ගීතාවලිය

32 වරදට සමාව ලැබුණ කෙනා සන්තෝෂවත්.

දෙවියන් ඔහුගේ වරද මකලා දාන* නිසා ඔහු ඉන්නේ සතුටින්.+

 2 වරදකරුවෙක් විදිහට යෙහෝවාගෙන් චෝදනා නොලබන කෙනා සන්තෝෂවත්.+

හිතේ කිසිම වංචාවක් නැති කෙනා සන්තෝෂවත්.

 3 මගේ වරද ගැන මං නිහඬව හිටපු කාලයේදී

දවස පුරාම මට දැනුණ වේදනාව නිසා මගේ ඇටකටු දිරලා ගියා.+

 5 අන්තිමේදී මම මගේ වරද ගැන ඔබට කිව්වා.

කිසි දෙයක් හංගන්නේ නැතුව හැම දේම ඔබට කිව්වා.+

“මං කරපු වැරදි යෙහෝවා ඉස්සරහා පිළිගන්නවා” කියලා මං කිව්වා.+

එතකොට ඔබ මගේ වැරදිවලට, පව්වලට සමාව දුන්නා.+ (සීලාහ්)

 6 ඔබට විශ්වාසවන්තව ඉන්න හැමෝම ඒක දැකලා

ඔබේ අනුමැතිය දිනාගන්න අවස්ථාව තියෙන කාලයේදී ඔබට යාච්ඤා කරයි.+

 7 දෙවියනි, ආරක්ෂාව ලබන්න මං හැංගෙන්නේ ඔබ ළඟයි.

විපත්තිවලින් ඔබ මාව ආරක්ෂා කරයි.+

වටහාගැනීමේ හැකියාවත් මම ඔබට ලබා දෙන්නම්.+

මම ඔබ දිහා හොඳින් බලන් ඉඳලා ඔබට අවවාද කරන්නම්.+

 9 ඒත් දැනුම් තේරුම් නැති අශ්වයෙක් වගේවත් කොටළුවෙක් වගේවත් වෙන්න එපා.+

උන්ව ඔබ ළඟට ගන්න නම් කටකලියාවක් හරි පටියක් හරි දාලා උන්ව මෙල්ල කරන්න ඕනේ.”

10 දුෂ්ටයන්ට හුඟක් වේදනා විඳින්න වෙනවා.

ඒත් යෙහෝවාව විශ්වාස කරන කෙනාට ඔහුගේ නොසැලෙන ආදරේ අද්දකින්න ලැබෙනවා.+

11 ධර්මිෂ්ඨයෙනි, යෙහෝවා නිසා සතුටින් ඉපිල යන්න.

අවංක හදවත් ඇති සියල්ලෙනි, සතුටින් හඬ නඟන්න.