Miyambo

 2 Kodi ndikuuze chiyani mwana wanga?

Kodi ndikuuze mawu otani iwe mwana wochokera mʼmimba mwanga?

Kodi ndikuuze mawu otani iwe mwana wa malonjezo anga?+

 3 Usamapereke mphamvu zako kwa akazi,+

Kapena kutsatira njira zimene zimachititsa kuti mafumu awonongedwe.+

 4 Nʼkosayenera kuti mafumu azimwa vinyo,

Nʼkosayenera kuti mafumu azichita zimenezi, iwe Lemueli,

Kapena kuti olamulira azinena kuti: “Kodi chakumwa changa chili kuti?”+

 5 Chifukwa angamwe nʼkuiwala malamulo

Ndiponso kupondereza ufulu wa anthu onyozeka.

 6 Pereka mowa kwa anthu amene akuwonongedwa+

Komanso vinyo kwa anthu amene ali ndi nkhawa.*+

 7 Asiyeni amwe kuti aiwale umphawi wawo,

Ndipo asakumbukirenso mavuto awo.

 8 Lankhula poteteza anthu amene sangathe kudziteteza okha.

Teteza ufulu wa anthu onse amene akuwonongedwa.+

 9 Lankhula ndipo uweruze mwachilungamo.

Teteza ufulu wa anthu onyozeka komanso osauka.*+

11 Mwamuna wake amamudalira ndi mtima wonse,

Ndipo mwamunayo amapeza chilichonse chimene akufunikira.

12 Masiku onse a moyo wake,

Mkaziyo amachitira mwamuna wakeyo zinthu zabwino osati zoipa.

13 Amatenga ulusi ndi nsalu,

Ndipo amasangalala kugwira ntchito ndi manja ake.+

14 Iye ali ngati sitima zapamadzi za munthu wamalonda,+

Amabweretsa chakudya chake kuchokera kutali.

15 Amadzukanso kudakali usiku,

Nʼkupereka chakudya kwa banja lake

Ndipo atsikana ake antchito amawapatsa gawo lawo.+

16 Amaganizira zogula munda ndipo amauguladi.

Amalima munda wa mpesa chifukwa cha khama lake.*

17 Amakonzekera kugwira ntchito yovuta,*+

Ndipo amalimbitsa manja ake.

18 Amaonetsetsa kuti akupeza phindu pa malonda ake.

Nyale yake simazima usiku.

19 Manja ake amagwira ndodo yokulungako ulusi,

Ndipo zala zake zimagwira ndodo yopotera chingwe.+

20 Amatambasula dzanja lake nʼkuthandiza munthu wonyozeka,

Ndipo amatambasula manja ake kuti athandize wosauka.+

21 Kukamazizira, iye sadera nkhawa za banja lake

Chifukwa anthu onse a mʼbanja lake amavala zovala zotentha.*

23 Mwamuna wake amadziwika bwino pamageti a mzinda,+

Pamene amakhala pamodzi ndi akulu amʼdzikolo.

24 Iye amapanga zovala* nʼkuzigulitsa,

Ndipo amapanga malamba nʼkuwapereka kwa amalonda.

25 Iye amavala mphamvu ndi ulemerero ngati chovala,

Ndipo sada nkhawa akamaganizira zamʼtsogolo.

26 Amatsegula pakamwa pake mwanzeru,+

Ndipo lamulo la kukoma mtima lili* palilime lake.

27 Iye amayangʼanira ntchito zapabanja pake,

Ndipo sadya chakudya cha ulesi.+

28 Ana ake amaimirira nʼkumutchula kuti ndi wosangalala.

Mwamuna wake amaimirira nʼkumutamanda kuti:

29 “Pali akazi ambiri amakhalidwe abwino,*

Koma iweyo umaposa onsewo.”

30 Munthu akhoza kuoneka ngati wabwino koma zisali choncho ndipo kukongola sikungachedwe kutha,*+

Koma mkazi woopa Yehova adzatamandidwa.+

31 Mʼpatseni mphoto chifukwa cha zimene amachita,*+

Ndipo ntchito zake zimutamande mʼmageti a mzinda.+