හිතෝපදේශ

31 මෙය ලෙමුවෙල් රජු විසින් ලියන ලද බැරෑරුම් උපදේශයකි.+ ඔහුගේ මව ඔහුට අවවාද කරමින් පැවසූ එම උපදෙස් මේවාය.+

2 මාගේ පුත්‍රය, දෙවිට භාර වෙමින් මා කන්නලව් කළේ ඔබ ගැනයි.+ මගේම කුසෙන් බිහි වූ පුත්‍රය,+ මා පවසන දේට සවන් දෙන්න.

3 ඔබේ පුරුෂ ශක්තිය ස්ත්‍රීන්ට නොදෙන්න.+ නොහොබිනා ජීවන රටාවක් අනුගමනය නොකරන්න. මන්ද එලෙස හැසිරෙන රජවරුන්ට අත් වන්නේ විනාශය පමණි.+

4 මාගේ පුත්‍ර ලෙමුවෙල්, වයින් බීම රජෙකුට නුසුදුසුය. නිතරම මත්පැන් සොයා යෑම නිලධාරියෙකුට සුදුසු නැත.+ 5 මන්ද වයින් බී මත් වූ පසු නීතිය අමතක කර අසරණයන්ට යුක්තිය ඉටු කර දීමට අසමත් විය හැකියි.+ 6 මරණාසන්නව සිටින කෙනෙකුට+ හෝ කලකිරුණු කෙනෙකුට හෝ මත්පැන් දෙන්න.+ 7 යමෙක් මත්පැන් බීමෙන් පසු තම දුප්පත්කම අමතක කර දමයි. ඔහුට තම දුක් කරදර තවත් සිහි නොවෙයි.

8 තමන් වෙනුවෙන් කතා කළ නොහැකි+ අන්ත අසරණ තත්වයක සිටින ජනයා වෙනුවෙන් ඔබේ මුඛය හැර කතා කරන්න.+ 9 ඔබේ මුඛය හැර ධර්මිෂ්ඨකමින් විනිශ්චය කරන්න. පීඩිත අය වෙනුවෙන්ද දුප්පත් අය වෙනුවෙන්ද කතා කර ඔවුන්ට යුක්තිය ඉටු කර දෙන්න.+

א [ආලෙෆ්]

10 ගුණවත් බිරිඳක් සොයාගත හැක්කේ කාටද?+ ඇය අනර්ඝ මැණික්වලටත්* වඩා අගනේය.

ב [බේත්]

11 ඇගේ ස්වාමිපුරුෂයා මුළු හදවතින්ම ඇයව විශ්වාස කරයි. ඔහුට කිසිම දෙයකින් අඩුවක් නැත.+

ג [ගීමෙල්]

12 ඇගේ මුළු ජීවිත කාලය පුරාම ඇය ඔහුට යහපතක් මිස අයහපතක් නම් සිදු නොකරන්නීය.+

ד [දාලෙත්]

13 ලොම්ද ලිනන් රෙදිද සොයා යන ඇය කැමැත්තෙන්ම ඇගේ දෑත්වලින් වැඩ කරන්නීය.+

ה [හේ]

14 ඇය වෙළඳ නැවක්+ මෙන් දුර ඈත ගමන් කර ආහාර මිල දී ගන්නීය.

ו [වාව්]

15 ඇය පාන්දරින්ම නැඟිට+ ඇගේ ගෙයි වැසියන්ට ආහාර පිළියෙල කරන්නීය. ඇගේ සේවිකාවන්ටද ඇය කොටසක් වෙන් කර තබන්නීය.+

ז [ෂායින්]

16 ඇය ඉඩමක් ගැන හොඳින් සොයා බලා එය මිල දී ගනී.+ වෙහෙස මහන්සි වී උපයාගත් දෙයින් මිදිවත්තක් වවන්නීය.+

ח [චේත්]

17 ඇය තම දෑත් සවිමත් කරගනිමින් වෙහෙස මහන්සි වී වැඩ කරන්නීය.+

ט [ටේත්]

18 ඇගේ වෙළඳ කටයුතු සාර්ථක බව ඇයට පෙනී යයි. රාත්‍රියේදී ඇගේ පහන කිසිවිටකත් නිවී යන්නේ නැත.+

י [යෝද්]

19 ඇය නූල් ඔතන යන්ත්‍රය එක අතකින්ද නූල් ගොතන යන්ත්‍රය අනික් අතින්ද අල්ලාගනී.+

כ [කෆ්]

20 ඇය දුප්පතුන්ටද අසරණයන්ටද අතහිත දෙන්නීය.+

ל [ලාමෙද්]

21 ඇගේ සියලු ගෙයි වැසියන්ට ඇය වස්ත්‍ර දෙක බැගින් සාදා තිබේ.+ හිම වැටෙන කාලයේදී ඇය භය නොවන්නේ ඒ නිසාය.

מ [මෙම්]

22 ඇය ඇඳ ඇතිරිලි+ සාදාගනී. ඇගේ ඇඳුම් ලිනන් රෙදිවලින්ද රත්නිල් පැහැගැන්වූ ලොම්වලින්ද නිමවා ඇත.+

נ [නුන්]

23 නුවර දොරටුව අසල+ වැඩිමහල්ලන් සමඟ අසුන්ගන්නා ඇගේ ස්වාමිපුරුෂයා+ ජනයාගේ ගෞරවය දිනාගෙන සිටියි.

ס [සාමෙක්]

24 ඇය ඇතුල් වස්ත්‍ර සාදා+ ඒවා විකුණන්නීය. බඳපටි සාදා වෙළෙඳුන්ට දෙන්නීය.

ע [ආයින්]

25 ඇය ශක්තියෙන්ද අලංකාරයෙන්ද සැරසී සිටින්නීය.+ අනාගතය ගැන කිසිදු බියක් සැකක් නොමැතිව ඇය සිනාසෙන්නීය.+

פ [පේ]

26 ඇය ඥානවන්තව කතා කරන්නීය.+ ප්‍රේමය* නමැති නීතිය රකිමින් ඇය වචන හසුරුවන්නීය.+

צ [ට්සාධේ]

27 ඇගේ ගෙයි වැසියන්ගේ ඕනෑ එපාකම් ගැන ඇය සෝදිසියෙන් සිටින්නීය. ඇය අලසකමින් කටයුතු කර කෑම කන්නේ නැත.+

ק [කෝෆ්]

28 ඇගේ පුත්‍රයෝ නැඟිට ඇයට ප්‍රශංසා කරති.+ ඇගේ ස්වාමිපුරුෂයාද නැඟිට ඇයට ප්‍රශංසා කරයි.+

ר [රේෂ්]

29 දක්ෂ කාන්තාවන් බොහෝදෙනෙකු+ සිටින බව ඇත්තයි. එහෙත් ඔබ ඒ සියල්ලන්ටම වඩා බොහෝ සෙයින් වටින්නෙහිය.+

ש [ෂින්]

30 රූමත්බව නිෂ්ඵලය.+ ප්‍රියමනාප පෙනුම රැවටෙනසුලුය.+ එහෙත් ප්‍රශංසාව ලබාගන්නේ යෙහෝවා දෙවිට ගරුබිය දක්වන කාන්තාවයි.+

ת [ටාව්]

31 ඇගේ දෑතේ උත්සාහයට සුදුසු ප්‍රතිඵල ලබා දෙන්න.+ ඇය කළ වැඩ වෙනුවෙන් නුවර දොරටුව අසලදී ඇයට ප්‍රශංසා කරනු ලැබේවා!+