1 Bathesalonika
2 Barab’eso, ka sebele lea tseba kamoo ketelo+ ea rōna ho lōna e sa bang e hlokang litholoana,+ 2 empa kamoo, ka mor’a hore pele re utloe bohloko+ le ho nyelisoa+ (feela joalokaha le tseba) Filipi,+ re ileng ra iteta sebete ka Molimo oa rōna ho le bolella+ litaba tse molemo tsa Molimo ka ntoa e khōlō. 3 Etsoe keletso eo re fanang ka eona ha e hlahe phosong kapa ho se hloekeng+ kapa ka thetso, 4 empa, feela joalokaha re pakiloe ke Molimo re le ba loketsoeng ke hore litaba tse molemo li behoe tlhokomelong+ ea rōna, kahoo ha re bue re le ba khahlisang batho,+ empa re le ba khahlisang Molimo, ea lekang lipelo tsa rōna.+
5 Ha e le hantle, ha ho nako eo ka eona re hlahileng ka puo e rorisang ho tlōlisa,+ (feela joalokaha le tseba) kapa ka seipato+ sa bohata ka lebaka la ho chacheha ka mohono,+ Molimo ke paki! 6 Leha e le hore re ’nile ra batla thoriso e tsoang ho batho,+ che, ebang ke e tsoang ho lōna kapa e tsoang ho ba bang, le hoja re ne re ka ba moroalo+ o litšenyehelo li boima joaloka baapostola ba Kreste. 7 Ho fapana le hoo, re ile ra ba bonolo har’a lōna, joaloka ha ’mè ea anyesang a baballa+ bana ba hae. 8 Kahoo, re e-na le lerato le mofuthu bakeng sa lōna,+ ha rea ka ra khahloa ke ho le fa litaba tse molemo feela tsa Molimo, empa le meea+ ea rōna, hobane le bile ba ratoang+ ho rōna.
9 Ka sebele, barab’eso, le hopola mosebetsi oa rōna le ho sehla ha rōna. Re ile ra le bolella litaba tse molemo tsa Molimo ka ho sebetsa+ bosiu le motšehare, e le hore re se ke ra beha moroalo o litšenyehelo li boima holim ’a leha e le ofe oa lōna.+ 10 Le lipaki, Molimo le eena ke eona, kamoo re ileng ra ba ba tšepahalang le ba lokileng le ba ke keng ba tšoauoa phoso+ ho lōna balumeli. 11 Tumellanong le seo le tseba hantle kamoo, joalokaha ntate+ a etsa ho bana ba hae, re ’nileng ra eletsa+ e mong le e mong oa lōna, le ho le tšelisa le ho le pakela, 12 e le hore le tsoele pele ho tsamaea+ ka mokhoa o tšoanelang Molimo ea le bitsetsang+ ’musong+ oa hae le khanyeng ea hae.
13 Ka sebele, ke ka lebaka leo re boetseng re lebohang Molimo re sa phetse,+ hobane ha le amohela lentsoe la Molimo,+ leo le ileng la le utloa ho rōna, ha lea ka la le amohela e le lentsoe la batho,+ empa, feela joalokaha kannete le le joalo, e le lentsoe la Molimo, le boetseng le sebetsang ka ho lōna balumeli.+ 14 Etsoe barab’eso, le bile baetsisi ba liphutheho tsa Molimo tse leng Judea bonngoeng le Kreste Jesu, hobane le lōna le ile la qala ho utloisoa bohloko+ matsohong a batho ba naha ea habo lōna ke lintho tse tšoanang le tseo le bona ba utloisoang bohloko ke tsona matsohong a Bajuda, 15 ba ileng ba bolaea esita le Morena Jesu+ le baprofeta+ ’me ba re hlorisa.+ Ho feta moo, ha ba khahlise Molimo, empa ba khahlanong le lithahasello tsa batho bohle, 16 ha ba ntse ba leka ho re sitisa+ ho bua le batho ba lichaba e le hore bana ba ka pholoha,+ hoo kamehla ba tlatsang tekanyo+ ea libe tsa bona. Empa qetellong khalefo ea hae e tlile holim ’a bona.+
17 Ha e le rōna, barab’eso, ha re ne re le amohuoe ka nako e khutšoanyane feela, ka seqo, eseng ka lipelo, re ile ra leka ho feta ka tsela e tloaelehileng ho bona lifahleho tsa lōna ka takatso e khōlō.+ 18 Ka lebaka lena re ne re batla ho tla ho lōna, e, ’na Pauluse, hang le ka lekhetlo la bobeli, empa Satane a thiba tsela ea rōna. 19 Etsoe tšepo ea rōna kapa thabo kapa moqhaka+ oa thabo e khaphatsehang ke eng—na ha e le hantle hase lōna?—ka pel’a Morena oa rōna Jesu ho beng teng ha hae?+ 20 Ka sebele le khanya ea rōna le thabo ea rōna.