Salimo

2 Nʼchifukwa chiyani anthu a mitundu ina akuchita zipolowe,

Ndiponso nʼchifukwa chiyani mitundu ya anthu ikungʼungʼudza za chinthu chopanda pake?*+

 2 Mafumu a dziko lapansi aima pamalo awo,

Ndipo anthu olemekezeka asonkhana pamodzi* mogwirizana+

Kuti alimbane ndi Yehova komanso wodzozedwa wake.*+

 3 Iwo akunena kuti: “Tiyeni tidule zomangira zawo,

Ndipo titaye zingwe zawo!”

 4 Amene wakhala pampando wachifumu kumwamba adzaseka.

Yehova adzawanyogodola.

 5 Pa nthawiyo, adzalankhula nawo atakwiya,

Ndipo adzawachititsa mantha ndi mkwiyo wake.

 6 Iye adzawauza kuti: “Inetu ndasankha mfumu yanga+

Ndipo ikulamulira ku Ziyoni,+ phiri langa lopatulika.”

 7 Ndifotokoza zimene Yehova wanena.

Iye wandiuza kuti: “Iwe ndiwe mwana wanga,+

Lero, ine ndakhala bambo ako.+

 8 Tandipempha, ndipo ndikupatsa mitundu ya anthu kuti ikhale cholowa chako,

Ndiponso dziko lonse lapansi kuti likhale lako.+

 9 Mitunduyo udzaiphwanya ndi ndodo yachifumu yachitsulo,+

Ndipo udzaiswa ngati chiwiya chadothi.”+

10 Tsopano inu mafumu, sonyezani kuzindikira,

Mverani malangizo,* inu oweruza a dziko lapansi.

11 Tumikirani Yehova mwamantha,

Ndipo muzisangalala komanso kunjenjemera pamaso pake.

12 Mulemekezeni* mwanayo+ kuopera kuti Mulungu angakwiye,

Ndipo mungawonongedwe nʼkuchotsedwa panjira yachilungamo,+

Chifukwa mkwiyo wake umayaka mofulumira.