• Yesaya 47:12, 13
    Baibulo la Dziko Latsopano la Malemba Opatulika

    • 12 Choncho pitiriza kuchita zanyanga komanso zamatsenga zako zambirimbirizo,+

      Zimene wazivutikira kuyambira uli mwana.

      Mwina zingakuthandize,

      Mwina zichititsa kuti anthu achite mantha.

      13 Alangizi ako ambirimbiri akutopetsa.

      Anthu amene amalambira zinthu zakumwamba,* amene amayangʼanitsitsa nyenyezi,+

      Amene amakudziwitsa zimene zikuchitikire

      Mwezi watsopano ukaoneka,

      Auze abwere adzakupulumutse.

  • Danieli 2:10, 11
    Baibulo la Dziko Latsopano la Malemba Opatulika

    • 10 Akasidiwo anayankha mfumuyo kuti: “Palibe munthu padziko lapansi amene angathe kuchita zimene inu mfumu mukufuna. Palibe mfumu yaikulu kapena bwanamkubwa amene anauzapo wansembe wochita zamatsenga, munthu wolankhula ndi mizimu kapena Mkasidi kuti achite zimenezi. 11 Zimene inu mfumu mukufuna kuti tichite ndi zovuta, ndipo palibe munthu amene angakuuzeni maloto anu kupatulapo milungu, imene sikhala pakati pa anthu.”