31 Kaha lefika la bona ha le tšoane le Lefika la rona,+

Esita le lira tsa rona li utloisisa sena.+

 2 Ha ho na motho ea halalelang joaloka Jehova,

Ha ho e mong ntle ho uena,+

Ha ho lefika le tšoanang le Molimo oa rona.+

33 Molimo oa ’nete ke sebaka sa ka se sireletsehileng haholo,+

O tla otlolla tsela ea ka.+

34 O etsa hore maoto a ka a be joaloka a khama,

O nkemisa libakeng tse phahameng.+

35 O koetlisa matsoho a ka bakeng sa ntoa,

Matsoho a ka a ka koba seqha sa koporo.

36 U mpha thebe ea hao ea poloko,

Boikokobetso ba hao boa mphahamisa.+

37 U etsetsa mehato ea ka tsela e bulehileng,

Maoto* a ka a ke ke a thella.+

38 Ke tla lelekisa lira tsa ka ’me ke li felise,

Nke ke ka khutla ho fihlela li felisitsoe.

40 U tla etsa hore ke be le matla bakeng sa ntoa,+

U tla etsa hore lira tsa ka li oele ka tlas’a ka.+

41 U tla etsa hore lira tsa ka li mpalehe,+

Ke tla felisa* ba ntlhoileng.+

42 Baa lla ba kopa thuso empa ha ho na motho ea ba pholosang,

Ba llela le ho Jehova empa ha a ba arabe.+

43 Ke tla ba sila hore ba be joaloka lerole la lefatše,

Ke tla ba silakanya ke ba hatakele joaloka seretse seterateng.