Lipesaleme

Pesaleme ea Davida. Pina.

101 Ke tla bina pina e buang ka lerato le toka.

Jehova, ke tla u binela* lipina tsa thoriso.

2 Ke etse lintho ka bohlale ’me ke tšepahale.*

U tla nthusa neng?

Ke tla u tšepahalla+ leha ke lutse ka tlung ea ka.

3 Nke ke ka sheba lintho tse se nang thuso.*

Ke hloile liketso tsa batho ba etsang lintho tse mpe.+

Ke tla tsamaella hole le bona.*

4 Ha ke utloane le batho ba bolotsana.

Nke ke ka etsa lintho tse mpe.

5 Mang kapa mang ea sebang moahisani oa hae,

A mo senya lebitso,+

Ke tla mo tholisa.*

Nke ke ka mamella mang kapa mang ea ikhohomosang le ea ikhantšang.

6 Ke tla amohela batho ba tšepahalang lefatšeng,

E le hore ba lule le ’na.

Ea se nang molato* o tla ntšebeletsa.

7 Ha ho na motho ea leshano ea tla lula ka tlung ea ka.

Ea leshano a ke ke a ema ka pel’a ka.*

8 Hoseng ho hong le ho hong ke tla tholisa* batho bohle ba khopo lefatšeng

E le hore ke felise bohle ba etsang lintho tse mpe motseng oa Jehova.+