29 Motho ea satalatsang molala ka mor’a ho khalemeloa ka makhetlo+
O tla tsoa kotsi ’me a ke ke a fola.+
2 Ha batho ba lokileng ba le bangata, sechaba sea thaba
Empa ha ho busa motho ea khopo, sechaba sea lla.+
3 Motho ea ratang ho ba bohlale o thabisa ntate oa hae+
Empa ea iketsang motsoalle oa matekatse o senya maruo.+
4 Morena o tsitsisa puso ea hae ka toka+
Empa motho ea batlang tjotjo oa e liha.
5 Monna ea rorisang motsoalle oa hae ho tlola
O chehela maoto a motsoalle oa hae leraba.+
6 Motho ea khopo o tšoasoa ke phoso ea hae+
Empa ea lokileng o hoeletsa ka thabo le ho nyakalla.+
7 Motho ea lokileng o amehile ka litokelo tsa bafutsana+
Empa ea khopo ha a ba tsotelle.+
8 Batho ba ithorisang ba chesa motse+
Empa ba bohlale ba leleka bohale.+
9 Ha motho ea bohlale a entse khang le leoatla,
Ba tla qoaketsana, ba somane empa ba ke ke ba khotsofala.+
10 Batho ba ratang ho bolaea ba hloile mang kapa mang ea se nang molato,+
Ba batla ho bolaea batho ba lokileng.
11 Motho ea se nang kelello o ntša khalefo ea hae+
Empa motho ea bohlale oa e laola.+
12 Ha ’musi a mamela mashano,
Bahlanka ba hae kaofela ba tla ba khopo.+
13 Mofutsana le mohatelli ba tšoana ka ntho ena:
Jehova o ba fa bophelo ba le babeli.
14 Ha morena a ahlola bafutsana ka toka,+
Terone ea hae e tla lula e tiile.+
15 Thupa le khalemelo lia hlalefisa+
Empa ngoana ea sa khalemeloeng o hlabisa ’mè oa hae lihlong.
16 Ha batho ba khopo ba ngatafala, bokhopo boa eketseha
Empa ba lokileng ba tla ba bona ha ba oa.+
17 Khalemela mora oa hao ’me o tla u tlisetsa phomolo,
O tla u thabisa haholo.+
18 Moo ho se nang pono batho ha ba laolehe+
Empa ho thaba ba mamelang molao.+
19 Mohlanka a ke ke a khalemeloa ka mantsoe feela
Hobane le hoja a utloisisa, ha a mamele.+
20 Na u kile oa bona motho ea potlakelang ho bua?+
Ho na le tšepo ea hore motho ea se nang kelello a ka fetoha ho feta hore eena a fetohe.+
21 Haeba mohlanka a tefisoa ho tloha a sa le mocha,
Hamorao e tla ba motho ea se nang teboho.
22 Motho ea bohale o baka liqabang.+
Mang kapa mang ea ratang ho halefa o etsa liphoso tse ngata.+
23 Boikhohomoso ba motho bo tla mo kokobetsa+
Empa ea ikokobelitseng o tla rorisoa.+
24 Motsoalle oa lesholu o itlhoile.
A ka ’na a laeloa hore a fane ka bopaki empa ha a tlalehe letho.+
25 Ho tšaba batho ke leraba+
Empa ea tšepang Jehova o tla sireletsoa.+
26 Batho ba bangata ba batla ho ratoa ke ’musi
Empa toka e tsoa ho Jehova.+
27 Batho ba lokileng ba nyonya motho ea se nang toka+
Empa motho ea khopo o nyonya batho ba etsang lintho tse lokileng.+