും ആളുകൾക്കു പൊതു​വേ അംഗീ​ക​രി​ക്കാൻ പറ്റാത്ത​വ​യാണ്‌. ഇതൊക്കെ കണ്ട്‌ പലർക്കും ദൈവ​ത്തി​ലുള്ള വിശ്വാ​സം​തന്നെ നഷ്ടപ്പെ​ട്ടി​രി​ക്കു​ന്നു. അതു​കൊണ്ട്‌ ഒരു വ്യക്തി ബൈബിൾ പഠിക്കാൻ തയ്യാറാ​കു​മ്പോൾ യഹോ​വ​യി​ലും യഹോവ നിയമി​ച്ചി​രി​ക്കുന്ന പ്രതി​നി​ധി​ക​ളി​ലും വിശ്വ​സി​ക്കാൻ അദ്ദേഹത്തെ സഹായി​ക്കു​ന്നത്‌ അല്‌പം ബുദ്ധി​മു​ട്ടാ​യി​രു​ന്നേ​ക്കാം.

² എന്നാൽ യഹോ​വ​യി​ലും യഹോ​വ​യു​ടെ സംഘട​ന​യി​ലും വിശ്വ​സി​ക്കാൻ പഠി​ക്കേ​ണ്ടതു ബൈബിൾവി​ദ്യാർഥി​കൾ മാത്രമല്ല. നമ്മുടെ കാര്യ​ത്തി​ലും അതു ശരിയാണ്‌. വർഷങ്ങ​ളാ​യി യഹോ​വയെ സേവി​ക്കു​ന്ന​വ​രാ​ണെ​ങ്കിൽപ്പോ​ലും യഹോവ കാര്യങ്ങൾ ചെയ്യുന്ന രീതി​യാണ്‌ ഏറ്റവും നല്ലത്‌ എന്ന ബോധ്യം ഒരിക്ക​ലും നഷ്ടപ്പെ​ടാ​തെ നമ്മൾ നോക്കണം. അതിന്‌ ഒരു പരി​ശോ​ധ​ന​യാ​യേ​ക്കാ​വുന്ന സാഹച​ര്യ​ങ്ങൾ ചില​പ്പോൾ നമ്മുടെ ജീവി​ത​ത്തിൽ ഉണ്ടാ​യേ​ക്കാം. അത്തരത്തി​ലുള്ള മൂന്നു സാഹച​ര്യ​ങ്ങ​ളെ​ക്കു​റി​ച്ചാണ്‌ ഈ ലേഖന​ത്തിൽ പഠിക്കു​ന്നത്‌: (1) നമ്മൾ ചില ബൈബിൾഭാ​ഗങ്ങൾ വായി​ക്കു​മ്പോൾ, (2) യഹോ​വ​യു​ടെ സംഘട​ന​യിൽനിന്ന്‌ നമുക്കു ചില നിർദേ​ശങ്ങൾ കിട്ടു​മ്പോൾ, (3) ഭാവി​യിൽ ചില പ്രശ്‌നങ്ങൾ നേരി​ടു​മ്പോൾ.

 3. ചില ബൈബിൾവി​വ​ര​ണങ്ങൾ യഹോവ കാര്യങ്ങൾ ചെയ്യുന്ന രീതി​യി​ലുള്ള നമ്മുടെ വിശ്വാ​സം പരി​ശോ​ധി​ച്ചേ​ക്കാ​വു​ന്നത്‌ എങ്ങനെ?

³ ചില ബൈബിൾഭാ​ഗങ്ങൾ വായി​ക്കു​മ്പോൾ യഹോവ എന്തു​കൊ​ണ്ടാണ്‌ ഈ വ്യക്തി​യോട്‌ ഇങ്ങനെ ഇടപെ​ട്ടത്‌, എന്തു​കൊ​ണ്ടാണ്‌ ഇങ്ങനെ ഒരു തീരു​മാ​ന​മെ​ടു​ത്തത്‌ എന്നൊ​ക്കെ​യുള്ള സംശയങ്ങൾ നമ്മുടെ മനസ്സിൽ വന്നേക്കാം. ഉദാഹ​ര​ണ​ത്തിന്‌ ശബത്തു​ദി​വസം വിറകു പെറു​ക്കി​യ​തി​ന്റെ പേരിൽ ഒരു ഇസ്രാ​യേ​ല്യ​നെ കൊല്ലാൻ യഹോവ വിധി​ച്ച​തി​നെ​ക്കു​റിച്ച്‌ സംഖ്യ പുസ്‌ത​ക​ത്തിൽ നമ്മൾ വായി​ക്കു​ന്നുണ്ട്‌. എന്നാൽ വർഷങ്ങൾക്കു​ശേഷം, വ്യഭി​ചാ​ര​വും കൊല​പാ​ത​ക​വും ചെയ്‌ത ദാവീദ്‌ രാജാ​വി​നോട്‌ യഹോവ ക്ഷമിച്ച​താ​യി 2 ശമുവേൽ എന്ന പുസ്‌ത​ക​ത്തിൽ കാണുന്നു. (സംഖ്യ 15:32, 35; 2 ശമു. 12:9, 13) ‘യഹോവ എന്തു​കൊ​ണ്ടാണ്‌ അത്ര ചെറിയ തെറ്റു ചെയ്‌ത ഒരാളെ വധശി​ക്ഷ​യ്‌ക്കു വിധി​ക്കു​ക​യും അതേസ​മയം കൊല​പാ​ത​ക​വും വ്യഭി​ചാ​ര​വും ചെയ്‌ത ദാവീ​ദി​നോ​ടു ക്ഷമിക്കു​ക​യും ചെയ്‌തത്‌’ എന്നു നമ്മൾ ചിന്തി​ച്ചേ​ക്കാം. അതു മനസ്സി​ലാ​ക്കാൻ ബൈബിൾ വായി​ക്കു​മ്പോൾ ഓർക്കേണ്ട മൂന്നു കാര്യ​ങ്ങ​ളെ​ക്കു​റിച്ച്‌ നമുക്ക്‌ ഇപ്പോൾ നോക്കാം.

 4. ഉൽപത്തി 18:20, 21-ഉം ആവർത്തനം 10:17-ഉം യഹോ​വ​യു​ടെ തീരു​മാ​ന​ങ്ങ​ളി​ലുള്ള നമ്മുടെ വിശ്വാ​സം ശക്തമാ​ക്കു​ന്നത്‌ എങ്ങനെ?

⁴ ബൈബി​ളിൽ എല്ലായ്‌പോ​ഴും ഒരു വിവര​ണ​ത്തി​ന്റെ എല്ലാ വിശദാം​ശ​ങ്ങ​ളും ഉണ്ടായി​രി​ക്ക​ണ​മെ​ന്നില്ല. ഉദാഹ​ര​ണ​ത്തിന്‌, താൻ ചെയ്‌ത കാര്യ​ങ്ങ​ളെ​ക്കു​റിച്ച്‌ ദാവീദ്‌ ആത്മാർഥ​മാ​യി പശ്ചാത്ത​പി​ച്ചെന്നു നമുക്ക്‌ അറിയാം. (സങ്കീ. 51:2-4) എന്നാൽ ശബത്തു​നി​യമം ലംഘിച്ച ആ വ്യക്തി എങ്ങനെ​യുള്ള ആളായി​രു​ന്നു? താൻ ചെയ്‌ത​തി​നെ​ക്കു​റിച്ച്‌ അയാൾക്കു കുറ്റ​ബോ​ധ​മു​ണ്ടാ​യി​രു​ന്നോ? അയാൾ മുമ്പും യഹോ​വ​യു​ടെ നിയമങ്ങൾ ലംഘി​ച്ചി​ട്ടു​ണ്ടോ? ഇനി, തിരുത്തൽ കൊടു​ത്തി​ട്ടും അതു സ്വീക​രി​ക്കാ​ത്ത​താ​ണോ? ബൈബിൾ അതെക്കു​റിച്ച്‌ ഒന്നും പറയു​ന്നില്ല. എന്നാൽ ഒരു കാര്യം ഉറപ്പാണ്‌: യഹോവ ‘അനീതി​യി​ല്ലാ​ത്ത​വ​നാണ്‌.’ (ആവ. 32:4) മനുഷ്യർ പലപ്പോ​ഴും തീരു​മാ​ന​ങ്ങ​ളെ​ടു​ക്കു​ന്നതു മറ്റുള്ളവർ പറഞ്ഞു​കേൾക്കു​ന്ന​തു​വെ​ച്ചോ മുൻവി​ധി​യോ​ടെ​യോ ഒക്കെയാ​യി​രി​ക്കാം. അതു​കൊണ്ട്‌ അവരുടെ തീരു​മാ​നങ്ങൾ ചില​പ്പോൾ തെറ്റി​പ്പോ​കാ​റുണ്ട്‌. എന്നാൽ യഹോവ കാര്യങ്ങൾ തീരു​മാ​നി​ക്കു​ന്നത്‌ അങ്ങനെയല്ല, എല്ലാ വസ്‌തു​ത​ക​ളും കണക്കി​ലെ​ടു​ത്തി​ട്ടാണ്‌. (ഉൽപത്തി 18:20, 21; ആവർത്തനം 10:17 വായി​ക്കുക.) യഹോ​വ​യെ​ക്കു​റി​ച്ചും യഹോ​വ​യു​ടെ നിലവാ​ര​ങ്ങ​ളെ​ക്കു​റി​ച്ചും നമ്മൾ എത്രയ​ധി​കം പഠിക്കു​ന്നോ അതനു​സ​രിച്ച്‌ യഹോവ എടുക്കുന്ന തീരു​മാ​നങ്ങൾ ശരിയാ​ണെന്ന നമ്മുടെ ബോധ്യ​വും ശക്തമാ​കും. നമ്മൾ അങ്ങനെ ചെയ്യു​ന്നെ​ങ്കിൽ ഏതെങ്കി​ലും ഒരു ബൈബിൾഭാ​ഗം വായി​ക്കു​മ്പോൾ മനസ്സിൽ ചില സംശയങ്ങൾ തോന്നി​യാ​ലും “യഹോവ തന്റെ വഴിക​ളി​ലെ​ല്ലാം നീതി​മാൻ” ആണെന്ന ഉറപ്പ്‌ നമുക്കു​ണ്ടാ​യി​രി​ക്കും.—സങ്കീ. 145:17.

 5. അപൂർണ​രാ​യ​തു​കൊണ്ട്‌ നമ്മുടെ തീരു​മാ​ന​ങ്ങൾക്ക്‌ എന്തു സംഭവി​ച്ചേ​ക്കാം? (“അപൂർണ​രാ​യ​തു​കൊണ്ട്‌ എപ്പോ​ഴും എല്ലാ കാര്യ​ങ്ങ​ളും മനസ്സി​ലാ​ക​ണ​മെ​ന്നില്ല” എന്ന ചതുരം കാണുക.)

⁵ അപൂർണ​രാ​യ​തു​കൊണ്ട്‌ നമുക്ക്‌ എപ്പോ​ഴും കാര്യ​ങ്ങളെ ശരിയാ​യി കാണാ​നാ​കില്ല. ദൈവ​ത്തി​ന്റെ ഗുണങ്ങ​ളൊ​ക്കെ തന്ന്‌ നമ്മളെ സൃഷ്ടി​ച്ചി​രി​ക്കു​ന്ന​തു​കൊണ്ട്‌ ആളുകൾക്ക്‌ അന്യായം നേരി​ടു​ന്നതു നമുക്കു സഹിക്കില്ല. (ഉൽപ. 1:26) എന്നാൽ നമ്മൾ അപൂർണ​രാ​യ​തു​കൊണ്ട്‌ ഒരു കാര്യ​ത്തി​ന്റെ എല്ലാ വശങ്ങളും അറിയാ​മെന്നു വിചാ​രിച്ച്‌ നമ്മൾ എടുക്കുന്ന തീരു​മാ​ന​ങ്ങൾപോ​ലും പലപ്പോ​ഴും തെറ്റി​പ്പോ​യേ​ക്കാം. ഉദാഹ​ര​ണ​ത്തിന്‌, യോന​യു​ടെ കാര്യം​തന്നെ എടുക്കുക. നിന​വെ​യി​ലെ ആളുക​ളോ​ടു കരുണ കാണി​ക്കാൻ യഹോവ തീരു​മാ​നി​ച്ച​പ്പോൾ യോന​യ്‌ക്ക്‌ അത്‌ ഇഷ്ടമാ​യില്ല. (യോന 3:10–4:1) പക്ഷേ യഹോവ കരുണ കാണി​ച്ച​തു​കൊണ്ട്‌ നിന​വെ​യി​ലെ മാനസാ​ന്ത​ര​പ്പെട്ട 1,20,000-ത്തിലധി​കം ആളുകൾ രക്ഷപ്പെട്ടു. അവസാനം യഹോ​വ​യു​ടെയല്ല, യോന​യു​ടെ ചിന്തയാ​ണു തെറ്റി​പ്പോ​യ​തെന്നു തെളിഞ്ഞു.

 6. താൻ എടുക്കുന്ന തീരു​മാ​ന​ങ്ങ​ളു​ടെ കാരണം യഹോ​വ​യ്‌ക്കു നമ്മളോ​ടു വിശദീ​ക​രി​ക്കേ​ണ്ട​തി​ല്ലാ​ത്തത്‌ എന്തു​കൊണ്ട്‌?

⁶ താൻ എടുക്കുന്ന തീരു​മാ​ന​ങ്ങ​ളു​ടെ കാരണം മനുഷ്യ​രോ​ടു വിശദീ​ക​രി​ക്കേണ്ട ആവശ്യം യഹോ​വ​യ്‌ക്കില്ല. താൻ എടുത്ത​തോ എടുക്കാൻപോ​കു​ന്ന​തോ ആയ തീരു​മാ​ന​ങ്ങ​ളെ​ക്കു​റിച്ച്‌ എന്തു തോന്നു​ന്നു എന്നു പറയാൻ യഹോവ തന്റെ ദാസന്മാ​രെ ചില​പ്പോ​ഴൊ​ക്കെ അനുവ​ദി​ച്ചി​ട്ടുണ്ട്‌ എന്നുള്ളതു ശരിയാണ്‌. (ഉൽപ. 18:25; യോന 4:2, 3) താൻ എന്തു​കൊണ്ട്‌ അങ്ങനെ​യൊ​രു തീരു​മാ​ന​മെ​ടു​ത്തെന്ന്‌ ഇടയ്‌ക്കൊ​ക്കെ യഹോവ വിശദീ​ക​രി​ച്ചി​ട്ടു​മുണ്ട്‌. (യോന 4:10, 11) എന്നാൽ തന്റെ തീരു​മാ​ന​ങ്ങ​ളു​ടെ കാരണം നമ്മളോ​ടു വിശദീ​ക​രി​ക്കേണ്ട ആവശ്യ​മൊ​ന്നും യഹോ​വ​യ്‌ക്കില്ല. ഇനി, നമ്മുടെ സ്രഷ്ടാ​വാ​യ​തു​കൊണ്ട്‌ ഒരു കാര്യം ചെയ്യു​ന്ന​തി​നു മുമ്പോ ചെയ്‌ത​ശേ​ഷ​മോ നമ്മുടെ അംഗീ​കാ​ര​ത്തി​ന്റെ ആവശ്യ​വും യഹോ​വ​യ്‌ക്കില്ല.—യശ. 40:13, 14; 55:9.

 7. ഏതു കാര്യ​ത്തിൽ നമുക്കു ബുദ്ധി​മു​ട്ടു തോന്നി​യേ​ക്കാം, എന്തു​കൊണ്ട്‌?

⁷ യഹോവ എപ്പോ​ഴും ശരിയായ രീതി​യി​ലേ കാര്യങ്ങൾ ചെയ്യു​ക​യു​ള്ളൂ എന്നു പൂർണ​മ​ന​സ്സോ​ടെ സമ്മതി​ക്കാൻ നമുക്കു വലിയ ബുദ്ധി​മു​ട്ടൊ​ന്നും കാണില്ല. എന്നാൽ യഹോവ നിയമി​ച്ചി​രി​ക്കുന്ന ആളുകളെ വിശ്വ​സി​ക്കാൻ നമുക്കു ചില​പ്പോൾ ബുദ്ധി​മു​ട്ടു തോന്നി​യേ​ക്കാം. യഹോ​വ​യു​ടെ സംഘട​ന​യിൽ കുറ​ച്ചൊ​ക്കെ അധികാ​ര​മുള്ള ആളുകൾ പ്രവർത്തി​ക്കു​ന്നതു ശരിക്കും യഹോ​വ​യു​ടെ നിർദേ​ശ​മ​നു​സ​രി​ച്ചാ​ണോ അതോ സ്വന്തം ഇഷ്ടപ്ര​കാ​ര​മാ​ണോ എന്നു നമ്മൾ ചിന്തി​ക്കാ​നി​ട​യുണ്ട്‌. ബൈബിൾക്കാ​ല​ങ്ങ​ളിൽ ജീവി​ച്ചി​രുന്ന ചിലരും അങ്ങനെ ചിന്തി​ച്ചി​ട്ടു​ണ്ടാ​കും. 3-ാം ഖണ്ഡിക​യിൽ പറഞ്ഞ ആ സംഭവം നമു​ക്കൊ​ന്നു നോക്കാം. ശബത്തു​നി​യമം ലംഘിച്ച വ്യക്തി​യു​ടെ ബന്ധുക്ക​ളിൽപ്പെട്ട ഒരാൾ ഇങ്ങനെ ചിന്തി​ച്ചി​രി​ക്കാം: ‘മോശ ശരിക്കും യഹോ​വ​യോട്‌ ആലോ​ചി​ച്ചി​ട്ടാ​ണോ ഇയാൾക്കു മരണശിക്ഷ വിധി​ച്ചത്‌?’ ഇനി, ഹിത്യ​നായ ഊരി​യാ​വി​ന്റെ ഒരു കൂട്ടു​കാ​രൻ ഒരുപക്ഷേ ഓർത്തി​ട്ടു​ണ്ടാ​കും ‘ദാവീദ്‌ രാജാ​വാ​യ​തു​കൊണ്ട്‌ ആ അധികാ​രം ഉപയോ​ഗിച്ച്‌ മരണശി​ക്ഷ​യിൽനിന്ന്‌ രക്ഷപ്പെ​ട്ട​താ​യി​രി​ക്കണം.’ പക്ഷേ നമ്മൾ എപ്പോ​ഴും മനസ്സിൽപ്പി​ടി​ക്കേണ്ട കാര്യം ഇതാണ്‌: തന്റെ സംഘട​ന​യി​ലും സഭയി​ലും നേതൃ​ത്വ​മെ​ടു​ക്കാൻവേണ്ടി നിയമി​ച്ചി​രി​ക്കുന്ന വ്യക്തി​കളെ യഹോവ വിശ്വ​സി​ക്കു​ന്നുണ്ട്‌. അതു​കൊണ്ട്‌ നമ്മളും അവരെ വിശ്വ​സി​ക്കണം. ഇല്ലെങ്കിൽ നമ്മൾ യഹോ​വയെ വിശ്വ​സി​ക്കു​ന്നെന്ന്‌ ഒരിക്ക​ലും പറയാ​നാ​കില്ല.

 8. ഒന്നാം നൂറ്റാ​ണ്ടി​ലെ ക്രിസ്‌തീ​യ​സ​ഭ​യ്‌ക്കും ഇന്നത്തെ ക്രിസ്‌തീ​യ​സ​ഭ​യ്‌ക്കും തമ്മിൽ എന്തു സമാന​ത​യുണ്ട്‌? (പ്രവൃ​ത്തി​കൾ 16:4, 5)

⁸ ഇന്നു യഹോവ ‘വിശ്വ​സ്‌ത​നും വിവേ​കി​യും ആയ അടിമയെ’ ഉപയോ​ഗി​ച്ചാ​ണു തന്റെ സംഘട​നയെ നയിക്കു​ന്നത്‌. (മത്താ. 24:45) ഒന്നാം നൂറ്റാ​ണ്ടി​ലെ ഭരണസം​ഘ​ത്തെ​പ്പോ​ലെ​തന്നെ ഈ അടിമ​യും ലോക​മെ​ങ്ങു​മുള്ള ദൈവ​ജ​ന​ത്തി​ന്റെ പ്രവർത്ത​ന​ങ്ങൾക്കു മേൽനോ​ട്ടം വഹിക്കു​ക​യും സഭയിൽ മൂപ്പന്മാർക്കു വേണ്ട നിർദേ​ശങ്ങൾ നൽകു​ക​യും ചെയ്യുന്നു. (പ്രവൃ​ത്തി​കൾ 16:4, 5 വായി​ക്കുക.) തുടർന്ന്‌ മൂപ്പന്മാർ തങ്ങൾക്കു കിട്ടിയ നിർദേ​ശ​ങ്ങ​ള​നു​സ​രിച്ച്‌ സഭയിൽ കാര്യങ്ങൾ ചെയ്യുന്നു. അതു​കൊണ്ട്‌ സംഘട​ന​യിൽനി​ന്നും മൂപ്പന്മാ​രിൽനി​ന്നും കിട്ടുന്ന നിർദേ​ശങ്ങൾ അനുസ​രി​ക്കു​മ്പോൾ യഹോവ കാര്യങ്ങൾ ചെയ്യുന്ന രീതി​യിൽ വിശ്വാ​സ​മു​ണ്ടെന്നു നമ്മൾ തെളി​യി​ക്കു​ക​യാണ്‌.

 9. മൂപ്പന്മാർ എടുക്കുന്ന തീരു​മാ​നം അംഗീ​ക​രി​ക്കാൻ നമുക്ക്‌ എപ്പോൾ ബുദ്ധി​മു​ട്ടു തോന്നി​യേ​ക്കാം, എന്തു​കൊണ്ട്‌?

⁹ ചില​പ്പോൾ മൂപ്പന്മാർ എടുക്കുന്ന തീരു​മാ​നം അംഗീ​ക​രി​ക്കാൻ നമുക്കു ബുദ്ധി​മു​ട്ടു തോന്നി​യേ​ക്കാം. ഉദാഹ​ര​ണ​ത്തിന്‌, അടുത്ത കാലത്ത്‌ പല സഭകളു​ടെ​യും സർക്കി​ട്ടു​ക​ളു​ടെ​യും കാര്യ​ത്തിൽ ചില മാറ്റങ്ങ​ളൊ​ക്കെ വരുത്തി. രാജ്യ​ഹാ​ളു​ക​ളി​ലെ ഇരിപ്പി​ട​സൗ​ക​ര്യ​ങ്ങൾ ഏറ്റവും നന്നായി ഉപയോ​ഗ​പ്പെ​ടു​ത്താൻവേണ്ടി ചില പ്രചാ​ര​ക​രോ​ടു മറ്റൊരു സഭയിൽ പോകാ​മോ എന്നു മൂപ്പന്മാർ ചോദി​ച്ചു. നമ്മളോ​ടാണ്‌ അങ്ങനെ​യൊ​രു കാര്യം ആവശ്യ​പ്പെ​ടു​ന്ന​തെ​ങ്കിൽ കൂട്ടു​കാ​രെ​യും ബന്ധുക്ക​ളെ​യും ഒക്കെ പിരി​യു​ന്നതു ബുദ്ധി​മു​ട്ടാ​യി നമുക്കു തോന്നി​യേ​ക്കാം. ഓരോ പ്രചാ​ര​ക​നെ​യും ഏതു സഭയിൽ നിയമി​ക്ക​ണ​മെന്ന്‌ യഹോവ മൂപ്പന്മാർക്കു നിർദേശം നൽകു​ന്നു​ണ്ടോ? ഇല്ല. അതു​കൊ​ണ്ടു​തന്നെ അങ്ങനെ​യൊ​രു നിർദേശം കിട്ടു​മ്പോൾ അത്‌ അനുസ​രി​ക്കാൻ നമുക്കു ചില​പ്പോൾ പ്രയാസം തോന്നാം. പക്ഷേ ഇത്തരം തീരു​മാ​ന​ങ്ങ​ളൊ​ക്കെ എടുക്കാ​നുള്ള ഉത്തരവാ​ദി​ത്വം യഹോവ മൂപ്പന്മാ​രെ വിശ്വ​സിച്ച്‌ ഏൽപ്പി​ച്ചി​രി​ക്കു​ക​യാണ്‌. അതു​കൊണ്ട്‌ നമ്മളും അവരെ വിശ്വ​സി​ക്കണം.b

10. എബ്രായർ 13:17 പറയു​ന്ന​ത​നു​സ​രിച്ച്‌ നമ്മൾ മൂപ്പന്മാ​രു​ടെ തീരു​മാ​ന​ത്തോ​ടു സഹകരി​ക്കേ​ണ്ടത്‌ എന്തു​കൊണ്ട്‌?

¹⁰ ചില സന്ദർഭ​ങ്ങ​ളിൽ മൂപ്പന്മാർ എടുക്കുന്ന തീരു​മാ​നം നമ്മൾ ഇഷ്ടപ്പെ​ടുന്ന തരത്തി​ലു​ള്ളത്‌ ആയിരി​ക്ക​ണ​മെ​ന്നില്ല. അപ്പോ​ഴും നമ്മൾ ആ തീരു​മാ​നത്തെ പിന്തു​ണ​യ്‌ക്കു​ക​യും അവരോ​ടു സഹകരി​ക്കു​ക​യും ചെയ്യേ​ണ്ടത്‌ എന്തു​കൊ​ണ്ടാണ്‌? അങ്ങനെ ചെയ്യു​മ്പോൾ ദൈവ​ജ​ന​ത്തി​ന്റെ ഇടയിലെ ഐക്യം നിലനി​റു​ത്താൻ നമ്മൾ സഹായി​ക്കു​ക​യാണ്‌. (എഫെ. 4:2, 3) മൂപ്പന്മാ​രു​ടെ സംഘം എടുക്കുന്ന തീരു​മാ​നം എല്ലാവ​രും താഴ്‌മ​യോ​ടെ അനുസ​രി​ക്കു​മ്പോൾ ആ സഭയിൽ നല്ല പുരോ​ഗ​തി​യു​ണ്ടാ​കും. (എബ്രായർ 13:17 വായി​ക്കുക.) അതിലും പ്രധാ​ന​മാ​യി നമ്മളെ പരിപാ​ലി​ക്കാൻവേണ്ടി യഹോവ വിശ്വ​സി​ച്ചാ​ക്കി​യി​രി​ക്കുന്ന മൂപ്പന്മാ​രോ​ടു സഹകരി​ക്കു​മ്പോൾ നമ്മൾ യഹോ​വയെ വിശ്വ​സി​ക്കു​ന്നെന്നു കാണി​ക്കു​ക​യാണ്‌.—പ്രവൃ. 20:28.

11. ഏതെല്ലാം കാര്യങ്ങൾ ഓർക്കു​ന്നതു മൂപ്പന്മാർ തരുന്ന നിർദേ​ശ​ങ്ങ​ളി​ലുള്ള നമ്മുടെ വിശ്വാ​സം ശക്തമാ​ക്കാൻ സഹായി​ക്കും?

¹¹ മൂപ്പന്മാർ തരുന്ന നിർദേ​ശ​ങ്ങ​ളി​ലുള്ള നമ്മുടെ വിശ്വാ​സം ശക്തമാ​ക്കാൻ നമുക്കു മനസ്സിൽപ്പി​ടി​ക്കാൻ കഴിയുന്ന ചില കാര്യ​ങ്ങ​ളുണ്ട്‌. സഭയോ​ടു ബന്ധപ്പെട്ട കാര്യങ്ങൾ ചർച്ച ചെയ്യു​മ്പോൾ അവർ പരിശു​ദ്ധാ​ത്മാ​വി​ന്റെ സഹായ​ത്തി​നു​വേണ്ടി പ്രാർഥി​ക്കു​ന്നു. കൂടാതെ ബൈബിൾത​ത്ത്വ​ങ്ങ​ളും സംഘടന തരുന്ന നിർദേ​ശ​ങ്ങ​ളും ശ്രദ്ധാ​പൂർവം പരി​ശോ​ധി​ച്ചി​ട്ടാണ്‌ അവർ തീരു​മാ​ന​ങ്ങ​ളെ​ടു​ക്കു​ന്നത്‌. യഹോ​വയെ സന്തോ​ഷി​പ്പി​ക്കാ​നും ദൈവ​ജ​നത്തെ ഏറ്റവും നന്നായി പരിപാ​ലി​ക്കാ​നും ആണ്‌ അവരെ​ല്ലാം ആഗ്രഹി​ക്കു​ന്നത്‌. തങ്ങളുടെ ഉത്തരവാ​ദി​ത്വ​ങ്ങൾ എങ്ങനെ ചെയ്യു​ന്നെന്ന കാര്യ​ത്തിൽ ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രു​മെന്നു വിശ്വ​സ്‌ത​രായ ഈ സഹോ​ദ​ര​ന്മാർക്ക്‌ അറിയാം. (1 പത്രോ. 5:2, 3) ഇതൊന്നു ചിന്തി​ക്കുക: വംശത്തി​ന്റെ​യും മതത്തി​ന്റെ​യും രാഷ്‌ട്രീ​യ​ത്തി​ന്റെ​യും പേരിൽ ലോകം ഇന്നു ഭിന്നി​ച്ചി​രി​ക്കു​മ്പോൾ യഹോ​വ​യു​ടെ ജനം ഐക്യ​ത്തോ​ടെ ഏകസത്യ​ദൈ​വത്തെ ആരാധി​ക്കു​ന്നു. എങ്ങനെ​യാണ്‌ അവർക്ക്‌ അതിനു കഴിയു​ന്നത്‌? യഹോവ തന്റെ ജനത്തെ അനു​ഗ്ര​ഹി​ച്ചി​രി​ക്കു​ന്ന​തു​കൊണ്ട്‌ മാത്ര​മാണ്‌ ഇന്ന്‌ ഇതു സാധ്യ​മാ​യി​രി​ക്കു​ന്നത്‌.

12. ഒരു വ്യക്തിക്കു ശരിക്കും പശ്ചാത്താ​പ​മു​ണ്ടോ എന്നു തീരു​മാ​നി​ക്കാൻ മൂപ്പന്മാർ ഏതെല്ലാം കാര്യങ്ങൾ പരിഗ​ണി​ക്കണം?

¹² സഭയെ ശുദ്ധമാ​യി സൂക്ഷി​ക്കാ​നുള്ള വലി​യൊ​രു ഉത്തരവാ​ദി​ത്വ​മാണ്‌ യഹോവ മൂപ്പന്മാ​രെ ഏൽപ്പി​ച്ചി​രി​ക്കു​ന്നത്‌. ആരെങ്കി​ലും ഗുരു​ത​ര​മായ ഒരു തെറ്റു ചെയ്‌താൽ ആ വ്യക്തിയെ സഭയിൽ തുടരാൻ അനുവ​ദി​ക്ക​ണോ വേണ്ടയോ എന്ന കാര്യ​ത്തിൽ മൂപ്പന്മാർ ഒരു തീരു​മാ​ന​മെ​ടു​ക്കേ​ണ്ട​തുണ്ട്‌. അവർ അങ്ങനെ ചെയ്യാൻ യഹോവ പ്രതീ​ക്ഷി​ക്കു​ന്നു. അതിന്‌ അവർ പല കാര്യ​ങ്ങ​ളും ചിന്തി​ക്കേ​ണ്ട​തുണ്ട്‌: തന്റെ തെറ്റി​നെ​ക്കു​റിച്ച്‌ ആ വ്യക്തിക്ക്‌ ശരിക്കും പശ്ചാത്താ​പ​മു​ണ്ടോ? അങ്ങനെ​യു​ണ്ടെന്ന്‌ ആ വ്യക്തി അവകാ​ശ​പ്പെ​ട്ടേ​ക്കാ​മെ​ങ്കി​ലും അദ്ദേഹം വാസ്‌ത​വ​ത്തിൽ ആ തെറ്റിനെ വെറു​ക്കു​ന്നു​ണ്ടോ? ആ തെറ്റ്‌ ഇനി ഒരിക്ക​ലും ആവർത്തി​ക്കാ​തി​രി​ക്കാൻ അദ്ദേഹം ഉറച്ച തീരു​മാ​ന​മെ​ടു​ത്തി​ട്ടു​ണ്ടോ? ചീത്ത കൂട്ടു​കെ​ട്ടാണ്‌ അങ്ങനെ​യൊ​രു തെറ്റു ചെയ്യാൻ ഇടയാ​ക്കി​യ​തെ​ങ്കിൽ അത്തരം ആളുക​ളു​മാ​യുള്ള സൗഹൃദം വേണ്ടെ​ന്നു​വെ​ക്കാൻ അദ്ദേഹം തയ്യാറാ​ണോ? ഇതെല്ലാം അവർ നോക്കും. ഒരു തീരു​മാ​ന​മെ​ടു​ക്കു​ന്ന​തി​നു മുമ്പായി മൂപ്പന്മാർ യഹോ​വ​യോ​ടു പ്രാർഥി​ക്കു​ന്നു. ആ തെറ്റി​നെ​ക്കു​റിച്ച്‌ വിശദ​മാ​യി പഠിക്കു​ന്നു. തിരു​വെ​ഴു​ത്തു​കൾ പരി​ശോ​ധി​ക്കു​ന്നു. കൂടാതെ ചെയ്‌ത തെറ്റി​നെ​ക്കു​റി​ച്ചുള്ള ആ വ്യക്തി​യു​ടെ മനോ​ഭാ​വം എന്താ​ണെ​ന്നും നോക്കു​ന്നു. എന്നിട്ട്‌ തെറ്റു ചെയ്‌ത ആളെ സഭയിൽ തുടരാൻ അനുവ​ദി​ക്കാ​നാ​കു​മോ ഇല്ലയോ എന്നു മൂപ്പന്മാർ തീരു​മാ​നി​ക്കു​ന്നു. ചില സാഹച​ര്യ​ങ്ങ​ളിൽ തെറ്റു​കാ​രനെ പുറത്താ​ക്കേ​ണ്ട​തു​ണ്ടാ​യി​രി​ക്കും.—1 കൊരി. 5:11-13.

13. നമ്മുടെ ഒരു സുഹൃ​ത്തോ ബന്ധുവോ പുറത്താ​ക്ക​പ്പെ​ടു​മ്പോൾ നമ്മൾ എങ്ങനെ​യൊ​ക്കെ ചിന്തി​ച്ചേ​ക്കാം?

¹³ പുറത്താ​ക്ക​പ്പെട്ട വ്യക്തി നമ്മുടെ അടുത്ത സുഹൃ​ത്തോ ബന്ധുവോ ഒന്നുമ​ല്ലെ​ങ്കിൽ മൂപ്പന്മാ​രു​ടെ തീരു​മാ​ന​ത്തോ​ടു യോജി​ക്കാൻ നമുക്കു വലിയ ബുദ്ധി​മു​ട്ടു കാണില്ല. എന്നാൽ ആ വ്യക്തി നമ്മുടെ അടുത്ത സുഹൃ​ത്താ​ണെ​ങ്കിൽ നമ്മൾ ഇങ്ങനെ ചിന്തി​ച്ചേ​ക്കു​മോ: ‘മൂപ്പന്മാർ എല്ലാ കാര്യ​ങ്ങ​ളും നന്നായി പരി​ശോ​ധി​ച്ചു​കാ​ണു​മോ? ഇനി, യഹോവ ചിന്തി​ക്കു​ന്ന​തു​പോ​ലെ ചിന്തി​ച്ചി​ട്ടാ​ണോ അവർ ഈ തീരു​മാ​ന​മെ​ടു​ത്തി​രി​ക്കു​ന്നത്‌?’ മൂപ്പന്മാർ എടുക്കുന്ന തീരു​മാ​നത്തെ മനസ്സോ​ടെ സ്വീക​രി​ക്കാൻ നമ്മളെ എന്തു സഹായി​ക്കും?

14. നമ്മുടെ അടുത്ത സുഹൃ​ത്തി​നെ​യോ ബന്ധുവി​നെ​യോ പുറത്താ​ക്കാൻ മൂപ്പന്മാർ തീരു​മാ​നി​ക്കു​മ്പോൾ ഏതൊക്കെ കാര്യങ്ങൾ നമുക്കു മനസ്സിൽപ്പി​ടി​ക്കാം?

¹⁴ നമുക്ക്‌ ഇക്കാര്യ​ങ്ങൾ മനസ്സിൽപ്പി​ടി​ക്കാം: തെറ്റു​കാ​രനെ പുറത്താ​ക്കു​ക​യെ​ന്നത്‌ യഹോ​വ​യു​ടെ ഒരു ക്രമീ​ക​ര​ണ​മാണ്‌. അതു സഭയ്‌ക്കു പ്രയോ​ജനം ചെയ്യും, തെറ്റു​കാ​ര​നും ഗുണം ചെയ്‌തേ​ക്കാം. പക്ഷേ പശ്ചാത്താ​പ​മി​ല്ലാത്ത ഒരു തെറ്റു​കാ​രനെ സഭയിൽ തുടരാൻ അനുവ​ദി​ച്ചാൽ അയാൾ മറ്റുള്ള​വ​രെ​യും മോശ​മാ​യി സ്വാധീ​നി​ക്കും. (ഗലാ. 5:9) മാത്രമല്ല ആ വ്യക്തി തന്റെ തെറ്റിന്റെ ഗൗരവം തിരി​ച്ച​റി​യാ​തെ​പോ​യേ​ക്കാം. ഇനി, യഹോ​വ​യു​ടെ പ്രീതി​യി​ലേക്കു തിരി​ച്ചു​വ​രാൻവേണ്ടി തന്റെ ചിന്തയി​ലും പ്രവർത്ത​ന​ങ്ങ​ളി​ലും മാറ്റം​വ​രു​ത്തേ​ണ്ട​തു​ണ്ടെന്നു മനസ്സി​ലാ​ക്കാ​നും പരാജ​യ​പ്പെ​ട്ടേ​ക്കാം. (സഭാ. 8:11) ഒരാളെ പുറത്താ​ക്ക​ണോ എന്നു തീരു​മാ​നി​ക്കു​മ്പോൾ നന്നായി ചിന്തി​ച്ചി​ട്ടാ​ണു മൂപ്പന്മാർ ആ ഉത്തരവാ​ദി​ത്വം ചെയ്യു​ന്ന​തെന്നു നമുക്ക്‌ ഉറപ്പു​ണ്ടാ​യി​രി​ക്കാം. കാരണം പുരാതന ഇസ്രാ​യേ​ലി​ലെ ന്യായാ​ധി​പ​ന്മാ​രെ​പ്പോ​ലെ​തന്നെ തങ്ങളും “മനുഷ്യർക്കു​വേ​ണ്ടി​യല്ല, യഹോ​വ​യ്‌ക്കു​വേ​ണ്ടി​യാ​ണു ന്യായ​വി​ധി നടത്തു​ന്നത്‌” എന്ന്‌ അവർ തിരി​ച്ച​റി​യു​ന്നു.—2 ദിന. 19:6, 7.

15. മുമ്പെ​ന്ന​ത്തെ​ക്കാൾ അധിക​മാ​യി ഇപ്പോൾ യഹോവ തരുന്ന നിർദേ​ശങ്ങൾ സ്വീക​രി​ക്കാൻ നമ്മൾ തയ്യാറാ​കേ​ണ്ടത്‌ എന്തു​കൊ​ണ്ടാണ്‌?

¹⁵ ഈ ദുഷ്ട​ലോ​ക​ത്തി​ന്റെ നാശം തൊട്ട​ടുത്ത്‌ എത്തിയി​രി​ക്കു​ക​യാണ്‌. അതു​കൊണ്ട്‌ യഹോവ കാര്യങ്ങൾ ചെയ്യുന്ന രീതി​യാണ്‌ ഏറ്റവും ശരിയാ​യ​തെന്ന ബോധ്യം മുമ്പെ​ന്ന​ത്തെ​ക്കാൾ അധിക​മാ​യി നമുക്ക്‌ ഇപ്പോൾ ഉണ്ടായി​രി​ക്കണം. മഹാക​ഷ്ട​ത​യു​ടെ സമയത്ത്‌ നമുക്ക്‌ ഒരുപാ​ടു നിർദേ​ശങ്ങൾ കിട്ടി​യേ​ക്കാം. അവയിൽ പലതും മനസ്സി​ലാ​ക്കാൻ ബുദ്ധി​മു​ട്ടു​ള്ള​വ​യോ വിചി​ത്ര​മോ ആയി നമുക്കു തോന്നാം. എന്തായാ​ലും യഹോവ നേരിട്ട്‌ നമ്മളോ​ടു സംസാ​രി​ക്കില്ല. നമുക്കു നിർദേ​ശങ്ങൾ കിട്ടു​ന്നത്‌ യഹോവ നിയമി​ച്ചി​രി​ക്കുന്ന പ്രതി​നി​ധി​ക​ളി​ലൂ​ടെ​യാ​യി​രി​ക്കും. ആ സമയത്ത്‌ അവർ പറയുന്ന കാര്യ​ങ്ങളെ സംശയി​ക്കു​ന്നത്‌, ‘ഇതു ശരിക്കും യഹോ​വ​യിൽനി​ന്നാ​ണോ അതോ ഉത്തരവാ​ദി​ത്ത​പ്പെട്ട സഹോ​ദ​ര​ന്മാർ അവരുടെ സ്വന്തം ഇഷ്ടപ്ര​കാ​രം തരുന്ന നിർദേ​ശ​ങ്ങ​ളാ​ണോ’ എന്നു ചിന്തി​ക്കു​ന്നത്‌, മണ്ടത്തര​മാ​യി​രി​ക്കും. മനുഷ്യ​ച​രി​ത്ര​ത്തി​ലെ ആ നിർണാ​യ​ക​സ​മ​യത്ത്‌ നമ്മൾ യഹോ​വ​യി​ലും യഹോ​വ​യു​ടെ സംഘട​ന​യി​ലും വിശ്വാ​സ​മർപ്പി​ക്കാൻ തയ്യാറാ​കു​മോ? അതിന്റെ ഉത്തരം അറിയാൻ ഇന്നു ദൈവ​ത്തി​ന്റെ പ്രതി​നി​ധി​കൾ തരുന്ന നിർദേ​ശ​ങ്ങളെ നമ്മൾ എങ്ങനെ കാണു​ന്നെന്നു നോക്കി​യാൽ മതി. ഇന്നു കിട്ടുന്ന നിർദേ​ശ​ങ്ങളെ യഹോ​വ​യിൽനി​ന്നു​ള്ള​താ​യി കരുതാ​നും അനുസ​രി​ക്കാ​നും നമ്മൾ തയ്യാറാ​കു​ന്നെ​ങ്കിൽ മഹാക​ഷ്ട​ത​യു​ടെ സമയത്തും സാധ്യ​ത​യ​നു​സ​രിച്ച്‌ നമ്മൾ അതുതന്നെ ചെയ്യും.—ലൂക്കോ. 16:10.

16. യഹോവ എടുക്കുന്ന തീരു​മാ​ന​ങ്ങ​ളി​ലുള്ള നമ്മുടെ വിശ്വാ​സം പെട്ടെ​ന്നു​തന്നെ എങ്ങനെ പരി​ശോ​ധി​ക്ക​പ്പെ​ട്ടേ​ക്കാം?

¹⁶ ഈ ദുഷ്ട​ലോ​കത്തെ നശിപ്പി​ക്കുന്ന സമയത്ത്‌ യഹോവ എടുക്കുന്ന തീരു​മാ​ന​ങ്ങ​ളോ​ടു നമ്മൾ എങ്ങനെ പ്രതി​ക​രി​ക്കു​മെന്നു ചിന്തി​ക്കു​ന്ന​തും പ്രധാ​ന​മാണ്‌. നമ്മുടെ ബന്ധുക്കൾ ഉൾപ്പെടെ ഇന്ന്‌ യഹോ​വയെ ആരാധി​ക്കാത്ത പലരും ആ നാശത്തി​നു മുമ്പായി യഹോ​വയെ ആരാധി​ക്കാൻ തയ്യാറാ​കു​മെന്ന പ്രതീ​ക്ഷ​യാ​ണു നമുക്കു​ള്ളത്‌. എന്നാൽ അർമ​ഗെ​ദോൻ യുദ്ധത്തി​ന്റെ സമയത്ത്‌ യഹോവ യേശു​വി​നെ ഉപയോ​ഗിച്ച്‌ ഓരോ വ്യക്തി​യു​ടെ​യും കാര്യ​ത്തിൽ ഒരു അന്തിമ തീരു​മാ​ന​മെ​ടു​ക്കും. (മത്താ. 25:31-33; 2 തെസ്സ. 1:7-9) ആരോ​ടൊ​ക്കെ കരുണ കാണി​ക്കണം, കാണി​ക്കേണ്ടാ എന്നു തീരു​മാ​നി​ക്കു​ന്നത്‌ യഹോ​വ​യാണ്‌. അതു നമ്മൾ വിചാ​രി​ക്കു​ന്ന​തു​പോ​ലെ ആയിരി​ക്ക​ണ​മെ​ന്നില്ല. (മത്താ. 25:34, 41, 46) അന്ന്‌ യഹോവ എടുക്കുന്ന ആ തീരു​മാ​ന​ങ്ങളെ നമ്മൾ മനസ്സോ​ടെ പിന്തു​ണ​യ്‌ക്കു​മോ? അതോ തീരു​മാ​നം ശരിയാ​യി​ല്ലെന്നു പറഞ്ഞ്‌ യഹോ​വയെ സേവി​ക്കു​ന്നതു നിറു​ത്തി​ക്ക​ള​യു​മോ? യഹോവ കാര്യങ്ങൾ ചെയ്യുന്ന വിധമാ​ണു ശരിയെന്ന ബോധ്യം നമ്മൾ ഇപ്പോൾ ശരിക്കും ശക്തി​പ്പെ​ടു​ത്തേ​ണ്ട​തുണ്ട്‌. എങ്കിൽ മാത്രമേ ഭാവി​യിൽ യഹോവ എടുക്കുന്ന തീരു​മാ​ന​ങ്ങളെ പൂർണ​മാ​യും വിശ്വ​സി​ക്കാൻ നമുക്കു കഴിയു​ക​യു​ള്ളൂ.

17. ഈ ദുഷ്ട​ലോ​കത്തെ നശിപ്പി​ക്കുന്ന സമയത്ത്‌ യഹോവ എടുക്കുന്ന തീരു​മാ​നങ്ങൾ നമുക്ക്‌ എങ്ങനെ​യെ​ല്ലാം പ്രയോ​ജനം ചെയ്യും?

¹⁷ ഈ ദുഷ്ടവ്യ​വ​സ്ഥി​തി​യെ നശിപ്പി​ക്കുന്ന സമയത്ത്‌ യഹോവ എടുത്ത തീരു​മാ​ന​ങ്ങ​ളു​ടെ നല്ല ഫലങ്ങൾ ദൈവ​ത്തി​ന്റെ പുതിയ ലോക​ത്തിൽ നമുക്കു കാണാ​നാ​കും: അന്നു വ്യാജ​മ​തങ്ങൾ ഉണ്ടായി​രി​ക്കില്ല. അത്യാ​ഗ്ര​ഹി​ക​ളായ വ്യവസാ​യ​ലോ​ക​വും ഇക്കാല​മ​ത്ര​യും ആളുകളെ അടിച്ച​മർത്തു​ക​യും അവരുടെ ജീവിതം ദുരി​ത​പൂർണ​മാ​ക്കു​ക​യും ചെയ്‌ത രാഷ്‌ട്രീ​യ​വ്യ​വ​സ്ഥി​തി​യും പൊയ്‌പോ​യി​രി​ക്കും. ആരോ​ഗ്യ​പ്ര​ശ്‌ന​ങ്ങ​ളോ പ്രായ​ത്തി​ന്റെ ബുദ്ധി​മു​ട്ടു​ക​ളോ ആർക്കു​മു​ണ്ടാ​കില്ല. പ്രിയ​പ്പെ​ട്ട​വരെ നമുക്കു മരണത്തിൽ നഷ്ടപ്പെ​ടില്ല. ആയിരം വർഷ​ത്തേക്കു സാത്താ​നെ​യും ഭൂതങ്ങ​ളെ​യും അടച്ചു​പൂ​ട്ടും. അവർ ദൈവത്തെ ധിക്കരി​ച്ച​തി​ന്റെ ഫലമാ​യു​ണ്ടായ എല്ലാ പ്രശ്‌ന​ങ്ങ​ളും ഇല്ലാതാ​കും. (വെളി. 20:2, 3) യഹോവ കാര്യങ്ങൾ ചെയ്യുന്ന രീതി​യിൽ വിശ്വാ​സം അർപ്പി​ച്ചത്‌ എത്ര നന്നാ​യെന്ന്‌ അപ്പോൾ നമുക്കു മനസ്സി​ലാ​കും! അന്നു നമുക്കു​ണ്ടാ​കുന്ന സന്തോ​ഷ​ത്തെ​ക്കു​റിച്ച്‌ ഒന്ന്‌ ഓർത്തു​നോ​ക്കൂ!

18. ഇസ്രാ​യേ​ല്യ​രിൽനിന്ന്‌ നമുക്ക്‌ എന്തു പഠിക്കാം? (സംഖ്യ 11:4-6; 21:5)

¹⁸ യഹോവ കാര്യങ്ങൾ ചെയ്യുന്ന വിധത്തി​ലുള്ള നമ്മുടെ വിശ്വാ​സത്തെ പരി​ശോ​ധി​ച്ചേ​ക്കാ​വുന്ന സാഹച​ര്യ​ങ്ങൾ പുതിയ ലോക​ത്തി​ലും ഉണ്ടാ​യേ​ക്കു​മോ? ഉദാഹ​ര​ണ​ത്തിന്‌ ഈജി​പ്‌തി​ലെ അടിമ​ത്ത​ത്തിൽനിന്ന്‌ സ്വത​ന്ത്ര​രായ ഇസ്രാ​യേ​ല്യ​രു​ടെ കാര്യ​ത്തിൽ സംഭവി​ച്ചത്‌ എന്താ​ണെന്നു നോക്കുക. അവി​ടെ​നിന്ന്‌ പോന്ന ഉടനെ​തന്നെ അവർ പരാതി പറയാൻതു​ടങ്ങി. ഈജി​പ്‌തിൽ ഉണ്ടായി​രു​ന്ന​തു​പോ​ലുള്ള നല്ലനല്ല ഭക്ഷണങ്ങൾ കിട്ടാ​ത്ത​തി​ന്റെ പേരിൽ അവർ കുറ്റം പറഞ്ഞു. യഹോവ നൽകിയ മന്നയെ അറപ്പു​ള​വാ​ക്കുന്ന ഭക്ഷണമാ​യി അവർ കണ്ടു. (സംഖ്യ 11:4-6; 21:5 വായി​ക്കുക.) മഹാക​ഷ്ട​ത​യൊ​ക്കെ തീർന്നു​ക​ഴി​യു​മ്പോൾ അത്തരത്തി​ലുള്ള ചിന്തകൾ നമുക്കു​മു​ണ്ടാ​കു​മോ? നാശത്തി​നു ശേഷം എല്ലാ​മൊ​ക്കെ ഒന്നു വൃത്തി​യാ​ക്കി ഭൂമിയെ പതിയെ ഒരു പറുദീ​സ​യാ​ക്കി മാറ്റാൻ എത്രമാ​ത്രം പണി​യെ​ടു​ക്കേ​ണ്ടി​വ​രു​മെന്നു നമുക്ക്‌ അറിയില്ല. സാധ്യ​ത​യ​നു​സ​രിച്ച്‌ ഒരുപാ​ടു പണികാ​ണും. തുടക്ക​ത്തിൽ പല അസൗക​ര്യ​ങ്ങ​ളും നേരി​ട്ടേ​ക്കാം. അന്ന്‌ യഹോവ നമുക്കു​വേണ്ടി ചെയ്യുന്ന കാര്യ​ങ്ങ​ളെ​ക്കു​റിച്ച്‌ നമ്മൾ പരാതി പറയു​മോ? ഒരു കാര്യം ഉറപ്പാണ്‌: യഹോവ നമുക്കു ചെയ്‌തു​ത​രുന്ന കാര്യ​ങ്ങ​ളെ​ക്കു​റിച്ച്‌ ഇപ്പോൾ നന്ദിയു​ള്ള​വ​രാ​ണെ​ങ്കിൽ അന്നു നമ്മൾ കൂടുതൽ നന്ദിയു​ള്ള​വ​രാ​യി​രി​ക്കും.

19. ഈ ലേഖന​ത്തി​ലൂ​ടെ നമ്മൾ എന്താണു പഠിച്ചത്‌?

¹⁹ ഏറ്റവും ശരിയായ രീതി​യി​ലാണ്‌ യഹോവ എപ്പോ​ഴും കാര്യങ്ങൾ ചെയ്യു​ന്നത്‌. അക്കാര്യ​ത്തിൽ നമുക്ക്‌ ഉറച്ച ബോധ്യ​മു​ണ്ടാ​യി​രി​ക്കണം. യഹോ​വ​യു​ടെ നിർദേ​ശ​ങ്ങൾക്ക​നു​സ​രിച്ച്‌ കാര്യങ്ങൾ ചെയ്യാൻവേണ്ടി യഹോവ നിയമി​ച്ചി​രി​ക്കു​ന്ന​വ​രി​ലും നമുക്കു വിശ്വാ​സം വേണം. യശയ്യ പ്രവാ​ച​ക​നി​ലൂ​ടെ യഹോവ പറഞ്ഞ വാക്കുകൾ നമുക്ക്‌ എപ്പോ​ഴും മനസ്സിൽപ്പി​ടി​ക്കാം: “ശാന്തരാ​യി​രുന്ന്‌ എന്നിൽ ആശ്രയി​ക്കുക; അതാണു നിങ്ങളു​ടെ ബലം.”—യശ. 30:15.