Salmu

Mmwiipele Yehova ncipo nvyaani;

Mmucicimihe yoowo mmuloko wa achu oororomeleya.

 2 Isarayeli ohakalale ni Mutokweenexa Oopanke;

Anamwane a Siyoni ehakalale ni Mwene aya.

 3 Awo ecicimihe nsina nawe yiinaka

Nave emwiipele macipo oocicimiha,* echarihelaka ni ekoma vamoha ni chakare.

 4 Tiwi Yehova onnahakalala ni achu awe,

Onnaareeliha awiichacala nnivuluxo.

 5 Oororomeleya ehakalale mu ovuwa,

Ekhuwele moohakalala mu ikaama saya.

 6 Mu iyano saya okhalemo macipo oomucicimihano Muluku

Nave mu ntata naya okhalemo nlema naweetha wu ni wu,

 7 Wi awo yinlele ikuhu maloko,

Awo anahaala waalaka achu.

 8 Wi yaamake mamwene aya ni ikurenti

Nave achu aya oocicimiheya ni a alixeema,

 9 Wi epharihele othoriha orempwe vooloca sa yaawo.