24, 25. Çfarë bekimesh i presin ata judenj të mërguar që veprojnë në përputhje me mesazhin e shpallur nga Jehovai nëpërmjet Isaisë?

²⁴ Prandaj, nëse judenjtë ua vënë veshin fjalëve profetike të Isaisë drejtuar atyre, do të fitojnë, pa dyshim, shpëtimin që ka premtuar Jehovai. Si përfundim, do të provojnë gëzim të madh. Jehovai pohon: «Me gëzim, do të dilni dhe me paqe do t’ju sjellin. Malet dhe kodrat do të gëzojnë para jush me një klithmë gëzimi dhe pemët e fushës do të trokasin duart.

Isaia 55:12,

²⁵ Në vitin 537 p.e.s., judenjtë e mërguar dalin me të vërtetë nga Babilonia me gëzim. (Psalmi 126:1, 2)

Bekimi i Jehovait bëhet menjëherë i dukshëm, ndërsa populli i tij i shërben «me një klithmë gëzimi». Duket sikur vetë vendi po gëzon.

26. Ç’gjendje të bekuar gëzon populli i Perëndisë sot?

²⁶ Në vitin 1919, mbetja e të krishterëve të mirosur u çlirua nga robëria frymore në të cilën gjendej. (Isaia 66:8) Sot, së bashku me shumicën e madhe të deleve të tjera, ata po i shërbejnë Perëndisë me gëzim në një parajsë frymore.