«Jehovai është Bariu im»

1. Në gji më mban Jehovai,

Bariu i shpirtit tim.

Kupton çdo ndjenj’, çdo dëshir’ që kam,

më njeh veç me një vështrim.

Pran’ tij mbështetem në paqe,

e prehem në siguri.

Se më prin në vende plot gjelbërim,

ku çlodhem e gjej freski.

Më prin në vende plot gjelbërim,

ku çlodhem e gjej freski.

2. I dua shtigjet e tua,

të lara në drejtësi.

Për hir të emrit të madh që mban,

në to, Jehova, më pri!

S’më frik lugina e territ,

s’më tremb asnjë kërcënim.

Se vrapoj e strukem në krahun tënd,

je Ati dhe Miku im!

Vrapoj e strukem në krahun tënd,

je Ati dhe Miku im!

3. Pas teje rend me plot ëndje,

i mir’ je, Bariu im!

Ti zemrën ëmbël ma përkëdhel,

më jep forc’ e ngushëllim.

Asgjë s’ma shuan besimin

dhe shpresën që kam te ti.

E çdo dit’ të jetës, sa frym’ të kem,

mbulom’, At’, me mirësi!

Çdo dit’ të jetës, sa frym’ të kem,

mbulom’, At’, me mirësi!