Kea bolaea ebile kea phelisa.+

Ke ntša maqeba+ ’me ke tla folisa.+

Ha ho na ea ka pholosang ba bang letsohong la ka.+

 6 Jehova oa bolaea ebile oa phelisa.*

O theolela Lebitleng* ebile o nyolla batho teng.+

32 Ha Elisha a fihla ka tlung, moshanyana eo o ne a shoele ’me a robalitsoe holim’a bethe ea hae.+

34 A robala holim’a moshanyana ’me a beha molomo oa hae holim’a molomo oa hae, mahlo a hae holim’a mahlo a hae le matsoho a hae holim’a matsoho a hae, a etsa joalo ho fihlela ’mele oa moshanyana o futhumala.+

21 Ha banna ba bang ba ntse ba pata motho, ba ile ba bona sehlopha sa masole eaba ka potlako ba lahlela setopo seo moo Elisha a neng a patetsoe teng ’me ba baleha. Ha setopo seo se thetsa masapo a Elisha, motho eo a phela+ eaba o ema ka maoto.

15 Mohlankana eo a tsoha, a lula ’me a qala ho bua eaba Jesu o mo isa ho ’mè oa hae.+

54 A mo tšoara ka letsoho a mo hoeletsa a re: “Ngoanana, tsoha!”+ 55 A tsoha* hang-hang+ eaba Jesu o re a fuoe lijo.

28 Le se ke la makala hobane ho na le nako eo bohle ba mabitleng* ba tla utloa lentsoe la hae+ 29 ebe baa tsoa. Ba entseng lintho tse lokileng ba tla tsohela bophelo, ba neng ba tloaetse ho etsa lintho tse fosahetseng ba tsohele kahlolo.*+

44 Lazaro a tsoa a thatetsoe maoto le matsoho ka masela le sefahleho sa hae se ne se thatetsoe ka lesela. Jesu a re: “Thatollang masela ao le mo tlohele a tsamaee.”

40 Petrose a re batho bohle ba tsoele ka ntle+ eaba oa khumama oa rapela. Ha a qeta a sheba ka ho mofu a re: “Tabitha, tsoha.” A bula mahlo, eare ha a bona Petrose, a tsoha.+ 41 Petrose a tšoara Tabitha ka letsoho, a mo phahamisa eaba o bitsa bahlolohali le barutuoa ba bang, a ba bontša hore Tabitha oa phela.+

9 Mohlankana ea bitsoang Eutikase o ne a lutse fensetereng ha Pauluse a ntse a bua eaba o ea le sephume sa boroko ’me a oa a le mokatong oa boraro. Ha ba fihla ho eena ba mo fumana a se a shoele. 10 Pauluse a theohela mokatong o ka tlase, a paqama holim’a hae, a mo kopa ka matsoho+ eaba o re: “Khaotsang ho lla hobane oa phela.”+

9 Kreste o ile a shoa a ba a tsoha bafung e le hore e tle e be Morena oa ba shoeleng le ba phelang.+

17 Ha Abrahama a ne a behoa tekong,+ o ile a bontša hore o na le tumelo ka hore ebe o ile a batla a nyehela Isaka. Monna enoa ea ileng a amohela litšepiso a thabile o ile a leka ho nyehela mora oa hae ea mong.+

19 O ne a lumela hore Molimo a ka tsosa mora oa hae bafung. Kahoo, o ile a mo amohela joalokaha eka o qeta ho tsoha bafung e leng ntho e neng e bontša hore na ho tla etsahala’ng ka moso.+