Lipesaleme

67 Molimo o tla re bontša mohau ’me a re hlohonolofatse;+

O tla khantšetsa sefahleho sa hae holim’a rōna+—Selah—

 2 E le hore tsela ea hao e ka tsejoa lefatšeng,+

Poloko ea hao e tsejoe esita le har’a lichaba tsohle.+

 3 Lichaba li ke li u roke, Molimo;+

Lichaba, kaofela ha tsona, li ke li u roke.+

 4 Lihlopha tsa lichaba li ke li thabe ’me li hoeletse ka thabo,+

Etsoe u tla ahlola lichaba ka ho loka;+

Ha e le lihlopha tsa lichaba, u tla li tsamaisa lefatšeng. Selah.

 5 Lichaba li ke li u roke, Molimo;+

Lichaba, kaofela ha tsona, li u roke.+

 6 Ka sebele lefatše le tla fana ka lihlahisoa tsa lona;+

Molimo, Molimo oa rōna, o tla re hlohonolofatsa.+

 7 Molimo o tla re hlohonolofatsa,+

Lipheletso tsohle tsa lefatše li tla mo tšaba.+