උත්පත්ති
14 ඒ කාලයේදී, ෂීනාර්හි+ අම්රාෆෙල් රජද එල්ලාසාර්හි අරියොක් රජද ඒලාම්හි+ කෙදොර්ලායොමෙර්+ රජද ගොයීම්හි+ තීදාල් රජද එකතු වී, 2 සොදොම්හි+ රජු වූ බෙරාටද ගොමෝරාවේ+ රජු වූ බිර්ෂාටද අද්මාහි+ රජු වූ ෂිනාබ්ටද ෂෙබොයිම්හි+ රජු වූ ෂෙමෙබෙර්ටද බෙලාහි රජුටද විරුද්ධව සටන් කළෝය. (බෙලා නුවර ෂොවර් ලෙසත් හඳුන්වන ලදි.)+ 3 ඔවුහු සියලුදෙනාම* මිත්‍ර සන්ධානයක්+ ඇති කරගෙන යුද්ධ කරන පිණිස සිද්දිම් තැනිතලාව+ (එනම්, ලුණු මුහුද)+ වෙතට ගියෝය.
4 කෙදොර්ලායොමෙර් රජු අවුරුදු දොළහක් පුරා යටත් කරගෙන සිටි ඒ රජවරු, දහතුන්වන අවුරුද්දේදී ඔහුට විරුද්ධව කැරලිගසන්න පටන්ගත්හ. 5 දහහතරවන අවුරුද්දේදී කෙදොර්ලායොමෙර් රජ සහ ඔහු සමඟ එකතු වූ අනිකුත් රජවරු යුද්ධයට පිටත්ව ගියෝය. ඒ අතරතුරේදී ඔවුහු අෂ්ටෙරොත්-කර්නායිම්+ නම් ස්ථානයේ රෙෆායිවරුන්වද හාම් නුවරේ ෂූෂිවරුන්වද ෂාවේ-කිරියාතයිම් නම් ස්ථානයේ ඒමිවරුන්වද+ පරාජයට පත් කළෝය. 6 ඔවුහු හෝරිවරුන්ට+ අයිති වූ සේයිර්+ නම් කඳුකර ප්‍රදේශයද යටත් කරගනිමින් පාළුකරය කෙළවරේ පිහිටි එල්-පාරාන්+ දක්වාම ගියෝය. 7 ඉන්පසු ඔවුහු ආපස්සට හැරී ඒන්-මිෂ්පාත් ලෙසත් හැඳින්වෙන කාදෙෂ්+ නම් ස්ථානයට ගොස් අමලෙක්වරුන්ට+ අයිති මුළු ප්‍රදේශයම යටත් කරගත්තෝය. ඔවුහු හෂෂොන්-තාමාර්+ නුවරේ පදිංචිව සිටි අමෝරිවරුන්වද+ පරාජය කළෝය.
8 ඒ අවස්ථාවේදී සොදොම්, ගොමෝරාව, අද්මා, ෂෙබොයිම් හා බෙලා (එනම්, ෂොවර්) නම් නුවරවල රජවරුද සිද්දිම් තැනිතලාවට+ ගොස් ඔවුන්ට විරුද්ධව සටන් කිරීමට සූදානම් වූහ. 9 ඒලාම්හි රජු වූ කෙදොර්ලායොමෙර්ටද ගොයීම්හි රජු වූ තීදාල්ටද ෂීනාර්හි රජු වූ අම්රාෆෙල්ටද එල්ලාසාර්හි රජු වූ අරියොක්ටද+ විරුද්ධව ඔවුහු පෙළ ගැසී සිටියෝය. මෙසේ, රජවරු පස්දෙනෙක් රජවරුන් සතරදෙනෙකුට විරුද්ධව ඒ තැනිතලාවේදී සටන් කළෝය. 10 සිද්දිම් තැනිතලාව+ පුරාම තාර+ වළවල් තිබිණි. සටනේදී සොදොම් සහ ගොමෝරාවේ+ රජවරුන්ද ඔවුන් සමඟ සිටි මිනිසුන්ද පලා ගිය අතර ඔවුන්ගෙන් සමහරෙක් තාර වළවලට වැටුණෝය. ඉතුරු සෙනඟ කඳුකරයට පලා ගියෝය.+ 11 සටනෙන් ජය ගත් පිරිස සොදොම් සහ ගොමෝරාවේ තිබූ සියලු බඩු බාහිරාදිය හා ආහාර ද්‍රව්‍ය කොල්ල කෑවෝය.+ 12 ඒ දවස්වලදී ආබ්‍රම්ගේ ඥාති පුත්‍රයා වූ ලොත් ජීවත් වෙමින් සිටියේ සොදොම් නුවරේය.+ එබැවින් ඒ පිරිස ලොත්වත් ඔහුට අයිති සියල්ලත් පැහැරගෙන ගියෝය.
13 පසුව ඔවුන්ගෙන් බේරී ආ මිනිසෙක් හෙබ්‍රෙව්+ ජාතිකයෙකු වූ ආබ්‍රම් වෙතට පැමිණ ඒ ගැන දැනුම් දුන්නේය. ඒ කාලයේදී ආබ්‍රම් කූඩාරම් ගසාගෙන සිටියේ අමෝරිවරයෙකු වූ මම්රේගේ විශාල ගස් අසලය.+ මම්රේට එෂ්කොල් හා අනෙර්+ නම් වූ සහෝදරයෝ දෙදෙනෙක් සිටියෝය. ඒ සහෝදරයන් තුන්දෙනාම ආබ්‍රම් සමඟ ගිවිසුමක් ඇති කරගෙන සිටියෝය. 14 තම ඥාති පුත්‍රයාව පැහැරගෙන ගිය බව+ ආබ්‍රම්ට දැනගන්න ලැබුණු විට, ඔහුගේම නිවසේ උපන්,+ සටනට දක්ෂ වූ දාසයන් තුන්සිය දහඅටදෙනෙකුව තෝරාගෙන+ ඔහු දාන් දක්වා+ එම කොල්ලකරුවන්ව ලුහුබැඳ ගියේය. 15 රාත්‍රියේදී ඔහු තම දාස සේනාව කණ්ඩායම් කිහිපයකට බෙදා+ ඔවුන් සමඟ දමස්කයට උතුරෙන් පිහිටි හෝබා දක්වාම කොල්ලකරුන්ව ලුහුබැඳ ගොස් පරාජය කළේය. 16 ලොත්ගේ බඩු බාහිරාදිය ඇතුළුව කොල්ල කනු ලැබූ හැම දෙයක්ම ආබ්‍රම් ආපසු ගත්තේය.+ ඔහුගේ ඥාති පුත්‍රයා වූ ලොත්වද ස්ත්‍රීන් ඇතුළු මුළු සෙනඟවද ඔහු බේරාගත්තේය.+
17 ආබ්‍රම් කෙදොර්ලායොමෙර් රජුවද ඔහු සමඟ සිටි අනික් රජවරුන්වද පරාජය කර නැවත ඔහුගේ කූඩාරම් වෙතට ගමන් කරමින් සිටියේය. ඒ අවස්ථාවේදී ඔහුව හමු වීමට පැමිණි සොදොම්හි රජුව ඔහුට ෂාවේ තැනිතලාවේදී මුණගැසුණේය. (ෂාවේ තැනිතලාව රජුගේ තැනිතලාව ලෙසත් හැඳින්වේ.)+ 18 ඒ අවස්ථාවේදී මහෝත්තම දෙවිගේ පූජකයා+ ලෙස කටයුතු කරමින් සිටි සාලම් නුවරේ රජු වූ+ මෙල්කිසදෙක්+ එතැනට රොටි සහ වයින් ගෙනාවේය.+ 19 ඔහු ආබ්‍රම්ට ආශීර්වාද කර මෙසේ කීවේය.
“අහසත් පොළොවත් සෑදූ+
මහෝත්තම දෙවිගෙන් ඔබට ආශීර්වාද ලැබේවා!+
20 ඔබේ සතුරන්ව ඔබේ අතට හසු කර දුන්+
මහෝත්තම දෙවිට ප්‍රශංසා වේවා!”+
එවිට ආබ්‍රම් තමා ළඟ තිබූ සියල්ලෙන් දසයෙන් කොටසක් ඔහුට දුන්නේය.+
21 ඉන්පසු සොදොම්හි රජ, “මට මිනිසුන්ව විතරක් දෙන්න. බඩු බාහිරාදිය ඔබ තියාගන්න” යයි ආබ්‍රම්ට කීවේය. 22 ඒ මොහොතේදී, ආබ්‍රම් සොදොම්හි රජුට මෙසේ කීවේය. “මගේ අත ඔසවා අහසත් පොළොවත් සෑදූ මහෝත්තම දෙවි වන යෙහෝවාගේ නමින් මෙසේ දිවුරනවා.+ 23 ‘ආබ්‍රම්ව පොහොසත් කළේ මමයි’ කියා ඔබ නොකියන පිණිස ඔබට අයිති කිසිම දෙයක් මම ගන්නේ නැහැ. නූල් පොටක්වත් පාවහන් පටියක්වත් මම ඔබෙන් ගන්නේ නැහැ.+ 24 මගේ උපකාරයට පැමිණි අනෙර්ට, එෂ්කොල් හා මම්රේට+ විතරක් ඔවුන්ගේ පංගුව දෙන්න.+ ඔබ මගේ සේවකයන්ට කන්න දුන්න දේ හැර වෙන කිසිම දෙයක් මම ඔබෙන් ගන්නේ නැහැ.”+