¿Á ndixa tu̱ʼun Ndióxi̱ kúú ña̱ va̱xi nu̱ú Biblia?

Ña̱ káʼa̱n Biblia xa̱ʼa̱ ña̱yóʼo

Ku̱a̱ʼání na̱ ka̱ʼyi Biblia ni̱ka̱ʼa̱n káxina ña̱ mií Ndióxi̱ kúú ta̱ ni̱ka̱ʼa̱n xíʼinna ndáaña kaʼyiña. Koto ndáaña ni̱ka̱ʼa̱n sava na̱yóʼo:

• Ta̱ rey David ni̱ka̱ʼa̱nra ña̱yóʼo: “Jehová ta̱xira ndee̱ra ndaʼíi̱ ña̱ va̱ʼa ka̱ʼi̱n xa̱ʼa̱ ña̱ kúni̱ra; tu̱ʼunra ni̱xi̱yoña nu̱ú yáíi̱” (2 Samuel 23:1, 2).

• Ta̱ profeta Isaías ni̱ka̱ʼa̱nra ña̱yóʼo: “Ña̱yóʼo kúú ña̱ káʼa̱n táta káʼnu Jehová ta̱ xáʼndachíñu nu̱ú na̱ ángel” (Isaías 22:15).

• Ta̱ apóstol Juan ni̱ka̱ʼa̱nra ña̱yóʼo: “Ña̱yóʼo kúú ña̱ ni̱ka̱ʼa̱n ta̱ Jesucristo xa̱ʼa̱. Ndióxi̱ ni̱na̱ʼa̱ra nu̱ú ta̱ Jesús ña̱ xa̱a̱ ku̱nu̱mí kuu” (Apocalipsis 1:1).