Motho o Etsisa Tsela ea ’Mōpi ea ho Bōpa

Ho tla joang hore ebe tleloubu ea lebone la motlakase e bosesaane ba pampiri e khona ho mamella khatello ea ha e kenngoa leboneng ka ho petelletsoa kapa ho sothelloa ho lona? Ho latela buka ea How in the World?, seo se etsoa ke tsela eo tleloubu e bōpehileng ka eona, e leng “sebōpeho sa khaketla ea lehe.” Le hoja khaketla ea lehe e le tšesaane haholo, mahe ha a pshatloe ke boima ba khoho ea sethole ha e lutse holim’a ’ona ho a fuama. Sena se etsoa ke hore sebōpeho sa lehe se na le matla a mamellang khatello. (Khaketla e tenya e ka ’na ea se lumelle tsuonyana ho e pshatla ha e qhotsoa.) Ho etsisitsoe tsela ea ’Mōpi ea ho bōpa, tleloubu ea lebone e na le sebōpeho se chitja e le hore ha e tšoeroe, khatello e “lebe nģa tsohle ho pota khalase ho tloha moo e tšoeroeng le teng.” Ka tsela eo, joaloka lehe feela, khatello e matla ha e be sebakeng se le seng, ’me tleloubu ha e pshatlehe. Motho o ithutile ho hongata hakaakang ka ho hlahloba pōpo!