Lipesaleme

41 Ho thaba mang kapa mang ea nahanelang motho ea tlaase;+

Jehova o tla mo pholosa letsatsing la tlokotsi.+

 2 Jehova o tla mo lebela ’me a mo boloke a phela.+

Ho tla phatlalatsoa hore o thabile lefatšeng;+

U ke ke ua nehelana ka eena ho moea oa lira tsa hae.+

 3 Jehova o tla mo tšehetsa holim’a setulo sa hae se kang moalo sa ho kula;+

Ka sebele u tla fetola liphate tsohle tsa hae nakong ea boloetse ba hae.+

 4 Ha e le ’na, ke ile ka re: “Jehova, u mpontše mohau.+

U folise moea oa ka, etsoe ke u sitetsoe.”+

 5 Ha e le lira tsa ka, li bua se sebe malebana le ’na:+

“O tla shoa neng ’me lebitso la hae le hle le timele?”

 6 Haeba motho a tlil’o mpona, pelo ea hae e tla bua leshano;+

O tla ipokellela ntho e kotsi;

O tla tsoa; o tla bua ka hona ka ntle.+

 7 Bohle ba ntlhoileng ba hoesheletsana ba kopane khahlanong le ’na;+

Ba ntse ba ntherela ho hong ho hobe:+

 8 “Ntho e se nang molemo e tšolleloa holim’a hae;+

Kaha joale o robetse, a ke ke a hlola a tsoha.”+

 9 Le motho ea nang le khotso le ’na, eo ke neng ke mo tšepa,+

Ea neng a ja bohobe+ ba ka, o mphahamiselitse serethe.+

10 Ha e le uena, Jehova, u mpontše mohau ’me u ntsose,+

E le hore nka ba buseletsa.+

11 Ke tseba ka sena hore u khahliloe ke ’na,

Hobane sera sa ka ha se hooe ka tlhōlo ka lebaka la ka.+

12 Ha e le ’na, u ntšehelitse ka lebaka la botšepehi ba ka,+

U tla mpeha ka pel’a sefahleho sa hao ho isa nakong e sa lekanyetsoang.+

13 Ho bokoe Jehova Molimo oa Iseraele+

Ho tloha nakong e sa lekanyetsoang esita le ho isa nakong e sa lekanyetsoang.+

Amen le Amen.+