1 පේතෘස්
5 එහෙයින් ඔබ අතරේ සිටින වැඩිමහල්ලන්ට යම් උපදෙස් හා මඟ පෙන්වීම් දීමට මා කැමතිය. මාද ඔවුන් සමඟ වැඩිමහල්ලෙකු+ ලෙස සේවය කරන බවත් ක්‍රිස්තුස් වින්ද වධ හිංසා සියැසින් දුටු කෙනෙකු+ බවත් ඉදිරියේදී එළිදරව් වන තේජස ඔවුන් සමඟ හවුලේ භුක්ති විඳින කෙනෙකු+ බවත් මතක තබාගන්න. 2 ඔබට භාර දී ඇති දෙවිගේ රැළ+ රැකබලා ගන්න.+ කිසිවෙකුගේ බල කිරීම නිසා නොව කැමැත්තෙන්ද+ අයුතු ලෙස වාසි ප්‍රයෝජන ලබාගැනීමේ ආශාව නිසා නොව+ අවංක උනන්දුවකින්ද, 3 දෙවිට අයිති අය+ කෙරෙහි අනිසි ලෙස බලය නොපවත්වා,+ රැළට ආදර්ශයක් වෙමින් එසේ කරන්න.+ 4 එවිට ප්‍රධාන එඬේරා+ පෙනී සිටින විට තේජස නමැති කිසිදා දිරා නොයන+ ඔටුන්න ඔබට හිමි වනු ඇත.+
5 එලෙසම තරුණයෙනි, වැඩිහිටි පුරුෂයන්ට යටත්ව සිටින්න.+ ඔබ සියලුදෙනා එකිනෙකා සමඟ කටයුතු කරන විටදී නිහතමානීව හැසිරීමට පුරුදු වන්න.*+ මන්ද දෙවි උඩඟු අයට විරුද්ධව සිටියි. නමුත් යටහත්පහත් අයට ඔහු තම මහත් කරුණාව පෙන්වයි.+
6 එහෙයින් මහත් බලයක් ඇති දෙවිට* යටත් වී නිහතමානී වන්න. එවිට සුදුසු කාලයේදී ඔහු ඔබව උසස් කරනු ඇත.+ 7 ඇත්තටම ඔහු ඔබ ගැන සැලකිලිමත් වන නිසා+ ඔබේ කනස්සල්ලට හේතු වන සෑම බරක්ම+ ඔහු පිට තබන්න. 8 සිහිකල්පනාව ඇතුව සිටින්න. සෝදිසියෙන් සිටින්න.+ ඔබේ විරුද්ධකාරයා වන යක්ෂයා ගොරවන සිංහයෙකු මෙන් කවරෙකුව හෝ ගිල දැමීමට සොයමින් ඔබ මොබ ඇවිදියි.+ 9 නමුත් ස්ථිර විශ්වාසයකින් ඔහුට විරුද්ධව සිටින්න.+ එසේම ලොව පුරා සිටින ඔබේ සහෝදරයන් සියලුදෙනාම ඒ හා සමාන දුක් පීඩාවලට මුහුණ දෙන බවත් සිහියේ තබාගනිමින් කටයුතු කරන්න.+ 10 නමුත් ඔබ කෙටි කලක් දුක් වින්ද පසු+ ඔබ ලබාගන්නා ඒ පුහුණුව අවසන් කරන දෙවි, ඔබව ස්ථිර කර+ ශක්තිමත් කරනු ඇත.+ ඔබට සෑම ආකාරයකින්ම මහත් කරුණාව පෙන්වන දෙවි, ක්‍රිස්තුස් සමඟ එකට බැඳී සිටින ඔබව+ තම සදාකාලික තේජස භුක්ති විඳීම සඳහා කැඳවා ඇති බව+ මතක තබාගන්න. 11 සියලු බලය ඔහුට සදහටම හිමි වේවා!+ ආමෙන්.
12 වචන ස්වල්පයකින් ලියා එවන මේ ලිපිය+ ලිවීම සඳහා විශ්වාසවන්ත සහෝදරයෙකු ලෙස මා සලකන සිල්වානස්+ මට උදව් කළේය. මගේ අරමුණ වන්නේ ඔබව දිරිගැන්වීමත් දෙවි ඔබට පෙන්වා ඇති මහත් කරුණාව සැබෑ බවට ප්‍රබල සාක්ෂියක් දීමත්ය. එම මහත් කරුණාව ලබමින් ස්ථිරව සිටින්න.+ 13 ඔබව තෝරාගත් ලෙසම තෝරාගනු ලැබූ බැබිලෝනියේ වාසය කරන තැනැත්තියද*+ මගේ පුත් මාක්ද+ ඔබට සුබ පතති. 14 එකිනෙකාව ප්‍රේමයෙන් සිඹගෙන සුබ පතන්න.+
ක්‍රිස්තුස් සමඟ එකට බැඳී සිටින ඔබ සියලුදෙනාටම සමාදානය ලැබේවා!+