8 Koma Mulungu anakumbukira Nowa ndi nyama zonse zakutchire ndiponso nyama zonse zoweta zimene anali nazo mʼchingalawa chija.+ Ndiyeno Mulungu anachititsa kuti chimphepo chiwombe padziko lapansi, ndipo madzi anayamba kuchepa.

21 Mose anatambasula dzanja lake nʼkuloza panyanja,+ ndipo Yehova anachititsa kuti mphepo yamphamvu yakumʼmawa igawe nyanjayo usiku wonse nʼkuumitsa pansi pake.+ Choncho madziwo anagawanika.+

31 Kenako Yehova anabweretsa mphepo yamphamvu kuchokera kunyanja. Mphepoyo inabweretsa zinziri, ndipo inazimwaza kuzungulira msasawo+ mpaka pamtunda woyenda tsiku limodzi kulowera mbali zonse za msasawo. Inazimwaza kuzungulira msasawo, moti zinaunjikana mulu wokwana pafupifupi masentimita 90* kuchokera pansi.

4 Ndiyeno Yehova anabweretsa mphepo yamphamvu panyanja, ndipo kenako panachitika chimkuntho choopsa, moti chombocho chinatsala pangʼono kusweka.