Salimo

67 Mulungu adzatikomera mtima ndi kutidalitsa.

Iye adzasonyeza kuti akusangalala nafe+ (Selah)

 2 Kuti njira zanu zidziwike padziko lonse lapansi,+

Kuti mitundu yonse ya anthu idziwe kuti ndinu Mpulumutsi.+

 3 Inu Mulungu, mitundu ya anthu ikutamandeni,

Ndithu mitundu yonse ya anthu ikutamandeni.

 4 Mitundu ya anthu isangalale ndi kufuula mokondwera,+

Chifukwa inu mudzaweruza anthu mwachilungamo.+

 5 Inu Mulungu, mitundu ya anthu ikutamandeni,

Ndithu mitundu yonse ya anthu ikutamandeni.

 6 Dziko lapansi lidzapereka zipatso zake.+

Mulungu, ndithu Mulungu wathu, adzatidalitsa.+

 7 Mulungu adzatidalitsa,

Ndipo anthu onse apadziko lapansi adzamuopa.*+