• Pisarema 15:1-5
    Bhaibheri—Shanduro yeNyika Itsva

    • 15 Haiwa Jehovha, ndiani angava muenzi mutende renyu?

      Ndiani angagara mugomo renyu dzvene?+

       2 Uya ari kufamba asina mhosva,*+

      Achiita zvakarurama+

      Uye achitaura chokwadi mumwoyo make.+

       3 Haashandisi rurimi rwake kusvibisa zita remumwe,+

      Haaitire muvakidzani wake zvakaipa,+

      Uye haarevi* shamwari dzake.+

       4 Anoramba munhu wese anoshoreka,+

      Asi anokudza vaya vanotya Jehovha.

      Haadzokeri shure pane zvaanenge avimbisa,* kunyange kana zvisina kumunakira.+

       5 Haakweretesi mari yake achida kudzorerwa yabereka,+

      Uye haagamuchiri chiokomuhomwe kuti apomere munhu asina mhosva.+

      Munhu wese anoita zvinhu izvi haazombozununguswi.*+

  • Pisarema 84:1-4
    Bhaibheri—Shanduro yeNyika Itsva

    • 84 Chokwadi tebhenekeri yenyu huru yakanaka,+

      Haiwa Jehovha wemauto!

       2 Ini ndasuwa,*

      Chokwadi ndasuwa zvikuru

      Zvivanze zvaJehovha.+

      Mwoyo wangu nenyama yangu zvinopembera nemufaro kuna Mwari mupenyu.

       3 Kunyange shiri inowana pekugara ikoko

      Uye nyenganyenga* yakazvivakira dendere,

      Mainochengeta manyana ayo

      Pedyo neatari yenyu huru, haiwa Jehovha wemauto,

      Mambo wangu naMwari wangu!

       4 Vanofara vaya vanogara mumba menyu!+

      Vanoramba vachikurumbidzai.+ (Sera)