Salmu

150 Mmucicimihe Yehova!*

Mmucicimihe Muluku mu nipuro nawe naweela.

Mmucicimihe yoowo wirimu, weiwo onooniheryawo* ikuru sawe.

 2 Mmucicimihe yoowo wa nthowa na miteko sawe soowerya.

Mmucicimihe yoowo wa nthowa na otokweene awe woopwahaxa.

 3 Mmucicimihe yoowo ni oruma wa nipenka.

Mmucicimihe yoowo ni ekaruma ya mikoi vamoha ni chakare.

 4 Mmucicimihe yoowo ni ekoma vamoha ni miinelo a wiirukurerya.

Mmucicimihe yoowo ni mikoi vamoha ni namviiro.

 5 Mmucicimihe yoowo ni apankwe ooruma.

Mmucicimihe yoowo ni apankwe oorumaxa.

 6 Soothene sinamumula simucicimihe Yehova.

Mmucicimihe Yehova!*