Mapisarema

Kumutungamiriri. Maskiri.* Rwiyo rwaDhavhidhi, pakaenda Dhoegi muEdhomu kunoudza Sauro kuti Dhavhidhi akanga auya kumba kwaAhimereki.+

52 Unozvirumbidzirei pamusoro pemabasa ako akaipa, nhai iwe ane simba?+

Rudo rwaMwari rusingachinji ruripo zuva rese.+

2 Rurimi rwako rwakapinza sechisvo,+

Runoronga zvakaipa uye runoita mabasa eunyengeri.+

3 Unoda zvakaipa kupfuura zvakanaka,

Nhema kupfuura kutaura zvakarurama. (Sera)

4 Unoda shoko rese rakaipa,

Iwe rurimi runonyengera!

5 Ndokusaka Mwari achakuwisira pasi zvachose;+

Achakuhwapura okubvisa mutende rako;+

Achakudzura munyika yevapenyu.+ (Sera)

6 Vakarurama vachazviona voshamiswa,+

Uye vachamuseka.+

7 “Heuno murume asina kuita Mwari nzvimbo yake yekupotera,*+

Asi akavimba nepfuma yake yakawanda+

Uye akavimba nemazano* ake akaipa.”*

8 Asi ini ndichava semuorivhi wakasvibirira uri mumba maMwari;

Ndinovimba nerudo rwaMwari rusingachinji,+ nariini nariini.

9 Ndichakurumbidzai nekusingaperi nekuda kwezvamakaita;+

Pamberi pevanhu venyu vakavimbika,

Ndichava netariro muzita renyu,+ nekuti rakanaka.