Maele a Bohlale

“U se ke ua furalla motsoalle oa hao, leha e le motsoalle oa ntat’ao; ’me u lese ho ea ha ngoan’eno mohla u leng tsietsing. Eo le ahisaneng hammoho le eena o feta ngoan’eno ea leng hole.”—Liprov. 27:10.

Maele ana a Bibele a phahamisa bohlokoa ba ho ba le motsoalle oa ’nete le hore u be eena, haholo nakong ea tsietsi. Pele, a sebetsana le hore uena u be le motsoalle ea joalo. Mohla tlokotsi kapa koluoa, u se ke ua “furalla” kapa oa lahla bao e bileng metsoalle ea hao, kapa metsoalle ea lelapa leno. U se ke ua ba “motsoalle oa ha ho le monate feela,” ea iketsang ea sieo ha a hlile a hlokahala. Nahana, he, ha litaba li phethoha. Mohla tsietsi, ho e-na le ho tsamaea u e-ea hole ho ea ha ngoan’eno ka nama ho bona hore na a ka thusa, ho molemo ho ba le motsoalle ea haufi ea loketseng, le ea ithaopelang ho u thusa. Joalokaha maele a mang a ho bolela, “Motsoalle e mong o’a khomarele motho ho fetisa ngoan’abo motho.”—Liprov. 18:24.