Tavá tiempo ña̱ sakúaʼún xa̱ʼa̱ Ndióxi̱

Tá ná taváún tiempo ña̱ sakúaʼún xa̱ʼa̱ Ndióxi̱, kusi̱íní-iniún saáchi na̱ʼún ña̱ ndákuniún ña̱ xíniñúʼún Ndióxi̱. Koto ndáaña ni̱ka̱ʼa̱n ta̱ Jesús xa̱ʼa̱ ña̱yóʼo.

Ña̱ ni̱ka̱ʼa̱n ta̱ Jesús

“Si̱íní íyo na̱ kúnda̱a̱-ini ña̱ xíniñúʼuna Ndióxi̱” (Mateo 5:3).

• Ña̱ va̱ʼa kusi̱í-iniyó, xíniñúʼu kunda̱a̱-iniyó xa̱ʼa̱ sava ña̱ ndáka̱tu̱ʼunyó miíyó, tá kúú ña̱yóʼo: ¿nda̱chun tákuyó?, ¿nda̱chun xóʼvi̱ ku̱a̱ʼání na̱ yiví? á ¿ndáaña ndóʼoyó tá xíʼi̱yó?

“Su̱ví si̱ta̱váʼa kuití kúú ña̱ taxi kutaku na̱ yiví chi xíniñúʼu kuniso̱ʼona ndiʼi ña̱ káʼa̱n Jehová”a (Mateo 4:4).

• Nda̱a̱ táki̱ʼva xíniñúʼu kuxuyó ña̱ va̱ʼa kutakuyó saátu xíniñúʼu sakúaʼayó xa̱ʼa̱ Ndióxi̱. ¿Ta ndáa ki̱ʼva keʼéyó ña̱yóʼo? Ta̱ Jesús ni̱ka̱ʼa̱nra ña̱ xíniñúʼu taxiyó kuniʼi Ndióxi̱ yichi̱ nu̱úyó.

“Tu̱ʼún ña̱ nda̱a̱ kúúña” (Juan 17:17).

• Ta̱ Jesús sa̱náʼa̱ra ña̱ ta̱xi Ndióxi̱ tu̱ʼunra ndaʼa̱yó ña̱ va̱ʼa sakúaʼayó xa̱ʼa̱ra.

Tá ndixa kúni̱ún si̱í koún, xíniñúʼu sakúaʼún xa̱ʼa̱ Ndióxi̱ ta taváún tiempo ña̱ kaʼviún Biblia. Kivi keʼún ña̱yóʼo:

• Kaʼvi Biblia ta va̱ása chaʼviún.

• Ndukú ña̱ ná sanáʼa̱na yóʼó xa̱ʼa̱ Biblia ta va̱ása chaʼviún xa̱ʼa̱ña.