3 Ke ne ke ee ke hlahe ho Abrahama,+ Isaka+ le Jakobo+ ke le Molimo ea Matla ’Ohle,+ empa ke ne ke sa itsebahatse+ ho bona ka lebitso la ka la Jehova.+

20 Eaba oa eketsa: “U ke ke ua khona ho bona sefahleho sa ka, hobane ha ho motho ea ka mponang ’me leha ho le joalo a phela.”+

4 “Mamela, Uena Iseraele: Jehova Molimo oa rōna ke Jehova a le mong.+

18 Jesu a re ho eena: “Ke hobane’ng ha u mpitsa ea molemo?+ Ha ho ea molemo, haese a le mong, Molimo.+

24 Molimo ke Moea,+ ’me ba mo rapelang ba tla rapela ka moea le ka ’nete.”+

20 Etsoe litšobotsi tsa hae tse sa bonahaleng+ li bonoa ka ho hlaka ho tloha pōpong ea lefatše ho ea pele,+ hobane li lemohuoa ka lintho tse entsoeng,+ esita le matla+ le Bomolimo+ ba hae ba ka ho sa feleng, hoo ba se nang boikemelo;+

4 Joale malebana le ho ja+ lijo tse nyeheloang ho litšoantšo tse rapeloang, rea tseba hore setšoantšo se rapeloang hase letho+ lefatšeng, le hore ha ho na Molimo haese a le mong.+

11 ho ea ka litaba tse molemo tse khanyang tsa Molimo ea thabileng,+ tse ileng tsa behoa tlhokomelong+ ea ka.

5 Etsoe ho na le Molimo+ a le mong, le mokena-lipakeng+ a le mong pakeng tsa Molimo+ le batho,+ motho, Kreste Jesu,+

24 Etsoe Kreste ha aa ka a kena sebakeng se halalelang se entsoeng ka matsoho,+ seo e leng setšoantšo sa ntho ea sebele,+ empa o kene leholimong,+ joale ho hlaha ka pel’a Molimo bakeng sa rōna.+

16 Rea tseba ’me re lumetse lerato+ leo Molimo a nang le lona ho rōna.

Molimo ke lerato,+ ’me ea lulang leratong+ o lula bonngoeng le Molimo ’me Molimo o lula bonngoeng+ le eena.

8 Ha e le libōpuoa tse phelang tse ’nè,+ se seng le se seng sa tsona se na le mapheo a tšeletseng;+ ho li pota-pota le ka tlaase li tletse mahlo.+ Bosiu le motšehare ha li phomole ha li ntse li re: “Oa halalela, oa halalela, oa halalela Jehova+ Molimo, ea Matla+ ’Ohle, ea neng a le teng le ea teng+ le ea tlang.”