Watchtower LAIBULALE YA PA INTANETI

Genesis 3:19

Baibulo la Dziko Latsopano la Malemba Opatulika
- 19 Udzadya chakudya kuchokera mʼthukuta la nkhope yako mpaka utabwerera kunthaka, chifukwa nʼkumene unatengedwa.+ Popeza ndiwe fumbi, kufumbiko udzabwerera.”+

Genesis 47:9

Baibulo la Dziko Latsopano la Malemba Opatulika
- 9 Yakobo anayankha Farao kuti: “Ndili ndi zaka 130 ndipo pa zaka zimenezi ndakhala ndikuyendayenda* mʼmalo osiyanasiyana. Ndakhala ndi moyo zaka zowerengeka komanso zosautsa,+ ndipo si zambiri poyerekezera ndi zaka zimene makolo anga akhala akuyendayenda mʼmalo osiyanasiyana.”+

Salimo 90:10

Baibulo la Dziko Latsopano la Malemba Opatulika
- 10 Masiku a moyo wathu amangokwana zaka 70
  Kapena 80+ ngati munthu ali ndi mphamvu zambiri.*
  
  Koma zimakhala zodzaza ndi mavuto komanso chisoni.
  Zimatha mofulumira ndipo moyo wathu umachoka.+

Mlaliki 2:23

Baibulo la Dziko Latsopano la Malemba Opatulika
- 23 Chifukwa masiku onse a moyo wake, ntchito yakeyo imamubweretsera zowawa ndi zokhumudwitsa.+ Ndipo ngakhale usiku mtima wake supuma.+ Izinso nʼzachabechabe.