• Pisarema 59:mashoko ekusuma-17
    Bhaibheri—Shanduro yeNyika Itsva

    • Kumutungamiriri; mutinhimira unonzi, “Musaparadza.” Rwiyo rwaDhavhidhi. Miktamu.* Pakatumwa varume naSauro kuti vanogaririra Dhavhidhi pamba pake vachida kumuuraya.+

      59 Ndinunurei pavavengi vangu, haiwa Mwari wangu;+

      Ndidzivirirei pane vaya vari kundipandukira.+

       2 Ndinunurei pavanhu vanoita zvakaipa,

      Uye ndiponesei pavarume vanoita zvemhirizhonga.*

       3 Onai! Vakandihwandira;*+

      Varume vakasimba vanondirwisa

      Ini ndisina kupanduka kana kuita chivi,+ haiwa Jehovha.

       4 Kunyange ndisina chandakatadza, vanomhanya vogadzirira kundirwisa.

      Simukai pandinoshevedzera muone.

       5 Nekuti imi Jehovha Mwari wemauto, ndimi Mwari waIsraeri.+

      Mukai muongorore marudzi ese.

      Musanzwira tsitsi vatengesi vese vakaipa.+ (Sera)

       6 Vanodzoka manheru ega ega;+

      Vanohon’a* sembwa+ uye vanonyangira vachipoterera guta.+

       7 Onai zvinobuda mumiromo yavo;

      Miromo yavo yakaita semapakatwa,+

      Nekuti vanoti: “Ndiani ari kuteerera?”+

       8 Asi imi, haiwa Jehovha, muchavaseka;+

      Muchanyomba marudzi ese.+

       9 Haiwa imi Simba rangu, ndicharamba ndakakumirirai;+

      Nekuti Mwari ndiye nzvimbo yangu yekupotera.*+

      10 Mwari anondiratidza rudo rusingachinji achauya kuzondibatsira;+

      Mwari achaita kuti nditarise vavengi vangu ndavakunda.+

      11 Musavauraya, kuti vanhu vangu varege kukanganwa.

      Nesimba renyu itai kuti vadzungaire;

      Vawisirei pasi, haiwa Jehovha, nhoo yedu.+

      12 Nemhaka yechivi chemuromo wavo, shoko remiromo yavo,

      Ngavabatwe nekuzvikudza kwavo,+

      Nemhaka yekutuka uye kunyengera kwavanoita vachitaura.

      13 Vapedzisei makatsamwa;+

      Vapedzisei, kuti varege kuvapozve;

      Itai kuti vazive kuti Mwari ari kutonga pakati paJakobho kusvikira kumigumo yenyika.+ (Sera)

      14 Ngavadzoke manheru;

      Ngavahon’e* sembwa, uye ngavanyangire vachipoterera guta.+

      15 Ngavadzungaire vachitsvaga chekudya;+

      Musaita kuti vagute kana kuwana pekugara.

      16 Asi kana ndiri ini ndichaimba nezvesimba renyu;+

      Mangwanani ndichataura ndichifara nezverudo rwenyu rusingachinji.

      Nekuti muri nzvimbo yangu yekupotera+

      Uye nzvimbo yangu yekutizira pandinenge ndichitambudzika.+

      17 Haiwa imi Simba rangu, ndichaimba ndichikurumbidzai,*+

      Nekuti Mwari ndiye nzvimbo yangu yekupotera, Mwari anondiratidza rudo rusingachinji.+