Makoho a Omuhuserya Liivuru Aka a Myaha sa Piipiliya

Mwaha 1

Muluku Onnapacerya Opatuxa Ichu

 1. Mano ichu soothene saphaama sinarweela woowi? Romolani emoha.

 2. Mano tiheeni yeeyo Muluku aapacenryeiye opatuxa?

 3. Ntakhara heeni mungelo oopacerya aareiye a va mekheiye?

 4. Thorihani mummo elapo yavathi yaakhalenlaaya omapacereryo. (Vareryani va eruku ela.)

 5. Mano ti mwawiihayi mummo Muluku arehenryenleiye elapo yavathi ntakhara wa axinama ni achu?

Makoho awaacereryeya:

 1. Mwaalakhanyeni Yeremiya 10:12.

Makhalelo taani a Muluku anooneya mu sopatuxiwa sawe? (Yes. 40:26; aRom. 11:33)

 2. Mwaalakhanyeni aKolose 1:15-17.

Ipatuxiwaka ichu Yesu amukhavihenrye Muluku mwawiihayi, nave mwawihiihaa nnahaala omoona hayi? (aKol. 1:15-17)

 3. Mwaalakhanyeni Mapacereryo 1:1-10.

(a) Mano elapo yavathi yaakhanlevo mwawiihayi? (Map. 1:1)

(b) Tiheeni yeeyo yeeren’ye mu nihiku noopacerya opatuxa? (Map. 1:3-5)

(c) Thorihani yeeyo yeeren’ye mu nihiku nanaawiili na opatuxa. (Map. 1:7, 8)

Mwaha 2

Emaca Yooreera

 1. Mano tiheeni yeeyo Muluku aapankeiye wi areherye elapo okhala vaate vahu?

 2. Thorihani ohiyana-hiyana otokotoko wa inama seiyo Muluku apatunxeiye? (Vareryani va eruku ela.)

 3. Mano nthowa taani emaca ya Eeteni yaaryaya nipuro na vamekhaayaxa?

 4. Tiheeni yeeyo Muluku achunneiye wi yeereye mu elapo yoothene yavathi?

Makoho awaacereryeya:

 1. Mwaalakhanyeni Mapacereryo 1:11-25.

(a) Muluku aapatunxe eheeni mu nihiku naneeraru na opatuxa? (Map. 1:12)

(b) Tiheeni yeeyo yeeren’ye mu nihiku naneexexe na opatuxa? (Map. 1:16)

(c) Mano miloko taani sa axinama Muluku aapatunxeiye mu nihiku naneethanu, ni mu nihiku naneethanu nammoha? (Map. 1:20, 21, 25)

 2. Mwaalakhanyeni Mapacereryo 2:8, 9.

Mano miri taani miili sa vamekhaaya seiyo Muluku akunheiye mu emaca yooreera eyo nave saataphulela eheeni?

Mwaha 3

Mulopwana ni Muthiyana Oopacerya

 1. Mano tiheeni eri yoohiyana va eruku ya Mwaha 3 ni eruku ya Mwaha  2?

 2. Taani ompatunxe mulopwana oopacerya nave aamuchunwe nsina taani?

 3. Muteko taani Muluku amwiyathenryeiye Aatamu?

 4. Ntakhara heeni Muluku aamurupinheiye Aatamu ikhove sawiixeelaxa?

 5. Aatamu ni Haava yaahaala okhala ni okumi mu elukuluku yoorekama mwawiihayi, nave Yehova aachunne wi ephareke muteko taani?

Makoho awaacereryeya:

 1. Mwaalakhanyeni Salumu 83:18.

Mano nsina na Muluku taani, nave nipuro taani oneemeleleiye yooworu mu elapo yoothene yavathi? (Yer. 16:21; Dan. 4:17)

 2. Mwaalakhanyeni Mapacereryo 1:26-31.

(a) Tiheeni yaakuchulenle mu soopatuxiwa sa Muluku mu nihiku naneethanu nammoha nave yoopatuxiweene yeeyo yaahiyanne mwawiihayi ni axinama? (Map. 1:26)

(b) Tiheeni yeeyo Yehova aavanheiye ntakhara wa achu ni axinama? (Map. 1:30)

 3. Mwaalakhanyeni Mapacereryo 2:7-25.

(a) Muteko wa Aatamu woochuwa masina axinama waaphitanyenrye ni eheeni? (Map. 2:19)

(b) Masu a Mapacereryo (Genesis) 2:24 ananikhaviherya mwawiihayi wiiwexexa moonelo a Yehova vooloca sa othela, omwalamwala ni omwalana? (Mat. 19:4-6, 9)

Mwaha 4

Nthowa Nene Yarimeeliwaaya Vaate Vaya

 1. Va eruku ela tiheeni yeeyo eneereya wa Aatamu ni Haava?

 2. Ntakhara heeni Yehova aahalaka yaawo?

 3. Tiheeni yeeyo enowa yaaloncaya wa Haava?

 4. Taani eerinhe wi enowa eloce ni Haava?

 5. Ntakhara heeni Aatamu ni Haava yaarimeeliwaya vaate vaya va Paradaiso?

Makoho awaacereryeya:

 1. Mwaalakhanyeni Mapacereryo 2:16, 17 ni 3:1-13, 24.

(a) Ti mwawiihayi nikoho na enowa wa Haava nahiruha mupuwelo woonanara vooloca sa Yehova? (Map. 3:1-5; 1 Yoh. 5:3)

(b) Ti mwawiihayi Haava ori yootakiherya yoonlopola hiyo? (aFil. 4:8; Yak. 1:14, 15; 1 Yoh. 2:16)

(c) Ti mwawiihayi Aatamu ni Haava yaahihiya okhapelela mirichaaya mu saweera saya? (Map. 3:12, 13)

(d) Mano axinama a muuphelo (aKerubi) yaawo yeemenle onakhumawo nsuwa wa emaca ya Eeteni, anakhaviherya mwawiihayi olamulela otokotoko wa Yehova? (Map. 3:24)

 2. Mwaalakhanyeni Yawupulula 12:9.

Satana onnawerya wahuweliha achu mu epoma ya Muluku? Mwawiihayi? (1 Yoh. 5:19)

Mwaha 5

Okumi Woovila Onnapacerya

 1. Okumi wa Aatamu ni Haava waari wawiihayi, vaavaa yaakumihiwaaya mu emaca ya Eeteni?

 2. Mano tiheeni yeeyo yaapacenrye oweerela Aatamu ni Haava? Ntakhara heeni?

 3. Nthowa taani anamwane a Aatamu ni Haava yahaala wuluvalaka ni okhwa?

 4. Waakhanle wi Aatamu ni Haava yaamwiiwelela Yehova okumaaya ni wa anamwanaaya wahaala okhala wawiihayi?

 5. Nthowa taani ohiiwelela wa Haava waahimuruhela yawiichela?

 6. Anamwane eeli oopacerya a Aatamu ni Haava yiichaniwa taani?

 7. Hanka asinamwane akineene yaawo ari va erukuni ela taani?

Makoho awaacereryeya:

 1. Mwaalakhanyeni Mapacereryo 3:16-23 ni 4:1, 2.

(a) Ti mwawiihayi wuulumeliwa wa echaya waaphiyenryaaya onvolowela Aatamu? (Map. 3:17-19; aRom. 8:20, 22)

(b) Ntakhara heeni nsina na Haava nari noophwanelela, nenno nintaphulela “akumi”? (Map. 3:20)

(c) Ti mwawiihayi mummo Yehova oonihenryeiye nchichimiho wa Aatamu ni Haava nari echenke? (Map. 3:7, 21)

 2. Mwaalakhanyeni Yawupulula 21:3, 4.

Ichu “sopacerya” taani hiiho nyuwano munachunanyu wi simaalihiwe ihikhalevotho?

Mwaha 6

Mwaana Mmoha Ooreera Murima ni Mukina Oonanara Murima

 1. Miteko taani Kayine ni Haavele yaathanlalaaya?

 2. Yoovelela taani yeeyo Kayine ni Haavele, ananvahaaya Yehova?

 3. Nthowa taani Yehova aahisiveliwa ni yoovelela yamahala ya Haavele, navetho haasiveliwe ni yoovelela yamahala ya Kayine?

 4. Kayine muchu awiihayi, nave tiheeni Yehova eenreiye wi amookole?

 5. Tiheeni yeeyo Kayine eenreiye vaavaa aareiye omaca mekhaiye ni munnawe?

 6. Thorihani yeeyo yeeren’ye ni Kayine vachuli va omwiipha munnawe?

Makoho awaacereryeya:

 1. Mwaalakhanyeni Mapacereryo 4:2-26.

(a) Yehova aathorihale mwawiihayi mukhalelo wawoopiha yoowo Kayine areiyeno? (Map. 4:7)

(b) Kayine ooniheenrye mwawiihayi yeeyo areiyeno nmurimani mwawe? (Map. 4:9)

(c) Mano Yehova onoona mwawiihayi sa ooyeha nikhami na muchu ohiino nthowa? (Map. 4:10; Yes. 26:21)

 2. Mwaalakhanyeni 1 Yohane 3:11, 12.

(a) Ntakhara heeni Kayine aananariwaxa nave ti mwawiihayi ekhanlaaya yoonlopola hiyo olelo? (Map. 4:4, 5; Masi. 14:30; 28:22)

(b) Piipiliya onooniherya mwawiihayi, wi nari mwi achu oothene mu echokwaahu yamukhocha Yehova, hiyo nnanweerya opwahiherya okhala oophameya? (Masi. 27:10; Mat. 10:21, 22)

 3. Mwaalakhanyeni Yohane 11:25.

Yochichimiherya taani Yehova onaavaheiye oothene yaawo anakhwa va nthowa na ekhaikhai? (Yoh. 5:24)

Mwaha 7

Muchu Mmoha Oolipa Murima

 1. Mano Henoke aari oohiyana mwawiihayi?

 2. Mmahiku a Henoke ntakhara heeni achu yaanera ichu sonanara sincipale?

 3. Ichu taani soonanara achu yeeraaya? (Vareryani va eruku ela.)

 4. Ntakhara heeni Henoke aanaphwanela wi akhale olipa murima?

 5. Achu a elukuluku yeele yaakhala ni okumi mu iyaakha hayi, nave Henoke aakhanle ni okumi iyaakha hayi?

 6. Tiheeni yeeren’ye vachuli va okhwa wa Henoke?

Makoho awaacereryeya:

 1. Mwaalakhanyeni Mapacereryo 5:21-24, 27.

(a) Watana wa Henoke ni Yehova waari wawiihayi? (Map. 5:24)

(b) Mopharihana ni Piipiliya muchu aakhanle ni okumi mu elukuluku yoorekamaxa taani nave akhwaaka aarino iyaakha hayi? (Map. 5:27)

 2. Mwaalakhanyeni Mapacereryo 6:5.

Vachuli va okhwa wa Henoke, onanara waaphiyenrye woowi nki veelaponi yavathi? Mano enaphwanaphwana hayi ni mahikwaahu? (2 Tim. 3:13)

 3. Mwaalakhanyeni aHebri 11:5.

Mano mukhalelo taani wa Henoke “onamuhakalaliha Muluku” nave aaphunre eheeni? (Map. 5:22)

 4. Mwaalakhanyeni Yuda 14, 15.

AKristu amutano yawalopolaka achu vooloca sa ekhoco ya Harmagedo, enahaala weereya muhoolo, anaphwanela otakiherya hayi olipa murima wa Henoke? (2 Tim. 4:2; aHeb. 13:16)

Mwaha 8

Anakuru Veelaponi

 1. Tiheeni yeeren’ye vaavaa angelo akina a Muluku yamwiiwelenlaya Satana?

 2. Ntakhara heeni angelo akina yahiihiya mutekwaaya wirimu nave erwa va elapo yavathi?

 3. Ntakhara heeni yaari yoonanara wi angelo erwe veelaponi yavathi, nave yipakela mwiili wa achu wa yaawo meekhaya?

 4. Tiheeni yaari yohiyana wa anamwane a angelo?

 5. Ntoko nyuwo munoonanyu va eruku ela tiheeni yeeyo anamwane a angelo yeeraaya, vaavaa yaakhanlaaya anakuru?

 6. Vachuli va Henoke, taani aari muchu aphaama akhanle ni okumi veelaponi yavathi, nave ntakhara heeni Muluku aanasiveliwa ni yoowo?

Makoho awaacereryeya:

 1. Mwaalakhanyeni Mapacereryo 6:1-8.

Moopharihana ni Mapacereryo (Genesis) 6:6, Yehova onkhala hayi avareryaka makhalelo ahu? (Sal. 78:40, 41; Masi. 27:11)

 2. Mwaalakhanyeni Yuda 6.

Mano ti mwawiihayi angelo yaawo “yahákhapelenle mukhalo aya wopacherya” mmahiku a Noowa eri yawupuxerya wa hiyano? (1 aKor. 3:5-9; 2 Pet. 2:4, 9, 10)

Mwaha 9

Noowa Oonnampaka Mwaaceya

 1. Echoko ya Noowa yaarino achu ahayi, nave taavi yaari masina anaawe araru?

 2. Mano ti echu taani Noowa ahawehereryeiye, yeeyo Yehova anvenkeiye wi apake? Ntakhara heeni?

 3. Mano achu yaakhomme mwawiihayi, vaavaa Noowa aavenkeiye wi epake mwaaceya?

 4. Tiheeni Muluku alonceiye wa Noowa wi apake wa axinama?

 5. Vachuli va Muluku owala nsele na mwaaceya, tiheeni yeeyo Noowa ni echokwaawe yaphwanelaya weera?

Makoho awaacereryeya:

 1. Mwaalakhanyeni Mapacereryo 6:9-22.

(a) Tiheeni yeeriinhe wi Noowa aakhala awoneyaxa ntoko namalapa a Muluku eeparipari? (Map. 6:9, 22)

(b) Mano Yehova onoona hayi nlala nave nnahaala woona hayi nathanlaka mathatelwaahu? (Map. 6:11, 12; Sal. 11:5)

(c) Ti mwawiihayi nnaphwanelahu omutakiherya Noowa, naakhela malukamiho a mareheryelo a Yehova? (Map. 6:22; 1 Yoh. 5:3)

 2. Mwaalakhanyeni Mapacereryo 7:1-9.

Osuwela wi Yehova aahimona Noowa muchu ohiphameya ntoko ekhaikhai ennaakuviha mwawiihayi? (Map. 7:1; Masi. 10:16; Yes. 26:7)

Mwaha 10

Maahi Mancipale

 1. Ntakhara heeni havo aawerya ovolowa mmwaaceyani, vaavaa epula yaapacenryaya orupa?

 2. Yehova aarupiinhe epula mahiku mahayi othana ni ohiyu, nave maahi yaaphiiyenrye woowi wiisa waya?

 3. Tiheeni yeeren’ye ni mwaaceya, vaavaa maahi yaapacenryaya ohuru-wela elapo yavathi?

 4. Mano anakuru yaahivuluwa mmaahini? Tiheeni yeeren’ye wa asitiithi-aya?

 5. Vachuli va miyeeri mithanu, tiheeni yeeren’ye ni mwaaceya?

 6. Ntakhara heeni Noowa aahimukumiha nakhuku mmwaaceyani?

 7. Noowa asuwenle hayi wi maahi yaahuruwenle elapo yavathi yaahiweleela?

 8. Mano Muluku amulenle eheeni Noowa, vachuli va yoowo ni echoko awe ekhanleene mmwaaceyani opwaha eyaakha emoha?

Makoho awaacereryeya:

 1. Mwaalakhanyeni Mapacereryo 7:10-24.

(a) Otoloxiwa wa okumi mu elapo yavathi, waakotenle woowi? (Map. 7:23)

(b) Mano yaavinrevo elukuluku yawiihayi wi maahi mancipale eweleele? (Map. 7:24)

 2. Mwaalakhanyeni Mapacereryo 8:1-17.

Mano Mapacereryo 8:17, onooniherya mwawiihayi wi yookhwela ya Yehova ni elapo yavathi herukunnuwe? (Map. 1:22)

 3. Mwaalakhanyeni 1 Petro 3:19, 20.

(a) Vaavaa angelo ohiiwelela awo yaakokenlaaya wirimu yathorihiwe hayi? (Yuda 6)

(b) Sawereya sa Noowa ni echoko awe, inalipiherya mwawiihayi nroromelo nahu wa oweerya wa Yehova woopola nloko nawe? (2 Pet. 2:9)

Mwaha 11

Ekhwiini Yoopacerya

 1. Ntoko enooniheryaaya eruku ela, tiheeni Noowa eenreiye arikimukhumaru mmwaaceyani?

 2. Vachuli va maahi mancipale tiheeni Muluku aamulamuleenleiye Noowa ni echokwaawe?

 3. Mano nlakano taani Muluku eenreiye?

 4. Noona ekhwiini nnaphwanela wupuwela heeni?

Makoho awaacereryeya:

 1. Mwaalakhanyeni Mapacereryo 8:18-22.

(a) Nnawerya hayi onvaha Yehova “muhiriri wa wunkhela phaama”? (Map. 8:21; aHeb. 13:15, 16)

(b) Mano Yehova olonce heeni sa makhalelo a murima wa muchu, nave mwawihiihaa nnaphwanela wiisuwelela mwawiihayi? (Map. 8:21; Mat. 15:18, 19)

 2. Mwaalakhanyeni Mapacereryo 9:9-17.

(a) Nlakano taani Yehova eenreiye ni sopatuxa soothene sa elapo yavathi? (Map. 9:10, 11)

(b) Nlakano na ekhwiini nnahaala olekela wa elukuluku yawiihayi? (Map. 9:16)

Mwaha 12

Empa Etokotoko Yoorekama ya Achu

 1. Nimuroti aari taani, nave Muluku amoona hayi?

 2. Va eruku ela ntakhara heeni achu anapakaaya itixolu?

 3. Ntakhara heeni Yehova haasiveliwe ni yootekeene yeeyo?

 4. Mano Muluku aahiinhe mwawiihayi otekiwa wa empa yoorekama eyo?

 5. Epooma eyo yaavahiwe nsina taani, nave nsina nlo naataphulelani?

 6. Tiheeni yeeren’ye vachuli va Yehova aakanyenryeiye ilocelo?

Makoho awaacereryeya:

 1. Mwaalakhanyeni Mapacereryo 10:1, 8-10.

Nimuroti aarino makhalelo awiihayi? Ti mwawiihayi ekhanlaya yoonlopola hiyo? (Masi. 3:31)

 2. Mwaalakhanyeni Mapacereryo 11:1-9.

Tiheeni yaalipiinhe oteka empa yoorekama eyo? Ntakhara heeni yooteka eyo hiyakele vahoolo? (Map. 11:4; Masi. 16:18; Yoh. 5:44)

Mwaha 13

Aaparahamu—Nthamwene a Muluku

 1. Achu yaakhala o Uuri yaari a muloko wawiihayi?

 2. Mano mulopwana ola ori verukuni ela taani, oyariwe liini nave aakhala woowi?

 3. Mano Muluku aalonce heeni wi Aaparahamu apake?

 4. Ntakhara heeni Aaparahamu aahiichaniwa wi nthamwene a Muluku?

 5. Taani aachaananne ni Aaparahamu akhumaka o Uuri?

 6. Tiheeni Muluku amuleenleiye Aaparahamu aphinyeiye mu elapo ya o Kaanani?

 7. Nlakano taani Muluku apankeiye ni Aaparahamu vaavaa aareiyeno iyaakha 99 sa oyariwa?

Makoho awaacereryeya:

 1. Mwaalakhanyeni Mapacereryo 11:27-32.

(a) Omusi taani waarivo Aaparahamu ni Looti? (Map. 11:27)

(b) Namwii elociwaka wi Teera tathaamme ni echoko awe oya o Kaanani, nnaasuwela hayi wi mweeparipari aari Aaparahamu eeriinhe wi ethaame? Ntakhara heeni owo eenreiyeno hiihaa? (Map. 11:31; Saw. 7:2-4)

 2. Mwaalakhanyeni Mapacereryo 12:1-7.

Mano vachuli va Aaparahamu aphiimyeene o elapo yookaanani, yootaphulela taani vooloca sa nlakano na Aaparahamu Yehova aanvanheiye? (Map. 12:7)

 3. Mwaalakhanyeni Mapacereryo 17:1-8, 15-17.

(a) Nsina na Aaparamu nuutuxiwe mwawiihayi vaavaa akhwaninheiye iyaakha 99? Ntakhara heeni? (Map. 17:5)

(b) Mareliho taani amuhoolo Yehova omulaihenryeiye Saara? (Map. 17:15, 16)

 4. Mwaalakhanyeni Mapacereryo 18:9-19.

(a) Mu Mapacereryo 18:19, murichi taani tiithi oreiyeno? (Malam. 6:6, 7; aEf. 6:4)

(b) Tiheeni yaamwerenle Saara enooniha wi hiinnaweeryaru okhuwa echu eri yoothene wa Yehova? (Map. 18:12, 15; Sal. 44:21)

Mwaha 14

Muluku Onneeha Nroromelo na Aaparahamu

 1. Mano Muluku aalaihenrye eheeni wa Aaparahamu, nave Muluku aakhwanihenrye mwawiihayi yoolaiheryawe?

 2. Ntoko mnoonahu va eruku ela, Muluku eenhe mwawiihayi nroromelo na Aaparahamu?

 3. Aaparahamu eenre eheeni nari ahiwexenxe, ntakhara heeni Muluku amurummeiye weera echu eyo?

 4. Tiheeni yeeren’ye vaavaa Aaparahamu apharenleiye mwaalo wi amwiiphe mwanawe?

 5. Nroromelo na Aaparahamu wa Muluku nari noolipa? Ntakhara heeni?

 6. Tiheeni yeeyo Muluku aanvanheiye Aaparahamu wi aveleeleno ephepa, nave yeeren’ye mwawiihayi?

Makoho awaacereryeya:

 1. Mwaalakhanyeni Mapacereryo 21:1-7.

Ntakhara heeni Aaparahamu ahithikila elopwana ya mwanawe vachuli va mahiku mathanu namararu? (Map. 17:10-12; 21:4)

 2. Mwaalakhanyeni Mapacereryo 22:1-18.

Ti mwawiihayi Isaaki oonihenryeiye nchichimiho wa atithaawe, Aaparahamu? Nave yeeyo yaathoonyerya mwawiihayi yaweereya ya muhoolo ya yootaphulela etokweenexa? (Map. 22:7-9; 1 aKor. 5:7; aFil. 2:8, 9)

Mwaha 15

Mwaara a Looti Aahiweha Muchuli

 1. Ntakhara heeni Aaparahamu ni Looti yaahimwalamwala?

 2. Mano ntakhara heeni Looti ahithanla okhalaka o Sotoma?

 3. Achu yakhala o Sotoma yaari amuloko taani?

 4. Yoolopola taani angelo eeli yanvahaya Looti?

 5. Ntakhara heeni mwaara a Looti ahithathuwa nluku na maakha?

 6. Tiheeni nnerahu nihuserye ni yeeyo yeeren’ye ni mwaara a Looti?

Makoho awaacereryeya:

 1. Mwaalakhanyeni Mapacereryo 13:5-13.

Wakhala wi onalociwa mulachu wa achu nnahuseryani sa Aaparahamu? (Map. 13:8, 9; aRom. 12:10; aFil. 2:3, 4)

 2. Mwaalakhanyeni Mapacereryo 18:20-33.

Mano Yehova omukhapelelawawe Aaparahamu, onanivaha mwawiihayi nroromelo wi Yehova ni Yesu enarwa ethoriha ni ekhaikhai? (Map. 18:25, 26; Mat. 25:31-33)

 3. Mwaalakhanyeni Mapacereryo 19:1-29.

(a) Yaweereya yeela eri mPiipiliyani enooniherya mwawiihayi moonelo a Muluku vooloca sa okonihana ni oophwanaphwana? (Map. 19:5, 13; Onam. 20:13)

(b) Yoohiyana taani nnoonahu mwamukhalelo ntoko wa Looti ni Aaparahamu yoonnayamo sohusiha sa Muluku, nave tiheeni ninhusenryaahu sa hiiho? (Map. 19:15, 16, 19, 20; 22:3)

 4. Mwaalakhanyeni Luka 17:28-32.

Mano mwaara a Looti aarino muupuwelo taani mmurimani vooloca sa muhaku? Ti mwawiihayi yeeyo eryaaya yoonlopola hiyo? (Luka 12:15; 17:31, 32; Mat. 6:19-21, 25)

 5. Mwaalakhanyeni 2 Petro 2:6-8.

Nimutakiheryaka Looti muupuwelo taani nnaphwanelaahu okhalano vooloca sa elapo yoonanara yeela enanrukurerya? (Ezek. 9:4; 1 Yoh. 2:15-17)

Mwaha 16

Isaaki Onnamphwanya Mwaariye Aphaama

 1. Mulopwana ni muthiyana eri va eruku ela taani?

 2. Tiheeni Aaparahamu eenreiye wi amwaavye muthiyana ntakhara mwanawe, nave ntakhara heeni?

 3. Tiheeni yeeren’ye mwa waakhuliwa nivekelo na murummwa a Aaparahamu?

 4. Repeka aakhunle hayi vaavaa akohiweiye akhala wi aanachuna otheliwa ni Isaaki?

 5. Tiheeni yeeren’ye ni Isaaki wi akookele ohakalala?

Makoho awaacereryeya:

 1. Mwaalakhanyeni Mapacereryo 24:1-67.

(a) Makhalelo taani aphaama Repeka oninheiye vaavaa amphwannyeiye murummwa a Aaparahamu veehimeni? (Map. 24:17-20; Masi. 31:17, 31)

(b) Mareheryelo a Aaparahamu wa Isaaki anavaha yootakiherya taani wa aKristu amutano? (Map. 24:37, 38; 1 aKor. 7:39; 2 aKor. 6:14)

(c) Ntakhara heeni ninnaphwanela wavya elukuluku yawaanyiherya ntoko Isaaki eenreiye? (Map. 24:63; Sal. 77:12; aFil. 4:8)

Mwaha 17

Anamwane a Maphapo Yaawo Yaari Oohiyana

 1. Esawu ni Yaakopo yaari taani, nave yaahiyanne mwawiihayi?

 2. Mano Esawu ni Yaakopo yaarino iyaakha hayi vaavaa atataaya Aaprahamu ekhwaaka?

 3. Tiheeni Esawu eenreiye yeeyo yeeriinhe wi amannya ni atiithinya ethanane vancipale?

 4. Nthowa taani Esawu ahinanariwa vancipale ni munneeni Yaakopo?

 5. Ikano taani Isaaki anvanheiye mwanawe Yaakopo?

Makoho awaacereryeya:

 1. Mwaalakhanyeni Mapacereryo 25:5-11, 20-34.

(a) Tiheeni Yehova aalonceiye sa anamwane eeli a Repeka? (Map. 25:23)

(b) Yaakopo ni Esawu yoonihenrye hayi ohiyana muupuwelo vooloca sa otokweene? (Map. 25:31-34)

 2. Mwaalakhanyeni Mapacereryo 26:34, 35; 27:1-46; ni 28:1-5.

(a) Mano Esawu ooniherya mwawiihayi wi haalikela ichu sa mmunepani? (Map. 26:34, 35; 27:46)

(b) Tiheeni Isaaki aalonceiye yeeyo Yaakopo aphwaneleiye weera wi aakhele mareliho a Muluku? (Map. 28:1-4)

 3. Mwaalakhanyeni aHebri 12:16, 17.

Ntoko yooniheryiwaaya mu yootakhiherya ya Esawu, yaawo anatanya ichu saweela anaphura eheeni?

Mwaha 18

Yaakopo Onaya o Haraani

 1. Mano mwali ola verukuni ela taani nave tiheeni yeeyo Yaakopo eenreiye ntakhara yoola?

 2. Tiheeni Yaakopo eemerenryeiye weera wi amuthele Rakele?

 3. Mano tiheeni Lapani eenreiye vaavaa yaaphiyalaaya elukuluku wi Yaakopo amuthele Rakele?

 4. Tiheeni Yaakopo eemerenryeiye weera wi Rakele akhaletho mwaariiye?

Makoho awaacereryeya:

 1. Mwaalakhanyeni Mapacereryo 29:1-30.

(a)Nari awookiweene ni Lapani Yaakopo oonihenrye mwawiihayi wi aari muchu anchichimiho? Mano tiheeni nnahuseryaahu wa yeeyo? (Map. 25:27; 29:26-28; Mat. 5:37)

(b) Ti mwawiihayi yootakiherya ya Yaakopo enoniheryaaya ohiyana wa osivela ni munkhela? (Map. 29:18, 20, 30; Ntxipo na Soolomoni 8:6)

(c) Taavi yaari athiyana axexe yaakhanle a echoko ya Yaakopo, nave vahoolovaya yaahimuyarela anamwane? (Map. 29:23, 24, 28, 29)

Mwaha 19

Echoko Etokotoko ya Yaakopo

 1. Anamwane athanu ni mmoha a Yaakopo ni mwaariiye oopacerya Liiya yiichaniwa taani?

 2. Mano anamwane eeli a Siilipa namuteko a Liiya ayanreiye ni Yaakopo yaari taani?

 3. Anamwane eeli yaawo namuteko a Rakele, Piliha, ayanreiye ni Yaakopo yiichaniwa taani?

 4. Mano anamwane eeli yaawo Rakele ayanreiye yaari taani, nave tiheeni yeeren’ye vaavaa mwaana anaawiili aayariweiye?

 5. Ntoko ethoonyeriwaya va eruku ela, Yaakopo ariino anamwane ahayi aasilopwana nave tiheeni yaaphaxunwe wa yaawo?

Makoho awaacereryeya:

 1. Mwaalakhanyeni Mapacereryo 29:32-35; 30:1-26; ni 35:16-19.

Ntoko ethoonyiheriwaya wa anamwane 12 a Yaakopo, khalayi masina a anamiravo aHeepiri yaathanliwa mwawiihayi?

 2. Mwaalakhanyeni Mapacereryo 37:35.

Mano nari mwi pahiru nsina na Tiina tinnalociwa mPiipiliyani, nnasuwela hayi wi Yaakopo aakhalano anamwane aasithiyana opwaha mmoha? (Map. 37:34, 35)

Mwaha 20

Tiina Onnakhala mu Sokachamiha

 1. Nthowa taani Aaparahamu ni Isaaki yahaachunaaya wi anaaya ethelane ni achu o Kaanani?

 2. Mano Yaakopo aanemererya oonthamwene yoowo mwanawe amwamuthiyana apankeiye ni asimwali o Kaanani?

 3. Verukuni ela, mano mulopwana ola onanweha Tiina taani, nave echu taani yoonanara eenreiye?

 4. Tiheeni yeenraya arokorawe Tiina Simiyone ni Leevi, vaavaa yaasuwenlaya yeeyo yaamwerenle Tiina?

 5. Yaakopo ahemererya yeeyo Simiyone ni Leevi yeenraya?

 6. Nthowa taani nenno naatannyale makachamiho oothene yaala veechokoni?

Makoho awaacereryeya:

 1. Mwaalakhanyeni Mapacereryo 34:1-31.

(a) Mano waatana wa Tiina ni asimwali oKaanani waari ekwaha emoharu pahi? Thorihani. (Map. 34:1)

(b) Ntakhara heeni Tiina ahikhalano munantowa va oyeleelawawe omwalaawe? (aGal. 6:7)

(c) Anamiravo amutano anawerya wooniha hayi wi anniwexexa yootakiheryaya yoolopola ehiiwe ni yeeyo yaamweerenle Tiina? (Masi. 13:20; 1 aKor. 15:33; 1 Yoh. 5:19)

Mwaha 21

Yoosefe Onnaichiwa ni Asinneeni

 1. Mano ntakhara heeni asinneeni a Yoosefe yaamukhalenlaaya ehache, nave tiheeni yaamwerenlaaya?

 2. Tiheeni yeeyo asinneeni a Yoosefe yachunaya omweerela, nave Ruupeni oonloca heeni?

 3. Tiheeni yeeren’ye vaavaa yaakhumelenlaaya aIxumayele?

 4. Mano tiheeni asinneeni a Yoosefe aneeraaya, wi atiithaaya yuupuwele wi yoowo ookhwa?

Makoho awaacereryeya:

 1. Mwaalakhanyeni Mapacereryo 37:1-35.

(a)Mano ti mwawiihayi aKristu enaphwanela omutakiherya Yoosefe, mu oolokoha sawera soonanara, sineereya mmulokoni? (Map. 37:2; Onam. 5:1; 1 aKor. 1:11)

(b) Tiheeni yeeriinhe wi asinneeni a Yoosefe emutumihe yoowo? (Map. 37:11, 18; Masi. 27:4; Yak. 3:14-16)

(c) Mano tiheeni Yaakopo eenreiye yeeyo eri yoophwanela muchu weera aariki muthanana vancipale? (Map. 37:35)

Mwaha 22

Yoosefe Onnavonyiwa mu Kariposo

 1. Mano Yoosefe orino iyaakha hayi vaavaa akuchiwaka oya o Yiikuputu, nave tiheeni yeeren’ye vaavaa yoowo aaphiyaleiye weiwo?

 2. Ti nthowa taani Yoosefe onaphiyeryeiye oya o kariposo?

 3. Mirichi taani Yoosefe aakhelihiweiye mu kariposo?

 4. Mukariposo, tiheeni Yoosefe oneereiye wa muhooleli a soowurya ni wa muhooleli oopaka iphaawu a Farawo?

 5. Tiheeni enereya vachuli va muhooleli a soowurya ataphuliweiye mukariposo?

Makoho awaacereryeya:

 1. Mwaalakhanyeni Mapacereryo 39:1-23.

Mano nthowa taani Yoosefe amuchanweiye mwaara a Potifare weeraka wi elukulukweene yeele Muluku aari ahakunve ovaha nlamulo nnimoharu noorempwa nthorihaka oraruwa? ( Map. 2:24; 20:3; 39:9)

 2. Mwaalakhanyeni Mapacereryo 40:1-23.

(a) Thorihani moohilekela yooloha ya muhooleli a soowurya ni yootaphulela yeeyo Yehova anvanheiye Yoosefe? (Map. 40:9-13)

(b) Yooloha ya muhooleli oopaka iphaawu yaari evi, nave yaataphulela heeni? (Map. 40:16-19)

(c) Mmahiku ahu yaala, kapuro oororomeleya ontakiherya mwawiihayi eyuupuwelo ya Yoosefe? (Map. 40:8; Sal. 36:9; Yoh. 17:17; Saw. 17:2, 3)

(d) Ti mwawiihayi yorepa ya Mapacereryo 40:20 enanikkhaviherya wiiwexexa sa moonelo eeKristu vooloca sa wuupuwelela muyakha wa oyariwa? (Ekle. 7:1; Marko 6:21-28)

Mwaha 23

Sooloha sa Farawo

 1. Mu ohiyu okina tiheeni yeeren’ye wa Farawo?

 2. Mano ntakhara heeni muhooleli a soowurya vookuchula vaya ahimupuwela Yoosefe?

 3. Ntoko enathoonyeryaaya eruku ela sooloha taani piili seiyo Farawo areiyeno?

 4. Yoosefe alonce eheeni ntakhara sootaphulela sa sooloha iho?

 5. Ti mwawiihayi Yoosefe ahikhala muchu oochuneyaxa mu Yiikuputu vachuli va Farawo?

 6. Ntakhara heeni anneeni a Yoosefe anayaaya o Yiikuputu? Nave nthowa taani awo ahinamusuwelaayaru Yoosefe?

 7. Yooloha taani Yoosefe onupuweleiye, nave yeeyo enamukhaviherya wiiwexexa eheeni?

Makoho awaacereryeya:

 1. Mwaalakhanyeni Mapacereryo 41:1-57.

(a) Ti mwawiihayi Yoosefe onathoonyihereiye ovaaha nchichimiho wa Yehova? AKristu amutano anaphwanela ocharela hayi yoothakiherya awe? (Map. 41:16, 25, 28; Mat. 5:16; 1 Pet. 2:12)

(b) Ti mwawiihayi mummo iyaakha soolya sincipale soochareliwa ni iyaakha sa etala o Yiikuputu, inathoonyiheryaya ohiyana wa mukhalelo woomunepani wa achu a Yehova ni aKristu owooka? (Map. 41:29, 30; Amosi 8:11, 12)

 2. Mwaalakhanyeni Mapacereryo 42:1-8 ni 50:20.

Mano eri yoonanara wa yaawo enamulapela Yehova, omukokhorela muchu mu omuchichimiha, va nthowa na nipuro oneemeleleiye, wakhala wi ti mihapo sa nipuro neenno? (Map. 42:6)

Mwaha 24

Yoosefe Onnaweeha Asinneeni

 1. Mano ntakhara heeni Yoosefe alonceiye wi asinneeni yaari alipa-oohocela?

 2. Ntakhara heeni Yaakopo ahemererya wi mwanawe eechaako Penyamini aye o Yiikuputu?

 3. Mano ekahi ya eparata ya Yoosefe, yaaphwanyeen’ye hayi musaakhuni mwa Penyamini?

 4. Ti yoovelela taani Yuuta enreiye wi Penyamini ataphuliwe?

 5. Otoroka taani weeren’ye wa asinneeni a Yoosefe?

Makoho awaacereryeya:

 1. Mwaalakhanyeni Mapacereryo 42:9-38.

Ti mwawiihayi masu a Yoosefe mu Mapacereryo 42:18 tiyawuupuxerya yaphaama wa yaale arino mapuro a mirichi olelo mu mareheryelo a Yehova? (Neh. 5:15; 2 aKor. 7:1, 2)

 2. Mwaalakhanyeni Mapacereryo 43:1-34.

(a) Nari mwii Ruupeni taari oopacerya oyariwa vanooneya hayi wi Yuuta taahoolela oloca wa asinneeni? (Map. 43:3, 8, 9; 44:14, 18; 1 Math. 5:2)

(b) Mano ti mwawiihayi onooneyaaya wi, Yoosefe aahiweeha asinneeni nave ntakhara heeni? (Map. 43:33, 34)

 3. Mwaalakhanyeni Mapacereryo 44:1-34.

(a) Ntoko meerelo awootherya wi ahiisuwelihe wa asinneeni, Yoosefe iseenre okhala aani? (Map. 44:5, 15; Onam. 19:26)

(b) Asinneeni a Yoosefe yaathoonyenrye hayi wi hiyamukhalelatho nrima yoowo? (Map. 44:13, 33, 34)

Mwaha 25

Echoko Enathaamela o Yiikuputu

 1. Mano tiheeni yeeyo yeeren’ye vaavaa Yoosefe aalenleiye asinneeni wi owo taani?

 2. Tiheeni Yoosefe onaathoriheleiye asinneeni mwaphaama mweene?

 3. Mano tiheeni yeeyo Farawo onaloceiye vaavaa yoowo aasuwenleiye sa anneeni a Yoosefe?

 4. Echoko ya Yaakopo yaarino achu ahayi, vaavaa yaawo ethamelaka o Yiikuputu?

 5. Mano echoko ya Yaakopo yaaphiyenrye wiichaniwa mwawiihayi, nave ntakhara heeni?

Makoho awaacereryeya:

 1. Mwaalakhanyeni Mapacereryo 45:1-28.

Ti mwawiihayi saweereya sa mPiipiliyani, vooloca sa Yoosefe, sinnooniherya wi Yehova ori oophwanela weerano, wi echu ereheryiwe wi yaahoxe akapuro awe ephurele waphaama wa yaawo? (Map. 45:5-8; Yes. 8:10; aFil. 1:12-14)

 2. Mwaalakhanyeni Mapacereryo 46:1-27.

Mano yoororomeliha taani Yehova anvanheiye Yaakopo, vaavaa yoowo aareiye va mukwahani woya o Yiikuputu? (Sal. 46:1-4)

Mwaha 26

Yobu Onaroromeleya wa Muluku

 1. Mano Yobu aari taani?

 2. Tiheeni yeeyo Satana eerenryeiye weera? Yoowo ahiphura eechu?

 3. Tiheeni Yehova eemerenryeiye wi Satana eere, nave ntakhara heeni?

 4. Mano ntakhara heeni mwaara a Yobu amulenleiye wi ‘amuulumele Muluku nave akhwe’? (Vareryani va eruku ela.)

 5. Ntoko enooniheryaya va eruku ya naawiili, Yehova amureliinhe Yobu mwawiihayi? Nave ntakhara heeni?

 6. Hiihaa ntoko Yobi aroromenleiye wa Yehova, hiyotho naroromela nni naakhele mareliho taani?

Makoho awaacereryeya:

 1. Mwaalakhanyeni Yobi 1:1-22.

Ti mwawiihayi aKristu amutano anaphwanelaaya omutakiherya Yobu? (Yobi 1:1; aFil. 2:15; 2 Pet. 3:14)

 2. Mwaalakhanyeni Yobi 2:1-13.

Makhalelo taani meeli ari ohiyanaxa a Yobi ni mwaariye yooniheenryaya va ohoxiwa ni Satana? (Yobi 2:9, 10; Masi. 19:3; Mik. 7:7; Mal. 3:14)

 3. Mwaalakhanyeni Yobi 42:10-17.

(a) Mano ophwanaphwana taani orivo wa phatamari Yobu omwaakhenleiye, ni yoowo Yesu omwaakhenleiye ntakhara ororomeleya waya mu okumi waya? (Yobi 42:12; aFil. 2:9-11)

(b) Enanliipiha mwawiihayi mareliho yaawo Yobi akhenleiye va nthowa na opwahiherya wawe okhala oophameya wa Muluku? (Yobi 42:10, 12; aHeb. 6:10; Yak. 1:2-4, 12; 5:11)

Mwaha 27

Mwene Oonanara Murima Onnalamulela mu Yiikuputu

 1. Va eruku ela mulopwana orino ewaxuxo taani, nave yoowo onaammaneiye taani?

 2. Mano vachuli va okhwa wa Yoosefe tiheeni yeeren’ye ni aIsarayeli?

 3. Ntakhara heeni asinaYiikuputu yaapacenryaaya oowova aIsarayeli?

 4. Olamulelo taani Farawo aavanheiye wa athiyana yaawo yaakhaviherya asimayi aIsarayeli oyara?

Makoho awaacereryeya:

 1. Mwaalakhanyeni Mukwaha 1:6-22.

(a) Ti mwawiihayi Yehova aapacenreiye waakhwaniherya nlakano eenreiye ni Aaparahamu? (Muk. 1:7; Map. 12:2; Saw. 7:17)

(b) Athiyana yaawo yaakhaviherya oyara a Heepiri yoonihenrye mwawiihayi nchichimiho vooloca sa meelelo a okumi? (Muk. 1:17; Map. 9:6)

(c) Mano athiyana yaawo yaakhaviherya oyara, nthowa na omuroromelawaya Yehova yaakhelihiwe mwawiihayi phatamaryaaya? (Muk. 1:20, 21; Masi. 19:17)

(d) Satana eenre heeni mwa weererya wawe wi achiyeelele yoochuna ya Yehova ni mwaana olaiheryiwa a Aaparahamu? (Muk. 1:22; Mat. 2:16)

Mwaha 28

Ovuluwa wa Mwanoowo Moose

 1. Mano mwaana owo ori verukuni ela taani, nave ekatha eyo onaphareleiye ti yawani?

 2. Tiheeni yeeyo amannya a Moose yeenraaya wi envuluxe mwa okhwa?

 3. Mano mwali ola va eruku ela taani, nave tiheeni yoowo eenreiye?

 4. Mano vaavaa mwaana mwamuthiyana a Farawo amphwanyeiye mwanoowo, tiheeni Miriamu aalonceiye?

 5. Tiheeni mwaana mwamuthiyana a mwene aalonceiye wa amannya Moose?

Nikoho nawaacereryeya:

 1. Mwaalakhanyeni Mukwaha 2:1-10.

Elukuluku taani amannya Moose yaaryaayano ya omulemeiha ni omuhusiha yoowo ari mwamukhaneene? Mano yootakhiherya taani yeeyo eryaaya wa yaawo olelo akhanle asitiithi? (Muk. 2:9, 10; Malam. 6:6-9; Masi. 22:6; aEf. 6:4; 2 Tim. 3:15)

Mwaha 29

Nthowa Nene Moose Aachanweiye

 1. Mano Moose aaphuwiiwe woowi, nave tiheeni asuwenleiye vooloca sa asitiithi awe?

 2. Tiheeni Moose eenreiye vaavaa aariyeno iyaakha 40 sa oyariwa?

 3. Mano tiheeni Moose aalonceiye wa muIsarayeli awaana, nave tiheeni yeeyo mulopwanoowo aakhunleiye?

 4. Ntakhara heeni Moose aahicawa mu Yiikuputu?

 5. Moose aacawenle woowi, nave taani amusuwenleiye weiwo?

 6. Mano tiheeni yeeyo Moose eenreiye mu iyaakha 40 vachuli va ocawawawe mu Yiikuputu?

Makoho awaacereryeya:

 1. Mwaalakhanyeni Mukwaha 2:11-25.

Naamwi Moose amaanleene iyaakha sa ohusihiwa miruku seYiikuputu aakhenleiye, ti mwawiihayi yoowo ooniinheiye weela wa Yehova ni wachwaawe? (Muk. 2:11,12; aHeb. 11:24)

 2. Mwaalakhanyeni Saweriwa Tarummwa 7:22-29.

Weererya wa Moose wi awopole aIsarayeli mu okapuro oYiikuputu enanihusiha eheeni? (Saw. 7:23-25; 1 Pet. 5:6,10)

Mwaha 30

Ephovo Yoovarela

 1. Nsina taani na mwako ori va erukuni ela?

 2. Thorihani echu yohitoko wereya yeeyo Moose oonneiye vaavaa yoowo akeleiye omwako ni ipucepuche sawe?

 3. Mano tiheeni yaalociwe ni masu yaawo yaakhumme mu ephovo yovarela mooro, nave masweene yaawo yaari awani?

 4. Moose aakhunle hayi vaavaa Muluku amuleenleiye wi tahaala waaholela achwaawe wi ekhume mu Yiikuputu?

 5. Tiheeni yeeyo Muluku aamulenleiye Moose ahaaleiye wi aloce wakala wi emukonhe wi taani amurumme?

 6. Mano Moose aya oroora mwawiihayi wi emererye akhala wi Muluku taamurumme?

Makoho awaacereryeya:

 1. Mwaalakhanyeni Mukwaha 3:1-22.

Mano ti mwawiihayi meecelo a Moose annanivaha nroromelo nawi nari noonaka wi hanri awaakwaniha othokororya muteko wammoori wa Muluku nrummwahu, Yehova onahaala onikhaviherya? (Muk. 3:11, 13; 2 aKor. 3:5, 6)

 2. Mwaalakhanyeni Mukwaha 4:1-20.

(a) Mano Moose aatoronke hayi makhalelo mu iyaakha 40 hiiho saanvirenle aryeene o Mitiyani? Yosuweliha taani wa yaawo anavyavya isisapo mmilokoni anaphwanelaya ohuserya sa yeeyo? (Muk. 2:11, 12; 4:10, 13; Mik. 6:8; 1 Tim. 3:1, 6, 10)

(b) Nari nlakiweene ni Yehova vorweela wa mareheryelo awe, yootakiherya ya Moose enanivaha nroromelo taani? (Muk. 4:12-14; Sal. 103:14; aHeb. 12:4-11)

Mwaha 31

Moose ni Aaroni wa Farawo

 1. Sokhumelela taani aIsarayeli yaaryayano vooloca sa sotikiniha seriwe ti Moose ni Aaroni?

 2. Tiheeni Moose ni Aaroni yamulenlaaya Farawo nave Farawo akhunle hayi?

 3. Ntoko enoniheryaaya va eruku ela tiheeni yeeren’ye vaavaa Aaroni avonyenreiye ekopo awe vachayani?

 4. Yehova amuhusinhe eheeni Farawo nave Farawo akhunle mwawiihayi?

 5. Tiheeni yeeren’ye vachuli va epahu yaneekhumi?

Makoho awaacereryeya:

 1. Mwaalakhanyeni Mukwaha 4:27-31 ni 5:1-23.

Tiheeni Farawo acuneiye oloca vaavaa ariiye: ‘Nkinamusuwela Yehova’? (Muk. 5:2; 1 Sam. 2:12; aRom. 1:21)

 2. Mwaalakhanyeni Mukwaha 6:1-13, 26-30.

(a) Ti mukhalelo taani Yehova ahiisuwelinheiye wa Aaparahamu, Isaaki ni Yaakopo? (Muk. 3:13, 14; 6:3; Map. 12:8)

(b) Mano hiyo nnisona hayi vosuwela wi Yehova ompharihela muteko Moose naamwi Moose isonne wi haaphwanela ophara mutekoowo aakhenleiye? (Muk. 6:12, 30; Luka 21:13-15)

 3. Mwaalakhanyeni Mukwaha 7:1-13.

(a) Yootakiherya taani Moose ni Aaroni yahiyenryaaya akapuro a Muluku amutano, vaavaa yalalenryaaya molipa mathorihelo a Yehova wa Farawo? (Muk. 7:2, 3, 6; Saw. 4:29-31)

(b) Mano Yehova oonihenrye mwawiihayi otokotokwaawe vooloca sa miluku sa o Yiikuputu? (Muk. 7:12; 1 Math. 29:12)

Mwaha 32

Ipahu Khumi

 1. Ntoko inoonihiwaaya va iruku iha, thorihani ipahu raru soopacerya seiyo Yehova aruminheiye o Yiikuputu.

 2. Tiheeni yarivo yohiyana wa ipahu raru soopacerya ni ipahu sikina?

 3. Tisivi saari ipahu yaneexexe, yaneethanu ni yaneethanu nammoha?

 4. Thorihani ipahu yaneethanu napiili, yaneethanu nararu, ni yaneethanu naxexe.

 5. Mano tiheeni Yehova aalenleiye aIsarayeli wi yeere ehaakunve orwa epahu yaneekhumi?

 6. Epahu yaneekhumi yaari eheeni nave tiheeni yeeren’ye vachuli vaya?

Makoho awaacereryeya:

 1. Mwaalakhanyeni Mukwaha 7:19–8:23.

(a) Namwi alipa ephepa asinaYiikuputu ewenryeene otakiherya ipahu piili soopacerya sa Yehova tiheeni yaakeelelihiwaaya oloca vachuli va epahu yaneeraru? (Muk. 8:18, 19; Mat. 12:24-28)

(b) Epahu yaneexexe yooninhe hayi wi Yehova onnawerya owaakiha achu awe? Va osuwela yeeyo, achu a Muluku anuupuwela hayi yaweheryaka “yohooxa etokotoko” elaiheriwe eyo? (Muk. 8:22, 23; Yaw. 7:13, 14; 2 Math. 16:9)

 2. Mwaalakhanyeni Mukwaha 8:24; 9:3, 6, 10, 11, 14, 16, 23-25; ni 10:13-15, 21-23.

(a) Makhuuru taani meeli ari oohiyana yaawo yuupululiwe ni Ipahu Khumi iho nave nnaphwanela woonaka mwawiihayi makhuuru awo olelo? (Muk. 8:10, 18, 19; 9:14)

(b) Mano yoorempwa ya Mukwaha 9:16 enanikhaviherya hayi wiiwexexa ntakhara heeni Yehova oneemereryeiye okhalavo wa Satana ophiyerya olelo? (aRom. 9:21, 22)

 3. Mwaalakhanyeni Mukwaha 12:21-32.

Ti mwawiihayi Paskha aphiyenreiye waavuluxa achu ancipale nave Paskha owo aathoonyiherya eheeni? (Muk. 12:21-23; Yoh. 1:29; aRom. 5:18, 19, 21; 1 aKor. 5:7)

Mwaha 33

Olapuwa va Eniya Yooxeerya

 1. Mano alopwana aIsarayeli yaawo yaakumme o Yiikuputu yaari ahayi vamoha ni athiyana ni anamwane? Nave taani akina yaachimunle vamoha ni yaawo?

 2. Farawo uupuwenle mwawiihayi vachuli va waaruma aIsarayeli orowa nave tiheeni yoowo eenreiye?

 3. Mano Yehova eenre eheeni wi aahiihe asinaYiikuputu wi ehavinyerye achwaawe?

 4. Tiheeni yeeren’ye vaavaa Moose ookololenleiye ekopwaawe vasulu va Eniya Yooxeerya, nave tiheeni aIsarayeli yeenraaya?

 5. Mano tiheeni yeeren’ye vaavaa asinaYiikuputu yaavolonwaaya mwawakuveya mu eniya muchuli mwa aIsarayeli?

 6. Tiheeni yeeyo aIsarayeli yeenraaya wi yooniherye wi yaahihakalala ni omuthamala Yehova ntakhara a ovuluxiwa waya?

Makoho awaacereryeya:

 1. Mwaalakhanyeni Mukwaha 12:33-36.

Mano tiheeni Yehova eenreiye wi achwaawe yaakhele yookokiherya mwa iyaakha soothene sa okapuro mu Yiikuputu? (Muk. 3:21, 22; 12:35, 36)

 2. Mwaalakhanyeni Mukwaha 14:1-31.

Ti mwawiihayi masu a Moose arempwe mu Mukwaha 14:13, 14 toochuneyaxa wa akapuro a Yehova olelo vaavaa anawehereryaaya ekhoco ya Harmagedo? (2 Math. 20:17; Sal. 91:8)

 3. Mwaalakhanyeni Mukwaha 15:1-8, 20, 21.

(a) Mano ntakhara heeni akapuro a Yehova anaphwanelaaya omwiipela macipo oomuthamala yoowo? (Muk. 15:1, 2; Sal. 105:2, 3; Yaw. 15:3, 4)

(b) Yootakiherya taani ya omuthamala Yehova Miriamu ni athiyana muxerexere mwa Eniya Yooxeerya atikithenryaaya wa athiyana eeKristu amutano? (Muk. 15:20, 21; Sal. 68:11)

Mwaha 34

Muxove Wahiihaano wa Yoolya

 1. Va eruku ela tiheeni yeeyo achu anarolelaaya vachayani nave eniichaniwa hayi?

 2. Ikano taani Moose ahusinheiye achu vooloca sa maana yaaphwanelaaya orolaka?

 3. Mano tiheeni Yehova alenleiye achu wi yeere mu nihiku naneethanu nammoha nave ntakhara heeni?

 4. Mano yootikiniha taani Yehova eenreiye vaavaa maana yaakhapeleliwaaya wi ephiyerye mu nihiku naneethanu napiili?

 5. Yehova aalyiinhe achu awo ni maana ophiyerya elukuluku taani?

Makoho awaacereryeya:

 1. Mwaalakhanyeni Mukwaha 16:1-36 ni Namarepela 11:7-9.

(a) Mano yoorempwa ya Mukwaha 16:8 enathoonyerya hayi vooloca sa ochuneya ochichimiha miteko inarwela wa Muluku mu muloko weeKristu? (aHeb. 13:17)

(b) Mutakhwani, ti mwawiihayi aIsarayeli yuupuseriwaya nihiku nnihiku okhapeleliwa waya ti Yehova? (Muk. 16:14-16, 35; Malam. 8:2, 3)

(c) Mano yootaphulela taani yoosiphela Yesu aavanheiye maana, nave yoophwanyerya taani nnapuhaahu wa “epau ya wirimu” eyo? (Yoh. 6:31-35, 40)

 2. Mwaalakhanyeni Yosuwa 5:10-12.

Mano aIsarayeli yaalyiye maana ophiyerya iyaakha hayi, nave ti mwawiihayi yeeyo yaakhanlaaya yaweeha wa yaawo? Mano tiheeni nnahuseryaahu wa yawereyeene yeeyo? (Muk. 16:35; Nam. 11:4-6; 1 aKor. 10:10, 11)

Mwaha 35

Yehova Onnaveleela Malamulwaawe

 1. Vachuli va miyeeri miili ekhummeene mu Yiikuputu, aIsarayeli yaatenke woowi mikocha saya?

 2. Tiheeni Yehova onachuneiye wi achu yeere nave yaawo yaakhunle hayi?

 3. Ntakhara heeni Yehova onamvaheiye Moose maluku meeli oophataateya?

 4. Ohiya Malamulo Khumi awo, malamulo taani makina Yehova aavanheiye aIsarayeli?

 5. Mano malamulo meeli matokotoko alociwe ti Yesu Kristu taavi?

Makoho awaacereryeya:

 1. Mwaalakhanyeni Mukwaha 19:1-25; 20:1-21; 24:12-18; ni 31:18.

Masu arempwe mu Mukwaha 19:8, ananikhaviherya hayi wiiwexexa yootaphulelaaya ya wiiveleela weeKristu? (Mat. 16:24; 1 Pet. 4:1-3)

 2. Mwaalakhanyeni Malamulo 6:4-6; Onamukutxho 19:18; ni Mateyu 22:36-40.

Mano aKristu anooniherya mwawiihayi omusivelawaya Muluku ni mukhwaaya? (Marko 6:34; Saw. 4:20; aRom. 15:2)

Mwaha 36

Mwaasana Amope Amiivira

 1. Va eruku ela tiheeni yeeyo achu awo aneeraya nave nthowa taani?

 2. Nthowa taani Yehova onanariweiye vancipale? Mano tiheeni Moose eenreiye vaavaa onneiye yeeyo achu awo aneeraya?

 3. Tiheeni yeeyo Moose aalamulenleiye alopwana amoori wi yeere?

 4. Mano mwaheene yoola onanihusiha eheeni?

Makoho awaacereryeya:

 1. Mwaalakhanyeni Mukwaha 32:1-35.

(a) Mano ti mwawiihayi yaweereyeene yeela enooniheryaaya eyuupuwelo ya Yehova vooloca sa waakanyerya malapelo oowoka ni malapelo eeparipari? (Muk. 32:4-6, 10; 1 aKor. 10:7, 11)

(b) Phole-Phole taani aKristu anaphwanelaaya okhalano yaathanlaka mathatelo ntoko wiipa nari wiina? (Muk. 32:18, 19; aEf. 5:15, 16; 1 Yoh. 2:15-17)

(c) Ti mwawiihayi nihimo na Leevi noovaha yootakiherya yaphaamaxa vooloca sa waakiha ekhaikhai? (Muk. 32:25-28; Sal. 18:25)

Mwaha 37

Mukocha wa Malapelelo

 1. Mano yooteka yeela enooneya va eruku ela yaavahiwe nsina taani, nave yaphariheliwa muteko taani?

 2. Ntakhara heeni Yehova aamulela Moose wi ateke mukocha wophwanela okhula mookweyaxa?

 3. Mano ekaxa eri mpuwa mwa eruku ekhani ya mukocha tiheeni, nave tiheeni eri mpuwa mwa ekaxa eyo?

 4. Taani onnathaliwa ti Yehova wi akhale mutokweene a alipa-ephepa, nave tiheeni mutokweene a alipa-ephepa yoola oneereiye?

 5. Romolani nsina sa ichu raru siri mu eruku etokotoko ya mukocha.

 6. Ti ichu taani piili siri va n’yateni va tabernaakulu nave inaphariheliwa heeni?

Makoho awaacereryeya:

 1. Mwaalakhanyeni Mukwaha 25:8-40; 26:1-37; 27:1-8; ni 28:1.

Mano akerubi ari vasulo va ‘ekaxa ya nlakano’ anasiphela eheeni? (Muk. 25:20, 22; Nam. 7:89; 2 Mamwene 19:15)

 2. Mwaalakhanyeni Mukwaha 30:1-10, 17-21; 34:1, 2; ni aHebri 9:1-5.

(a) Ntakhara heeni Yehova aachichimihenryeiye ochuneya okhala aweela wa alipa-ephepa yaawo yaaruumela mu tabernaakulu? Nave ntakhara heeni yeeyo eraaya yoochuneyaxa wa hiyo olelo? (Muk. 30:18-21; 40:30, 31; aHeb. 10:22)

(b) Mano murummwa Paulo oonihenrye mwawiihayi wi tabernaakulu ni nlakano na Nlamulo hisaari soochuneya mu elukuluku yeeyo arempeiye ekaarata wa aKristu a oHeepiri? (aHeb. 9:1, 9; 10:1)

Mwaha 38

Alipa-Oohocha 12

 1. Tiheeni yeeyo munoonanyu va muthiti wa mpesa va eruku ela nave yoowo onakumela woowi?

 2. Mano ntakhara heeni Moose onaarumiheiye alipa-oohocha 12 mu elapo ya Kaanani?

 3. Vaavaa yaakonkaya, tiheeni yeeyo alipa-oohocha awo khumi anamulelaaya Moose?

 4. Mano nroromelo taani alipa-oohocha eeli yoniheenryaaya okhalano wa Yehova, nave masinaya taani?

 5. Ntakhara heeni Yehova onkhaleiye onanariwa vancipale, nave tiheeni yoowo onamuleeleiye Moose?

Makoho awaacereryeya:

 1. Mwaalakhanyeni Namarepela 13:1-33.

(a) Mano taani yaathanliwe wi yahochele elapo ya o Kaanani nave elukuluku taani yaphaama yaawo yaaryaayano? (Nam. 13:2, 3, 18-20)

(b) Ntakhara heeni moonelo a Yosua ni Kalebi yaari ohiyana ni moonelo a alipa-oohocha akina, nave tiheeni yeeyo enanihusihaaya hiyo? (Nam. 13:28-30; Mat. 17:20; 2 aKor. 5:7)

 2. Mwaalakhanyeni Namarepela 14:1-38.

(a) Mano yoolopola taani nnaphwanelaahu wiiwelela vooloca sa owaapa ahooleli a Yehova a elapo yavathi? (Nam. 14:2, 3, 27; Mat. 25:40, 45; 1 aKor. 10:10)

(b) Yoorempwa ya Namarepela 14:24, enooniherya mwawiihayi wi Yehova onnamuthokororya muchu ori oothene a yaawo ari akapuro awe? (1 Mamwene 19:18; Masi. 15:3)

Mwaha 39

Ekopo ya Aaroni Ennaphuwa Ithutu

 1. Taani anarukunuwela olamulelo wa Moose ni Aaroni, nave analoca eheeni ni Moose?

 2. Tiheeni Moose amuleenleiye Koora ni oomucharaawe 250 anaphwanelaaya weera?

 3. Mano tiheeni Moose aalonceiye wa achu, nave tiheeni yeeren’ye hiihaa owo amanleiye oloca?

 4. Tiheeni eneereya wa Koora ni oomucharaawe 250?

 5. Mano tiheeni Eleazara mwaana a Aaroni, oneereiye ni iparatho sa soochuwiha sa alipa ookhwa nave nthowa taani?

 6. Ntakhara heeni Yehova oheeriha ekopo ya Aaroni ophuwa ithutu? (Vareryani va eruku ela.)

Makoho awaacereryeya:

 1. Mwaalakhanyeni Namarepela 16:1-49.

(a) Mano Koora ni oomucharaawe yaapanke eheeni? Ntakhara heeni yeeyo yaari omurukunuwela Yehova? (Nam. 16:9, 10, 18; Onam. 10:1, 2; Masi. 11:2)

(b) Moonelo onanara taani Koora ni ‘atokweene amuthukumano’ 250 yuunuwiihaaya? (Nam. 16:1-3; Masi. 15:33; Yes. 49:7)

 2. Mwaalakhanyeni Namarepela 17:1-11 ni 26:10.

(a) Mano ophuwa ithutu wa ekopo ya Aaroni yaathoonyiherya eheeni? Ntakhara heeni Yehova aalamulela wi ekuhiwe mu kaxani? (Nam. 17:5, 8, 10)

(b) Echu taani yookumi nnahuseryaahu wa eneneeryo ehiiwe ni ekopo ya Aaroni? (Nam. 17:10; Saw. 20:28; aFil. 2:14; aHeb. 13:17)

Mwaha 40

Moose Onnamana Vamwala

 1. Mano Yehova aathokoronrye aIsarayeli mwawiihayi mu elukuluku yeeyo yaaryaaya mutakhwani?

 2. Tiheeni aIsarayeli yaacheenyaaya vaavaa emankeene mikocha saya o Kateexe?

 3. Mano Yehova oneera eheeni wi aavahe maahi achu ni axinama?

 4. Va eruku ela, mulopwana owo oniithonya taani, nave nthowa taani oneereiye yeeyo?

 5. Ntakhara heeni Yehova onanariwa ni Moose ni Aaroni nave ekoyi taani yaakhenlaaya?

 6. Tiheeni eneereya o Mwaakoni wa Hori nave taani onkhala mutokweene alipa-ephepa a aIsarayeli?

Makoho awaacereryeya:

 1. Mwaalakhanyeni Namarepela 20:1-13, 22-29 ni Malamulo 29:5.

(a) Mano tiheeni nnahuseryaahu mwa mukhalelo wa Yehova waakhapelela aIsarayeli mutakhwani? (Malam. 29:5; Mat. 6:31; aHeb. 13:5; Yak. 1:17)

(b) Mano Yehova onne hayi yoocheka ya Moose ni Aaroni ya ohimweeliha va mithoni va aIsarayeli? (Nam. 20:12; 1 aKor. 10:12; Yaw. 4:11)

(c) Tiheeni nnahuseryaahu wa mukhalelo wa Moose iwelenleiye olakiwa akhenleiye wa Yehova? (Nam. 12:3; 20:12, 27, 28; Malam. 32:4; aHeb. 12:7-11)

Mwaha 41

Enowa Yamuchove

 1. Va eruku ela, tiheeni nnonaahu evitikeleliwe vamwirini, nave ntakhara heeni Yehova ahimulela Moose wi akuhe echwene yeeyo vamwirini?

 2. Mano ti mwawiihayi achu yoonihenryaaya ohithamalela mwa soothene seiyo Yehova oneereiye wa yaawo?

 3. Tiheeni achu anavekaaya wa Moose wi eere, vachuli va Yehova aruminheiye inowa sa mihokhoroko sawiipha wi aalake aIsarayeli?

 4. Mano ntakhara heeni Yehova amurummeiye Moose wi apake enowa yamuchove?

 5. Mwaheene yoola onanihusiha eheeni?

Makoho awaacereryeya:

 1. Mwaalakhanyeni Namarepela 21:4-9.

(a) Ti mwawiihayi enakhalaaya yoonlopola hiyo olelo sa ochenya wa aIsarayeli yeenryaaya sa mareheryelo a Yehova? (Nam. 21:5, 6; aRom. 2:4)

(b) Muhoolo mwa miyaakha masana masaneene, tiheeni aIsarayeli yeraaya ni enowa yamuchove nave Mwene Hezekiya eenre heeni? (Nam. 21:9; 2 Mamwene 18:1-4)

 2. Mwaalakhanyeni Yohane 3:14, 15.

Mano ti mwawiihayi enowa yamuchove yakuhiwe vamwirini, yaakhanle yoolopola, enathoonyerya phaama wa Yesu aathomeiwe vamwirini woothipeliwa? (aGal. 3:13; 1 Pet. 2:24)

Mwaha 42

Puuru Onnaloca

 1. Balake taani? Mano nthowa taani yoowo aruminheiye oya okuxiwa Balamu?

 2. Ntakhara heeni puuru a Balamu aahikona muramphani?

 3. Mano tiheeni Balamu onaiweiye puuru alocaka?

 4. Tiheeni yeeyo mungelo onamuleeleiye Balamu?

 5. Mano tiheeni eneereya vaavaa Balamu oneereryeiye wi awuulumele aIsarayeli?

Makoho awaacereryeya:

 1. Mwaalakhanyeni Namarepela 21:21-35.

Mano ntakhara heeni aIsarayeli yahimpwaha Mwene Siihoni, a aAmori, ni Mwene Ooku, o Paxana? (Nam. 21:21, 23, 33, 34)

 2. Mwaalakhanyeni Namarepela 22:1-40.

Mano Balamu aarino nthowa taani wi eererye owuulumela aIsarayeli? Nnahuserya heeni wa yeeyo? (Nam. 22:16, 17; Masi. 6:16, 18; 2 Pet. 2:15; Yuda 11)

 3. Mwaalakhanyeni Namarepela 23:1-30.

Mano nari mwi Balamu alonceene ntoko kapuro a Yehova, ti mwawiihayi saweera sawe sanamukhooca yoowo? (Nam. 23:3, 11-14; 1 Sam. 15:22)

 4. Mwaalakhanyeni Namarepela 24:1-25.

Ti mwawiihayi yaweereya yeela ya mPiipiliyani ennalipiha nroromelo mwa wakhwaniheryeya wa yochuna ya Yehova? (Nam. 24:10; Yes. 54:17)

Mwaha 43

Yosua Onakhala Muhooleli

 1. Va eruku ela taani alopwanaawo eeli yeemenle ni Moose?

 2. Tiheeni Yehova onamuleeleiye Yosua?

 3. Nthowa taani Moose owelenleiye vasulu Vamwaakoni wa Nebo, nave tiheeni Yehova onamuleeleiye yoowo?

 4. Moose okhwiye ari ni iyaakha hayi?

 5. Ntakhara heeni achu akhanlaaya oothanana? Nave nthowa taani yaawo aryaayano wi ekhale ohakalala?

Makoho awaacereryeya:

 1. Mwaalakhanyeni Namarepela 27:12-23.

Muteko taani woovila Yosua aakhenleiye wa Yehova? Mano Yehova onooniherya mwawiihayi wathokororya achwaawe olelo? (Nam. 27:15-19; Saw. 20:28; aHeb. 13:7)

 2. Mwaalakhanyeni Malamulo 3:23-29.

Ntakhara heeni Yehova heemerenrye wi Moose ni Aaroni evolowe mu elapo yoolaiheryiwa? Mano nnahuserya eheeni wa yeeyo? (Malam. 3:25-27; Nam. 20:12, 13)

 3. Mwaalakhanyeni Malamulo 31:1-8, 14-23.

Mano masu a Moose olaserya wa aIsarayeli enooniha mwawiihayi wi yoowo aaneemererya mwawiiyeviha olakiwa ni Yehova? (Malam. 31:6-8, 23)

 4. Mwaalakhanyeni Malamulo 32:45-52.

Mano Masu a Muluku anaphwanela ohoolela okumi wahu mwawiihayi? (Malam. 32:47; Onam. 18:5; aHeb. 4:12)

 5. Mwaalakhanyeni Malamulo 34:1-12.

Nari mwi Moose ahantoko omoona Yehova, Malamulo 34:10 onathoonyeryani vooloca sa waatana wawe ni Muluku? (Muk. 33:11, 20; Nam. 12:8)

Mwaha 44

Rahabi Onnaavitha Alipa-Oohocha

 1. Mano Rahabi onakhala woowi?

 2. Alopwanaawo eeli va eruku ela taani, nave ntakhara heeni aryaaya o Yeriko?

 3. Mano tiheeni mwene o Yeriko onalamuleiye wi Rahabi eere, nave yoowo aakhunle hayi?

 4. Rahabi onaakhaviherya hayi alopwanaawo eeli, nave yoowo aavenke eheeni?

 5. Mano alipa-oohochaawo eeli tiheeni yamulaihenryaaya Rahabi?

Makoho awaacereryeya:

 1. Mwaalakhanyeni Yosuwa 2:1-24.

Mano vaavaa aIsarayeli yaavinnyaaya oya ovanyihana ni Yeriko, yoolanya ya Yehova erempwe mu Mukwaha 23:28 yaakhwaanenle mwawiihayi? (Yos. 2:9-11)

 2. Mwaalakhanyeni aHebri 11:31.

Yootakiherya ya Rahabi enathoonyiherya hayi ochuneya wa nroromelo? (aRom. 1:17; aHeb. 10:39; Yak. 2:25)

Mwaha 45

Olapuwa Muhice wa Yoortano

 1. Mano yootikiniha taani Yehova eenreiye wi aIsarayeli ewerye olapuwa Muhice wa Yoortano?

 2. Tiheeni aIsarayeli anachunaaya weera wi elapuwe Muhice wa Yoortano, yoniheryaka ni yeeyo nroromelo naya?

 3. Mano ntakhara heeni Yehova aamuleela Yosua wi arolele maluku matokotoko 12 ammuhiceni mmo?

 4. Tiheeni eneereya hiihaa alipa ephepaawo anakhumaaya mu Yoortano?

Makoho awaacereryeya:

 1. Mwaalakhanyeni Yosuwa 3:1-17.

(a) Moovarihana ni yaweereya ela, tiheeni nnaphwanelaahu weera wi naakhele okhaviheryiwa ni mareliho a Yehova? (Yos. 3:13, 15; Masi. 3:5; Yak. 2:22, 26)

(b) Mano Muhice wa Yoortano waari wawiihayi vaavaa aIsarayeli elapuwaka wi yaavolowe mu Elapo Yoolaiheryiwa? Mano yeeyo yaavuwinhe hayi nsina na Yehova? (Yos. 3:15; 4:18; Sal. 66:5-7)

 2. Mwaalakhanyeni Yosuwa 4:1-18.

Mano maluku awo 12 aroliwe mu Yoortano yuukeliwa o Giligali yaphara muteko taani? (Yos. 4:4-7)

Mwaha 46

Ixiri sa Yeriko

 1. Mano tiheeni Yehova onalamuleeleiye wa alipa akhoco ni alipa-ephepa wi yeere mmahiku mathanu nammoha?

 2. Tiheeni alopwanaawo anaphwanelaaya weera mu nihiku na neethanu nameeli?

 3. Ntoko nyu munoonaanyu va eruku ela, tiheeni eneereya ni ixiri sa Yeriko?

 4. Mano ntakhara heeni wokhalavo mukoi wooxeerya vaxanelani?

 5. Yosua aalamulenle heeni alipa akhochwaawo wi yeere wa achu ni epooma, nave tiheeni yaphwanela weeriwano eparata, mivira, muchove ni muthipo?

 6. Mano tiheeni ohocha eeli anaphwanelaaya weera?

Makoho awaacereryeya:

 1. Mwaalakhanyeni Yosuwa 6:1-25.

(a) Ti mwaawiihayi ochimaka wa aIsarayeli orukurerya Yeriko, mu nihiku na neethanu nameeli, ennaphwanaphwana ni muteko wa olaleerya wa Anamoona a Yehova mmahiku yaala ookuchula? (Yos. 6:15, 16; Yes. 60:22; Mat. 24:14; 1 aKor. 9:16)

(b) Yoorempwa ya Yosuwa 6:26 yaakhwaanenle mwawiihayi voovira iyaakha 500 nave yeeyo enahusiha heeni vooloca sa masu a Yehova? (1 Mamwene 16:34; Yes. 55:11)

Mwaha 47

Mulipa Aawiiya mu Isarayeli

 1. Va eruku ela taani mulopwanoowo onathipela vathi ichu iho saphaama saakuxiwe o Yeriko, nave taani yaawo anamukhaviherya?

 2. Ntakhara heeni saweera sa Akani ni echokwaawe saari soonaraxa?

 3. Tiheeni Yehova alonceiye vaavaa Yosua amukonheiye wi ntakhara heeni aIsarayeli epwahiwaaya mu owana ni Ai?

 4. Vachuli va Akani ni echokwaawe eveleliweene wa Yosua tiheeni yeeren’ye wa yaawo?

 5. Mano yosuwela taani yoopwahaxa othorihiwa wa Akani onanihusihaaya?

Makoho awaacereryeya:

 1. Mwaalakhanyeni Yosuwa 7:1-26.

(a) Tiheeni mavekelo a Yosua anuupululaaya vooloca sa waatana wawe ni Mpatuxa? (Yos. 7:7-9; Sal. 119:145; 1 Yoh. 5:14)

(b) Yootakiherya ya Akani enoniherya heeni nave ti mwawiihayi yeeyo ekhanlaaya yoonlopola hiyo? (Yos. 7:11, 14, 15; Masi. 15:3; 1 Tim. 5:24; aHeb. 4:13)

 2. Mwaalakhanyeni Yosuwa 8:1-29.

Mirichi taani sa muchu ti muchu nryaahuno wa muloko WeeKristu olelo? (Yos. 7:13; Onam. 5:1; Masi. 28:13)

Mwaha 48

Asinagibeoni Amiruku

 1. Mano asinaGibeoni ahiyanne mwawiihayi ni aKaanani a ipooma sowachamanano?

 2. Ntoko ephwanaphwanihiwaaya va eruku ela, tiheeni yeeyo aneeraaya asinaGibeoni nave ntakhara heeni?

 3. Yoolanya taani Yosua ni asitokweene aIsarayeli yeenraaya wa asinaGibeoni, nave tiheeni yaasuwenlaaya vachuli va mahiku mararu?

 4. Tiheeni yeeren’ye vaavaa mamwene a ipooma sikina yasuwenlaaya wi asinaGibeoni aapaka nlakano namurechele ni aIsarayeli?

Makoho awaacereryeya:

 1. Mwaalakhanyeni Yosuwa 9:1-27.

(a) Mano vawoona wi Yehova ahivaha ikano wi nloko na aIsarayeli ‘yaatoloxe achu oothene yakhala mu elapo eyo’ makhalelo taani yoowo oonihenryeiye vaavaa aahin’yeiye ni okumi asinaGibeoni? (Yos. 9:22, 24; Mat. 9:13; Saw. 10:34, 35; 2 Pet. 3:9)

(b) Mu okhaliherya nlakano eenreiye ni asinaGibeoni, Yosua otikithenrye mwawiihayi yoothakiherya yaphaamaxa wa aKristu amutano? (Yos. 9:18, 19; Mat. 5:37; aEf. 4:25)

 2. Mwaalakhanyeni Yosuwa 10:1-5.

Mano muloko mutokotoko olelo onaatakiherya mwawiihayi asinaGibeoni? Va nthowa nenlo anakhala yiichiwaka naani? (Yos. 10:4; Zak. 8:23; Mat. 25:35-40; Yaw. 12:17)

Mwaha 49

Nsuwa Naaheemela

 1. Va eruku ela tiheeni Yosua onaloceiye nave ntakhara heeni?

 2. Mano Yehova onamukhaviherya mwawiihayi Yosua ni alipa-akhochwaawe?

 3. Yosua aapwanhe mamwene ahayi yawiicha aIsarayeli, nave yeeyo yakunxe elukuluku hayi?

 4. Mano ntakhara heeni Yosua onnakawanya elapo ya Kaanani?

 5. Yosuwa akhwile arino iyaakha hayi sa oyariwa, nave tiheeni eneereya wa achu vachuli va yeeyo?

Makoho awaacereryeya:

 1. Mwaalakhanyeni Yosuwa 10:6-15.

Mano osuwela wi Yehova aheemexa nsuwa ni mweeri ntakhara aIsarayeli enaphwanela onivaha nroromelo taani olelo? (Yos. 10:8, 10, 12, 13; Sal. 18:3; Masi. 18:10)

 2. Mwaalakhanyeni Yosuwa 12:7-24.

Taani aari mwaneene mu waapwaha mamwene 31 o Kaanani, nave ntakhara heeni yeeyo eraaya yoochuneyaxa wa hiyo olelo? (Yos. 12:7; 24:11-13; Malam. 31:8; Luka 21:9, 25-28)

 3. Mwaalakhanyeni Yosuwa 14:1-5.

Mano elapo yaakawanyiwe mwawiihayi ntakhara mahimo aIsarayeli? Nave yeeyo enathoonyiherya eheeni vooloca sa wakhela elapo ya Paradaiso? (Yos. 14:2; Yes. 65:21; Ezek. 47:21-23; 1 aKor. 14:33)

 4. Mwaalakhanyeni Amuthoriha 2:8-13.

Hiihaa ntoko Yosuwa mu Isarayeli, taani olelo onalapa ntoko oovanyihana ni omwaryeya? (Amut. 2:8, 10, 11; Mat. 24:45-47; 2 aTes. 2:3-6; Tito 1:7-9; Yaw. 1:1; 2:1, 2)

Mwaha 50

Athiyana Eeli Oolipa Murima

 1. Mano taani yaari alipa oothoriha? Nave akina a yaawo masinaaya taani?

 2. Esisapo taani yavamekhaaya Teepora aareiyeno nave yaaphitaanyenrye ni eheeni?

 3. Vaavaa aIsarayeli yoopopihiwaka ti Mwene Yapini ni muhooleli aasurutaatu awe, Sisera, michaka taani ya Yehova Teepora aamuleenleiye Mulipa Oothoriha Baraki, nave yoowo aalonce wi taani aya waakhela ovuwa?

 4. Ti mwawiihayi Yaeli oonihenryeiye wi ti muthiyana olipa murima?

 5. Mano tiheeni eneereya vachuli va okhwa wa Mwene Yapini?

Makoho awaacereryeya:

 1. Mwaalakhanyeni Amuthoriha 2:14-22.

Mano aIsarayeli yiitannyenrye mwawiihayi esara ya Yehova? Yoosuweliha taani nnahuseryaahu wa yeeyo? (Amut. 2:20; Masi. 3:1, 2; Ezek. 18:21-23)

 2. Mwaalakhanyeni Amuthoriha 4:1-24.

Soosuweliha taani sa nroromelo ni olipa murima athiyana eeKristu a olelo aneeraaya ehuserye sa sootakiherya sa Teepora ni sa Yaeli? (Amut. 4:4, 8, 9, 14, 21, 22; Masi. 31:30; 1 aKor. 16:13)

 3. Mwaalakhanyeni Amuthoriha 5:1-31.

Nthakhara heeni ncipo na opwaha wa Baraki ni Teepora poti okhala ntoko nivekelo nnalikana ni orwa wa ekhoco ya Harmagedo? (Amut. 5:3, 31; 1 Math. 16:8-10; Yaw. 7:9, 10; 16:16; 19:19-21)

Mwaha 51

Rute ni Naomi

 1. Mano ntakhara heeni Naomi aaronweiye elapo ya Mowaape?

 2. Rute ni Orpa taani?

 3. Tiheeni yeeyo Rute ni Orpa yaakhunlaaya vaavaa Naomi aaleenleiye wi ekokele wa achu aya?

 4. Mano Boazi taani, nave owo onaakhaviherya mwawiihayi Rute ni Naomi?

 5. Mano nsina na mwaana a Boazi ni Rute taani, nave ntakhara heeni nnaphwanelaahu omuupuwela yoowo?

Makoho awaacereryeya:

 1. Mwaalakhanyeni Rute 1:1-17.

(a) Mano masu taani aphaama Rute olonceiye, yooniheryaka osivelawawe? (Rute 1:16, 17)

(b) Ti mwawiihayi eyuupuwelo ya Rute ennooniha phaama eyuupuwelo ya ‘‘ipuchepuche sikina’’ ntakhara wa oothanliwa ari elapo yavathi? (Yoh. 10:16; Zak. 8:23)

 2. Mwaalakhanyeni Rute 2:1-23.

Mano ti mwawiihayi Rute ti yootakhiherya yaphaamaxa wa asimwali amutano? (Rute 2:17, 18; Masi. 23:22; 31:15)

 3. Mwaalakhanyeni Rute 3:5-13.

(a) Ti mwawiihayi Boazi onneiye wiiveleela wa Rute wi atheliwe ni yoowo opwaha otheliwa ni mulopwana mwaammiravoxa?

(b) Mano eyuupuwelo ya Rute tiheeni enanihusihaaya vooloca sa osivelaxa? (Rute 3:10; 1 aKor. 13:4, 5)

 4. Mwaalakhanyeni Rute 4:7-17.

Ti mukhalelo taani alopwana eeKristu amutano aneeraaya ekhale ntoko Boazi? (Rute 4:9, 10; 1 Tim. 3:1, 12, 13; 5:8)

Mwaha 52

Gideoni ni Alopwanaawe 300

 1. Mano ti mwawiihayi nave ntakhara heeni aIsarayeli aryaaya mu sookachamiha sincipale?

 2. Ntakhara heeni Yehova amuleenleiye Gideoni wi owo ookhalano alopwana ancipale akhoco?

 3. Yahanle alopwana ahayi vachuli va Gideoni aarummeiye alopwana anoova wi ekokele owaani?

 4. Vareryani va eruku ela, mwavinya muthorihe tiheeni Yehova eenreiye wi aavukule alipa akhoco a Gideoni wi ehale alopwana 300 pahiru.

 5. Mano Gideoni aarehenrye mwawiihayi alopwanaawe 300, nave aIsarayeli yaapwanhe mwawiihayi ekhoco?

Makoho awaacereryeya:

 1. Mwaalakhanyeni Amuthoriha 6:36-40.

(a) Mano tiheeni Gideoni eenreiye wi oonexe tiivi yaari yochuna ya Yehova?

(b) Olelo nnasuwela hayi wi tiivi eri yochuna ya Yehova? (Masi. 2:3-6; Mat. 7:7-11; 2 Tim. 3:16, 17)

 2. Mwaalakhanyeni Amuthoriha 7:1-25.

(a) Mano tiheeni nnahuseryaahu sa alopwana 300 yakhanle awiivarerya, mohiyana ni yaawo yaahiithokorerya? (Amut. 7:3, 6; aRom. 13:11, 12; aEf. 5:15-17)

(b) Hiihaa ntoko alopwana 300 yahusenryaaya mu onvarerya Gideoni, ti mwawiihayi hiyo nnahuseryaahu mu onvarerya Gideoni Mutokweene Yesu Kristu? (Amut. 7:17; Mat. 11:29, 30; 28:19, 20; 1 Pet. 2:21)

(c) Mano Amuthoriha 7:21 onanikhaviherya mwawiihayi okhala oohakalala va olapa mu nipuro nri noothene nnarummwaahu, ni mareheryelo a Yehova? (1 aKor. 4:2; 12:14-18; Yak. 4:10)

 3. Mwaalakhanyeni Amuthoriha 8:1-3.

Mano wakhalavo ohiiwanana wahu ni anna nari arokora, tiheeni nnahuseryaahu wa mukhalelo yoowo Gideoni athoriheiye ohiwanana ni asinaEfarayimu? (Masi. 15:1; Mat. 5:23, 24; Luka 9:48)

Mwaha 53

Nlakano na Yefita

 1. Mano Yefita taani nave ti elukuluku taani yoowo akhanleiye ni okumi?

 2. Nlakano taani Yefita eenreiye ni Yehova?

 3. Ntakhara heeni Yefita onakhaleiye othanana vaavaa onachikeleiye owani, vachuli va wapwaha asinaAmooni?

 4. Mano tiheeni mwaana mwamuthiyana a Yefita onaloceiye vaavaa asuwenleiye sa nlakano na atiithaawe?

 5. Ntakhara heeni achu annamusivele mwaana mwamuthiyana a Yefita?

Makoho awaacereryeya:

 1. Mwaalakhanyeni Amuthoriha 10:6-18.

Mano yoolopola taani nnaphwanelaahu ocharaka naalikhelaka sorempwa sa ohiroromela sa aIsarayeli wa Yehova? (Amut. 10:6, 15, 16; aRom. 15:4; Yaw. 2:10)

 2. Mwaalakhanyeni Amuthoriha 11:1-11, 29-40.

(a) Nnasuwela hayi wi, vaavaa Yefita anveleeleiye mwanawe mwamuthiyana ntoko ‘yoovelela yoopahiwa’, yeeyo hiyaataphulela wi owo anveleele ntoko mukucho wa muchu, wi apahiwe chire? (Amut. 11:31; Onam. 16:24; Malam. 18:10, 12)

(b) Mano Yefita anveleenle mwanawe mwamuthiyana ntoko mukucho mwawiihayi?

(c) Tiheeni nnahuseryaahu sa eyuupuwelo ya Yefita wa yoothanla eenreiye wa Yehova? (Amut. 11:35, 39; Ekle. 5:4, 5; Mat. 16:24)

(d) Mano mwaana mwamuthiyana a Yefita okhanle hayi yootakiherya yaphaamaxa wa amiravo eeKristu anaavyavya ephiro yomurumela Yehova mu elukuluku yoothene? (Amut. 11:36; Mat. 6:33; aFil. 3:8)

Mwaha 54

Mulopwana Akuru Vancipale

 1. Mano nsina namulopwana akuruxa aakhanlewo neeriwa taani, nave taani aamvanhe ikuru?

 2. Nihiku nikina tiheeni Samsoni eenreiye ni mwaco mutokotoko ntoko enooniheryiwaaya va eruku ela?

 3. Va eruku ela yawiiphiini taani Samsoni onamuleleiye Dalila? Ti mwawiihayi yeeyo yaaheriha wi yoowo aphariwe ni asinaFilisti?

 4. Mano Samsoni eenre heeni wi 3,000 asinaFilisti amwiicani ekhwe mu nihiku na okhwa wawe?

Makoho awaacereryeya:

 1. Mwaalakhanyeni Amuthoriha 13:1-14.

Ntakhara heeni Manowa ni amwaariye akhanlaaya yootakiherya wa asitiithi va waphuwa anaaya? (Amut. 13:8; Sal. 127:3; aEf. 6:4)

 2. Mwaalakhanyeni Amuthoriha 14:5-9 ni 15:9-16.

(a) Saweereya sa Samsoni omwiipha mwaco mutokotoko, ophavya mikoi mivyaani ni opharihela muteko mphitha wa puuru wi awiiphe alopwana 1,000 inuupulula heeni vooloca sa muteko wa munepa waweela wa Yehova?

(b) Mano munepa waweela onanikhaviherya mwawiihayi olelo? (Amut. 14:6; 15:14; Zak. 4:6; Saw. 4:31)

 3. Mwaalakhanyeni Amuthoriha 16:18-31.

Mano waatana woonanara wanvolowenle hayi Samsoni nave tiheeni nnahuseryaahu sa yeeyo? (Amut. 16:18, 19; 1 aKor. 15:33)

Mwaha 55

Mmiravo Mmoha Onnamurumeela Muluku

 1. Mano nsina na mmiravo owo va eruku ela taani, nave akina awo taani?

 2. Nihiku nikina, tiheeni Ana alonceiye mmavekelo vaavaa axekuryaka mu tabernaakulu a Yehova, nave Yehova amwaakhunle mwawiihayi?

 3. Mano vaavaa Samueli ayaaka omurumela Yehova mu tabernaakulu aarino iyaakha hayi, nave tiheeni amannya yaamwerelaaya yoowo iyaakha soothene?

 4. Anamwane a Eli aaniichaniwa taani, nave yaawo yaari alopwana amukhalelo taani?

 5. Mano Yehova onamwiicana mwawiihayi Samueli, nave michaka taani yoowo onamuleeleiye?

 6. Tiheeni Samueli eenreiye vaavaa unuuweiye? Nyenya tiheeni yeeren’ye vaavaa uuluvanleiye?

Makoho awaacereryeya:

 1. Mwaalakhanyeni 1 Samuwele 1:1-28.

(a) Mano yootakiherya taani yaphaamaxa Elikana onaavaheiye ooholela a echoko vooloca sa ohoolela mu malapelo eeparipari? (1 Sam. 1:3, 21; Mat. 6:33; aFil. 1:10)

(b) Yosuweliha taani nnahuseryaahu wa yootakiherya ehiiwe ni Ana vaavaa akumaneiye ni makachamiho oovila othokororya? (1 Sam. 1:10, 11; Sal. 55:22; aRom. 12:12)

 2. Mwaalakhanyeni 1 Samuwele 2:11-36.

Mano Eli aachichiminhe anaawe voopwahaxa mwawiihayi omuhiya Yehova? Ti mwawiihayi yeeyo ekhanlaaya yoonlopola hiyo? (1 Sam. 2:22-24, 27, 29; Malam. 21:18-21; Mat. 10:36, 37)

 3. Mwaalakhanyeni 1 Samuwele 4:16-18.

Michaka taani sa ochilu sarule weiwo waawaniwawo ekhoco? Nave yeeyo yampakenle eheeni Eli?

 4. Mwaalakhanyeni 1 Samuwele 8:4-9.

Mano tiheeni aIsarayeli yeenraaya, yeeyo yamunananre vancipale Yehova? Ti mwawiihayi nnaphwanelaahu okhaviheryaka moororomeleya Omwenaawe olelo? (1 Sam. 8:5, 7; Yoh. 17:16; Yak. 4:4)

Mwaha 56

Mwene Oopacerya a Isarayeli

 1. Va eruku ela tiheeni yeeyo Samueli oneereiye? Mano ntakhara heeni?

 2. Mano ntakhara heeni Yehova onnamusivela Saawulu? Nave yoowo aari mulopwana amukhalelo taani?

 3. Nsina na mwaana a Saawulu taani, nave mwaana owo eenreiye tiheeni?

 4. Mano ntakhara heeni Saawulu aveleenleiye ephepa ohiya wi anwehererye Samueli aveleele?

 5. Ichu taani nnaphwanelaahu ohuserya sa weereya sa Saawulu?

Makoho awaacereryeya:

 1. Mwaalakhanyeni 1 Samuwele 9:15-21 ni 10:17-27.

Ti mwawiihayi mukhalelo wawiiyeviha wa Saawulu waamukhaviherya orapela weera echu mootuthuwela, vaavaa alopwana akavi yaamulocenlaaya moomunyemula yoowo? (1 Sam. 9:21; 10:21, 22, 27; Masi. 17:27)

 2. Mwaalakhanyeni 1 Samuwele 13:5-14.

Mano yocheka taani Saawulu eenreiye o Giligali? (1 Sam. 10:8; 13:8, 9, 13)

 3. Mwaalakhanyeni 1 Samuwele 15:1-35.

(a) Yocheka taani etokotoko Saawulu eenreiye enaphwanaphwana ni Agage Mwene a Amalaki? (1 Sam. 15:2, 3, 8, 9, 22)

(b) Saawulu ereenrye mwawiihayi oreeriha saweera sawe ni orapela nthowa? (1 Sam. 15:24)

(c) Ti yoolopola taani nnaphwanelaahu wuupuwelaka olelo, naavahiwaka miruku? (1 Sam. 15:19-21; Sal. 141:5; Masi. 9:8, 9; 11:2)

Mwaha 57

Muluku Onnamuthanla Tavite

 1. Mano mmiravo ori va eruku ela nsina nawe taani, nave nnasuwela hayi wi owo ti olipa murima?

 2. Tavite aakhala woowi, nave atiithaawe ni ataataawe yeeriwa taani?

 3. Ntakhara heeni Yehova amuleenleiye Samuwele wi aye owannyawe Yese, o Petelehemu?

 4. Mano tiheeni eneereya vaavaa Yese aakerinheiye anamwanaawe athanu neeli wa Samuwele?

 5. Vaavaa Tavite aaphiyaleiye, tiheeni Yehova amuleenleiye Samueli?

Makoho awaacereryeya:

 1. Mwaalakhanyeni 1 Samuwele 17:34, 35.

Mano ti mwawiihayi saweereya seiha sinnachichimiherya olipa murima wa Tavite, ni omuroromela wawe Yehova? (1 Sam. 17:37)

 2. Mwaalakhanyeni 1 Samuwele 16:1-14.

(a) Masu a Yehova ari mu 1 Samuwele 16:7 ananikhaviherya mwawiihayi wi nihikhale anthalu, nave nsepe othanlela ntakhara mu ethoyi ya muchu? (Saw. 10:34, 35; 1 Tim. 2:4)

(b) Mano yootakiherya ya Saawulu enoniherya hayi wi, Yehova aveihavo munepa waweela wa muchu, yoowo poti oracheeliwa ni munepa woonanara nari ni yochuna mmurimani wi eere echu yoonanara? (1 Sam. 16:14; Mat 12:43-45; aGal. 5:16)

Mwaha 58

Tavite ni Goliyati

 1. Mano Goliyati akachaminhe hayi muloko wakhoco wa Isarayeli?

 2. Goliyati inuuwe mwawiihayi, nave Mwene Saawulu alaihenrye phatamari taani wa mulopwana ahaala omwiipha Goliyati?

 3. Mano Tavite aalonce eheeni, vaavaa Saawulu amuleenleiye wi ahiwane ni Goliyati nthowa nawi aari mmiravo pahi?

 4. Amwaakhulaka Goliyati, Tavite oonihenrye hayi omuroromela wawe Yehova?

 5. Ntoko munaweryaanyu woona va eruku ela, Tavite apharihenle muteko eheeni wi amwiiphe Goliyati, nave tiheeni yeeren’ye wa asinaFilisti vachuli va yeeyo?

Makoho awaacereryeya:

 1. Mwaalakhanyeni 1 Samuwele 17:1-54.

(a) Mano tiheeni yaari yawiiphini wa olipa murima wa Tavite, nave nnahaala otakiherya hayi olipa murima wawe? (1 Sam. 17:37, 45; aEf. 6:10, 11)

(b) Ntakhara heeni aKristu anaphwanela osepaka munepa wa olikanyiha ntoko wa Goliyati vaavaa yaapakaka mathatelo nari ochekula? (1 Sam. 17:8; aGal. 5:26; 1 Tim. 4:8)

(c) Masu a Tavite anathoonyerya mwawiihayi wi yoowo aanaroromela okhaviheryiwa ti Muluku? (1 Sam. 17:45-47; 2 Math. 20:15)

(d) Ohiya othoriha pahiru olikanyiha miloko sakhoco sawiichana, ti mwawiihayi yaweereya yeela ennooniha wi ekhoco eyo chireene yaari ya miluku yoowoka ni Muluku eeparipari, Yehova? (1 Sam. 17:43, 46, 47)

(e) Mano oothanliwa oohalela anacharela mwawiihayi yoothakiherya ya Tavite ya omuroromela Yehova? (1 Sam. 17:37; Yer. 1:17-19; Yaw. 12:17)

Mwaha 59

Ntakhara Heeni Tavite Aanaphwanela Ochawa

 1. Mano ntakhara heeni Saawulu onnamukhalela ehache Tavite? Mwa yeeyo ti mwawiiihayi Yonatani mwaana a Saawulu, ori ohiyana?

 2. Tiheeni yeeren’ye nihiku nikina vaavaa Tavite aamoopeiye mukaripo ntakhara Saawulu?

 3. Tiheeni Saawulu aalonceiye wi Tavite eere ahakunve omukuxa Mikala, mwanaawe mwaamuthiyana, wi akhale mwaariye? Mano ntakhara heeni aalonceiye yeeyo?

 4. Mano vaavaa Tavite aamoopeiye mukaripo ntakhara Saawulu, tiheeni yeeren’ye mu ekwaha yaneeraru, ntoko enoonihaaya eruku ela?

 5. Mikala onakhaviherya hayi ovuluxa okumi wa Tavite, nave tiheeni Tavite aphwaneleiye weera mu ovira iyaakha thanu napiili?

Makoho awaacereryeya:

 1. Mwaalakhanyeni 1 Samuwele 18:1-30.

(a) Mano ti mwawiihayi nsivelo noohimala na Yonatani ni Tavite naathoonyerya osivelana wa “ipuchepuche sikina” ni “mwamuloko a ipuchepuche”? (1 Sam. 18:1; Yoh. 10:16; Luka 12:32; Zak. 8:23)

(b) Vawoona wi moophwanelela Yonatani tahaala omuraceela Saawulu, ti mwawiihayi 1 Samuwele 18:4 onnoniha nchichimiho nawoneaxa na Yonatani wa yoowo othanliwe wi akhale mwene?

(c) Ti mwawiihayi yoothakiherya ya Saawulu ennoniherya wi ehache poti ophiyeriha wa socheka sitokotoko, nave phole-phole taani yeeyo eraaya wa hiyano? (1 Sam. 18:7-9, 25; Yak. 3:14-16)

 2. Mwaalakhanyeni 1 Samuwele 19:1-17.

Mano Yonatani ahenle okumaawe va woopiha mwawiihayi, vaavaa amphiyenryeiye Saawulu? (1 Sam. 19:1, 4-6; Masi. 16:14)

Mwaha 60

Abigayeli ni Tavite

 1. Va eruku ela, muthiyana owo onamuthikirerya Tavite nsina nawe taani, nave muchu amuloko taani?

 2. Mano Nabala taani?

 3. Ntakhara heeni Tavite onnaaruma alopwanaawe akavi wa Nabala wi yanveke okhaviheryiwa?

 4. Mano tiheeni Nabala olonceiye wa alopwanaawo a Tavite? Nave Tavite eenre heeni?

 5. Ti mwawiihayi Abigayeli onooniheiye wi muthiyana amiruku?

Makoho awaacereryeya:

 1. Mwaalakhanyeni 1 Samuwele 22:1-4.

Mano ti mwawiihayi echoko ya Tavite yoonivaha yootakiherya yaphaamaxa ya okhaviheryana mukina ni mukhwaawe mu onna weeKristu? (Masi. 17:17, 1 aTes. 5:14)

 2. Mwaalakhanyeni 1 Samuwele 25:1-43.

(a) Ntakhara heeni Nabala onnathorihiwa moonyemuliwaxa? (1 Sam. 25:2-5, 10, 14, 21, 25)

(b) Mano tiheeni athiyana eeKristu amutano anahuseryaaya va yootakiherya ya Abigayeli? (1 Sam. 25:32, 33; Masi. 31:26; aEf. 5:24)

(c) Abigayeli amuchiyelenle Tavite weera ichu piili taani soonanara? (1 Sam. 25:31, 33; aRom. 12:19; aEf. 4:26)

(d) Ti mwawiihayi weemererya wa Tavite masu Abigayeli ennakhaviherya alopwana olelo okhalano moonelo a Yehova vooloca sa athiyana? (Saw. 21:8, 9; aRom. 2:11; 1 Pet. 3:7)

Mwaha 61

Tavite ti Mwene

 1. Mano tiheeni Tavite ni Abisai yeenraaya vaavaa Saawulu arikimukona vamukochani?

 2. Makoho taani Tavite amukoheiye Saawulu?

 3. Vachuli va ochimula oya ochiiwene wa Saawulu, Tavite akhele woowi?

 4. Mano tiheeni yamuthananinhe vancipale Tavite, ophiyerya wi yoowo orepa nchipo nooreera?

 5. Tavite aarino iyaakha hayi vaavaa atikitheriwaka ntoko mwene o Heeporoni? Mano anamwanaawe yiichaniwa taani?

 6. Mano elukuluku yawi, Tavite alamuleenle woowi ntoko mwene?

Makoho awaacereryeya:

 1. Mwaalakhanyeni 1 Samuwele 26:1-25.

(a) Masu a Tavite arempwe mu 1 Samuwele 26:11 enuupulula eyuupuwelo taani vooloca sa orummwa wooMuluku? (Sal. 37:7; aRom. 13:2)

(b) Mano vaavaa nnalipiheryaahu wi nooniherye osivela, nyenya nnaphwanya ohithamalela, ti mwawiihayi masu a Tavite mu 1 Samuwele 26:23 annanikhaviherya opharelela moonelo aphaama? (1 Mamwene 8:32; Sal. 18:20)

 2. Mwaalakhanyeni 2 Samuwele 1:26.

Ti mwawiihayi aKristu olelo anaphwanelaaya wuunuwiha “osivela weparipari mwa nyuwo mkhatinyu” ntoko Tavite ni Yonatani yaaryaayano? (1 Pet. 4:8; aKol. 3:14; 1 Yoh. 4:12)

 3. Mwaalakhanyeni 2 Samuwele 5:1-10.

(a) Tavite alamuleenle mu iyaakha hayi, nave elukulukweene yeeyo enakawanyiwa mwawiihayi? (2 Sam. 5:4, 5)

(b) Otokotoko wa Tavite onaveleeliwa wa aani, ti mwawiihayi yeeyo ekhanlaaya yaawupuxerya wa hiyo olelo? (2 Sam. 5:10; 1 Sam. 16:13; 1 aKor. 1:31; aFil. 4:13)

Mwaha 62

Sokachamiha Mpa Mwawe mwa Tavite

 1. Ni okhaviheryiwa ti Yehova, tiheeni yeeren’ye vookuchula vaya mu elapo ya Kaanani?

 2. Tiheeni yeeren’ye nihiku nikina, wiilaleene, vaavaa Tavite aareiye vasulu va nchachoni nawe?

 3. Ntakhara heeni Yehova okhanleiye onanariiwa vancipale ni Tavite?

 4. Va eruku ela, taani yoowo Yehova aamurummeiye wi aloce ni Tavite ntakhara soocheka sawe, nave tiheeni mulopwanoowo analoceiye yahaala omweerela Tavite?

 5. Makachamiho taani Tavite oreiyeno?

 6. Vachuli va Tavite, taani onakhala mwene a Isarayeli?

Makoho awaacereryeya:

 1. Mwaalakhanyeni 2 Samuwele 11:1-27.

(a) Ntakhara heeni okhala ooweyiwa ni muteko wa Yehova ti yawiikicha wa hiyo?

(b) Ti mwawiihayi Tavite aphiyenryeiye ocheka, nave yeeyo enavaha yoolopola taani wa akapuro a Yehova amutano? (2 Sam. 11:2; Mat. 5:27-29; 1 aKor. 10:12; Yak. 1:14, 15)

 2. Mwaalakhanyeni 2 Samuwele 12:1-18.

(a) Mano echu taani asitokweene a mmulokoni ni asitiithi poti ohuserya, sa mukhalelo wa Natani mummo aamwachamenleiye Tavite wi amulake? (2 Sam. 12:1-4; Masi. 12:18; Mat. 13:34)

(b) Ntakhara heeni Yehova aahimmorela ikharari Tavite? (2 Sam. 12:13; Sal. 32:5; 2 aKor. 7:9, 10)

Mwaha 63

Soolomoni Mwene Amirukuuwo

 1. Mano tiheeni Yehova aamukonheiye Soolomoni, nave tiheeni yoowo aakhunleiye?

 2. Vawoona wi aahihakalala ni yooveka ya Soolomoni, Yehova amulaihenrye onvaha eheeni?

 3. Yookachamiha taani yoovila othoriha athiyana eeli yamuruhenlaaya Soolomoni?

 4. Movarihana ni eruku ela, Soolomoni athorinhe mwawiihayi yookachamiha eyo?

 5. Mano omwene wa Soolomoni onlikanyihiwa ni wawani, nave ntakhara heeni?

Makoho awaacereryeya:

 1. Mwaalakhanyeni 1 Mamwene 3:3-28.

(a) Tiheeni alopwana aarino murichi mu mareheryelo a Muluku olelo, anahuseryaaya sa masu a murima mmoha wa Soolomoni mu 1 Mamwene 3:7? (Sal. 119:105; Masi. 3:5-6)

(b) Ntakhara heeni yooveka ya Soolomoni ti yootakiherya yaphaamaxa, wa ichu iri soophwanelela mu nivekeloni? (1 Mamwene 3:9, 11; Masi. 30:8, 9; 1 Yoh. 5:14)

(c) Mano mukhalelo Soolomoni aathorinheiye wakhulana wa athiyana eeli, onanivaha nroromelo taani naanyiheryaka olamulelo wa muhoolo wa Soolomoni Mutokotoko, Yesu Kristu? (1 Mamwene 3:28, Yes. 9:6, 7; 11:2-4)

 2. Mwaalakhanyeni 1 Mamwene 4:29-34.

(a) Yehova aakhunle mwawiihayi yooveka ya Soolomoni wi akhaleno murima wawiwelela? (1 Mamwene 4:29)

(b) Naanyiheryaka wiilipiherya wa achu ancipale yeeraaya wi yiiwe miruku ya Soolomoni, eyuupuwelo taani nnaphwanelaahu okhalano vooloca sa ohuserya sa Masu a Muluku? (1 Mamwene 4:29, 34; Yoh. 17:3; 2 Tim. 3:16)

Mwaha 64

Soolomoni Onnateka Empa ya Muluku

 1. Soolomoni aakunxe elukuluku hayi wi amalihe oteka empa ya Yehova, nave ntakhara heeni yeeyo yahikuxa ikhorowa sincipale?

 2. Mano mu empa eyo waarimo isaala hayi itokotoko, nave tiheeni ekuhiwe mu esaala yampuwamwenexa?

 3. Tiheeni Soolomoni aalonceiye mu nivekeloni nawe, vaavaa empeeyo yaamanlaaya otekiwa?

 4. Yehova oonihenrye mwawiihayi wi ahaalikela nivekelo na Soolomoni?

 5. Tiheeni asaarawe Soolomoni amweerinhaaya opaka, nave tiheeni yamweerenle Soolomoni?

 6. Ntakhara heeni Yehova oonanariwa ni Soolomoni, nave tiheeni Yehova amuleenleiye?

Makoho awaacereryeya:

 1. Mwaalakhanyeni 1 Matharihelo 28:9, 10.

Moovarihana ni masu a Tavite arempwe mu 1 Matharihelo 28:9, 10, tiheeni nnaphwanelaahu wiilipiheryaka wi neere mu okumaahu mmahiku oothene? (Sal. 19:14; aFil. 4:8, 9)

 2. Mwaalakhanyeni 2 Matharihelo 6:12-21, 32-42.

(a) Ti mwawiihayi Soolomoni ooniheeryeiye wi hiyaavoru yooteka epakiwe ni muchu enawerya ophiyerya okhalamo Muluku awirimurimu? (2 Math. 6:18; Saw. 17:24, 25)

(b) Mano tiheeni masu a Soolomoni mu 2 Matharihelo 6:32, 33, anathoonyeryaaya vooloca sa Yehova? (Saw. 10:34, 35; aGal. 2:6)

 3. Mwaalakhanyeni 2 Matharihelo 7:1-5.

Hiihaa ntoko anamwane a Isarayeli yaahikuxiwa murima omuthamala Yehova nthowa na woona waarya wawe, nnaphwanela weera eheeni vaavaa nnoonaahu mareliho a Yehova vooloca sa achwaawe? (2 Math. 7:3; Sal. 22:22; 34:1; 96:2)

 4. Mwaalakhanyeni 1 Mamwene 11:9-13

Mano okumi wa Soolomoni onooniherya mwawiihayi ochuneya wa wiikhalelaru oororomeleya ophiyerya omakuchuwelo? (1 Mamwene 11:4, 9; Mat. 10:22; Yaw. 2:10)

Mwaha 65

Ookawanyeya wa Omwene

 1. Mano alopwana awo eeli va eruku ela aniichaniwa taani, nave yaawo taani?

 2. Tiheeni Ahiya oneereiye ni yoowaraawe, nave yeeyo enathaphulela eheeni?

 3. Tiheeni Soolomoni oneerereiye omweerela Yerobiamu?

 4. Mano takhara heeni achu awo annamulaleya Yerobiamu mwene a mahimo khumi?

 5. Ntakhara heeni Yerobiamu aahaapaka asaana amope eeli amivira, nave tiheeni yeeren’ye ni elapo eyo voocharelavaya?

 6. Mano tiheeni yeeren’ye wa omwene wa mahimo meeli, ni empa ya Yehova o Yerusalemu?

Makoho awaacereryeya:

 1. Mwaalakhanyeni 1 Mamwene 11:26-43.

Mano Yerobiamu aari muchu amukhalelo taani? Yehova aalaiheenrye eheeni wa yoowo, aari mwi owo akhapelenle malamulo a Muluku? (1 Mamwene 11:28, 38)

 2. Mwaalakhanyeni 1 Mamwene 12:1-33.

(a) Tiheeni asitiithi ni asitokweene amuloko, anahalaaya ohuserya wa yootakiherya yoonanara ya Roboamu vooloca sa ophucha olamulelo? (1 Mamwene 12:13; Ekle. 7:7; 1 Pet. 5:2, 3)

(b) Mano amiravo amutano yachunaka weera soothanla itokotoko sa okumi, taani anahaalaya waphiyeryaka wi ephwanye ikano soororomeleya? (1 Mamwene 12:6, 7; Masi. 1:8, 9; 2 Tim. 3:16, 17; aHeb. 13:7)

(c) Tiheeni yaamwerinhe Yerobiamu otikitherya mapuro meeli amalapelo a asaana amope amivira? Mano yeeyo yooniheenrye hayi othowa nroromelo otokotoko wa Yehova? (1 Mamwene 11:37; 12:26-28)

(d) Taani aahoolenle achu a omwene wa mahimo khumi, wi erukunuwele malapelo eeparipari? (1 Mamwene 12:32, 33)

Mwaha 66

Yezebeli—Mwene Mwaamuthiyana Oonanaroowo

 1. Yezebeli taani?

 2. Ntakhara heeni nihiku nikina Mwene Akabe aari othanana?

 3. Mano tiheeni Yezebeli eenreiye wi akuxe emaca ya mpesa ya Naboti ntakhara iyawe, Akabe?

 4. Yehova aamurumme taani wi amulake Yezebeli?

 5. Ntoko munaweryaanyu woona va eruku ela, tiheeni eneereya vaavaa Yehu aphiyaleiye o nchachoni wa Yezebeli?

Makoho awaacereryeya:

 1. Mwaalakhanyeni 1 Mamwene 16:29-33 ni 18:3, 4.

Mano makhalelo oonanara mu Isarayeli yaphiyenrye woowi mu elukuluku ya Mwene Akabe? (1 Mamwene 14:9)

 2. Mwaalakhanyeni 1 Mamwene 21:1-16.

(a) Ti mwaawiihayi mummo Naboti oonihenryeiye olipa murima ni osivela wa Yehova? (1 Mamwene 21:1-3; Onam. 25:23-28)

(b) Tiheeni nnahuseryaahu wa yootakiherya ya Akabe vooloca sa okumanano ni soohiwehereryeya? (1 Mamwene 21:4; aRom. 5:3-5)

 3. Mwaalakhanyeni 2 Mamwene 9:30-37.

Tiheeni nnahuseryaahu sa oviheya wa Yehu mwa weera yoochuna ya Yehova? (2 Mamwene 9:4-10; 2 aKor. 9:1, 2; 2 Tim. 4:2)

Mwaha 67

Yosafete Onnamuroromela Yehova

 1. Mano Yosafete taani, nave mu elukuluku taani owo aakhanleiye ni okumi?

 2. Ntakhara heeni aIsarayeli akhanlaaya awoova nave tiheeni aneeraaya ancipale a yaawo?

 3. Yehova aakhunle hayi nivekelo na Yosafete?

 4. Mano tiheeni Yehova oneereiye ekhoco ehaakunve opacerya?

 5. Echu taani nnahaalahu ohuserya vooloca sa Yosafete?

Makoho awaacereryeya:

 1. Mwaalakhanyeni 2 Matharihelo 20:1-30.

(a) Yosafete ooniheenrye mwawiihayi yeeyo akapuro oororomeleya a Muluku anaphwanelaaya weera yaakumanaka ni makachamiho awoopiha? (2 Math. 20:12; Sal. 25:15; 62:1)

(b) Vawoona wi Yehova elukuluku yoothene oopharihela muteko ephiro ya oloca ni achwaawe, ephiro taani onaphariheleiye muteko olelo? (2 Math. 20:14, 15; Mat. 24:45-47; Yoh. 15:15)

(c) Vaavaa Yehova oneereiye apacerye ‘ekhoco ya nihiku ntokotoko na Muluku, Aikuru soothesene’ ti mwawiihayi mukhalelo wahu oneraaya olikaneke ni wa Yosafete? (2 Math. 20:15, 17; 32:8; Yaw. 16:14, 16)

(d) Mwa waatakiherya aLeevi, ti mwawiihayi mummo mapiyoneero ni mamisiyonaariyo anakhaviheryaaya muteko wa olaleerya mu elapo yoothene yavathi olelo? (2 Math. 20:19; aRom. 10:13-15; 2 Tim. 4:2)

Mwaha 68

Amiravo Eeli Annakhalatho Akumi

 1. Mano achu ala araru va eruku ela taani? Tiheeni yeeyo eneereya ni mmiravo ola?

 2. Nivekelo taani Eliya onamwereleiye mmiravo ola, nave tiheeni yeeyo eneereya vanonto?

 3. Mano nsina na mukhaviheryi a Eliya taani?

 4. Ntakhara heeni Elisa onichaniweiye o empa eyo ya muthiyana amoori o Sunemu?

 5. Tiheeni yeeyo Elisa oneereiye, nave tiheeni eneereya wa mwaana ookhwa owo?

 6. Mano ikuru taani Yehova oreiyeno, ntoko nnoonahu mwa seiyo yoowo eenreiye mwa Eliya ni Elisa?

Makoho awaacereryeya:

 1. Mwaalakhanyeni 1 Mamwene 17:8-24.

(a) Ti mwawiihayi wiiwelela ni nroromelo na Eliya saaheehiwa? (1 Mamwene 17:9; 19:1-4, 10)

(b) Ntakhara heeni nroromelo na naamukhwele o Sarepta nari nawooneya? (1 Mamwene 17:12-16; Luka 4:25, 26)

(c) Mano ti mwawiihayi meechelo yaawo naamukwele o Sarepta aavireiyemo annachichimiherya eeparipari ya masu a Yesu mu Mateyu 10:41, 42? (1 Mamwene 17:10-12, 17, 23, 24)

 2. Mwaalakhanyeni 2 Mamwene 4:8-37.

(a) Muthiyana o Sunemu onanihusiha heeni vooloca sa owaakhela alecho? (2 Mamwene 4:8; Luka 6:38; aRom. 12:13; 1 Yoh. 3:17)

(b) Mano ti mikhalelo taani nnahaalahu wooniherya epewe wa akapuro a Muluku amutano? (Saw. 20:35; 28:1, 2; aGal. 6:9, 10; aHeb. 6:10)

Mwaha 69

Nahano Onnamukhaviherya Mulipa Akuru

 1. Va eruku ela, tiheeni nahano owo onamuleeleiye pwiyawe mwaamuthiyana?

 2. Mano pwiya a mwaamuthiyana owo va eruku ela taani, nave tiheeni yeeyo nahano owo oneereiye va echoko eyo?

 3. Tiheeni Elisa onamurumeiye murummwaawe wi amuleele Naamani, nave ntakhara heeni Naamani anakhaleiye oonanariwa?

 4. Mano tiheeni enereeya vaavaa Naamani aawiiweleenleiye arummwaawe?

 5. Ntakhara heeni Elisa aakhooncheiye yamahala ya Naamani? Nyenya tiheeni Gehazi eenreiye?

 6. Mano tiheeni yeeren’ye wa Gehazi, nave tiheeni nnahaalahu ohuserya wa yeeyo?

Makoho awaacereryeya:

 1. Mwaalakhanyeni 2 Mamwene 5:1-27.

(a) Mano yootakiherya ya nahano muIsarayeli eni yalipihe hayi amiravo olelo va? (2 Mamwene 5:3; Sal. 8:2; 148:12, 13)

(b) Ntakhara heeni okhanlaaya waphaama wuupuwela yootakiherya ya Naamani vaavaa nnaakhelahu ikano sinarwela mPiipiliyani? (2 Mamwene 5:15; aHeb. 12:5, 6; Yak. 4:6)

(c) Mano ichu taani nnahaalahu ohuserya nahiyanihaka yootakiherya ya Elisa ni Gehazi? (2 Mamwene 5:9, 10, 14-16, 20; Mat. 10:8; Saw. 5:1-5; 2 aKor. 2:17)

Mwaha 70

Yona ni Ehopa Etokotoko Eyo

 1. Mano Yona taani, nave tiheeni Yehova ovenkeiye wi owo eere?

 2. Tiheeni oneereiye Yona, okhala wi haachunne orowa weiwo Yehova aamurummeiyewo?

 3. Tiheeni Yona onaaleeleiye amarinyeryo awo anahaalaya weera wi echeku eyo emaale?

 4. Ntoko nyu munoonanyu va eruku ela, tiheeni eneereya wa Yona vaavaa aapwinneiye mmaahini?

 5. Mano Yona aakhanle mmirimani mwa ehopa etokotoko eyo elukuluku hayi, nave tiheeni yoowo eenreiye mummo?

 6. Vachuli va Yona owo akhummeene mu ehopa etokotoko eyo aakele woowi, nave tiheeni yeeyo enanihusihaaya hiyo?

Makoho awaacereryeya:

 1. Mwaalakhanyeni Yona 1:1-17.

Mano mwawooneya Yona isoona mwawiihayi vooloca sa mutekwaawe wa olaleerya wa asinaNiinevi awo? (Yona 1:2, 3; Masi. 3:7; Ekle. 8:12)

 2. Mwaalakhanyeni Yona 2:1, 2, 10.

Meechelo a Yona ananivaha hiyo mwawiihayi nroromelo nawi Yehova onahaala waakhula mavekelo ahu? (Sal. 22:24; 34:6; 1 Yoh. 5:14)

 3. Mwaalakhanyeni Yona 3:1-10.

(a) Mano yoolipiha taani nnaakhelaahu nthowa na Yehova aphwahihenryeiye ompharihela muteko Yona, nari mwi voopacerya owo haapanke muteko owo aakhenleiye? (Sal. 103:14; 1 Pet. 5:10)

(b) Meechelo a Yona ntakhara wa asinaNiinevi awo tiheeni enanihusihaaya hiyo vooloca sa waakuvela waathoriha achu a makupa weiwo nnalaleeryahuwo? (Yona 3:6-9; Ekle. 11:6; Saw. 13:48)

Mwaha 71

Muluku Onnalakana sa Paradaiso

 1. Mano Yesaya aari taani, owo aakhanlewo elukuluku taani, nave tiheeni yeeyo Yehova aamooninheiye yoowo?

 2. Masu aweeriwa “paradaiso” anataphulela heeni, nave awo ananuupuxerya eheeni?

 3. Mano tiheeni Yehova aamuleenleiye Yesaya orepa vooloca sa Paradaiso owo ahihano?

 4. Ntakhara heeni Aatamu ni Haava yaarimeeliwaaya vaate vaya vooreera?

 5. Mano tiheeni Yehova olakanneiye ni yaawo anamusivela yoowo?

Makoho awaacereryeya:

 1. Mwaalakhanyeni Yesaya 11:6-9.

(a) Masu a Muluku anathoriha mwawiihayi murechele onaya okhalavo ntakhara achu ni axinama mu elapo eyo ya hihano? (Sal. 148:10, 13; Yes. 65:25; Ezek. 34:25)

(b) Mano mmakhalelo ammunepani, masu a Yesaya anaakhwaniheryeya mwawiihayi wa achu a Yehova a mutano? (aRom. 12:2; aEf. 4:23, 24)

(c) Mano oothatuwa woomuchu wa achu onaphwanela oveleeliwa wawani, nari olelo nave ni mu elapo eyo yahihano? (Yes. 48:17, 18; aGal. 5:22, 23; aFil. 4:7)

 2. Mwaalakhanyeni Yawupulula 21:3, 4.

(a) Mano ti mwawiihayi Soorempwa sinathoonyiheryaaya wi okhala wa Muluku ni achu entaphulela wi yoowo orivo mu osiphela, kahi otaphulela wi owo ori awooneya mwa mwiili mu elapo yavathi? (Onam. 26:11, 12; 2 Math. 6:18; Yes. 66:1; Yaw. 21:2, 3, 22-24)

(b) Mano miithori sa mukhalelo taani ni sawichela sini sihikhalewotho? (Luka 8:49-52; aRom. 8:21, 22; Yaw. 21:4)

Mwaha 72

Muluku Onnamukhaviherya Hezekiya

 1. Mulopwana owo va eruku ela taani nave ntakhara heeni yoowo okhanleiye ni sookachamiha sincipale?

 2. Mano ikaarata taani seiyo Hezekiya aaveleenleiye wa Muluku, nave tiheeni yeeyo Hezekiya anvekeiye mu nivekelo?

 3. Hezekiya ti mwene amukhalelo taani? Nave michaka taani Yehova aaruminheiye wa yoowo moorwela wa mulipa amiririmu Yesaya?

 4. Mano tiheeni mungelo a Yehova onawereleiye asinAsiiriya, ntoko enooniheryaaya eruku ela?

 5. Nari mwi omwene wa mahimo meeli wahikhala ni murechele wa muneelukuluku, tiheeni yeeren’ye vachuli va okhwa Hezekiya?

Makoho awaacereryeya:

 1. Mwaalakhanyeni 2 Mamwene 18:1-36.

(a) Mano murummwa asinAsiiriya, Rabusake, aavyanvye mwawiihayi ochecheeiha nroromelolo na aIsarayeli? (2 Mamwene 18:19, 21; Muk. 5:2; Sal. 64:3)

(b) Vaavaa Anamoona a Yehova yaakumanaka ni amwiicani, anacharela mwawiihayi yootakiherya ya Hezekiya? (2 Mamwene 18:36; Sal. 39:1; Masi. 26:4; 2 Tim. 2:24)

 2. Mwaalakhanyeni 2 Mamwene 19:1-37.

(a) Mano vaavaa anaviraaya mu ilukuluku sookachamiha achu a Yehova amutano anamutakiherya mwawiihayi Hezekiya? (2 Mamwene 19:1, 2; Masi. 3:5, 6; aHeb. 10:24, 25; Yak. 5:14, 15)

(b) Opwahiwa taani oraru wamuhonxe Mwene Senakeribi, nave yoowo onamweemelela aani mu soorempwa? (2 Mamwene 19:32, 35, 37; Yaw. 20:2, 3)

 3. Mwaalakhanyeni 2 Mamwene 21:1-6, 16.

Mano ntakhara heeni ennahaala olociiwa wi Manaase aari mmoha a mamwene oonanaraxa aalamuleenle mu Yerusalemu? (2 Math. 33:4-6, 9)

Mwaha 73

Mwene Aphaama Ookuchula a Isarayeli

 1. Mano Yosiya apaceryaka olamulela aarino iyaakha hayi, nave tiheeni owo aapacenryeiye weera vachuli va iyaakha thanu napiili ntoko mwene?

 2. Tiheeni Yosiya oneereiye va eruku yoopacerya eyo?

 3. Tiheeni yeeyo mutokweene a alipa-ephepa aphwanyeiye vaavaa alopwana awo yaapacenryaaya orehererya empa eyo?

 4. Ntakhara heeni Yosiya aahaahula yoowaraawe?

 5. Mano michaka taani soorwela wa Yehova mulipa amiririmu mwamuthiyana Hulida onamuleeleiye Yosiya?

Makoho awaacereryeya:

 1. Mwaalakhanyeni 2 Matharihelo 34:1-28.

(a) Mano yootakiherya taani Yosiya onavaheiye wa yoowo ovileenle ni onikwiya wa makachamiho? (2 Math. 33:21-25; 34:1, 2; Sal. 27:10)

(b) Tiheeni Yosiya eenreiye wi inuuwihe mamulapelo eeparipari mu iyaakha 8, 12, ni 18 sa olamula wawe? (2 Math. 34:3, 8)

(c) Mano ichu taani vooloca sa orehererya mapuro ahu a mamulapelo nnahaalahu ohuserya wa sootakiherya ihiiwe ni Mwene Yosiya ni Mutokweene Alipa-Ephepa Hilikiya? (2 Math. 34:9-13; Masi. 11:14; 1 aKor. 10:31)

Mwaha 74

Mulopwana Mmoha Oohoova

 1. Mano mmiravo owo va eruku ela taani?

 2. Yeremiya aakhunle mwawiihayi vaavaa owo asuwenleiye wi aahaala okhala mulipa a miririmu, nyenya tiheeni Yehova amuleenleiye owo?

 3. Mano michaka taani Yeremiya apwahihenryeiye waaleela achu?

 4. Ti mwawiihayi alipa a ephepa yeerenryaaya oommaliha Yeremiya? Nave yoowo oonihenrye mwawiihayi wi hanoova?

 5. Mano vaavaa aIsarayeli yahaarukununxaaya makhalelo aya oonanara tiheeni yeeren’ye?

Makoho awaacereryeya:

 1. Mwaalakhanyeni Yeremiya 1:1-8.

(a) Mano yootakiherya ya Yeremiya enooniherya mwawiihayi, yeeyo enamweeriha muchu okhala oophwanelela mu muteko wa Yehova? (2 aKor. 3:5, 6)

(b) Yoolipixerya taani amiravo amutano anahaalaaya ophwanya mu yootakiherya ya Yeremiya? (Ekle. 12:1; 1 Tim. 4:12)

 2. Mwaalakhanyeni Yeremiya 10:1-5.

Mano niphwanaphwaniho taani Yeremiya aapharihenleiye muteko wi ooniherye wi ororomela sophwaniherya ti olosowa? (Yer. 10:5; Yes. 46:7; Hab. 2:19)

 3. Mwaalakhanyeni Yeremiya 26:1-16.

(a) Mano yaavuwaka michaka ya olopola mutano, oothanliwa oohalela anchichimiherya mwawiihayi nlamulo na Yehova wa Yeremiya ‘noohivukularu nari nsu nimoha’? (Yer. 26:2; Malam. 4:2; Saw. 20:27)

(b) Mano yootakiherya taani yaphaama Yeremiya ovanheiye wa Anamoona a Yehova amutano yaalaleeryaka yoolopola ya Yehova wa maloko? (Yer. 26:8, 12, 14, 15; 2 Tim. 4:1-5)

 4. Mwaalakhanyeni 2 Mamwene 24:1-17.

Mano sookhumelelavo taani soothananiha sa ohirororomeleya wa aYuuta wa Yehova? (2 Mamwene 24:2-4, 14)

Mwaha 75

Anaamiravo Axexe o Paapulu

 1. Mano amiravo axexe va eruku ela taani, nave ntakhara heeni aryaaya o Paapulu?

 2. Mano tiheeni Nabukodonosor onareheryeiye weera ntakhara wa amiravo awo axexe? Tiheeni yeeyo owo onaalamuleleiye arummwaawe?

 3. Tiheeni Danieli onavekeiye wi alyeeke ni awuryeke ntakhara yoowo nari wa araru asinthamwenaawe?

 4. Mano vachuli va emulyiyeene namurovo mmahiku khumi, Danieli ni asinthamwenaawe araru yaahiyanne mwawiihayi ni amiravo akina awo?

 5. Ntakhara heeni Daniyeli ni asinthamwenaawe araru anveleeliwaaya o nchachoni wa mwene? Ti mwawiihayi yaawo yaari oosuwelaxa wapwaha alipa a ephepa ni alipa amiruku?

Makoho awaacereryeya:

 1. Mwaalakhanyeni Daniyeli 1:1-21.

(a) Mano wiilipiherya taani wookhweleya naachunaka ovaanya saweeha ni opwaha socheecheiha? (Dan. 1:8; Map. 39:7, 10; aGal. 6:9)

(b) Ti mwawiihayi amiravo amutano anakhalaaya aweehiwa nari ookhinyereryihiwa weemererya seiyo achu anoonaya okhala ‘yoolya yoosiva’? (Dan. 1:8; Masi. 20:1; 2 aKor. 6:17–7:1)

(c) Mano yaweereya ya mPiipiliyani ya amiravo axexe aHeepiri enanikhaviherya wiiwexexa eheeni vaavaa nnuupuwelaahu okhalano nsuweliho na mulaponi? (Dan. 1:20; Yes. 54:13; 1 aKor. 3:18-20)

Mwaha 76

Opahuliwa wa Yerusalemu

 1. Mano tiheeni eneereya ntakhara Yerusalemu ni aIsarayeli, ntoko enooneyaaya va eruku ela?

 2. Mano Ezekiyeli taani, nave ichu taani soonanara Yehova aamuthoonyihenryeiye yoowo?

 3. Tiheeni yeeyo Yehova aalakanneiye weera, okhala wi aIsarayeli hiyaamuchichimiha Yoowo?

 4. Mano vachuli va aIsarayeli ommwaryeela Mwene Nabukodonosor tiheeni yeeyo owo eenreiye?

 5. Ntakhara heeni Yehova eemeryenryeiye yoopahula yawoopiha ela weereya wa aIsarayeli?

 6. Mano ntakhara heeni elapo ya aIsarayeli yaahikhala hiihaa yoohikhaliwa ni achu, nave ophiyerya elukuluku taani?

Makoho awaacereryeya:

 1. Mwaalakhanyeni 2 Mamwene 25:1-26.

(a) Mano Zedekiya aari taani? Nyenya tiheeni yeeren’ye wa yoowo, nave yeeyo yaakhwanihenrye mwawiihayi soorempwa sa mPiipiliyani? (2 Mamwene 25:5-7; Ezek. 12:13-15)

(b) Yehova aanvanhe aani nthowa na ichu soothene sa ohiroromela seiyo Isarayeli aapankeiye? (2 Mamwene 25:9, 11, 12, 18, 19; 2 Math. 36:14, 17)

 2. Mwaalakhanyeni Ezekiyeli 8:1-18.

Mano aKristu Oowoka anaatakiherya mwawiihayi aIsarayeli oorukunuwa awo yaalapela nsuwa? (Ezek. 8:16; Yes. 5:20, 21; Yoh. 3:19-21; 2 Tim. 4:3)

Mwaha 77

Awo Hiyuuramme

 1. Mano tiheeni Nabukodonosor, mwene o Paapulu, aalamuleenleiye wa achu?

 2. Ntakhara heeni asinthamwene araru a Daniyeli ahinuuramelaaya vamiithoni va yophwaniherya ya mivira?

 3. Mano vaavaa Nabukodonosor aavanheiye aHeepiri araru awo ekari ekina yawi yuurame, yaawo yooniheenrye mwawiihayi omuroromela waya Yehova?

 4. Tiheeni yeeyo Nabukodonosor aalamuleenleiye alopwana awe wi yeere ni Sadraki, Mesaki ni Abedinego?

 5. Mano tiheeni Nabukodonosor onneiye vaavaa aawenheiye mpuwa mwa chukuchoowo?

 6. Ntakhara heeni mwene owo onamuthamaleiye Muluku a Sadraki, Mesaki ni Abedinego? Mano yootakiherya taani awo ananivahaaya hiyo?

Makoho awaacereryeya:

 1. Mwaalakhanyeni Daniyeli 3:1-30.

(a) Mano eyuupuwelo taani yooniheryiwe ni amiravo araru awo aHeepiri enahaala otakiheryiwaka ni akapuro oothene a Muluku yaakumanaka ni saweeha sa ophameya? (Dan. 3:17,18; Mat. 10:28; aRom. 14:7, 8)

(b) Mano echu taani yoopwahaxa Yehova omuhusinheiye Nabukodonosor? (Dan. 3:28, 29; 4:34, 35)

Mwaha 78

Yoorempwa Vaxiriniiyo

 1. Mano tiheeni eneereya vaavaa mwene o Paapulu aapankeiye efesta etokotoko ni opharihela muteko ikahi ni ipasiya saakuxiwe mu empa ya Yehova, o Yerusalemu?

 2. Tiheeni yeeyo Belisazara aalonceiye wa alipa miruku awe, nave tiheeni yeeyo yaawo yahaakhwaninhaaya weera?

 3. Mano tiheeni amannya mwene owo anlocaaya wi yoowo eere?

 4. Moovarihana ni yeeyo Daniyeli onamuleeleiye mwene owo ntakhara heeni Muluku aahiruma ntata nlo wi nrepe vaxirini?

 5. Mano Daniyeli aathorinhe mwawiihayi yootapulela ya masu awo yaari vaxirini?

 6. Mano tiheeni eneereya Daniyeli arikimulocaru?

Makoho awaacereryeya:

 1. Mwaalakhanyeni Daniyeli 5:1-31.

(a) Mano ohiyana taani orivovo wa omoova Muluku ni woova wa Belisazara vaavaa oonneiye yoorempwa vaxiriniiyo? (Dan. 5:6, 7; Sal. 19:9; aRom. 8:35-39)

(b) Ntakhara heeni onaphwanelaaya olociwa wi Daniyeli ahooniherya olipa murima otokotoko vaavaa aalonceiye ni Belisazara ni anamalapa asitokotoko omwenaawe? (Dan. 5:17, 18, 22, 26-28; Saw. 4:29)

(c) Mano ekapitulu 5 ya Daniyeli enachichimiherya mwawiihayi olamulela wa Yehova wa elapo yoothene? (Dan. 4:17, 25; 5:21)

Mwaha 79

Danieli Munlichini na Amwacho

 1. Mano Dariyo taani, nave moonelo taani yoowo aareiyeno ntakhara Daniyeli?

 2. Tiheeni alopwana anrima amoori yamweerinhaaya Dariyo weere?

 3. Tiheeni Daniyeli oneereiye vaavaa aasuwenleiye sa nlamulo nahihano?

 4. Mano ntakhara heeni Dariyo okhaleiye okachamiheya ophiyerya ohiwerya okona, nave tiheeni yoowo oneereiye wooxixelweene?

 5. Tiheeni Daniyeli onaakhuleiye wa Dariyo?

 6. Mano tiheeni eneereya wa alopwana awo oonanara yaawo yeerenrye omwiipha Daniyeli? Tiheeni Dariyo aarempeiye wa achu oothene a omwene awe?

Makoho awaacereryeya:

 1. Mwaalakhanyeni Daniyeli 6:1-28.

(a) Mano ovaaneliwa wa Daniyeli onanuupuxerya mwawiihayi yeeyo amwiicani aneeraaya wi yeererye weemexa muteko wa Anamoona a Yehova mutano? (Dan. 6:7; Sal. 94:20; Yes. 10:1; aRom. 8:31)

(b) Akapuro a Muluku olelo anahaala omutakiherya Daniyeli mwawiihayi va opwahiherya okhala awiiwelela “olamulela wa atokwene”? (Dan. 6:5, 10; aRom. 13:1; Saw. 5:29)

(c) Ti mwawiihayi nnahaalahu ochara yootakiherya ya Daniyeli mu omurumeela Yehova ‘ni nthiti’? (Dan. 6:16, 20; aFil. 3:16; Yaw. 7:15)

Mwaha 80

Achu a Muluku Annakhuma o Paapulu

 1. Mano ntoko munaweryaanyu woona va eruku ela tiheeni aIsarayeli aneeraaya?

 2. Ntakhara heeni ennahaala olociwa wi Koresi ookhwaaniherya yoorempwa ya Yehova aalonceiye moorweela wa Yesaya?

 3. Mano tiheeni Koresi aalonceiye wa aIsarayeli awo yahaawerya okokela o Yerusalemu?

 4. Tiheeni Koresi onaavaheiye achu awo wi ekuxe yaakookelaka o Yerusalemu?

 5. Mano yaavinrevo elukuluku yawiihayi wi aIsarayeli awo ephiye o Yerusalemu?

 6. Savinrevo iyaakha hayi ovinyerya vaavaa elapo eyo yaakhanlaaya hiihaa ohikhanlemo achu?

Makoho awaacereryeya:

 1. Mwaalakhanyeni Yesaya 44:28 ni 45:1-4.

(a) Mano Yehova aachichimihenrye mwawiihayi wi yorempwa vooloca sa Koresi yaahaala waakhwaniheryeya chireene? (Yes. 55:10, 11; aRom. 4:17)

(b) Yorepa ya Yesaya vooloca sa Koresi enooniherya heeni owerya wa Yehova Muluku oloca sa muhoolo? (Yes. 42:9; 45:21; 46:10, 11; 2 Pet. 1:20)

 2. Mwaalakhanyeni Estra 1:1-11.

Ncharelaka yootakiherya ya yaale yahaawenrye okookela o Yerusalemu, nnahaala ‘waakhaviherya’ mwawiihayi olelo yaale anawerya ovolowa mmuteko wa elukuluku yoothene? (Esd. 1:4, 6; aRom. 12:13; aKol. 4:12)

Mwaha 81

Ororomela mwa Yookhaviherya ya Muluku

 1. Mano achu ahayi yaapanke mukwaha woorekama ovinyerya o Paapulu oya o Yerusalemu, nave tiheeni yeeyo yaaphwannyaaya vaavaa yaphiyalaaya weiwo?

 2. Tiheeni aIsarayeli yaapacenryaaya oteka vachuli va ophiya, nave tiheeni amwiicani aya yeenraaya?

 3. Mano Ageu ni Zakariya taani, nave tiheeni yaawo analocaaya wa achu awo?

 4. Ntakhara heeni Tatenai aaruminheiye ekaarata o Paapulu, nave aakhuliwe mwawiihayi?

 5. Mano tiheeni yeeyo Estra eenreiye vaavaa aasuwenleiye sa soochuneya sa orehererya empa ya Muluku?

 6. Va eruku ela, tiheeni Estra onavekeiye mu nivekeloni? Nave yeeyo enanihusiha heeni hiyo?

Makoho awaacereryeya:

 1. Mwaalakhanyeni Estra 3:1-13.

Mano nihiku nikina nakhala va nipuro ohiriwo muloko wa achu a Yehova, tiheeni nnahaalahu ophwahiherya weera? (Esd. 3:3, 6; Saw. 17:16, 17; aHeb. 13:15)

 2. Mwaalakhanyeni Estra 4:1-7.

Mano yootakiherya taani Zorobabele ahiyeenryeiye achu a Yehova, vooloca sa opwechererya malapelo? (Muk. 34:12; 1 aKor. 15:33; 2 aKor. 6:14-17)

 3. Mwaalakhanyeni Estra 5:1-5, 17 ni 6:1-22.

(a) Ntakhara heeni amwiicani hiyaakhwaninhe weemexa muteko wa oteka empa ya Muluku? (Esd. 5:5; Yes. 54:17)

(b) Mano ti mwawiihayi saweera sa atokweene amuloko wa aYuuta sinnalipiha asitokweene amuloko weeKristu amutano yavyavyaka ohooleliwa ni Yehova vaavaa anakumanaaya ni amwiicani? (Esd. 6:14; Sal. 32:8; aRom. 8:31; Yak. 1:5)

 4. Mwaalakhanyeni Estra 8:21-23, 28-36.

Mano nihaakunve opaka muteko ori woothene, yootakiherya taani ya Estra eri yaphaama wa hiyo ochara? (Esd. 8:23; Sal. 127:1; Masi. 10:22; Yak. 4:13-15)

Mwaha 82

Mordekai ni Estere

 1. Mano Mordekai ni Estere taani?

 2. Ntakhara heeni Mwene Asuwero onnamuchuna muthiyana muvyaani, nave yoowo aamuthanlile taani?

 3. Mano Hamani taani, nave nthowa taani okhanleiye oonanariwa vancipale?

 4. Nlamulo taani nivyaani naapakiwe? Mano tiheeni Estere aapankeiye vachuli va waakhela michaka sa Mordekai?

 5. Tiheeni yeeren’ye wa Hamani ni wa Mordekai?

 6. Mano aIsarayeli yaavulunwe mwawiihayi wa amwiicani aya?

Makoho awaacereryeya:

 1. Mwaalakhanyeni Estere 2:12-18.

Mano Estere oonihenrye mwawihayi esisapo ya okalano “munepa wawichachala ni womaala”? (Estere 2:15; 1 Pet. 3:1-5)

 2. Mwaalakhanyeni Estere 4:1-17.

Hiihaa ntoko Estere aakhanleiyeno elukuluku ya weera echu yaphaama ntakhara mamulapelo eeparipari, elukuluku taani nryaahuno olelo ya wooniherya mathamalelo ni oomusivela Yehova? (Estere 4:13, 14; Mat. 5:14-16; 24:14)

 3. Mwaalakhanyeni Estere 7:1-6.

Mano ti mwawiihayi achu ancipale a Muluku olelo anniileva woona soohoxa, ntoko yeeren’yaaya ni Estere? (Estere 7:4; Mat. 10:19-22; 1 Pet. 2:12)

Mwaha 83

Ixiri sa Yerusalemu

 1. Mano aIsarayeli yiisoona mwawiihayi vanthowa na ohikhalavo ixiri soorukurerya epooma ya Yerusalemu?

 2. Mano Nehemiya taani?

 3. Muteko wa Nehemiya tuuvi, nave ntakhara heeni oraaya woochuneya?

 4. Michaka taani saamuthananiinhe Nehemiya nave tiheeni yeeyo owo oneereiye?

 5. Mano Mwene Artaxerxes oonihenrye mwawiihayi epewe wa Nehemiya?

 6. Tiheeni Nehemiya oneereiye wi amwiicani aIsarayeli eheemexe muteko wa oteka?

Makoho awaacereryeya:

 1. Mwaalakhanyeni Nehemiya 1:4-6 ni 2:1-20.

Mano Nehemiya aavyanvye mwamwiihayi ohooleliwa ni Yehova? (Neh. 2:4, 5; aRom. 12:12; 1 Pet. 4:7)

 2. Mwaalakhanyeni Nehemiya 3:3-5.

Tiheeni yeeyo asitokweene amuloko ni arummwa orumela anahaalaya ohuserya ohiyana wa achu ootekowa ni ‘asitokweene’ awo? (Neh. 3:5, 27; 2 aTes. 3:7-10, 1 Pet. 5:5)

 3. Mwaalakhanyeni Nehemiya 4:1-23.

(a) Mano tiheeni yaaweerinhe aIsarayeli opwahiherya oteka nari mwi evaanyiwaka vancipale? (Neh. 4:6, 8, 9; Sal. 50:15; Yes. 65:13, 14)

(b) Mano yootakiherya ya aIsarayeli enanlipiha mwawiihayi hiyo olelo?

 4. Mwaalakhanyeni Nehemiya 6:15.

Mano omalihiwa otekiwa wa ixiri sa Yerusalemu ihaakhwaane miyeeri miili enathoonyerya eheeni vooloca sa ikuru sa nroromelo? (Sal. 56:3, 4; Mat. 17:20; 19:26)

Mwaha 84

Mungelo Onnamuxekurya Mariya

 1. Mano muthiyana va eruku ela taani?

 2. Tiheeni Gabrieli onamuleeleiye Mariya?

 3. Mano Gabrieli onamuthorihela mwawiihayi Mariya wi owo onarwa amuyara mwaana nari mwi ahintonko okhala ni mulopwana?

 4. Tiheeni yeeren’ye vaavaa Mariya amuxekunryeiye muhimaawe Elisabeti?

 5. Mano tiheeni Yoosefe onuupuweleiye vaavaa owo onasuweleiye wi Mariya onahaala okhala ni mwaana? Mano ntakhara heeni yoowo aahirukunuxa muupuwelo?

Makoho awaacereryeya:

 1. Mwaalakhanyeni Luka 1:26-56.

(a) Mano Luka 1:35 onathoonyerya eheeni ohaakhwana ori woothene woorweela wa Aatamu mmirimani mwa Mariya vaavaa okumi wa mwaana a Muluku wathaamihiwaaya okumela wirimu? (Ageu 2:11-13; Yoh. 6:69; aHeb. 7:26; 10:5)

(b) Mano Yesu aakheenle mwawiihayi nchichimiho ahaakunve oyariwa? (Luka 1:41-43)

(c) Yootakiherya taani yaphaamaxa Mariya aavanheiye aKristu anaakhela olelo isisapo sa miteko ya vameekhaaya? (Luka 1:38, 46-49; 17:10; Masi. 11:2)

 2. Mwaalakhanyeni Luka 1:18-25.

Mano nari mwi Yesu haakhenle nsina na Emanueli, ti mwawiihayi muteko awe ntoko muchu waari woovarihana ni yootaphulela ya nsina nlo? (Mat. 1:22, 23; Yoh. 14:8-10; aHeb. 1:1-3)

Mwaha 85

Yesu Onnayariwa Munikholani

 1. Mano mwaana mwaamukhaani va eruku ela taani, nave ti vaavi Mariya onamwaateleleiyevo yoowo?

 2. Ntakhara heeni Yesu oyariweiye munikholani vamoha ni axinama?

 3. Va eruku ela, taani alopwanaawo anavolowa munikholani, nave tiheeni mungelo mmoha aalonceiye wa yaawo?

 4. Ntakhara heeni Yesu ti avameekheiyexa?

 5. Mano ntakhara heeni Yesu onnichaniwa Mwaana a Muluku?

Makoho awaacereryeya:

 1. Mwaalakhanyeni Luka 2:1-20.

(a) Muteko taani ophariwe ni Kaisara Augusto va waakhwaniheryeya yoorempwa vooloca sa oyariwa wa Yesu? (Luka 2:1-4; Mik. 5:2)

(b) Mano muchu onaawerya hayi okhala variyari va yaale aniichaniwa “achu yawo anahakalaliyeno”? (Luka 2:14; Mat. 16:24; Yoh. 17:3; Saw. 3:19; aHeb. 11:6)

(c) Okhala wi akukhula awiiyeviha aYuuta yaakhalano mathowa wi ehakalale va oyariwa wa mvuluxa, mathowa taani matokotoko akapuro a Muluku aryaayano olelo wi ehakhalale? (Luka 2:10, 11; aEf. 3:8, 9; Yaw. 11:15; 14:6)

Mwaha 86

Alopwana Oohooleliwa ni Etheneeri

 1. Mano alopwana va eruku ela taani, nave ntakhara heeni mmoha a yaawo onnathonya etheneeri eyo yawaarya?

 2. Ntakhara heeni mwene Herode onkhaleiye awuukhuwa, nave tiheeni owo eenreiye?

 3. Etheneeri eyo yawaarya yaahoolenle alopwanaawo ophiyerya woowi? Ntakhara heeni yaawo yakookela owannyaya ni ephiro ekina?

 4. Mano tiheeni Herode aalamunleiye nave ntakhara heeni?

 5. Tiheeni Yehova aamuleenleiye Yoosefe wi eere?

 6. Mano taani eeriinhe etheneeri evyaani wi yaarye, nave ntakhara heeni?

Nikoho nawaacereryeya:

 1. Mwaalakhanyeni Mateyu 2:1-23.

Mano Yesu aarino iyaakha hayi vaavaa alipa amiruku yaamuxekunryaaya nave owo aakhala woowi? (Mat. 2:1, 11, 16)

Mwaha 87

Mwanoowo Yesu mu Empa ya Muluku

 1. Va eruku ela,Yesu arino iyaakha hayi nave owo ori woowi?

 2. Mano tiheeni Yoosefe eenreiye vamoha ni echoko awe iyaakha soothene?

 3. Nivinre nihiku nimoha na mukwaha wokookela owaani, ntakhara heeni Yoosefe ni Mariya anakookelaaya o Yerusalemu?

 4. Ti woowi weiwo Yoosefe ni Mariya yaamphwannyaayawo Yesu, nave nthakhara heeni achu enakhalaaya ootikhina?

 5. Mano tiheeni Yesu onaaleeleiye amannya, Mariya?

 6. Ti mwawiihayi nnahaalahu omutakiheryaka Yesu mwa ohuserya vooloca sa Muluku?

Makoho awaacereryeya:

 1. Mwaalakhanyeni Luka 2:41-52.

(a) Nari mwi nlamulo naanaloca wi alopwanaru pahi ti yaahaala okhalaka va soolya sa iyaakha, nave yootakiherya taani yaphaamaxa Yoosefe ni Mariya avanhaaya wa yaawo ari asitiithi olelo? (Luka 2:41; Malam. 16:16; 31:12; Masi. 22:6)

(b) Mano Yesu aavanhe mwawiihayi yootakiherya yaphaama ya owiiwelela asitiithi wa yaawo akhanle amiravo mutano? (Luka 2:51; Malam. 5:16; Masi. 23:22; aKol. 3:20)

 2. Mwaalakhanyeni Mateyu 13:53-56.

Asinna a Yesu axexe oomwiilini masinaaya anaromoliwa mPiipiliyani taani, nave voovira wa elukuluku eeli a yaawo yaaphariheliwe muteko mwawiihayi va muloko weeKristu? (Mat. 13:55; Saw. 12:17; 15:6, 13; 21:18; aGal. 1:19; Yak. 1:1; Yuda 1)

Mwaha 88

Yohane Onnampatisa Yesu

 1. Mano alopwana awo eeli va eruku ela taani?

 2. Mano muchu onapatisiwa mwawiihayi?

 3. Mano Yohane aapatisa achu a muloko taani?

 4. Ti nthowa taani na vamekhaaya Yesu oreiyeno na onveka Yohane wi ampatise yoowo?

 5. Mano Muluku oonihenrye mwawiihayi wi Yoowo ahihakalala ni opatisiwa wa Yesu?

 6. Tiheeni eneereya vaavaa Yesu aaronweiye va nipuro na vameekheiye mmahiku 40?

 7. Mano taani yaari omuchara oopacerya, nari oohuserya, a Yesu? Yootikiniha taani yoopacerya owo eenreiye?

Makoho awaacereryeya:

 1. Mwaalakhanyeni Mateyu 3:13-17.

Ntakiheryo taani na opatiso Yesu aavanheiye oohuseryaawe? (Sal. 40:7, 8; Mat. 28:19, 20; Luka 3:21, 22)

 2. Mwaalakhanyeni Mateyu 4:1-11.

Mano okhwaanela wa Yesu mu opharihela muteko Soorempwa enanlipiha mwawiihayi omuhuserya Piipiliya owo moohihiyererya? (Mat. 4:5-7; 2 Pet. 3:17, 18; 1 Yoh. 4:1)

 3. Mwaalakhanyeni Yohane 1:29-51.

Yohane Mpatisi aavelenle wawani oohuseryaawe nave nnahaala omutakiherya yoowo mwawiihayi olelo? (Yoh. 1:29, 35, 36; 3:30; Mat. 23:10)

 4. Mwaalakhanyeni Yohane 2:1-12.

Mano yootikiniha yoopacerya ya Yesu yoonihenrye mwawiihayi wi Yehova hanawateeliha saphaama wa akapuro Awe? (Yoh. 2:9, 10; Sal. 84:11; Yak. 1:17)

Mwaha 89

Yesu Onneeliha Empa ya Muluku

 1. Mano ntakhara heeni inama inakulihiwaaya mu empa ya Muluku?

 2. Mano tiheeni yaamweerinhe Yesu okhala oonanariwa?

 3. Ntoko munaweryaanyu woona va eruku ela, tiheeni Yesu oneereiye, nave tiheeni yoowo onalamuleiye wa alipa othumiha ipompa?

 4. Mano tiheeni oohuserya aYesu anuupuwelaaya vaavaa anonaaya yeeyo owo oneereiye?

 5. Mano mpopa Yesu avinreiye akokaka o Galileya onichaniwa hayi?

Nikoho nawaacereryeya:

 1. Mwaalakhanyeni Yohane 2:13-25.

Naanyiheryaka esara ya Yesu ni alipa-awakakhanya awo mu empa ya Muluku, tuuvi onaphwanela okhala moonelo waphaama vooloca sa miteko sa otumiha mu Empa Yoomwene? (Yoh. 2:15, 16; 1 aKor. 10:24, 31-33)

Mwaha 90

Ari Vamoha ni Muthiyanoowo Veehimeni

 1. Mano ntakhara heeni Yesu emenleiye veehimeni ya o Samariya, nave tiheeni yoowo onaloceiye ni muthiyana owo vaavale?

 2. Mano ntakhara heeni muthiyana owo okhanleiye otikiniheya? Tiheeni Yesu onamuleeleiye owo nave ntakhara heeni?

 3. Muthiyana owo uupuwela wi Yesu aaloca maahi awiihayi, nyenya maahi taani yoowo aaloceiye?

 4. Ntakhara heeni muthiyana owo onkhaleiye otikiniheya ni ichu Yesu osuwenleiye vooloca sa yoowo? Mano owo asuwenle hayi sa ichu seene seiho?

 5. Mano ichu taani nnahaalahu ohuserya wa saweereya sa muthiyana owo veehimeni?

Makoho awaacereryeya:

 1. Mwaalakhanyeni Yohane 4:5-43.

(a) Mano ncharelaka yootakiherya ya Yesu, eyuupuwelo taani nnaphwanelaahu okhalano ni achu anloko nikina nari amakhalelo oothene? (Yoh. 4:9; 1 aKor. 9:22; 1 Tim. 2:3, 4; Tito 2:11)

(b) Mano sookhumelelavo taani sa mmunepani inaphuriwa ni muchu onakhala muhuserya a Yesu? (Yoh. 4:14; Yes. 58:11; 2 aKor. 4:16)

(c) Ti mwawiihayi nnahaalahu wooniherya walikhela, ntoko musinaSamariya aari oochunaxa olaleerya wa akina ichu ahusenryeiye? (Yoh. 4:7, 28; Mat. 6:33; Luka 10:40-42)

Mwaha 91

Yesu Onnahusiha Vamwakoni

 1. Mano va eruku ela,Yesu onahushiha woowi, nave taani yaawo akaranthe vakiviruxa ni yoowo?

 2. Mano masina a arummwa 12 awo taani?

 3. Mano Omwene owo Yesu onalaleeryeiye tiheeni?

 4. Mano tiheeni Yesu onaahusiheiye achu ovekelaka?

 5. Yesu olonce eheeni sa mukhalelo achu anaphwanelaaya weerelanaka mukina ni mukhwaawe?

Makoho awaacereryeya:

 1. Mwaalakhanyeni Mateyu 5:1-12.

Mano nni nooniherye mwawiihayi wi nri osuwela soothowa sahu sa mmunepani? (Mat. 5:3; aRom. 10:13-15; 1 Tim. 4:13, 15, 16)

 2. Mwaalakhanyeni Mateyu 5:21-26.

Mano Mateyu 5:23, 24 onchichimiherya mwawiihayi wi waatana waahu ni anna onnapharihana ni waatana waahu ni Yehova? (Mat. 6:14, 15; Sal. 133:1; aKol. 3:13; 1 Yoh. 4:20)

 3. Mwaalakhanyeni Mateyu 6:1-8.

Mano saweera taani sa wiisera ekhaikhaixa aKristu anaphwanelaaya osepa? (Luka 18:11, 12; 1 aKor. 4:6, 7; 2 aKor. 9:7)

 4. Mwaalakhanyeni Mateyu 6:25-34.

Yesu aahusinhe eheeni vooloca sa ochuneya wa omuroromela Yehova wi niphwanye soothowa sahu samwiili? (Muk. 16:4; Sal. 37:25; aFil. 4:6)

 5. Mwaalakhanyeni Mateyu 7:1-11.

Mano niphwanaphwaniho noowarala nnaphwanyeya mu Mateyu 7:5 nnanihusiha eheeni? (Masi. 26:12; aRom. 2:1; 14:10; Yak. 4:11, 12)

Mwaha 92

Yesu Onnaaviiha Alipa Okhwa

 1. Mano atiithinya mwali ola va eruku ela taani, nave ntakhara heeni awo ni amwaaraya aaraya awuukhuwaxa?

 2. Tiheeni Yairo oneereiye vaavaa aakumaneiye ni Yesu?

 3. Mano tiheeni yeeren’ye vaavaa Yesu aayaka ompa wa Yairo, nave michaka taani Yairo aakhenleiye mmphironi?

 4. Ntakhara heeni achu ompa wa Yairo yanamutheya Yesu?

 5. Tiheeni Yesu eenreiye, vaavaa aakunxeiye arummwa araru, amannya ni atiithinya o eruku ya mwali owo?

 6. Mano taani akina yaaviihiwe wa alipa ookhwa ni Yesu, nave yeeyo enanithoonyerya heeni?

Makoho awaacereryeya:

 1. Mwaalakhanyeni Luka 8:40-56.

Mano Yesu oonihenrye mwawiihayi ikharari ni wiichachala wa muthiyana aarino erecha yokhuma nikhami? Tiheeni yeeyo asitokweene amuloko weeKristu anahaalaya ohuserya wa yeeyo? (Luka 8:43, 44, 47, 48; Onam. 15:25-27; Mat. 9:12, 13; aKol. 3:12-14)

 2. Mwaalakhanyeni Luka 7:11-17.

Ntakhara heeni achu oothene ekhweliwe enahaala ophwanha ohakararya otokotoko ni yeeyo Yesu eenreiye wa naamukhwele owo o Nayini? (Luka 7:13; 2 aKor. 1:3, 4; aHeb. 4:15)

 3. Mwaalakhanyeni Yohane 11:17-44.

Mano Yesu oonihenrye mwawiihayi wi owuunlela achu ekhwile tahi yoonanara? (Yoh. 11:33-36, 38; 2 Sam. 18:33; 19:1-4)

Mwaha 93

Yesu Onnaalyiha Achu Ancipale

 1. Mano echu taani yawoophiha yaamweerenle Yohane Mpatisi, nave Yesu onne mwawiihayi yeeyo?

 2. Tiheeni Yesu oneereiye wi alyihe muloko wa achu waamuchara nave yoolya yaahanle yaari kavi?

 3. Mano ntakhara heeni oohuserya anakhalaaya awoova mu ohiyu ene yoole nave tiheeni yaamweerenle Petro?

 4. Yesu aalyinhe mwawiihayi masana masaneene a achu va ekwaha yanaawiili?

 5. Mano ntakhara heeni enahaalaya okhala yootikiniha vaavaa Yesu oneereiye alamuleleke elapo ya vathi ntoko Mwene a Muluku?

Makoho awaacereryeya:

 1. Mwaalakhanyeni Mateyu 14:1-32.

(a) Mano yaweereya mu Mateyu 14:23-32 enanikhaviherya wiiwexexa mukhalelo taani woomuchu wa Petro?

(b) Soorepa sa mPiipiliyani sinathoonyerya mwawiihayi wi Petro ahuunuwa mmunepani nave aahipwaha mukhalelo wa ochimaka murima? (Mat. 14:27-30; Yoh. 18:10; 21:7; Saw. 2:14, 37-40; 1 Pet. 5:6, 10)

 2. Mwaalakhanyeni Mateyu 15:29-38.

Mano ti mwawiihayi Yesu oonihenreiye nchichimiho wa soovahiwa sothowa soomwiili sinarweela wa Yehova? (Mat. 15:37; Yoh. 6:12; aKol. 3:15)

 3. Mwaalakhanyeni Yohane 6:1-21.

AKristu amutano enahaala ocharela mwawiihayi yootakiherya ya Yesu vooloca sa omwene? (Yoh. 6:15; Mat. 22:21; aRom. 12:2; 13:1-4)

Mwaha 94

Owo Onnaasivela Asaanamwane

 1. Mano arummwa a Yesu yaakhulanela heeni ekookaka mukwaha woorekama?

 2. Ntakhara heeni Yesu amwichanneiye mwaana mmoha mukhani nave amweemexa veeri va arummwa awe?

 3. Mano arummwa anaphwanela ohuserya okhala ntoko anamwane mwawiihayi?

 4. Miyeeri miili vachuli vaya, Yesu ooniihenrye mwawiihayi wi onnasivela anamwane?

Makoho awaacereryeya:

 1. Mwaalakhanyeni Mateyu 18:1-4.

Mano ntakhara heeni Yesu ahipharihela muteko maphwanaphwaniho wi ahusihe? (Mat. 13:34, 36; Marko 4:33, 34)

 2. Mwaalakhanyeni Mateyu 19:13-15.

Makhalelo taani a anamwane nnahaalahu otakiheryaka, naachunaka waakhela mareeliho a Omwene? (Sal. 25:9; 138:6; 1 aKor. 14:20)

 3. Mwaalakhanyeni Marko 9:33-37.

Tiheeni Yesu ahusinheiye wa oohuseryaawe vooloca sa ochuna mapuro a vasulu? (Marko 9:35; Mat. 20:25, 26; aGal. 6:3; aFil. 2:5-8)

 4. Mwaalakhanyeni Marko 10:13-16.

Ntakhara heeni nnahaalahu oloca wi Yesu aari ookhoveleleya? Mano tiheeni asitokweene amuloko anahaalaya ohuserya wa yootakiherya yaawe? (Marko 6:30-34; aFil. 2:1-4; 1 Tim. 4:12)

Mwaha 95

Mummo Yesu Aahusiheryeliiye

 1. Mano tiheeni mulopwana amoori anamokoheiye Yesu, nave ntakhara heeni?

 2. Mu ilukuluku ikina tiheeni Yesu aapharihenleiye muteko wi ahusihe, nave tiheeni nihusenryaahu vooloca sa aYuuta ni aSamariya?

 3. Mwaha ola Yesu onathoriheiye tiheeni eneereya ni muYuuta aari va mukwaha wooya o Yeriko?

 4. Mano tiheeni eneereya vaavaa mulipa a ephepa mmoha muYuuta ni muLeevi mmoha eviraka muramphani?

 5. Va eruku ela, taani onamukhaviherya muYuuta owo ophoreiwe?

 6. Mano vaavaa Yesu amaliinheiye othoriha mwaha owo, nikoho taani eenreiye, nave tiheeni mulopwana owo aakhunleiye?

Makoho awaacereryeya:

 1. Mwaalakhanyeni Luka 10:25-37.

(a) Ohiya ovaha yawaakhuleenexa, Yesu amukhavihenrye mwawiihayi mulopwana a Nlamulo wuupuwelela vooloca sa mwaha mmoori? (Luka 10:26; Mat. 16:13-16)

(b) Mano ti mwawiihayi Yesu aapharihenleiye muteko maphwanaphwaniho wi amalihe nthalu na achu yaamwiiwa? (Luka 10:36, 37; 18:9-14; Tito 1:9)

Mwaha 96

Yesu Onnaapenuxa Awiicheliwa

 1. Mano tiheeni Yesu eenreiye vaavaa eecheencheiye mulaponi?

 2. Vachuli va iyaakha raru Yesu apatisiweene tiheeni owo onaaleleiye arummwaawe?

 3. Mano achu va eruku ela taani, nave tiheeni Yesu oneereiye wa muthiyana owo?

 4. Ntakhara heeni wakhula wa Yesu sa ovaanya wa asitokweene a amathamalelo waahiwuuliha muru?

 5. Vaavaa Yesu ni arummwaawe yaachamelaka ophiya o Yeriko, tiheeni Yesu oneereiye wa ooveka-veka eeli a evaasi?

 6. Mano ntakhara heeni Yesu ompakeiye sotikiniha?

Makoho awaacerereya:

 1. Mwaalakhanyeni Mateyu 15:30, 31.

Mano woniheryiwa taani wootikiniha wa ikuru sa Yehova wuupululiwe ni Yesu? Nave yeeyo enaachererya mwawiihayi wiwexexa wahu wa yeele Yehova olaihenryeiye ntakhara elapo eyo yahihano? (Sal. 37:29; Yes. 33:24)

 2. Mwaalakhanyeni Luka 13:10-17.

Vanthowa na weera sotikiniha itokotoko sikina sene nihiku na Sabata, Yesu ooniheenrye mwawiihayi woopola oneereiye aaruhele achu mpuwa wa Omwenaawe wa miyaakha Masanaru Khumi? (Luka 13:10-13; Sal. 46:9; Mat. 12:8; aKol. 2:16, 17; Yaw. 21:1-4)

 3. Mwaalakhanyeni Mateyu 20:29-34.

Mano yaweereya eene yeela enooniherya mwawiihayi wi Yesu hantonko okhala ooweiwaxa wi akhaviherye achu, nave nnahuserya eheeni wa yeela? (Malam. 15:7; Yak. 2:15, 16; 1 Yoh. 3:17)

Mwaha 97

Yesu Onnorwa Ntoko Mwene

 1. Mano vaavaa Yesu aaphiyaleiye mmwaamucheche vakhiviru ni Yerusalemu tiheeni anvekeiye wi oohuseryaawe yeere?

 2. Tiheeni eneereya va eruku ela vaavaa Yesu aachamelaka o epooma ya Yerusalemu?

 3. Tiheeni anamwane eneeraya vaavaa enamoonaaya Yesu aapenuxaka a evaasi ni oorakala?

 4. Mano tiheeni Yesu onaloceiye wa alipa a ephepa oonanariwa?

 5. Ti mwawiihayi nnahaalahu okhala ntoko anamwane enamuchichimiha Yesu?

 6. Mano tiheeni oohuserya enachunaya osuwela?

Makoho awaacereryeya:

 1. Mwaalakhanyeni Mateyu 21:1-17.

(a) Mano ti mwawiihayi ovolowa wa Yesu mu Yerusalemu onnahiyana ni wa asitokweene yaakunxe elapo ya o Roma khalayi? (Mat. 21:4, 5; Zak. 9:9; aFil. 2:5-8; aKol. 2:15)

(b) Echu taani amiravo enahaalaya ohuserya sa anamwane a aIsarayeli yalonce makupa a Masaalimu 118 vaavaa Yesu avolonweiye mu empa ya Muluku? (Mat. 21:9, 15; Sal. 118:25, 26; 2 Tim. 3:15; 2 Pet. 3:18)

 2. Mwaalakhanyeni Yohane 12:12-16.

Mano miwaryu a murumo saphariheliwe muteko ni achu awo yaamuthamala Yesu sa siphela eheeni? (Yoh. 12:13; aFil. 2:10; Yaw. 7:9, 10)

Mwaha 98

Va Mwaakoni wa Azitona

 1. Mano wa alopwana va eruku ela Yesu tuuvi, nave awo ari ni yoowo taani?

 2. Mu empa eyo, tiheeni alipa a ephepa yeerenryaaya omweerela Yesu nave tiheeni owo aalenleiye?

 3. Tiheeni arummwaawo enakohaaya wa Yesu?

 4. Mano ntakhara heeni Yesu onathoriheiye wa arummwaawe ikina sa ichu inahaala weereya mu elapo yavathi vaavaa owo oneereiye alamuleleke ntoko Mwene wirimu?

 5. Tiheeni Yesu aalonceiye wi enahaala weereya owo ahaakunve omaliha onanara woothene?

Makoho awaacereryeya:

 1. Mwaalakhanyeni Mateyu 23:1-39.

(a) Nari mwi Soorempwa sinnathoonyerya wi ti woophwanelela opharihela muteko masina a mweelaponi, tiheeni masu a Yesu mu Mateyu 23:8-11 anooniheryaaya vooloca sa opharihela muteko masina oroha mmulokoni weeKristu? (Saw. 26:25; aRom. 13:7; 1 Pet. 2:13, 14)

(b) Mano tiheeni aFarisi yeeraaya wi yaachiyelele achu wi ehikhale aKristu? Ti mwawiihayi mummo asitokweene a mathamalelo amutano aneeraaya emohamoha? (Mat. 23:13; Luka 11:52; Yoh. 9:22; 12:42; 1 aTes. 2:16)

 2. Mwaalakhanyeni Mateyu 24:1-14.

(a) Mano ochuneya wa ovilela onachichimiheryiwa mwawiihayi mMateyu 24:13?

(b) Masu awi “makutchuwelo” mMateyu 24:13 anataphulela heeni? (Mat. 16:27; aRom. 14:10-12; 2 aKor. 5:10)

 3. Mwaalakhanyeni Marko 13:3-10.

Mano nsu taani, mMarko 13:10, nnathoonyerya waakuveya wa olaleeryiwa michaka yaphaama, nave masu a Yesu anaphwanela oniphara mwawiihayi hiyo? (aRom. 13:11, 12; 1 aKor. 7:29-31; 2 Tim. 4:2)

Mwaha 99

Mu Empa ya Vasulu

 1. Mano ntoko enathoonyeryiwaaya va eruku ela, ntakhara heeni Yesu ni arummwaawe 12 aryaaya mu empa etokotoko ya vasulu?

 2. Mulopwanoowo onakhuma taani, nave onaya weera heeni?

 3. Yoolya taani yaavamekhaya Yesu opacenryeiye vachuli va emaanleene omulya Paskha?

 4. Mano Paskha awuupuxerya aIsarayeli yaweereya taani? Nave yoolya yaavamekhaya enawuupuxerya eheeni oomuchara a Yesu?

 5. Vachuli va Yoolya ya Oxekuwa ya Apwiya, tiheeni Yesu aalonceiye wa oomucharaawe nave tiheeni awo aneeraaya?

Makoho awaacereryeya:

 1. Mwaalakhanyeni Mateyu 26:14-30.

(a) Mano Mateyu 26:15 onooniherya mwawiihayi wi Yuutase aarimulakela onvelela Yesu?

(b) Nikhami niyeehiwe na Yesu niphariheliiwe muteko wa sookhweleya taani piili? (Mat. 26:27, 28; Yer. 31:31-33; aEf. 1:7; aHeb. 9:19, 20)

 2. Mwaalakhanyeni Luka 22:1-39.

Mano ti mukhalelo taani Satana anvolonweiye Yuutase? (Luka 22:3; Yoh. 13:2; Saw. 1:24, 25)

 3. Mwaalakhanyeni Yohane 13:1-20.

(a) Moovarihana ni yaweereya mu Yohane 13:2, Yuutase okhalano nthowa mwa yeeyo eenreiye? Echu taani akapuro a Muluku anahuseryaaya wa yeeyo? (Map. 4:7; 2 aKor. 2:11; aGal. 6:1; Yak. 1:13, 14)

(b) Mano echu taani yakuru ni yookhweleyaxa Yesu ovanheiye? (Yoh. 13:15; Mat. 23:11; 1 Pet. 2:21)

 4. Mwaalakhanyeni Yohane 17:1-26.

Mano Yesu aavekhenleiye wi oomucharaawe “yakhale mmoha” aachuna oloca eheeni? (Yoh. 17:11, 21-23; aRom. 13:8; 14:19; aKol. 3:14)

Mwaha 100

Yesu Mmacani

 1. Mano vachuli va ekhummeene mu empa ya vasulu Yesu ni arummwaawe yakele woowi, nave tiheeni owo aavenkeiye wi awo yeere?

 2. Tiheeni Yesu aphwanyeiye vaavaa aakookenleiye onipuroni waariwo arummwaawe, nave yeeren’ye ikwaha ikavi?

 3. Taani avolonwe mmacani, nave tiheeni Yuutase Isikariote oneereiye ntoko enooniheryaaya eruku ela?

 4. Ntakhara heeni Yuutase aamunuula Yesu? Tiheeni Petro oneereiye?

 5. Mano tiheeni Yesu onamuleeleiye Petro, nave ntakhara heeni Yesu haanvenke Muluku wi aarumihe angelo?

Makoho awaacereryeya:

 1. Mwaalakhanyeni Mateyu 26:36-56.

(a) Mano mukhalelo Yesu aavanheiye miruku oohuseryaawe eri yootakiherya yaphaamaxa wa asitokweene eeKristu olelo mwawiihayi? (Mat. 20:25-28; 26:40, 41; aGal. 5:17; aEf. 4:29, 31, 32)

(b) Tiheeni Yesu uupuweleiye vooloca sa opharihela muteko wa mavaka a mwiili moomvinyerya muchu mukina? (Mat. 26:52; Luka 6:27, 28; Yoh. 18:36)

 2. Mwaalakhanyeni Luka 22:39-53.

Mano nthowa na mungelo orwa wa Yesu mu emaca ya Getsemane wi amulipihe enathoonyerya wi owo aari oocheecheya mu nroromelo? Thorihani. (Luka 22:41-43; Yes. 49:8; Mat. 4:10, 11; aHeb. 5:7)

 3. Mwaalakhanyeni Yohane 18:1-12.

Yesu awaakinhe mwawiihayi oohuseryaawe wa amwiicani? Mano tiheeni nnahuseryaahu mwa yootakiheryeene yeela? (Yoh. 10:11, 12; 18:1, 6-9; aHeb. 13:6; Yak. 2:25)

Mwaha 101

Wiiphiwa wa Yesu

 1. Mano taani ori mwaneneenexa wa okhwa wa Yesu?

 2. Tiheeni arummwaawo aneeraaya vaavaa ahooleli a mathamalelo anamukuxaaya Yesu?

 3. Tiheeni eneereya o empa ya Kayafa, mutokweene a alipa a ephepa?

 4. Mano ntakhara heeni Petro okhuma nave aahinla?

 5. Vachuli va omurumiha Yesu okookela wa Pilato tiheeni ahooleli a mathamalelo yaakhuwenlaaya?

 6. Mano tiheeni eneereya ni Yesu oxekuwa wa nihiku naneethanu? Yoolaiherya taani owo oneereiye wa mmoha a alipa aweera soonanara aari vamwirini omakupa waawe?

 7. Mano Paradaiso yoowo Yesu amulonceiye onaya okhala woowi?

Makoho awaacereryeya:

 1. Mwaalakhanyeni Mateyu 26:57-75.

Mano ti mwawiihayi achu anikhuru na milachu mitokotoko na aYuuta yoonihenryaaya wi yaari oonanara murima? (Mat. 26:59, 67, 68)

 2. Mwaalakhanyeni Mateyu 27:1-50.

Ntakhara heeni nnahaala oloca wi ocharuwa wa Yuutase hiwaari weeparipari? (Mat. 27:3, 4; Marko 3:29; 14:21; 2 aKor. 7:10, 11)

 3. Mwaalakhanyeni Luka 22:54-71.

Echu taani nnahaalahu ohuserya wa Petro amukhooceiye Yesu mu ohiyu aveleeliweiye ni aphariwa? (Luka 22:60-62; Mat. 26:31-35; 1 aKor. 10:12)

 4. Mwaalakhanyeni Luka 23:1-49.

Mano Yesu eenre eheeni mwa soonanara soothene eereliweiye, nave tiheeni nnahaalahu ohuserya wa yeeyo? (Luka 23:33, 34; aRom. 12:17-19; 1 Pet. 2:23)

 5. Mwaalakhanyeni Yohane 18:12-40.

Namwi Petro va elukuluku vakhaani ahikhala omoova muchu, tiheeni enathoonyerya wi ahihuhumuwa, nave ahikhala murummwa awoneeyaxa? (Yoh. 18:25-27; 1 aKor. 4:2; 1 Pet. 3:14, 15; 5:8, 9)

 6. Mwaalakhanyeni Yohane 19:1-30.

(a) Mano Yesu oninherye mwawiihayi wi akhalano moonelo aphaama vooloca sa soothowa samwiili? (Yoh. 2:1, 2, 9, 10; 19:23, 24; Mat. 6:31, 32; 8:20)

(b) Ntakhara heeni masu okuchula a Yesu ti yoolokoha yoophwahaxa yawi owo ahaakiha olamulelo mutokweene wa Yehova? (Yoh. 16:33; 19:30; 2 Pet. 3:14; 1 Yoh. 5:4)

Mwaha 102

Yesu Mukumi

 1. Mano muthiyana ola ni alopwana awo eeli va eruku ela taani, nave awo ari woowi?

 2. Ntakhara heeni Pilato aaloca ni alipa ephepa wi yaalamulele asurutatu wi elipelele nihiye na Yesu?

 3. Mano tiheeni mungelo mmoha oneereiye wooxixelo ene, mu nihiku naneeraru vachuli va okhwa wa Yesu? Nave tiheeni alipa ephepa aneeraaya?

 4. Ntakhara heeni athiyana awo yaakele o nihiyeni na Yesu yaahitikhina?

 5. Ntakhara heeni Petro ni Yohane yachimaka oya o nihiyeni na Yesu, nave tiheeni yaaphwanyaaya?

 6. Mano tiheeni yeeren’ye ni mwiili wa Yesu nave tiheeni yeeyo owo eenreiye wi awoonihe oohuseryaawe wi owo mukumi?

Makoho awaacereryeya:

 1. Mwaalakhanyeni Mateyu 27:62-66 ni 28:1-15.

Mano alipa ephepa, aFarisi ni asitokweene yaacekenle mwawiihayi munepa waweela mu elukuluku ya ovinya wa okhwa wa Yesu? (Mat. 12:24, 31, 32; 28:11-15)

 2. Mwaalakhanyeni Luka 24:1-12.

Mano yaweereya vooloca sa ovinya wa okhwa wa Yesu enooniherya mwawiihayi wi Yehova onawoona athiyana ntoko anamoona oophwanela ororomeliwa? (Luka 24:4, 9, 10; Mat. 28:1-7)

 3. Mwaalakhanyeni Yohane 20:1-12.

Mano Yohane 20:8, 9 onanikhaviherya mwawiihayi woona okhweleya okhala ookhurumuwa wakhala wi hanniwexexa phaama okhwaanela wa yoorempwa ya Piipiliya? (Masi. 4:18; Mat. 17:22, 23; Luka 24:5-8; Yoh. 16:12)

Mwaha 103

Mu Eruku Yowaliweene

 1. Mano tiheeni Mariya onaloceiye wa mulopwanoowo uupuweleiye wi aari mulipa a emaca? Tiheeni yaamusuwelinhe owo wi chiryeene ti Yesu?

 2. Tiheeni yeeren’ye ni oohuserya eeli yaawo yaarowa o muchecheni wa Emau?

 3. Mano echu taani yootikiniha yeeren’ye vaavaa oohuserya eeli yaathorihelaka arummwa wi awo amoona Yesu?

 4. Mano Yesu oonen’ye ikwaha hayi wa oohuseryaawe?

 5. Tomasi aalonce heeni vaavaa iwaleiye wi oohuserya yaahiwoona Apwiya, nave tiheeni yeeren’ye mahiku mathanu na mararu vachuli vaya?

Makoho awaacereryeya:

 1. Mwaalakhanyeni Yohane 20:11-29.

Mano mu Yohane 20:23, Yesu achuna oloca wi achu aalamuleliwa okhurumuwela socheka? Thorihani. (Sal. 49:2, 7; Yes. 55:7; 1 Tim. 2:5, 6; 1 Yoh. 2:1, 2)

 2. Mwaalakhanyeni Luka 24:13-43.

Mano ti mwawiihayi nnahalaahu oreherya murimaahu, wi waakhele eeparipari ya mPiipiliyani? (Luka 24:32, 33; Est. 7:10; Mat. 5:3; Saw. 16:14; aHeb. 5:11-14)

Mwaha 104

Owela wa Yesu Oya Wirimu

 1. Mano mu ekwaha emoharu, oohuserya yaamoone Yesu yaari ahayi, nave aalonce eheeni wa yaawo?

 2. Mano Omwene wa Muluku tiheeni? Vaavaa Yesu oneereiye alamulele ontoko Mwene mu miyaakha masanaru khumi, okumi mu elapo yavathi onahaala okhala wawiihayi?

 3. Mano Yesu iisoninhe wa arummwaawe mmahiku mahayi, nyenya hihano eri elukuluku yawi owo eere eheeni?

 4. Elukuluku vakhaani ahaakunve waahiya oohuseryaawe, nlamulo taani Yesu aavanheiye?

 5. Mano tiheeni yeeyo eneereya va eruku ela, nave Yesu onachakanela mwawiihayi va miithoni va achwaawo?

Makoho awaacereryeya:

 1. Mwaalakhanyeni 1 aKorinto 15:3-8.

Ntakhara heeni murummwa Paulo ahaala oloca ni nroromeloxa vooloca sa ovinya wa Yesu? Ichu taani hiiho aKristu anaphwanelaaya olocaka ni nroromelo olelo? (1 aKor. 15:4, 7, 8; Yes. 2:2, 3; Mat. 24:14; 2 Tim. 3:1-5)

 2. Mwaalakhanyeni Saweriwa Tarummwa 1:1-11.

Ntoko saalokoheryiwaya mu Saweriwa Tarummwa 1:8, muteko wa olaleerya waphiyenrye woowi? (Saw. 6:7; 9:31; 11:19-21; aKol. 1:23)

Mwaha 105

Ewehereryaka mu Yerusalemu

 1. Ntoko enooniheryaaya eruku ela, tiheeni yeeyo enawerela oohuserya a Yesu yaawo yaawehererya o Yerusalemu?

 2. Mano yootikiniha taani yaaryaayano yaawo yaashekunrye o Yerusalemu?

 3. Tiheeni yeeyo Petro aathorihenleiye achu?

 4. Mano vaavaa achu yamanlaaya onwiriyana Petro, yoonnemo mwawiihayi, nave tiheeni yeeyo owo aleenleiye anaphwanelaaya weera?

 5. Nihiku na Pentekoste a 33 Elukuluku ya Kristu yaapatisiwe achu ahayi?

Makoho awaacereryeya:

 1. Mwaalakhanyeni Saweriwa Tarummwa 2:1-47.

(a) Mano masu a Petro mu Saweriwa Tarummwa 2:23, 36 anooniherya mwawiihayi wi nloko noothene na aYuuta yaahikhalano mirichi mu okhwa wa Yesu? (1 aTes. 2:14, 15)

(b) Ti mukhalelo taani Petro othikithenryeiye yootakiherya yaphaama, ya wuupuwelela woorweela mmathipelo a Piipiliya? (Saw. 2:16, 17, 29, 31, 36, 39; aKol. 4:6)

(c) Mano Petro aapharihenle muteko mwawiihayi yoopacerya ya “sohulela sa Omwene wa Wirimu,” seiyo Yesu aalaihenryeiye onvaha yoowo? (Saw. 2:14, 22-24, 37, 38; Mat. 16:19)

Mwaha 106

Woopoliwa Mukariposo

 1. Mano tiheeni yeeren’ye wa Petro ni Yohane oxekuwa okina vaavaa erowaka o empa ya Muluku?

 2. Tiheeni Petro onaloceiye ni mulopwana mmoha orakala? Mano echu taani Petro onanvaheiye yoowo eri yoochuneyaxa opwaha ikhorowa?

 3. Ntakhara heeni ahooleli a mathamalelo akhanlaaya oonanariwa, nave tiheeni anamweerelaaya Petro ni Yohane?

 4. Mano tiheeni Petro onaloceiye wa ahooleli a mathamalelo? Yoolopola taani awo anavahaaya wa arummwa?

 5. Ntakhara heeni ahooleli a mathamalelo yaahinla ehace? Tiheeni yeeren’ye vaavaa arummwa yavonyiwaaya mukariposo wanaawiili?

 6. Mano arummwa yaakhunle hayi vaavaa yaakuxeryiwaaya o nikhucheni na atokweene o Sineedrio?

Makoho awaacereryeya:

 1. Mwaalakhanyeni Saweriwa Tarummwa 3:1-10.

Naamwi nihaanono ikuru soopaka sootikiniha mutano, masu a Petro arempwe mu Saweriwa Tarummwa 3:6, ananikhaviherya mwawiihayi ochichimiha michaka ya Omwene? (Yoh. 17:3; 2 aKor. 5:18-20; aFil. 3:8)

 2. Mwaalakhanyeni Saweriwa Tarummwa 4:1-31.

Navaanyiwaaka mmuteko woolaleerya tiheeni nnaphwanelaahu waatakiherya asinnaahu eeKristu a nsana noopacerya? (Saw. 4:29, 31; aEf. 6:18-20; 1 aTes. 2:2)

 3. Mwaalakhanyeni Saweriwa Tarummwa 5:17-42

Mano ti mwawiihayi achu akina ahikhanle Anamoona a Yehova, opacerya khalayi ophiyerya olelo, annoniherya wichachala ntakhara wa muteko wa olaleerya? (Saw. 5:34-39)

Mwaha 107

Ovonyiwa Maluku wa Stefano

 1. Mano Stefano taani, nave tiheeni owo oneereiye mu okhaviheryiwa ti Muluku?

 2. Tiheeni yeeyo Stefano aalonceiye, yaawerinhe ahooleli a mathamalelo okhala onanariwa vanchipalexa?

 3. Mano alopwana awo anampurulela Stefano vaate va epooma, tiheeni yaawo anamwerelaaya yoowo?

 4. Va eruku ela, mmiravo owo eemenle vakhiviru sa soowara taani?

 5. Ahaakunve okhwa, tiheeni yeeyo Stefano aalonceiye wa Yehova munivekeloni?

 6. Mu omutakiherya Stefano, nnaphwanela omoona mwawiihayi muchu onneerela hiyo echu yoonanara?

Makoho awaacereryeya:

 1. Mwaalakhanyeni Saweriwa Tarummwa 6:8-15.

Mano saweera taani soowoka ahooleli a mathamalelo anapharihelaaya muteko wi yeererye weemexa muteko, wa olaleerya wa Anamoona a Yehova? (Saw. 6:9, 11, 13)

 2. Mwaalakhanyeni Saweriwa Tarummwa 7:1-60.

(a) Tiheeni yamukhavihenrye Stefano waakiha michaka yaphaama mwa makhalelo awookololowa variyari va Sineedrio, nave nnahuserya eheeni mwa yootakiherya yaawe? (Saw. 7:51-53; aRom. 15:4; 2 Tim. 3:14-17; 1 Pet. 3:15)

(b) Mano eyuupuwelo taani nnaphwanelaahu okhalakano ni wa yaale anavanya muteko ahu? (Saw. 7:58-60; Mat. 5:44; Luka 23:33, 34)

Mwaha 108

Mu Ephiro ya o Damasko

 1. Mano tiheeni Saulo oneereiye vachuli va wiiphiwa wa Stefano?

 2. Echu taani yootikinihaxa yeeren’ye, vaavaa Saulo aryeene vaphironi ya o Damasko?

 3. Tiheeni Yesu amurummeiye Saulo weere?

 4. Mano ikano taani Yesu anvanheiye Hananiya, nave ti mwawiihayi Saulo awenryeiye woonatho?

 5. Mano Saulo akhanle asuweliwaka ni nsina taani, nave aphariheliwe muteko mwawiihayi?

Makoho awaacereryeya:

 1. Mwaalakhanyeni Saweriwa Tarummwa 8:1-4.

Mano ti mwawiihayi nchumusa na yoohoxa yarweenle muloko muvyani weeKristu yaahiphara muteko wa omwarya nroromelo neeKristu, nave echu taani yoophwanaphwana eneereya mu ilukuluku sa mutano? (Saw. 8:4; Yes. 54:17)

 2. Mwaalakhanyeni Saweriwa Tarummwa 9:1-20.

Mano Saulo aaya wakhela muteko taani woophitaanyerya oraru, nthoko yawupulula ya Yesu wa owo? (Saw. 9:15; 13:5; 26:1; 27:24; aRom. 11:13)

 3. Mwaalakhanyeni Saweriwa Tarummwa 22:6-16.

Mano ti mwawiihayi nnahaalahu okhala ntoko Hananiya nave ntakhara heeni eyo ti yookhweleyaxa? (Saw. 22:12; 1 Tim. 3:7; 1 Pet. 1:14-16; 2:12)

 4. Mwaalakhanyeni Saweriwa Tarummwa 26:8-20.

Mano ocharuwa wa Saulo akhala muKristu enaalipiha mwawiihayi oothene yaawo athelanne ni muchu oohiroromela? (Saw. 26:11; 1 Tim. 1:14-16; 2 Tim. 4:2; 1 Pet. 3:1-3)

Mwaha 109

Petro Onnamuxekurya Korneliyo

 1. Mano mulopwana onuurama va eruku ela taani?

 2. Tiheeni mungelo onamuleeleiye Korneliyo?

 3. Tiheeni Muluku eenreiye wi Petro oone, ari va pathoni va empa ya Simoni, o Yopa?

 4. Mano ntakhara heeni Petro aamuleela Korneliyo wi owo haaphwanela okokhora ni omulapela Petro?

 5. Ntakhara heeni, oohuserya aYuuta ari ni Petro annakhala ootikhina?

 6. Mano echu taani yoochuneyaxa nnahuseryaahu sa Petro omuxekurya Korneliyo?

Makoho awaacereryeya:

 1. Mwaalakhanyeni Saweriwa Tarummwa 10:1-48.

Mano masu a Petro mu Saweriwa Tarummwa 10:42, anooniherya mwawiihayi vooloca sa muteko woolaleerya michaka yaphaama ya Omwene? (Mat. 28:19; Marko 13:10; Saw. 1:8)

 2. Mwaalakhanyeni Saweriwa Tarummwa 11:1-18.

Eyuupuwelo taani Petro oonihenryeiye vaavaa sooholeliha sa Yehova vooloca sa amalapo sakhanlaaya sawooneya, nave nnahaala ochara hayi yootakiheryaawe? (Saw. 11:17, 18; 2 aKor. 10:5, aEf. 5:17)

Mwaha 110

Timoteo—Mulipa Oomukhaviherya Paulo

 1. Mano mmiravo va eruku ela taani, owo aakhala woowi, nave amannya ni amunneni yiichaniwa taani?

 2. Tiheeni yeeyo Timoteo aakhunleiye vaavaa Paulo amukoheiye wakhala wi anaachuna walaleerya achu a mapuro orekamela vamoha ni yoowo ni Sila?

 3. Mano ti woowi oohuserya a Yesu mu ekwaha yoopacerya yiichaniwaaya okhala aKristu?

 4. Ipooma taani ikina saxekuryiwe ti Paulo, Sila ni Timoteo vachuli va okhuma o Lustra?

 5. Mano Timoteo amukhavihenrye Paulo mwawiihayi? Tiheeni amiravo amutano anaphwanelaaya wiikoha?

Makoho awaacereryeya:

 1. Mwaalakhanyeni Saweriwa Tarummwa 9:19-30.

Mano murummwa Paulo onihenrye hayi phole-phole, vaavaa akumaneiye ni ovanyiwa wa michaka yaphaama? (Saw. 9:22-25, 29, 30; Mat. 10:16)

 2. Mwaalakhanyeni Saweriwa Tarummwa 11:19-26.

Ti mwawiihayi yaweereya mu Saweriwa Tarummwa 11:19-21, 26 enooniherya wi munepa wa Yehova onnahoolela ni onneechiha muteko wa olaleerya?

 3. Mwaalakhanyeni Saweriwa Tarummwa 13:13-16, 42-52.

Mano ti mwawiihayi Saweriwa Tarummwa 13:51, 52 onnooniherya wi oohuserya hiyemerenrye wi ovanyiwa waachecheihe? (Mat. 10:14; Saw. 18:6; 1 Pet. 4:14)

 4. Mwaalakhanyeni Saweriwa Tarummwa 14:1-6, 19-28.

Mano ti mwawiihayi nsu nawi ‘kinnokhapelelihani wa Yehova’ ninnanikhaviherya ovukula soothananiha siiri soothene soohireerela, nnahaalahu okhalano naakhaviheryaka aKristu ahihano? (Saw. 14:21-23; 20:32; Yoh. 6:44)

 5. Mwaalakhanyeni Saweriwa Tarummwa 16:1-5.

Ti mwawiihayi weemererya wa Timoteo othikila elopwana enachichimiherya ochuneexa wa weera ichu “sothe sene ntakhara a Mitchaka Yaphama”? (Saw. 16:3; 1 aKor. 9:23; 1 aTes. 2:8)

 6. Mwaalakhanyeni Saweriwa Tarummwa 18:1-11, 18-22.

Mano Saweriwa Tarummwa 18:9, 10 onathoonyerya eheeni vooloca sa Yesu ohoolela muteko woolaleerya, nave yeeyo enanivaha nroromelo taani olelo? (Mat. 28:20)

Mwaha 111

Mmiravo Yoowo Aakonne

 1. Mano va eruku ela, mmiravo uuwenle vachayani taani, nave tiheeni yeeren’ye wa yoowo?

 2. Tiheeni Paulo oneereiye vaavaa oonneiye wi mmiravo owo ookhwa?

 3. Mano Paulo, Timoteo, ni yaawo anachaana va mukwaha, anaya woowi? Nave tiheeni yeeren’ye vaavaa yeemenlaaya o Mileto?

 4. Yoolopola taani mulipa a miririmu Agabo anvanheiye Paulo, nave ti mwawiihayi seeren’yaaya hiihaa ntoko yoowo alonceiye?

Makoho awaacereryeya:

 1. Mwaalakhanyeni Saweriwa Tarummwa 20:7-38.

(a) Mano ti mwawiihayi nnahaalahu okhala aweela wa “nikhami na atchu othene” ntoko masu a Paulo arempwe mu Saweriwa Tarummwa 20:26, 27? (Ezek. 33:8; Saw. 18:6, 7)

(b) Ntakhara heeni asitokweene amuloko, anaphwanelaaya okhala “awákélela masu óroromeleya” yaahusihaka? (Saw. 20:17, 29, 30; Tito 1:7-9; 2 Tim. 1:13)

 2. Mwaalakhanyeni Saweriwa Tarummwa 26:24-32.

Mano ti mwawiihayi Paulo aapharihenleiye muteko, okhala waawe ntoko muRoma wi akhwaaniherye muteko woolaleerya avahiweiye ti Yesu? (Saw. 9:15; 16:37, 38; 25:11, 12; 26:32; Luka 21:12, 13)

Mwaha 112

Omiryeya wa Pophoro Veevilivilini

 1. Mano tiheeni eneereya ni pophoro yoowo Paulo oriiyemo, vaavaa aavinreiye va evilivili ya Krete?

 2. Tiheeni Paulo onaloceiye, wa achu yaari vamoha ni yoowo mpophoroni?

 3. Ntakhara heeni pophoro ahipacerya opasuwa?

 4. Mano tiheeni Kenturiyo olamuleenleiye, nave achu akavi yaaphiyale omokoni mwaphaameene?

 5. Mano nsina na evilivili anayaaya weemelavo nnichaniwa hayi, nave tiheeni eneereya wa Paulo, vaavaa echeku eyo yaamanlaaya?

Makoho awaacereryeya:

 1. Mwaalakhanyeni Saweriwa Tarummwa 27:1-44.

Mano ti mwawiihayi ororomela wahu waakhwaneleya wa Piipiliya onnalipihiwa vaavaa nnalakhanyaahu yaweereya ya mukwaha wa Paulo oya o Roma? (Saw. 27:16-19, 27-32; Luka 1:3; 2 Tim. 3:16, 17)

 2. Mwaalakhanyeni Saweriwa Tarummwa 28:1-14.

Okhala wi amalapo yaakhala o Melita yaahikuxiwa murima omweerela “sepewe” Paulo ni achu akina yamiryiwe vamoha ni yoowo, tiheeni aKristu anaphwanelaaya okuxiwa murima wooniherya, nave mmukhalelo taani wa vameekhayaxa? (Saw. 28:1, 2; aHeb. 13:1, 2; 1 Pet. 4:9)

Mwaha 113

Paulo Ori o Roma

 1. Mano Paulo alaleenrye aani vaavaa aareiye mukariposo o Roma?

 2. Va eruku ela, mulecho owo ori va mesani taani, nave tiheeni owo oneereiye ntakhara Paulo?

 3. Mano Epafrodito taani, nave tiheeni owo akunxeiye akookelaka o Filipi?

 4. Ntakhara heeni Paulo arempeiye ekaarata ntakhara nthamwene awe Filemoni?

 5. Tiheeni Paulo oneereiye vaavaa aataphuliweiye, nave tiheeni eneereya wa yoowo mu elukuluku vakhaani muhoolo?

 6. Mano taani yoowo Yehova ampharihenleiye muteko wi arepe maliivuru ookuchula a Piipiliya, nave tiheeni liivuru a Yawupulula onaloceiye?

Makoho awaacereryeya:

 1. Mwaalakhanyeni Saweriwa Tarummwa 28:16-31 ni aFilipi 1:13.

Mano Paulo aapharihenle muteko mwawiihayi elukulukwaawe vaavaa aareiye mu kariposo o Roma? Yookhumelelavo taani vooloca sa muloko weeKristu nroromelo notikitheryeya na Paulo navanhaaya? (Saw. 28:23, 30; aFil. 1:14)

 2. Mwaalakhanyeni aFilipi 2:19-30.

Mano tiheeni Paulo aalonceiye ooniheryaka othamalela wawe wa Timoteo ni Epafrodito? Nave nnahaala ocharela mwawiihayi yootakiherya awe? (aFil. 2:20, 22, 25, 29, 30; 1 aKor. 16:18; 1 aTes. 5:12, 13)

 3. Mwaalakhanyeni Filemoni 1-25.

(a) Mano masu a Paulo yaamutetheeryenle Filemoni weera ichu soophwanelela yaari a mathipelo taani? Ti mwawiihayi yeeyo eryaaya yootakiherya wa asitokweene a muloko weeKristu olelo? (File. 9; 2 aKor. 8:8; aGal. 5:13)

(b) Masu a Paulo anaphwanyeya mu Filemoni 13, 14 anooniherya mwawiihayi wi owo aanachimiha yawuupuxerya-ya-murima ya achu akina a muloko? (1 aKor. 8:7, 13; 10:31-33)

 4. Mwaalakhanyeni 2 Timoteo 4:7-9.

Mano hiihaa ntoko murummwa Paulo, ti mwawiihayi nnahaalahu okhala ororomela wi Yehova onamunivaha phatamari nakhala ororomela ophiyerya omakuchuwelo? (Mat. 24:13; aHeb. 6:10)

Mwaha 114

Makuchuwelo a Onanara Woothene

 1. Mano ntakhara heeni Piipiliya onnaloca sa akavalo wirimu?

 2. Nsina na ekhoco ya Muluku ntakhara achu oonanara a elapo ya vathi nniichaniwa hayi, nave tiivi eri yookhwelaaya?

 3. Mvareryaka va eruku ela, taani onaya ohoolela ekhoco eyo, ntakhara heeni onwanreiye koroa, nave nlema nawe nnathaphulela heeni?

 4. Mano nakookela Myaha 10, 15 ni 33 ntakhara heeni hinnaphwanela okhala otikhina wi Muluku onahaala watoloxa achu oonanara?

 5. Mano Myaha 36 ni 76 inooniherya mwawiihayi wi Muluku onahaala watoloxa achu oonanara nari elocaka wi annamulapela yoowo?

Mahoko awaacereryeya:

 1. Mwaalakhanyeni Yawupulula 19:11-16.

(a) Mano Piipiliya onooniherya mwawiihayi phaameenexa wi Yesu ti yoowo omuwenle kavalo aweela? (Yaw. 1:5; 3:14; 19:11; Yes. 11:4)

(b) Mathepa a nikhami va yoowara ya Yesu anachichimiherya mwawiihayi wi owiina waawe ti wakuru nave wawaakhwanela? (Yaw. 14:18-20; 19:13; Yes. 63:1-6)

(c) Mano taani anaphitaana mmuloko wa khoco onamuchara Yesu onwenle kavalo awe aweela? (Yaw. 12:7; 19:14; Mat. 25:31, 32)

Mwaha 115

Paradaiso Ahihano Veelaponi Yavathi

 1. Mano moovarihana ni Piipiliya makhalelo taani, aphaama nin’yahu opuha mParadaiso mu elapo yavathi?

 2. Piipiliya olakanne eheeni wa achu anaya okhala mu Paradaiso?

 3. Mano tiliini Yesu onahaaleiye weera wi orukunuwa weiwo wootikiniha orwe?

 4. Tiheeni Yesu eenreiye vaavaa areiye mu elapo yavathi, wi athoonyerye yeeyo onahaaleiye weera ntoko Mwene Omwene wa Muluku?

 5. Mano Yesu ni yaawo anaya olamulela vamoha ni yoowo wirimu enahaala ochichimiherya wi yeereye eheeni, vaavaa enayaaya olamulela elapo yavathi ovinyerya wirimu?

Makoho awaacereryeya:

 1. Mwaalakhanyeni Yawupulula 5:9, 10.

Mano ntakhara heeni nnahaala ororomela wi ale anaya olamulela elapo yavathi mu Omwene wa miyaakha Masanaru Khumi, anahaala okhala mamwene ni alipa-ephepa oosuwelaxa nave oomoriwa ikharari? (aEf. 4:20-24; 1 Pet. 1:7; 3:8; 5:6-10)

 2. Mwaalakhanyeni Yawupulula 14:1-3.

Mano orempwa wa nsina na Atiithi nave na mwaana Epucepuche vayuuci va 144,000 awo, enataphulela heeni? (1 aKor. 3:23; 2 Tim. 2:19; Yaw. 3:12)

Mwaha 116

Mummo Nniryahu Niwerye Okhala ni Okumi Wawiikhalelaru

 1. Mano tiheeni nnachunaahu osuwela, wakhala wi nnanwerya okhala ni okumi wawiikhalelaru?

 2. Mano ti mwawiihayi nnahalaahu ohuserya vooloca sa Yehova ni Yesu, ntoko enoneyaaya mwa yeeyo mwaana mwamuthiyana mukhani ni asinthamwene awe aneeraaya va eruku ela?

 3. Mano liivuru taani mukina nhuwano munamoonaanyu va eruku ela, nave ntakhara heeni nnaphwanelaahu omwaalakhanyaka ikwaha sincipale?

 4. Ohiya ohuserya vooloca sa Yehova ni Yesu, tiheeni eri yoochuneyatho wi naakhele okumi woohimala?

 5. Mano Mwaha 69 onanihusiha echu taani?

 6. Va Mwaha 55 yootakiherya taani yaphaama enooniheryiwa ya Samueli oyeevela owo?

 7. Mano ti mwawiihayi nnahaalahu ochara yootakiherya eyo ya Yesu Kristu? Neerano hiihaa tiheeni nnayaahu ophura muhoolo?

Makoho awaacereryeya:

 1. Mwaalakhanyeni Yohane 17:3.

Piipiliya onooniherya mwawiihayi wi okhalano yoosuwela vooloca sa Yehova Muluku ni sa Yesu Kristu ennachuneyatho vancipale opwaha wanyiherya sa weereya? (Mat. 7:21; Yak. 2:18-20; 1 Yoh. 2:17)

 2. Mwaalakhanyeni Salumu 145:1-21.

(a) Mano taavi mathowa makina wa mancipale nnryaahuno wi nimuthamale Yehova? (Sal. 145:8-11; Yaw. 4:11)

(b) Mano Yehova “taphaama wa oothene” mwawiihayi? Ti mwawiihayi yeeyo ennaphwanela onnachameliha hiiyo wa Yoowo? (Sal. 145:9; Mat. 5:43-45)

(c) Wakhala wi ninamusivela Yehova ni murima, tiheeni nneeraahu nikuxiwe murima weera? (Sal. 119:171, 172, 175; 145:11, 12, 21)