RESÖN 7
‘Äe la Muạ‘ȧk Tapen ‘Ou Lele‘a
‘Fäeag ‘atakoa ne gou nā se ‘ạusa ‘e terạni te ‘i kop la ‘e ‘omus huga, ma ‘ạus kop la rak‘ȧk ‘atakoa se ‘omus lele‘a.”—Nā Hoi‘ạkiag ne Foho 6:6, 7, NW
‘E avat ne Jihova fup‘ȧk se‘ kạunohoga, iạ nā se ö‘rua la puer se lä‘riri‘i (Kolosa 3:20) Iạ garuet ne väe se ö‘rua la putua ‘oria le‘ ta la hanis ‘e Jihova. (2 Timoti 1:5; 3:15) ‘Äe kop la ‘inea huget ne täe ‘e ‘ou le‘ fāat ne le‘ hạnit. Mạl het ne ‘äe kel‘ạki tē pumue. ‘Äe la pō la rak‘ȧk a‘leleia fäeag ‘on Jihova se ‘ou le‘ ta kepoi ka ‘äe la nā mumuạ ‘on fäega se ‘ou huga.—Salamo 40:8.
1 NĀ AV LA HẠIFÄEGAG MA ‘OU LELE‘A
TĒ NE PUK HA‘A ‘EA: “Aja‘ mij ka fäeag fep.” (Jemesa 1:19) ‘Ou pa ‘ese, la ‘ou lele‘a la hạifäegag ma ‘äe ‘e tēet ma. Iris kop la ‘inea ne ‘äe la a‘fạliag se irisa ‘e avat ma ne iris pa fäega. Ag ne hạifäegaga la rē ‘e huạg fürmaria la pō la lele‘a la foar‘ia ‘oris a‘häe. (Jemesa 3:18) Nōnō ka iris la a‘häe ne ‘äe la fek ne la puer a‘lel tē ma iris la fäeag ‘üf‘ȧk. Kel‘ȧk ‘ou huạg lala se ‘ou lele‘a ma fa‘ a‘fūmou‘ȧk se irisa ‘ou hanisi.—Mataio 3:17; 1 Korinita 8:1.
TĒ NE ‘ÄE LA PŌ LA RĒ:
Nā av nōnō ka ‘ou lele‘a pa hạifäegag
Fa‘ hạifäegag ma ‘ou lele‘a ka ‘eake ‘e av ne pefä‘e soko ma tä‘ma
2 FE‘EN LA ‘INEA FUẠG NE TĒ NE IRIS FÄEAG‘ẠKIA
TĒ NE PUK HA‘A ‘EA: “Le‘et ne matạ‘ lelei se fäeag ‘on ‘Ạitu la pō lelei.” (Fäeag ‘Es Fuạga 16:20) ‘E av ‘e ‘on rerege, ‘äe kop la se a‘fạia fäeag ne ‘ou lele‘a lua ka ‘iokia a‘häe ne täe ‘e ‘oris huga. Haharạgi a‘mou ‘oaf la hik tē ne luạ fäeag ne iris kat a‘häe ra la ‘ea. “Le‘et ne tög fäeag ka iạ kat seminte a‘fạliag ra sin, tēet ne iạ rē ke ne tē kokot.” (Fäeag ‘Es Fuạga 18:13) Ta‘ea ‘e fekfek miji.—Fäeag ‘Es Fuạga 19:11.
TĒ NE ‘ÄE LA PŌ LA RĒ:
A‘vȧh ‘e ‘ou huga la se mut uạn ne pa mijmij la rē ta tēet, ‘inea ne tese se fäeag ne ‘ou lele‘a la ‘ea
A‘häe hö‘ se avat ne ‘äe mea‘mea‘ fak se irisa ma tē ne ‘äe a‘häe pumuạ se ‘äea
3 HUGAG ‘ESEA ‘E MAF ‘ON LELE‘A
TĒ NE PUK HA‘A ‘EA: “A‘fạiou ko ‘otou le‘e se puer‘ȧk tē ne ‘ou öfā ta. Ma ‘äe se roua rak‘ȧk tē ne ‘ou ö‘hön ta.” (Fäeag ‘es Fuạga 1:8) Jihova nā se ö‘hön ta ma ö‘fā ta la puer se lele‘a. ‘Äe kop la puer‘ȧk ‘ou lele‘a la ‘e‘ȧk ma tovavhiạn se ‘äea. (Efeso 6:1-3) Lä‘riri‘i ‘inea pạu av ne o‘o‘i kat hugag ‘esea ra se “a‘häe ‘esea ma.” (1 Korinita 1:10) Kepoi ka ‘ạuạr kat hugag ‘esea ra se ta tēet, se no‘ạkia ‘e maf ‘on lele‘a ko tē te‘is la pō la rē‘ia iris la se fakte‘ạkia ‘ạuạr, ö‘rua.
TĒ NE ‘ÄE LA PŌ LA RĒ:
Hạifäegag ma a‘fūmou‘ȧk puer‘ȧk tē ne la rē se ‘ou lele‘a
Kepoi ka ‘äe ma ‘ou sạu ta a‘häe tū hün se muạ‘ạkiag ne ‘omuạr lele‘a, fe‘en la ‘es ‘e räe het ne täe ‘e iạ
4 FŪ‘ȦK TĒ NE LA RĒ
TĒ NE PUK HA‘A ‘EA: “‘Äe la putua ta le‘ mea‘me‘at ‘e salat ne tạu la iạ la la‘o e.” (Fäeag ‘Es Fuạga 22:6) Fū lelei ne ‘ou lele‘a ‘e ag ne rako kal sok ‘e hit ra. ‘Äe kop la fū‘ȧk tē ne la rē ‘e ‘ou la muạ‘ȧk ma puer‘ȧk ne ‘ou lele‘a. (Salamo 127:4; Fäeag ‘Es Fuạga 29:17) ‘Eake fuạg ne puer‘ȧk tē la tötög‘ȧk tē ka la hạiasoagan ‘ou lele‘a la taf se hün ne ‘äe nā foho. (Fäeag ‘es Fuạga 28:7) Rak‘ȧk tape‘ma se irisa la ‘oaf se fäeag ‘on ‘Ạitu ma ‘inea ‘on puer‘ạkiga. (Salamo 1:2) Te‘is tēet ne la hạisoagan iris la a‘ne‘ne‘ạkia ‘oris konsiene.—Hiperiu 5:14.
TĒ NE ‘ÄE LA PŌ LA RĒ:
Nā vahiạ la ‘ou lele‘a la ‘inea ‘Ạitu la fak se ta famör airet ne iris pō la tua‘nȧk sin
Hạiasoagan iris la ‘inea ma hȧ‘ạkia iris ‘e ag se ma‘ma‘a ne täe ‘e Internet ta ma social networks. Rak‘ȧk se irisa la matạ‘ ‘e famör ne ao la mane‘ạkia iris ‘e ag kelea‘efakina
[Kes ‘e rạupeap tä ‘on 25]
JIHOVA TÄLA TOGIA ‘OU GARUE FE‘ENI
Garue fū‘ạkit ne väe se o‘o‘i, la rak‘ạkia se ‘ou le‘ ta huget ne täe ‘e Jihova. (Efeso 6:4) Jihova ‘inea ne garue rạurạu te‘ ka ‘äe la pō la a‘vȧh ‘e ‘ou huga ne ‘e ‘on fakmuri iạ la hö‘ kölör se ‘Ạitu ma a‘oaf ti‘ pạu ‘äe.—Fäeag ‘Es Fuạga 23:24.
[Kes ‘e rạupeap tä ‘on 25]
SẠIO‘ SE ‘ÄEA . . .
Tes tä gou la rē la ‘otou le‘ ta la fäeag se gou ‘e tēet ma ne iạ pa hạifäegaga?
Tē tes ‘atama ta gou la pō la rak ‘e ö‘ö‘ ne tore ‘e ‘oris muạ‘ạkiag ne ‘oris lele‘a?