Miqueas

5 “Kunanqa kikillaykim aychaykita kuchupakuchkanki,

llaqtapi yachaqkuna*,

muyurirusunkichikñam.+

 2 Belen Efrata llaqtacha,+

Juda ayllu ukupi taksachalla llaqtacha,

qanmantam ñuqapaq kamachiq lluqsinqa Israelta kamachinanpaq.+

 4 Payqa sayariykuspam Jehova Diospa kallpanwan michinqa,+

llapallan sutikunamantapas Jehova Diospa ancha riqsisqa sutinwanmi michinqa.

Paykunaqa hawkam kawsakunqaku,+

ancha riqsisqa kayninpas kay pachapa cantonkamam chayanqa.+

Asiria runakuna llaqtanchikman yaykumuptinqa, Asiria runakuna torrenchikkunata sarupaptinqa,+

paywan peleanankupaqmi qanchis michiqkunata akllasunchik. Arí, runakunamantam kamachiqpa pusaq yanapaqninkunata* akllasunchik.

 6 Asiria allpatam espadankuwan michinqaku,+

Nemrodpa+ allpantapas hina paypa allpanman yaykunapim michinqaku.

Paymi Asiria runakunapa makinmanta librawasun,+

allpanchikman yaykumuspa kay llaqtanchikta sarupaptinmi paypa makinmanta librawasun.

 7 Jacobmanta puchuqkunaqa Jehova Diosmanta hamuq sulla hinam

llaqtakunapa chawpinpi kanqaku,

kawsaykunaman chayamuq para hinam kanqaku,

paykunaqa manam runakunapichu hapipakunku,

manataqmi runakunapa churinmantachu kanku.

 8 Jacobmanta puchuqkunaqa nacionkunapa chawpinpim kanqaku,

achkallay-achka llaqtakunapa chawpinpim kanqaku,

monte animalkunapa chawpinpi leon hinam kanqaku,

ovejakunapa chawpinpi malta leon hinam kanqaku,

hapiruspan llikchiruq hinam kanqaku.

 9 Chiqnisuqnikikunatam sarupanki,

chiqnisuqnikikunaqa llapallanmi chinkanqaku”.

11 Allpaykipi llaqtakunatam tuñichisaq,

llapallan hatun pirqaykikunatam taqmasaq.

12 Layqa ruwasqaykikunatam tukusaq,

layqa ruwaqqa manam pipas puchunqachu.+

14 Yupaychasqanku kullukunatam wichichisaq,+

llapallan llaqtaykikunatam chinkachisaq.

15 Llumpa-llumpayta piñakuspaymi mana kasukuq nacionkunata

imam ruwasqankuman hina castigasaq”, nispa.