යෙරෙමියා
49 අම්මොන්වරු+ ගැන යෙහෝවා දෙවියන් මෙහෙම කියනවා.
“ඊශ්‍රායෙල්ට පුතුන් නැද්ද?
ඔහුට උරුමක්කාරයෙක් නැද්ද?
එහෙමනම් ගාද්ට අයිති දේශය මල්කාම්+ අල්ලගෙන තියෙන්නේ ඇයි?+
ඔහුගේ සෙනඟ ඊශ්‍රායෙල්ට අයිති නගරවල ජීවත් වෙන්නේ ඇයි?”
2 “යෙහෝවා කියනවා ‘ඒ නිසා දැන් බලන්න!
මම අම්මොන්වරුන්ට+ අයිති රබ්බාවලට+ විරුද්ධව යුද හඬක්* ඇහෙන්න සලස්වන කාලයක් එනවා’ කියලා.
‘ඇය පාළුවට ගිය නටබුන් ගොඩක් වෙනවා.
ඇයට අයිති නගරවලට ගිනි තියලා දානවා.’
‘තමන්ගෙන් ඔවුන් උදුරගත්ත ප්‍රදේශ ඊශ්‍රායෙල් ආපහු අයිති කරගන්නවා’+ කියලා යෙහෝවා කියනවා.
3 ‘අනේ හෙෂ්බොන්, අඬා වැලපෙන්න. මොකද ආයි නගරය විනාශ කරලා.
රබ්බා අවට තියෙන කුඩා නගර, ඔබත් හයියෙන් කෑගහන්න.
ගෝණි රෙදි ඇඳගන්න.
බැටළු ගාල් අතරේ ඒ මේ අත දුවදුව වැලපෙන්න.
මොකද මල්කාම්ව වහල්කමට ගෙනියනවා.
ඔහුගේ පූජකයන් සහ අධිපතීන් එක්ක ඔහු වහල්කමට යනවා.+
4 තමන්ගේ වස්තුව ගැන විශ්වාසය තියන අවිශ්වාසවන්ත දියණිය,
“මට විරුද්ධව එන්නේ කවුද” කියලා ඔබ අහනවා.
ඔබේ නිම්න* ගැන ඔබ ආඩම්බරයෙන් කතා කරන්නේ ඇයි?
ඔබේ සරුසාර තැනිතලාව ගැන පුරසාරම් දොඩන්නේ ඇයි?’”
5 “‘මම ඔබ පිටට හරිම භයානක දෙයක් ගේනවා’ කියලා ශ්‍රේෂ්ඨතම පාලකයාණන් සහ ස්වර්ගයේ සේනාවල අධිපති වන යෙහෝවා කියනවා.
‘මම ඒක ගේන්නේ ඔබ අවට ඉන්න අය මාර්ගයෙන්.
ඔබව හැම පැත්තකටම විසුරුවාහරිනවා.
පලා යන අය ඔබේ සෙනඟව කිසිම කෙනෙක් එකට එකතු කරගන්නේ නැහැ.’”
6 “‘ඒත් ඊටපස්සේ වහල්කමට ගිය අම්මොන්වරුන්ව මම එකට එකතු කරනවා’ කියලා යෙහෝවා කියනවා.”
7 ඒදොම් ගැන ස්වර්ගයේ සේනාවල අධිපති වන යෙහෝවා මෙහෙම කියනවා.
“තේමාන්වල ප්‍රඥාවන්ත කවුරුත් ඉතුරු වෙලා නැද්ද?+
අවබෝධයෙන් වැඩ කරන අයට හොඳ උපදෙස් දෙන්න හැකියාවක් දැන් නැද්ද?
ඔවුන්ගේ ප්‍රඥාවෙන් දැන් කිසිම වැඩක් තියෙනවාද?
8 දෙදාන්වල වැසියෙනි,+ පසුබහින්න! පලා දුවන්න!
ගැඹුරු තැන්වලට බැහැලා ගිහින් ඒවාවල ජීවත් වෙන්න.
මොකද ඒසව්ට දඬුවම් කරන කාලය ආවාම
මම ඔහු පිටට විපත්ති ගේනවා.
9 මිදි නෙළන අය ඔබේ මිදිවත්තට ආවොත්
අනිත් අය වෙනුවෙන් අස්වැන්නෙන් ටිකක් ඉතුරු කරලා යන්නේ නැද්ද?
හොරු මහ රෑ ඔබේ නිවසට කඩා පැන්නොත්
අරන් යන්නේ ඔවුන්ට අවශ්‍ය දේ විතරයි.+
10 ඒත් මම ඒසව්ට අයිති හැම දෙයක්ම වනසලා දානවා.
ඔහුට හැංගෙන්න බැරි වෙන විදිහට
හැංගෙන්න තියෙන හැම තැනක්ම මම හෙළි කරනවා.
11 ඔබ අතරේ ඉන්න පියා නැති දරුවන්ව මට භාර දෙන්න.
මම ඔවුන්ගේ ජීවිත ආරක්ෂා කරනවා.
ඔබ අතරේ ඉන්න වැන්දඹුවන් මං ගැන විශ්වාසය තියයි.”
12 මොකද යෙහෝවා මෙහෙම කියනවා. “මගේ කුසලානයෙන් බොන්න තීන්දු කරලා නැති අයටත් ඒකෙන් බොන්න වෙනවා. එහෙමනම් ඔබට කිසිම දඬුවමක් නැතුව බේරෙන්න පුළුවන් කියලා හිතනවාද? ඔබට දඬුවම් නොකර ඉන්නේ නැහැ. ඔබට ඒ කුසලානයෙන් බොන්නම වෙනවා.”+
13 යෙහෝවා මෙහෙම කියනවා. “බොෂ්රාවලට වෙන දේ දැකලා හැමෝම පුදුම වෙනවා.+ ඒක නින්දාවට පත් වෙනවා, විනාශ වෙනවා, ශාපයට ලක් වෙනවා. ඇගේ නගර හැමදාටම නටබුන් ගොඩක් වෙනවා+ කියලා මම මං ගැනම දිවුරලා කියනවා.”
14 යෙහෝවාගෙන් මට පණිවිඩයක් ලැබුණා.
ජාතීන්ට ඒ ගැන දන්වන්න පණිවිඩකරුවෙක්ව යවලා තියෙනවා. ඔහු මෙහෙම කියනවා.
“ඔබ හැමෝම එකතු වෙලා ඇයට විරුද්ධව එන්න.
යුද්ධයට සූදානම් වෙන්න.”+
16 පර්වතවල ආරක්ෂිතව ඉන්න ඔබ,
කඳු මුදුන්වල ජීවත් වෙන ඔබ රැවටුණා.
එහෙම වුණේ අනිත් අය ඔබට බයෙන් හිටපු නිසයි.
ඔබේ උඩඟු හිත නිසයි.
ඔබ රාජාලියෙක් වගේ ඉහළින්ම තියෙන තැනක ඔබේ කැදැල්ල හදාගත්තත්
මම ඔබව පහතට ඇදලා දානවා” කියලා යෙහෝවා කියනවා.
17 “හැමෝම පුදුම වෙන දෙයක් ඒදොම්වලට වෙනවා.+ ඇයව පහු කරගෙන යන හැමෝම පුදුමයෙන් බලලා ඇයට වෙලා තියෙන විපත් ගැන කියලා අපහාස කරයි.* 18 සොදොම් සහ ගොමෝරාවත් ඒ අවට තිබුණ කුඩා නගරත් විනාශ වුණ විදිහටම+ ඒදොම් විනාශ වෙනවා. කිසිම කෙනෙක් එහේ ජීවත් වෙන්නෙවත් පදිංචි වෙන්නෙවත් නැහැ”+ කියලා යෙහෝවා කියනවා.
19 “බලන්න! යොර්දාන් ගඟ දිගේ තියෙන ගන කැලෑවේ ඉඳන් සිංහයෙක් කඩා පනිනවා වගේ කෙනෙක් ආරක්ෂිත තණබිම්වලට පහර දෙන්න කඩා පනිනවා.+ එක මොහොතකින් ඔහුට ඇයව අතහැරලා පලා යන්න මම සලස්වනවා. මම තෝරගත්ත කෙනාව ඇයව පාලනය කරන්න පත් කරනවා. මොකද මට සමාන කරන්න පුළුවන් කෙනෙක් ඉන්නවාද? මං කරන දේ ගැන ප්‍රශ්න කරන්න පුළුවන් කෙනෙක් ඉන්නවාද? මට විරුද්ධව ඉන්න පුළුවන් එඬේරෙක් ඉන්නවාද?+ 20 දැන් ඇහුම්කන් දෙන්න. ඒදොම්වලට විරුද්ධව යෙහෝවා ගත්ත තීරණයටත් තේමාන්වල මිනිස්සුන්ට විරුද්ධව ඔහු කරන්න අදහස් කරන දේටත් ඇහුම්කන් දෙන්න.+
ඔවුන් කරපු දේවල් නිසා ඔහු ඔවුන්ගේ දේශය පාළු කරනවා.
රැළේ ඉන්න බැටළු පැටවුන්ව අනිවාර්යයෙන්ම ඇදගෙන යනවා.+
21 ඔවුන් වැටෙන ශබ්දයට පොළොව දෙදරුම් කනවා.
කෑගහන ශබ්දයක් ඇහෙනවා.
ඒ ශබ්දය රතු මුහුද වෙන කල්ම විහිදිලා යනවා.+
22 බලන්න! රාජාලියෙක් වගේ ඔහු ඉහළට නැඟලා වේගයෙන් පහතට එනවා.+
ඔහු පියාපත් විහිදුවලා වේගයෙන් ඇවිත් බොෂ්රාව අල්ලගන්නවා.+
ඒ දවසේදී ඒදොම්වල ඉන්න යුධ දක්ෂයන්
දරුවෙක් බිහි කරන්න ඉන්න ස්ත්‍රියක් වගේ අසරණ වෙනවා.”
“හමාත්+ සහ අර්පාද් ලැජ්ජාවට පත් කරලා.
මොකද ඔවුන්ට නරක ආරංචියක් අහන්න ලැබුණා.
දැනෙන බය නිසා ඔවුන්ගේ හිත් දිය වෙලා යනවා.
සෙනඟ හරියට කැලඹුණු මුහුද වගෙයි. ඔවුන්ව සන්සුන් කරන්න බැහැ.
24 දමස්කයේ ධෛර්යය නැති වෙලා ගිහින්.
ඇයට පලා යන්න ඕනෙ වුණත් ඇය බයෙන් ගල්ගැහිලා.
දරුවෙක් බිහි කරන ස්ත්‍රියක් වගේ
ඇය ඉන්නේ දුකෙන්, වේදනාවෙන් මිරිකිලා.
25 ප්‍රශංසාව ලබපු,
ප්‍රීතියෙන් පිරිලා තිබුණ නගරය අතහැරලා ගියේ නැත්තේ ඇයි?
26 ඇගේ තරුණයෝ මැරුම් කාලා මංසන්ධිවල වැටිලා ඉඳියි.
ඒ දවසේදී සෙබළු හැමෝම විනාශ වෙනවා” කියලා ස්වර්ගයේ සේනාවල අධිපති වන යෙහෝවා කියනවා.
28 බැබිලෝනියේ රජ වන නෙබුකද්නෙෂර්* පහර දුන්න කේදාර් සහ හාෂොර්වල රාජ්‍යයන් ගැන යෙහෝවාගේ පණිවිඩය මේකයි.
“දැන් නැඟිටින්න! කේදාර්වලට+ යන්න.
නැඟෙනහිර දිශාවේ පුතුන්ව විනාශ කරන්න.
29 ඔවුන්ගේ කූඩාරමුත් ඔවුන්ට අයිති රැළවලුත්
කූඩාරම් රෙදිත් ඔවුන්ට අයිති හැම දෙයක්මත් අරන් යයි.
ඔවුන්ට අයිති ඔටුවන්වත් පැහැරගනියි.
‘භීතිය හැම තැනම පැතිරිලා’ කියලා සෙනඟ කෑගහලා ඔවුන්ට කියයි.”
30 “දුර ඈතකට පලා දුවන්න!
හාෂොර්වල සෙනඟෙනි, ගැඹුරු තැන්වලට බැහැලා ගිහින් ඒවාවල ජීවත් වෙන්න” කියලා යෙහෝවා කියනවා.
“මොකද බැබිලෝනියේ රජ වන නෙබුකද්නෙෂර්* ඔබට විරුද්ධව කුමන්ත්‍රණයක් කරලා තියෙනවා.
ඔබට පහර දෙන්න සැලැස්මක් යොදලා තියෙනවා.”
31 “නැඟිටින්න! සමාදානයෙන්, සුරක්ෂිතව ජීවත් වෙන ජාතියට විරුද්ධව යන්න” කියලා යෙහෝවා කියනවා.
“ඔවුන් දොරගුලු දාලා නැහැ.
ඔවුන් ජීවත් වෙන්නේ හැමෝගෙන්ම වෙන් වුණ තැනකයි.
32 ඔවුන්ගේ ඔටුවන්ව පැහැරගෙන යයි.
ගණන් කරන්න බැරි තරමට ඔවුන්ට ඉන්න එළු බැටළු රැළවල් කොල්ල කයි.
මම ඔවුන්ව හැම අතටම* විසුරුවාහරිනවා.
කම්මුල් දෙපැත්තේ තියෙන කෙස් කපාගත්ත අයව විසුරුවාහරිනවා.+
මම හැම දිශාවකින්ම ඔවුන් පිටට විපත්ති ගේනවා” කියලා යෙහෝවා කියනවා.
33 “හාෂොර් හිවලුන් ලගින තැනක් වෙයි.
ඒක හැමදාටම පාළුවට ගිහින් තියෙයි.
කිසිම කෙනෙක් එහේ ජීවත් වෙන්නේ නැහැ.
කිසිම මිනිසෙක් එහේ පදිංචි වෙන්නේ නැහැ.”
34 යූදාවල රජ වුණ ශෙදකියා+ පාලනය කරපු මුල් කාලේදී යෙහෝවා දෙවියන්ගෙන් අනාගතවක්තෘ යෙරෙමියාට ඒලාම්+ ගැන මේ පණිවිඩය ලැබුණා. 35 “ස්වර්ගයේ සේනාවල අධිපති වන යෙහෝවා මෙහෙම කියනවා. ‘ඒලාම්වල ශක්තිය වුණ දුන්න මම කඩලා දානවා.+ 36 පොළොවේ හතර කොනේ ඉඳන් මම ඒලාම් පිටට හුළං හතරක් හමන්න සලස්වනවා. ඒ හුළංවලින් මම ඔවුන්ව සීසීකඩ* විසුරුවාහරිනවා. ඒලාම්වලින් විසිරිලා යන අය හැම ජාතියක් අතරටම විසිරිලා යනවා.’”
37 “මම ඒලාම්වරුන්ගේ හිත්වල ඔවුන්ගේ සතුරන් ගැනත් ඔවුන්ව මරලා දාන්න හොයන අය ගැනත් බයක් ඇති කරනවා. ඇවිළෙන කේන්තියකින් මම ඔවුන් පිටට විපත්ති ගේනවා” කියලා යෙහෝවා කියනවා. “ඔවුන් නැත්තටම නැති වෙලා යන කල් ඔවුන් පස්සේ එළවගෙන යන්න මම කඩුවක් එවනවා.”
38 “මම මගේ සිංහාසනය ඒලාම්වල+ පිහිටුවලා එහේ රජවත් අධිපතීන්වත් විනාශ කරලා දානවා” කියලා යෙහෝවා කියනවා.
39 “ඒත් මම අවසාන කාලේදී* වහලුන් විදිහට ඉන්න ඒලාම්වරුන්ව ආපහු එකට එකතු කරනවා” කියලා යෙහෝවා කියනවා.