1 කොරින්ති
2 සහෝදරයෙනි, දෙවිගේ පරිශුද්ධ රහස+ ගැන ඔබට කියා දෙන්න මා මුලින් පැමිණි අවස්ථාවේදී මම ඔබේ සිත් දිනාගැනීමට උගතුන් මෙන් නුහුරු නුපුරුදු භාෂාවක්+ භාවිත කළේ නැත. මම උගතෙකු ලෙස පෙනී සිටින්න උත්සාහ කළෙත් නැත. 2 මම ඔබට යේසුස් ක්‍රිස්තුස් ගැනත්+ ඔහු අප වෙනුවෙන් වධකණුවක මිය ගිය ආකාරය ගැනත් මිස වෙන කිසිවක් ගැන කතා නොකළෙමි. 3 ඇත්තෙන්ම මා ඔබ වෙතට පැමිණි විට මා තුළ චකිතයක් මෙන්ම බියක්ද තිබිණ.+ 4 එහෙයින් මා ඔබට කතා කළ විටත් දේශනා කළ විටත් මගේ උගත්කම යොදාගෙන කිසිම දෙයක් ඔප්පු කරන්න උත්සාහ කළේ නැත. ඒ වෙනුවට මම දෙවිගේ බලය ඔබ තුළ ප්‍රබලව ක්‍රියාත්මක වීම සඳහා අඩිතාලමක් දැමුවෙමි.+ 5 ප්‍රතිඵලයක් ලෙස ඔබ තුළ විශ්වාසයක් ඇති වූයේ මිනිසුන්ගේ ප්‍රඥාව මත පදනම් වූ තර්කවලින් නොව+ දෙවිගේ බලය ඔබ තුළ ක්‍රියාත්මක වූ නිසාය.+
6 අප අවබෝධයෙන් ක්‍රියා කරන අය සමඟ සිටින විට ගැඹුරු දේවල් ගැන කතා නොකරනවාම නොවේ.+ නමුත් අප කතා කරන්නේ ළඟදීම විනාශ වී යන+ මේ සමාජය ගැනවත් එහි පාලකයන් ගැනවත්+ වැදගත් කියා සලකන ගැඹුරු දේවල් ගැනවත් නොවෙයි.+ 7 ඒ වෙනුවට අප කතා කරන්නේ මේ සමාජය තුළ සිටින බොහෝදෙනාගෙන් සඟවා ඇති දෙවිගෙන් ලැබී ඇති ප්‍රඥාව ගැනයි. එය පරිශුද්ධ රහසකි.+ තේජසට පත් වීමට බලාපොරොත්තුවෙන් සිටින අප වෙනුවෙන් දෙවි ඒ දේවල් වෙන් කර තැබුවේ මිනිස් සමාජයක් බිහි වීමටත් පෙර සිටය.+ 8 දෙවිගෙන් ලැබූ මේ ප්‍රඥාව මේ සමාජයේ සිටින එක පාලකයෙකුටවත්+ ලැබී නැත.+ ඔවුන්ට එය ලැබී තිබුණා නම් ඔවුන් අපගේ තේජවත් ස්වාමීන්ව වධකණුවක ඇණ ගසා මරා දමයිද?+ 9 ශුද්ධ ලියවිල්ලෙහි මෙවැනි දෙයක් සඳහන් වී තිබෙන්නේ ඒ නිසාය. “දෙවි තමන් ප්‍රේම කරන අය වෙනුවෙන් සූදානම් කර ඇති දේවල් ගැන සිතන්නවත් කිසි කෙනෙකුට බැරිය. කිසිම කෙනෙක් එවැනි දෙයක් ඇසුවේවත් දුටුවේවත් නැත.”+ 10 නමුත් දෙවි තම බලය අපට ලබා දීමෙන්+ ඒ දේවල් අපට හෙළි කර ඇත.+ ඔහුගේ බලය+ අපගේ සිත් තුළ ක්‍රියාත්මක වන නිසා අපට දෙවි එළිදරව් කරන ගැඹුරු කාරණා පවා+ තේරුම්ගැනීමට හැකි වී තිබේ.
11 පුද්ගලයෙක් කල්පනා කරන දේ ඒ පුද්ගලයාගේ සිත* තුළ තිබෙනවා+ මිස ඒ ගැන වෙනත් කිසිවෙක් නොදනියි. දෙවි කල්පනා කරන දේ සම්බන්ධයෙන්ද එය එසේමය. එහෙයින් දෙවි කල්පනා කරන දේවල්ද ඔහු කිරීමට අදහස් කරන දේවල්ද දැනගත හැක්කේ දෙවිගේ බලයෙන් පමණි.+ 12 අප මේ ලෝකයේ සිටින අයගේ බලපෑමට හසු නොවී+ දෙවිගේ බලය ලබා ඇති නිසා+ දෙවි ඉතා කාරුණිකව ඒ දේවල් අපට එළිදරව් කර ඇත. දෙවි අප වෙනුවෙන් සූදානම් කර ඇති දේවල් අපට පැහැදිලිව අවබෝධ වී ඇත්තේ ඒ නිසාමය.+ 13 අප ඒ දේවල් දැනගත්තේ අපගේම නුවණින්වත් යම් මිනිසෙකු ඒවා ගැන අපට කියා දුන් නිසාවත් නොවේ.+ අප ඒ දේවල් අවබෝධ කරගත්තේ දෙවිගේ බලයේ ක්‍රියාකාරිත්වය තුළින්ය.+ ඒ දේවල් අන් අයට පැහැදිලි කර දීමටද දෙවිගේ බලය අපට උපකාර කරයි.+
14 දෙවිගේ බලයේ උපකාරය ඇතුව අවබෝධ කරගත හැකි දේවල් තේරුම්ගැනීමට තම ආශාවන්ට හසු වී සිටින කෙනෙකුට නොහැක. ඔහු ඒ දේවල් දකින්නේ මෝඩ දේවල් ලෙසය. ඒ දේවල් තේරුම්ගැනීමට දෙවිගේ මඟ පෙන්වීම අවශ්‍යය. නමුත් ඔහුට ඒ මඟ පෙන්වීම් නොමැති නිසා ඒ දේවල වටිනාකම අවබෝධ කරගැනීමද ඔහුට නොහැක.+ 15 නමුත් දෙවිගේ මඟ පෙන්වීමට යටත් වන පුද්ගලයා+ එම ගැඹුරු දේවල් තේරුම්ගනියි. කිසි මිනිසෙකුට ඒ පුද්ගලයාව විනිශ්චය කළ නොහැකිය.+ 16 ඇත්තෙන්ම, “යෙහෝවා දෙවිගේ මනස තේරුම්ගෙන+ ඔහුට උගන්වන්න තරම් හැකියාවක් ඇති කෙනෙක් සිටියිද?”+ කෙසේවෙතත් අපට ක්‍රිස්තුස්ගේ මනස+ ගැන අවබෝධයක් තිබේ.