19 “Pazvibereko zvinotanga kuibva zvemunda wako, unofanira kuunza zvakanakisisa zvacho kuimba yaJehovha Mwari wako.+

“Usabika mbudzana nemukaka waamai vayo.+

14 “‘Kana uchipa Jehovha mupiro wezviyo wezvibereko zvinotanga kuibva, unofanira kuuya nehura* dzezviyo dzisati dzaoma dzakagochwa, tsanga itsva dzakakuyiwa asi dzisina kuita upfu, semupiro wezviyo zvinotanga kuibva.+

8 Jehovha akataurazve naAroni, akati: “Ini pachangu ndakupa basa rekuchengeta mipiro yandinopiwa.+ Ndapa iwe nevanakomana vako chikamu chezvinhu zvese zvitsvene zvinobviswa nevaIsraeri kuti ugare uri mugove wenyu.+

12 “Mafuta avo akanakisisa newaini yavo yakanakisisa nezviyo zvavo zvakanakisisa, nezvibereko zvavo zvekutanga+ zvavanopa Jehovha, ndiri kuzvipa iwe.+

26 “Paunenge wazopinda munyika yauchapiwa naJehovha Mwari wako kuti ive nhaka yako uye waitora, wava kugaramo, 2 unofanira kutora zvimwe zvibereko zvekutanga pazvibereko zvese zvenyika, zvauchakohwa munyika yako yauchapiwa naJehovha Mwari wako, wozviisa mutswanda, woenda kunzvimbo inosarudzwa naJehovha Mwari wako kuti zita rake rigare.+