KAQMANTA KUTISPA
7 YACHACHIKUY
Hinalla yanapasun
Bibliapim nin: ‘Mana samaykuspam Jesucristomanta sumaq willakuyta yachachirqaku hinaspa willakurqaku’, nispa (Hech. 5:42).
¿Imatam Pablo ruwarqa?
1. Qawaykuy VIDEOTA utaq leeykuy Hechos 19:8-10 nisqanta. Chaymantañataq qatiqnin tapukuykunapi yuyaymanay:
Diosmanta willakusqanta wakin runakuna mana uyariptinkupas, ¿imatam Pabloqa ruwarqa Diosmanta yachay munaqkunaman hinalla yachachinanpaq?
¿Ima punchawkunapim Pabloqa yachay munaqkunaman yachachirqa? ¿Hayka watataq yachachirqa?
¿Imatam Pablomanta yachachwan?
2. Yachay munaq runakunaman kaqmanta watukunapaqqa hinaspa estudiachinapaqqa tiempochakunam.
Pablota qatipakuy
3. ¿Imay horataq wasiyuqta tariwaq? Tapukuy: “¿Imay horataq wasiyuqpa tiempon kanman? ¿Maypi rimanaykutataq munanman?”, nispa. Kallpanchakuy wasiyuqpa nisusqayki horapi kutinaykipaq.
4. Tapuykuy haykapi kutinaykipaq. Imay punchaw hinaspa imay hora kutinaykipaq tapuykuyta ama qunqaychu. Haykapi kutinaykipaq nisqaykitapas amayá qunqaruychu, hinaspayá cumpliy.
5. Hinalla kallpanchakuy. Amayá piensaychu wasinpi mana kasqanrayku utaq mana tiempoyuq kasqanrayku Diosmanta yachayta mana munasqantaqa (1 Cor. 13:4, 7). Tarinaykikama kutiy, ichaqa allinta tantiay tiempoykita mana usuchinaykipaq (1 Cor. 9:26).