උත්පත්ති

11 ඒ දවස්වලදී, මුළු පොළොවෙම තිබුණේ එක භාෂාවකි.* 2 මනුෂ්‍යයන් නැඟෙනහිර දෙසට ගමන් කරමින් සිටියදී ඔවුන්ට ෂීනාර්+ දේශයේ තැනිතලාවක් සම්බ විය. ඔවුහු එහි පදිංචි වූහ. 3 ඔවුහු, “එන්න! අපි ගඩොල් කපා ඒවා පුලුස්සා ගමු” යයි එකිනෙකාට කීවෝය. ඔවුහු ගල් වෙනුවට ගඩොල්ද බදාම වෙනුවට තාරද* භාවිත කළෝය.+ 4 පසුව ඔවුහු මෙසේද කීවෝය. “එන්න! අපි නුවරක් හදාගමු. එහි අහස උසට+ කොතක් ගොඩනඟා ගෙන අපටම කීර්ති නාමයක් හදාගමු.+ එසේ නොකළොත් පොළොව පුරාම විසිර යන්න අපට සිදු වෙයි.”+

5 යෙහෝවා දෙවි මනුෂ්‍යයන් දෙසට තම ඇස් යොමු කර ඔවුන් ගොඩනැඟූ නුවරද කොතද පරීක්ෂා කර බැලුවේය.*+ 6 ඉන්පසු යෙහෝවා දෙවි මෙසේ කීවේය. “මේ මිනිස්සු එකම භාෂාව කතා කරන,+ එක සෙනඟක් මෙන් සිටිති. ඔවුන් දැන් මේ ආකාරයට හැසිරෙනවා නම් මින් ඉදිරියටත් තමන් කැමති දේ කෙසේ හෝ ඉටු කරගනීවි.+ 7 ඒ නිසා ඔවුන් කතා කරන දේ එකිනෙකාට නොතේරෙන ලෙස අපි+ ඔවුන්ගේ භාෂාව+ අවුල් කරමු.”+ 8 යෙහෝවා දෙවි එසේ කරමින් ඔවුන්ව පොළොව පුරා විසුරුවාහැරියේය.+ එබැවින් ඔවුහු නුවර ගොඩනැඟීමේ කාර්යය ක්‍රමක්‍රමයෙන් අත්හැරියෝය.+ 9 යෙහෝවා දෙවි එම ස්ථානයේදී පොළොවේ වැසියන් කතා කරමින් සිටි භාෂාව අවුල් කළ නිසා එම නුවරට බාබෙල්*+ යන නම තබන ලදි. යෙහෝවා දෙවි එම ස්ථානයේ සිට ඔවුන්ව පොළොව පුරාම විසුරුවාහැරියේය.+

10 ෂෙම්ගේ+ පෙළපත් වාර්තාව මෙයයි.

ජලගැල්මෙන් අවුරුදු දෙකකට පසුව ෂෙම්ට දාව ආර්පක්සද්+ උපන්නේය. එවිට ෂෙම්ගේ වයස අවුරුදු සියයක් විය. 11 ආර්පක්සද් උපන් පසු ෂෙම් තව අවුරුදු පන්සියයක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.+

12 ආර්පක්සද් අවුරුදු තිස්පහක් ජීවත් වූ පසු ඔහුට දාව ෂේලා+ උපන්නේය. 13 ෂේලා උපන් පසු ආර්පක්සද් තව අවුරුදු හාරසිය තුනක් ජීවත් විය. ඒ කාලයේදී ඔහුට දාව පුත්‍රයෝද දූවරුද උපන්නෝය.

14 ෂේලා අවුරුදු තිහක් ජීවත් වූ පසු ඔහුට දාව ඒබර්+ උපන්නේය. 15 ඒබර් උපන් පසු ෂේලා තව අවුරුදු හාරසිය තුනක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

16 ඒබර් අවුරුදු තිස් හතරක් ජීවත් වූ පසු ඔහුට දාව පේලෙග්+ උපන්නේය. 17 පේලෙග් උපන් පසු ඒබර් තව අවුරුදු හාරසිය තිහක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

18 පේලෙග් අවුරුදු තිහක් ජීවත් වූ පසු ඔහුට දාව රෙව්+ උපන්නේය. 19 රෙව් උපන් පසු පේලෙග් තව අවුරුදු දෙසිය නවයක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

20 රෙව් අවුරුදු තිස්දෙකක් ජීවත් වූ පසු ඔහුට දාව සේරග්+ උපන්නේය. 21 සේරග් උපන් පසු රෙව් තව අවුරුදු දෙසිය හතක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

22 සේරග් අවුරුදු තිහක් ජීවත් වූ පසු ඔහුට දාව නාහෝර්+ උපන්නේය. 23 නාහෝර් උපන් පසු සේරග් තව අවුරුදු දෙසියයක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

24 නාහෝර් අවුරුදු විසිනවයක් ජීවත් වූ පසු ඔහුට දාව ටේරා+ උපන්නේය. 25 ටේරා උපන් පසු නාහෝර් තව අවුරුදු එකසිය දහනවයක් ජීවත් විය. ඒ අතරතුරේදී ඔහුට දාව පුත්‍රයෝද දූවරුද උපන්නෝය.

26 ටේරා අවුරුදු හැත්තෑවක් ජීවත් වූ පසු ඔහුට දාව ආබ්‍රම්,+ නාහෝර්+ සහ හාරාන් උපන්නෝය.

27 ටේරාගේ පවුලේ විස්තර මතු දැක්වේ.

ටේරාට දාව ආබ්‍රම්, නාහෝර් සහ හාරාන් උපන්නෝය. හාරාන්ට දාව ලොත්+ උපන්නේය. 28 හාරාන් තමා උපන් රට වන කල්දිවරුන්ගේ+ දේශය වූ ඌර්හි+ මිය ගියේය. ඒ වන විටත් තම පියා වන ටේරා ජීවත්ව සිටියේය. 29 ආබ්‍රම් සාරයි+ සමඟ විවාහ විය. නාහෝර් හාරාන්ගේ දුව වන මිල්කා+ සමඟ විවාහ විය. හාරාන් මිල්කාගේද ඉස්කාගේද පියාය. 30 සාරයි කාලයක් තිස්සේ දරුවෙකු නොලැබ වඳව සිටියාය.+

31 ඉන්පසු ටේරා තම පුත් ආබ්‍රම් සමඟ කල්දිවරුන්ගේ දේශය වන ඌර් වෙතින් පිටත්ව ගියේය. ඔහුගේ මුනුපුරා වන හාරාන්ගේ පුත් ලොත්ද+ ආබ්‍රම්ගේ බිරිඳ වූ ඔහුගේ ලේලි වන සාරයිද+ ඔවුන් සමඟ ගියෝය. ඔවුහු කානාන්+ දේශය දෙසට ගමන් කළෝය. කල් යත්ම ඔවුහු හාරාන්+ නුවරට පැමිණ එහි වාසය කළෝය. 32 ටේරා ජීවත් වූ මුළු අවුරුදු ගණන දෙසිය පහක් විය. ඔහු හාරාන්හිදී මිය ගියේය.