21 Pelo ea morena e tšoana le melapo ea metsi e ka letsohong la Jehova.+
O e isa hohle moo a ratang.+
2 Litsela tsohle tsa motho li bonahala li lokile ho eena+
Empa Jehova o hlahloba lipelo.+
3 Ho etsa lintho tse lokileng le ho phetha toka
Ho thabisa Jehova ho feta sehlabelo.+
4 Boikhohomoso le boikakaso
Ke lebone le khantšang tsela ea ba khopo ’me lintho tsena ke sebe.+
5 Merero ea motho ea khothetseng ea mo thusa+
Empa e mong le e mong ea lepotlapotla o tla futsaneha.+
6 Ho fumana maruo ka ho bua leshano
Ho tšoana le moholi o apohang, ke leraba le bolaeang.+
7 Ba khopo ba tla timela hobane ba rata ntoa.+
Ba hana ho phetha toka.
8 Litsela tsa motho ea molato li fosahetse
Empa liketso tsa ea hloekileng li lokile.+
9 Ho molemo ho lula k’honeng ea marulelo
Ho feta ho lula ka tlung le mosali ea ratang likhang.+
10 Motho ea khopo o lakatsa bobe,+
Ha a hauhele moahisani oa hae.+
11 Ha mosomi a fumana kotlo, ea se nang boiphihlelo oa hlalefa
Leha motho ea bohlale a fumana temoho, o eketsa tsebo ea hae.+
12 Ea Lokileng o shebile ntlo ea motho ea khopo ka hloko,
O bakela ba khopo tlokotsi.+
13 Mang kapa mang ea ithibang litsebe hore a se ke a utloa sello sa mofutsana
Le eena o tla lla ’me a ke ke a mameloa.+
14 Mpho e fanoang lekunutung e kokobetsa bohale,+
Mpho e fanoang sephiring, e kokobetsa bohale bo tukang.
15 Ea lokileng o thabela ho phetha toka+
Empa ho batho ba liketso li khopo, ke ntho e mpe.
16 Motho ea khelohang tsela ea temoho,
O tla phomola hammoho le bafu.+
17 Ea ratang menate e tla ba mofutsana,+
Ea ratang veine le oli a ke ke a rua.
18 Ea khopo o rekisoa bakeng sa ea lokileng,
Molotsana o tla nkeloa sebaka ke ea lokileng.+
19 Ho molemo ho lula naheng
Ho feta ho lula le mosali ea ratang likhang le ho halefa.+
20 Motho ea bohlale o boloka matlotlo a bohlokoa le oli ka tlung ea hae,+
Motho ea se nang kelello eena oa li senya.+
21 Mang kapa mang ea phehellang ho loka le lerato
O tla fumana bophelo, ho loka le tlhompho.+
22 Motho ea bohlale a ka hlasela motse oa banna ba matla
E le hore a senye ntho eo ba e tšepileng.+
23 Ea laolang molomo oa hae le leleme la hae
O qoba likhathatso.+
24 Motho ea ikhohomosang le ea ratang ho ithorisa,
Ke ea ikakasang a sa tšoenyehe le ka litla-morao.+
25 Ntho eo motho ea botsoa a e lakatsang e tla mo bolaea
Kaha o hana ho sebelisa matsoho a hae.+
26 Ka lebaka la ho khala, letsatsi lohle o lula a batla ho ekeletsoa
Empa motho ea lokileng oa fana.+
27 Molimo o nyonya sehlabelo sa ea khopo.+
Ha a fana ka sona ka sepheo se sebe, O se nyonya le ho feta.
28 Paki e leshano e tla timela+
Empa motho ea fanang ka bopaki ba seo a se utloileng, o tla atleha.
29 Motho ea khopo ha a bonahale a soabile+
Empa ea lokileng ke eena eo tsela ea hae e sireletsehileng.+
30 Ha ho bohlale, temoho kapa morero o ka hanyetsang Jehova.+
31 Pere e koetlisetsoa letsatsi la ntoa+
Empa Jehova ke eena ea sireletsang.+