“Kuniso̱ʼondó ka̱ʼa̱nna xa̱ʼa̱ guerra”

“Xa̱a̱ ki̱ʼva 60 ku̱i̱ya̱ kúi̱ periodista, ta xa̱a̱ yáʼaka 40 guerra ña̱ kúu iníísaá ñuyǐví xa̱a̱ káʼi̱n xa̱ʼa̱. Xi̱toi̱ ndáa ki̱ʼva ndeéní ka̱nitáʼan ñuu Estados Unidos xíʼin ñuu Unión Soviética, ta saátu xi̱toi̱ ndáa ki̱ʼva ndi̱ʼi guerra yóʼo. Soo nda̱a̱ ni iin yichi̱ táʼa̱n kunii̱ ña̱ ku̱u ku̱i̱ya̱ 2025, saáchi ku̱a̱ʼání guerra ku̱u ku̱i̱ya̱ yóʼo. Ta xa̱ʼa̱ ña̱yóʼo kivi kuu iin ña̱ táʼa̱n kuniyó, ña̱ iin guerra yóʼo kivi nasamaña política ña̱ ku̱a̱ʼání país” (ta̱ John Simpson, editor de asuntos globales de la BBC; negritas nuestras).

Ku̱a̱ʼání na̱ yiví ndíʼi̱-inina xa̱ʼa̱ ndiʼi guerra ña̱ kúu iníísaá ñuyǐví, ta ku̱a̱ʼání na̱yóʼo kúni̱na kunda̱a̱-inina á kixaa̱ iin ki̱vi̱ ña̱ kǒoka guerra koo. ¿Ndáaña sa̱náʼa̱ ta̱ Jesús?

Ña̱ sa̱náʼa̱ ta̱ Jesús

Ta̱ Jesús xa̱a̱ ni̱ka̱ʼa̱nra xa̱ʼa̱ ña̱ kúu tiempo vitin. Ña̱yóʼo ni̱ka̱ʼa̱nra xíʼin na̱ discípulora: “Kuniso̱ʼondó ka̱ʼa̱nna xa̱ʼa̱ guerra” (Mateo 24:6).

Tá xíyo guerra á inkaka tu̱ndóʼo sándi̱ʼi̱níña-iniyó, soo ña̱ ndátuyó ndakiʼinyó chí nu̱únínu va̱ʼaní sándi̱koña-iniyó. ¿Nda̱chun káʼa̱nyó ña̱yóʼo? Chi ta̱ Jesús ni̱ka̱ʼa̱nra xa̱ʼa̱ “iin señal” ña̱ xa̱a̱ ndóoyó ki̱vi̱ nu̱ú ndíʼi á “ña̱ xa̱a̱ ku̱yatin ndiʼi-xa̱ʼa̱ ñuyǐví yóʼo”. Ndiʼi guerra ña̱ xa̱a̱ kúu xíʼin inkaka tu̱ndóʼo ta saátu ki̱ʼva ña̱ íyo na̱ yiví, náʼa̱ña nu̱úyó ña̱ xa̱a̱ ndóoyó ki̱vi̱ nu̱ú ndíʼi (Mateo 24:3; Lucas 21:7). Ña̱yóʼo kúni̱ kachiña ña̱ chí nu̱únínu ndíʼi-xa̱ʼa̱ ndiʼi guerra, ta ta̱ Jesús kúú ta̱ sandíʼi-xa̱ʼa̱ña. ¿Ndáa ki̱ʼva keʼéraña?

Ña̱ keʼé ta̱ Jesús chí nu̱únínu

Ta̱ Jesús kúú Rey ti̱xin Reino Ndióxi̱, ta si̱lóʼo kúma̱ní ta “sándiʼi-xa̱ʼa̱ra ku̱a̱chi iníísaá nu̱ú ñuʼú yóʼo” (Salmo 46:9).

Tá kúni̱ún kunda̱a̱ka-iniún xa̱ʼa̱ ndáa ki̱ʼva kooyó chí nu̱únínu ta ná kǒoka ku̱a̱chi koo, kivi kaʼviún artículo ña̱ naní “Un mundo sin guerras y sin conflictos armados es posible”.