ਜ਼ਬੂਰ

129 “ਮੇਰੀ ਛੋਟੀ ਉਮਰ ਤੋਂ ਹੀ ਮੇਰੇ ਦੁਸ਼ਮਣ ਮੇਰੇ ʼਤੇ ਹਮਲਾ ਕਰਦੇ ਆਏ ਹਨ”+

​—ਹੁਣ ਇਜ਼ਰਾਈਲ ਕਹੇ​—

 2 “ਮੇਰੀ ਛੋਟੀ ਉਮਰ ਤੋਂ ਹੀ ਮੇਰੇ ਦੁਸ਼ਮਣ ਮੇਰੇ ʼਤੇ ਹਮਲਾ ਕਰਦੇ ਆਏ ਹਨ,+

ਪਰ ਉਹ ਮੈਨੂੰ ਹਰਾ ਨਹੀਂ ਸਕੇ।+

 3 ਹਾਲ਼ੀਆਂ ਨੇ ਮੇਰੀ ਪਿੱਠ ʼਤੇ ਹਲ਼ ਵਾਹੇ ਹਨ;+

ਉਨ੍ਹਾਂ ਨੇ ਲੰਬੇ-ਲੰਬੇ ਸਿਆੜ ਕੱਢੇ ਹਨ।”

 4 ਪਰ ਯਹੋਵਾਹ ਜੋ ਵੀ ਕਰਦਾ, ਸਹੀ ਕਰਦਾ ਹੈ;+

ਉਸ ਨੇ ਦੁਸ਼ਟਾਂ ਦੀਆਂ ਰੱਸੀਆਂ ਵੱਢ ਦਿੱਤੀਆਂ ਹਨ।+

 5 ਸੀਓਨ ਨਾਲ ਨਫ਼ਰਤ ਕਰਨ ਵਾਲੇ ਬੇਇੱਜ਼ਤ ਕੀਤੇ ਜਾਣਗੇ

ਅਤੇ ਉਹ ਸ਼ਰਮਿੰਦੇ ਹੋ ਕੇ ਪਿੱਛੇ ਮੁੜ ਜਾਣਗੇ।+

 6 ਉਹ ਛੱਤ ʼਤੇ ਉੱਗੇ ਘਾਹ ਵਾਂਗ ਬਣ ਜਾਣਗੇ

ਜੋ ਪੁੱਟੇ ਜਾਣ ਤੋਂ ਪਹਿਲਾਂ ਹੀ ਮੁਰਝਾ ਜਾਂਦਾ ਹੈ।

 7 ਥੋੜ੍ਹਾ ਜਿਹਾ ਹੋਣ ਕਰਕੇ ਇਸ ਨਾਲ ਵਾਢੇ ਦਾ ਰੁੱਗ ਵੀ ਨਹੀਂ ਭਰਦਾ

ਅਤੇ ਨਾ ਹੀ ਘਾਹ ਇਕੱਠਾ ਕਰਨ ਵਾਲੇ ਦੀਆਂ ਬਾਹਾਂ ਭਰਦੀਆਂ ਹਨ।

“ਯਹੋਵਾਹ ਦੀ ਬਰਕਤ ਤੁਹਾਡੇ ਉੱਤੇ ਹੋਵੇ;

ਅਸੀਂ ਤੁਹਾਨੂੰ ਯਹੋਵਾਹ ਦੇ ਨਾਂ ʼਤੇ ਬਰਕਤ ਦਿੰਦੇ ਹਾਂ।”