¿Á Jesús naní Ndióxi̱?

Ña̱ káʼa̱n Biblia xa̱ʼa̱ ña̱yóʼo

Ta̱ Jesús ni̱ka̱ʼa̱n káxira ña̱ kúúra “se̱ʼe Ndióxi̱” (Juan 10:36; 11:4). Ni iin yichi̱ kǒo ni̱ka̱ʼa̱nra ña̱ kúúra Ndióxi̱ ta̱ kúúmií ndiʼi ndee̱.

Mií ta̱ Jesús ke̱ʼéra oración nu̱ú Ndióxi̱ (Mateo 26:39). Tá sa̱náʼa̱ ta̱ Jesús na̱ discípulora ndáa ki̱ʼva ka̱ʼa̱nna xíʼin Ndióxi̱, ka̱chira: “Yivándi̱ ta̱ íyo chí ndiví, ná nduyi̱i̱ ki̱vi̱ún” (Mateo 6:9).

Ta̱ Jesús sa̱náʼa̱ra na̱ yiví xa̱ʼa̱ ki̱vi̱ Ndióxi̱. Iin yichi̱ ni̱ka̱ʼa̱nra xa̱ʼa̱ iin ña̱ va̱xi nu̱ú tu̱ʼun Ndióxi̱ ña̱ ni̱ka̱ʼyi̱ xi̱naʼá, ta ka̱chira: “Ndóʼó na̱ ñuu Israel kuniso̱ʼondó, Jehová Ndióxi̱yó iinlá Jehová kúúra” (Marcos 12:29; Deuteronomio 6:4).