Salmo

34 Semper lo mi alabá Yehova;

lo mi no stòp di alab’é ku mi boka.

 2 Ku orguyo lo mi* papia tokante Yehova.

Hende mansu lo tende esei i alegrá.

 3 Duna gloria na Yehova huntu ku mi;

laga nos alabá su nòmber huntu.

 5 Felis ta hende ku ta konfia den dje.

Nunka nan kara lo keda na bèrgwensa.

 7 Angel di Yehova ta protehá* hende ku tin rèspèt profundo pa* Dios

i libra nan.

 8 Purba* pa boso mes i mira ku Yehova ta bon.

Felis ta hende ku ta buska protekshon serka dje.

 9 Boso tur ku ta su santunan, mustra rèspèt profundo pa Yehova,

pasobra hende ku tin rèspèt profundo p’e no tin falta di nada.

10 Asta leon yòn i fuerte ta pasa hamber,

ma hende ku ta buska Yehova lo no falta nada ku ta bon.

11 Mi yunan, bin skucha mi.

Lo mi siña boso kiko rèspèt profundo pa Yehova ta enserá.

12 Kua di boso ta disfrutá di bida

i ke un bida largu i felis?

13 Si ta asina, no usa bo lenga pa papia loke ta malu

ni usa bo lepnan pa papia mentira.

14 Apartá bo mes for di loke ta malu, i hasi loke ta bon.

Buska pas, i hasi esfuerso pa hañ’é.

15 Yehova su bista ta riba hende hustu,

i su orea ta skucha nan gritu pa yudansa.

16 Pero Yehova* ta kontra hende ku ta hasi malu.

Lo e eliminá tur rekuerdo di nan for di riba tera.

17 Hende hustu ta sklama na Yehova, i e ta skucha nan;

e ta libra nan for di tur sufrimentu.

18 Yehova ta serka di hende ku tin kurason kibrá;

e ta salba hende ku ta desanimá.*

19 Un persona hustu ta hañ’é ku hopi difikultat,*

pero Yehova ta libr’é for di nan tur.

20 Dios ta protehá tur su wesunan;

ni un di nan lo no ser kibrá.

21 Hende malbado lo enfrentá un desaster ku ta kousa nan morto.

Ken ku ta odia hende hustu lo ser kondená.

22 Yehova ta salba bida* di su sirbidónan.

Lo e no kondená niun hende ku ta buska protekshon serka dje.